Papa Leo ka bërë të ditur se ka vendosur të votojë përmes postës në zgjedhjet e mesmandatit në Shtetet e Bashkuara të Amerikës, në atë që konsiderohet një rast historik për një udhëheqës të Kishës Katolike.
Papa i parë i lindur në SHBA tha të premten se ndihet krenar që është shtetas amerikan dhe se dëshiron ta përmbushë detyrimin e tij qytetar.
“Jam krenar që jam amerikan dhe që e ushtroj këtë të drejtë”, tha Leo për një gazetar në bordin e avionit që po e transportonte nga Roma drejt Uruguait, ku po nis një vizitë 12-ditore në Amerikën e Jugut.
Leo, i lindur në Çikago me emrin Robert Prevost, besohet të jetë Papa i parë që voton në një zgjedhje laike gjatë kohës që mban këtë post.
Paraardhësit e tij, përfshirë Papa Françeskun, i cili ishte me origjinë nga Argjentina, kishin zgjedhur të mos merrnin pjesë në procese të tilla zgjedhore.
Zyrtarët lokalë në kontenë Will, në jug të Çikagos, kishin konfirmuar javën e kaluar se Papa kishte kërkuar një fletëvotim përmes postës për zgjedhjet e mesmandatit.
Ndërkaq, Vatikani, më 30 tetor, kishte bërë të ditur se Papa beson në të drejtën dhe detyrimin e qytetarëve për të marrë pjesë në proceset demokratike.
Burimi: Dukagjini