Më shumë se 50 milionë qytetarë amerikanë kanë votuar tashmë në zgjedhjet që mbahen të martën, qoftë përmes votimit të hershëm në qendrat e votimit, apo duke dërguar fletëvotimet me postë.
Ndërkohë, kandidatët po zhvillojnë aktivitetet e fundit të fushatave në mbarë vendin, në përpjekje për të siguruar sa më shumë mbështetje para ditës së zgjedhjeve.
Presidenti amerikan, Donald Trump, ka mbajtur tubime pothuajse çdo ditë gjatë këtij muaji, duke u angazhuar në mobilizimin e votuesve republikanë.
Sipas CNN-it, Trump këtë të shtunë ka ndaluar fillimisht në fushën e tij të golfit në Daytona Beach të Floridës, ndërsa gjatë pasdites pritet të zhvillojë gjashtë tubime virtuale përmes telefonit.
Të dielën, ai do të udhëtojë drejt Iowa-s dhe Kansasit, në kuadër të aktiviteteve përmbyllëse të fushatës.
Zgjedhjet e së martës po afrohen, ndërsa miliona amerikanë tashmë e kanë shfrytëzuar të drejtën e tyre për të votuar paraprakisht.
Sinjali – aty ku e vërteta flet para lajmit!
Burimi: Sinjali