Real Madridi e ka mbyllur pjesën e parë në epërsi 1-0 ndaj Barcelonës, në El Clásico, falë golit të Kylian Mbappes në minutën e 41-të.
Ndeshja nisi me raste nga të dyja skuadrat. Barcelona rrezikoi përmes Anthony Gordonit dhe Raphinhas, por portieri Andriy Lunin reagoi mirë në disa raste.
Në anën tjetër, Real Madridi pati mundësi përmes Arda Gülerit dhe Mbappes, para se ky i fundit të realizonte golin e epërsisë.
Sulmuesi francez Mbappe përfitoi në minutën e 41-të, nga një top i mbetur brenda zonës së rreptësisë dhe me një goditje të saktë e dërgoi topin në rrjetë, duke i dhënë epërsinë madrilenëve.
Rasti më i mirë i Barcelonës në fund të pjesës së parë i takoi Lamine Yamalit, i cili në minutën e 44-të shpërdoroi një mundësi të artë nga afërsia, duke e dërguar topin ngushtë jashtë shtyllës së djathtë.
Barcelona u përball edhe me një shqetësim në minutën e 30-të, kur Xavi Espart u detyrua të largohej për shkak të lëndimit, duke ia lënë vendin Alejandro Baldes. /Telegrafi/