Kryesia e Kuvendit të Kosovës do të mblidhet të hënën në orën 11:00.
Sipas rendit të ditës, në këtë mbledhje do të shqyrtohet propozimi për rendin e ditës së seancës plenare të radhës.
Në mesin e pikave të parapara janë përzgjedhja e dy anëtarëve joekzekutivë të Bordit të Bankës Qendrore të Republikës së Kosovës, formimi i Komisionit Ad-Hoc për përzgjedhjen e anëtarëve të Bordit të Radiotelevizionit të Kosovës, si dhe propozimi i Grupit Parlamentar të Listës Serbe për emërimin e deputetëve në komisionet parlamentare.
Po ashtu, Kryesia do të shqyrtojë miratimin e procesverbalit të mbledhjes së mëparshme dhe propozimet e kërkesat e tjera.
Burimi: Dukagjini