Sipas aktakuzës, të dyshuarit dyshohet se kanë mbledhur dhe përcjellë te BIA informacione e materiale për UÇK-në, komandantët e saj dhe institucionet e sigurisë në Kosovë. Shabani ishte arrestuar më 5 qershor 2024, ndërsa Qerimi akuzohet edhe për armëmbajtje pa leje, për të cilën është deklaruar fajtor.
Gjykimi nisi nga fillimi më 9 tetor, pas ndryshimit të trupit gjykues, për shkak të pensionimit të afërt të gjyqtarit Vesel Ismajli. Në atë seancë, të dy të akuzuarit u deklaruan sërish të pafajshëm për spiunazh.
Prokurori Kodraliu ka deklaruar se provat do të dëshmojnë bashkëpunimin e tyre me BIA-n, duke përmendur edhe dyshimin se Shabani kishte tentuar ta lidhte spitalin ushtarak të UÇK-së në Mollopolc të Shtimes me të ashtuquajturën “Shtëpia e Verdhë”. Të akuzuarit konsiderohen të pafajshëm derisa fajësia të vërtetohet me vendim gjyqësor.
Burimi: RTKLive