Kapiteni i Sunderlandit, Granit Xhaka, pësoi një goditje të rëndë pasi u detyrua të largohej nga fusha për shkak të një lëndimi në pulpë, vetëm pesë minuta pas fillimit të ndeshjes ndaj Chelseat në Ligën Premier.
Mesfushori zviceran ndjeu shqetësime fizike në minutat e para të takimit të së dielës, duke e detyruar trajnerin e Sunderlandit të bënte një ndryshim të hershëm taktik.
Sezoni aktual ka qenë zhgënjyes për Xhakën në aspektin fizik, pasi veterani ka vuajtur vazhdimisht nga problemet me lëndime dhe nuk ka arritur të ruajë vazhdimësinë e paraqitjeve të tij.
Lëndimi merr vëmendje të veçantë edhe për shkak të interesimit të mëparshëm të Chelseat për shërbimet e tij. Klubi londinez kishte tentuar ta transferonte Xhakën gjatë verës së kaluar, në kohën kur Xabi Alonso ishte trajner.
Tani Sunderlandin e pret një periudhë ankthi, pasi duhet të presë ekzaminimet mjekësore për të kuptuar shkallën e saktë të lëndimit të kapitenit të tij.
Tani, gjasat janë reale që Xhaka t’i humbë edhe dy ndeshjet e Zvicrës për muajin nëntor në kuadër të Ligës së Kombeve./Telegrafi/