Julian Alvarez zbulon porosinë e babait që e ndjek edhe sot: Pa tatuazhe, cigare e alkool

Julian Alvarez zbulon porosinë e babait që e ndjek edhe sot: Pa tatuazhe, cigare e alkool

Written by

in

Julian Alvarez zbulon porosinë e babait që e ndjek edhe sot: Pa tatuazhe, cigare e alkool

Sulmuesi argjentinas, Julian Alvarez, ka treguar arsyen pse nuk ka asnjë tatuazh në trup, ndryshe nga shumë prej bashkëlojtarëve të tij në futboll.

Ai ka zbuluar se kjo lidhet me këshillat që kishte marrë nga babai i tij gjatë fëmijërisë, i cili i kishte porositur fëmijët e familjes të qëndronin larg tatuazheve, cigareve dhe alkoolit.

Alvarez tregoi se një ditë, gjatë grumbullimit me Përfaqësuesen e Argjentinës, dikush kishte vërejtur se ai ishte i vetmi lojtar pa tatuazhe.

“Një ditë, në Kombëtaren e Argjentinës, dikush vuri re se isha i vetmi lojtar që nuk kishte tatuazhe. Nuk e bëj këtë për të qenë ndryshe. Kur isha fëmijë, babai na thoshte: ‘Pa tatuazhe, pa cigare dhe pa alkool’”, rrëfeu futbollisti.

Ai shtoi se tashmë, si i rritur, secili është i lirë të vendosë për veten, por personalisht nuk e ndien nevojën për të bërë tatuazhe.

Sinjali – aty ku e vërteta flet para lajmit!

/GazetaSinjali/

Burimi: Sinjali