Real Madridi ka nisur të monitorojë Johan Manzambin, mesfushorin ofensiv të Aston Villës, për afatin kalimtar të dimrit.
Plani për transferimet e ardhshme të Real Madridit është të vazhdojë rinovimin e pozitave kyçe dhe t’i ofrojë më shumë alternativa Mourinhos.
Sipas Football Insider, Florentino Perez e sheh reprezentuesin zviceran të Aston Villës si një alternativë strategjike, në pritje të largimeve të pritshme të Brahim Diazit dhe Rodrygos, lojtarë që nuk bëjnë pjesë në planet e Mourinhos për sezonin e ardhshëm.
Sulmuesi 21-vjeçar iu bashkua Ligës Premier nga Freiburgu në korrik të vitit 2026, për një shumë bazë transferimi prej 60 milionë eurosh, e cila me bonuse mund të arrijë deri në 70 milionë euro.
Në gjashtë ndeshjet e para nën drejtimin e Unai Emeryt, lojtari ka shënuar tre gola dhe ka dhënë dy asistime. Këtyre u shtohen edhe tre gola dhe dy asistime në katër paraqitje gjatë Kupës së Botës 2026, ku ai arriti deri në çerekfinale me Zvicrën.
Në skemën taktike të Mourinhos, transferimi i futbollistit zviceran do të sillte një profil të mesfushorit qendror ose ofensiv, me aftësi për të përparuar me topin, për të depërtuar në linjat kundërshtare dhe për të hyrë në zonën e kundërshtarit nga pozita më të tërhequra.
Kjo do t’i ofronte Real Madridit më shumë alternativa taktike në tranzicionet e shpejta.
Ardhja e mesfushorit do të ndihmonte në mbushjen e boshllëkut që do të linin Brahim Diaz dhe Rodrygo në krahun e djathtë ose në pozitën e mesfushorit ofensiv, duke plotësuar punën e lojtarëve si Jude Bellingham dhe Arda Guler./Telegrafi/