Kombëtarja e Kosovës U19 është mposhtur me rezultat 2-0 nga Belgjika në ndeshjen e para të kualifikimeve për Euro 2027.
Dardanët e rinj të udhëhequr nga Albert Bunjaku kanë humbur ndeshjen e parë në Grupin A2, aty ku përveç Belgjikës janë edhe Skocia dhe Kazakistani.
Pjesa e parë e ndeshjes u karakterizua me lojë më të mirë të belgëve, por shifrat mbeten të pandryshuar në 45 minutat e parë.
Rasti më i mirë i kësaj pjese ishte ai i Mohammed El Adfaoui (10’), i cili e humbi penalltinë dhe ekipet shkuan në pushim baras 0-0.
Në pjesën e dytë, Kosova luajti më mirë se në të parën, por belgët ishin më konkret duke arritur t’i shënojnë dy gola.
Goli i parë i ndeshjes erdhi me anë të Naim Amengai (47’), i cili shënoi për 1-0, ndërsa Jessie Da Silva (49’) u përkujdes për epërsinë 2-0, e cila mbeti deri në fund edhe përkundër disa rasteve nga të dyja kombëtaret.
Pas kësaj humbje, Kosova U19 do të luajë ndaj Skocisë më 14 nentor dhe Kazakistanit më 17 nëntor, me të gjitha ndeshjet që luhen në Skoci. /Telegrafi/