Kryetari i Komunës së Kamenicës, Kadri Rahimaj, ka njoftuar se janë përfunduar procedurat administrative dhe është nënshkruar kontrata e re për asfaltimin e rrugëve lokale në këtë komunë.
Sipas njoftimit të Rahimajt, vlera e kontratës është 859 mijë e 999.98 euro, ndërsa projekti përfshin gjithsej 6 mijë e 512 metra rrugë.
Në kuadër të këtij projekti parashihet asfaltimi i 53 rrugëve në Kamenicë, Koretin, Petrit, Topanicë, Busavatë, Berivojcë dhe Hogosht.
Kontrata ka afat realizimi prej 12 muajsh.
Rahimaj ka uruar për realizimin e projektit, duke shprehur shpresën që punimet të përfundojnë me sukses dhe të sjellin përmirësime në infrastrukturën rrugore për banorët e këtyre lokaliteteve. /Telegrafi/