Blog

  • Shqipëria hap rrugën ligjore për mishin e prodhuar në laborator, tregtimi mund të nisë pas vitit 2028

    Shqipëria hap rrugën ligjore për mishin e prodhuar në laborator, tregtimi mund të nisë pas vitit 2028

    Shqipëria hap rrugën ligjore për mishin e prodhuar në laborator, tregtimi mund të nisë pas vitit 2028

    Mishi i prodhuar në laborator, përmes kultivimit të qelizave shtazore, mund të hyjë në të ardhmen edhe në tregun shqiptar. Qeveria ka përgatitur një projektligj të ri për ushqimin, i cili krijon bazën ligjore për autorizimin dhe tregtimin e produkteve ushqimore të prodhuara me teknologji të reja.

    Projektligji “Për ushqimin”, i shqyrtuar nga Skyweb.al,përfshin për herë të parë në mënyrë të shprehur në këtë kuadër ligjor ushqimet e prodhuara nga kultura qelizore ose indore të përftuara nga kafshët, duke hapur mundësinë e tregtimit të mishit të kultivuar në laborator.

    Bëhet fjalë për një teknologji që mundëson prodhimin e mishit pa pasur nevojë për therjen e kafshës. Procesi nis me marrjen e qelizave shtazore, të cilat shumëzohen në kushte të kontrolluara, duke përdorur një mjedis të posaçëm me lëndë ushqyese.

    Ndryshe nga alternativat bimore të mishit, të prodhuara nga soja apo bizelet, produkti i kultivuar në laborator përftohet nga qeliza reale të kafshëve.

    Neni 31 i projektligjit i klasifikon këto produkte në kategorinë e “ushqimeve të reja”, së bashku me ushqimet e prodhuara nga mikroorganizmat, kërpudhat, algat dhe materialet e projektuara në shkallë nanometrike.

    Por si do të mund të hyjë mishi i laboratorit në Shqipëri?

    Sipas nenit 32, produktet ushqimore të reja që janë autorizuar në Bashkimin Evropian dhe janë përfshirë në listat përkatëse të produkteve të lejuara nuk do të kenë nevojë të marrin një autorizim të dytë në Shqipëri.

    Në këto raste, autoritetet shqiptare do të verifikojnë nëse produkti është miratuar në BE dhe nëse përmbush kushtet e autorizimit evropian.

    Verifikimi do të kryhet përmes një procedure të thjeshtuar nga një komision i posaçëm, i cili do të konfirmojë mundësinë e vendosjes së produktit në tregun shqiptar.

    Projektligji parashikon gjithashtu një mekanizëm për produktet e reja ushqimore që synohet të prodhohen në Shqipëri, por që nuk mbulohen nga një autorizim i vlefshëm evropian.

    Në këto raste, prodhimi dhe tregtimi do të lejohen vetëm pas marrjes së një autorizimi kombëtar, të mbështetur në vlerësimin shkencor të sigurisë së produktit dhe në përputhjen me kriteret përkatëse evropiane.

    Për këtë qëllim, ligji parashikon ngritjen e Komisionit për Autorizimin për Vendosjen në Treg të Produkteve, me pesë anëtarë, tre nga ministria përgjegjëse për ushqimin dhe dy nga autoriteti kompetent.

    Komisioni do të ketë kompetencën të japë, ndryshojë, pezullojë ose revokojë autorizimet kombëtare, duke marrë në konsideratë edhe vlerësimet shkencore të riskut.

    Kur mund të fillojë tregtimi?

    Sipas projektligjit, dispozitat që rregullojnë ushqimet e reja dhe autorizimin e tyre do të fillojnë të zbatohen më 1 gusht 2028, nëse ligji miratohet me formulimin aktual.

    Kjo datë nuk përfaqëson nisjen automatike të shitjes së mishit të prodhuar në laborator. Futja e tij në treg do të varet nga ekzistenca e një autorizimi të vlefshëm dhe përmbushja e kërkesave të sigurisë ushqimore.

    Ndërkohë, pjesa tjetër e ligjit të ri parashikohet të fillojë zbatimin më 1 gusht 2027, duke zëvendësuar kuadrin aktual ligjor për ushqimin.

    Nisma është pjesë e përafrimit të legjislacionit shqiptar me standardet e Bashkimit Evropian dhe synon të krijojë rregulla për teknologjitë ushqimore që po zhvillohen në tregun ndërkombëtar.

    Kështu, megjithëse tregtimi i mishit të kultivuar nuk autorizohet automatikisht, projektligji krijon mekanizmin juridik përmes të cilit produkte të tilla mund të prodhohen ose të vendosen në tregun shqiptar në të ardhmen.

    Burimi: Insajderi

  • Çitaku: Ndryshimet në Ligjin për Specialen tashmë janë nismë shtetërore

    Çitaku: Ndryshimet në Ligjin për Specialen tashmë janë nismë shtetërore

    Ushtruesja e detyrës së kryetares së PDK-së, Vlora Çitaku, ka bërë të ditur se nisma për ndryshimin e Ligjit për Gjykatën Speciale tashmë ka marrë karakter shtetëror, duke mos qenë më vetëm iniciativë e kësaj partie.

    Burimi: Dukagjini

  • Kurti ‘sulmon’ Komunën e Prishtinës: Ka mungesë uniteti, por jam optimist i përmbajtur për Lojërat Mesdhetare

    Kurti ‘sulmon’ Komunën e Prishtinës: Ka mungesë uniteti, por jam optimist i përmbajtur për Lojërat Mesdhetare

    Kryeministri i Kosovës, Albin Kurti, ka thënë se vazhdon të jetë optimist për organizimin e Lojërave Mesdhetare “Prishtina 2030”, por ka pranuar se ekzistojnë shqetësime për realizimin e këtij projekti, për shkak të mungesës së unitetit dhe bashkëpunimit ndërmjet institucioneve.

    Duke folur në Kuvendin e Kosovës, ku po diskutohet për situatën e krijuar rreth organizimit të kësaj ngjarjeje të madhe sportive, Kurti ka kritikuar Komunën e Prishtinës për mungesë bashkëpunimi, ndërsa ka vlerësuar pozitivisht komunikimin me Komitetin Olimpik të Kosovës (KOK).

    Ai ka thënë se mungesa e unitetit të brendshëm e ka sjellë vendin në situatën aktuale, ku tashmë është vënë në pikëpyetje organizimi i Lojërave Mesdhetare.

    “Ne duhet të jemi unik për këtë gjë dhe kjo mungesë e unitetit të brendshëm na ka sjellë në këtë pikë ku edhe po rrezikohet organizimi i Lojërave Mesdhetare 2030. Unë vazhdoj të jem optimist, por natyrisht jam optimist i përmbajtur për shkak se kush bën mirë nuk e ka të lehtë të bashkëpunojë me dikë që e bën të kundërtën dhe në këtë aspekt, bashkëpunimi e komunikimi ynë me Komitetin Olimpik të Kosovës ka qenë tejet i mirë, por kjo nuk mund të thuhet edhe për Komunën e Prishtinës prandaj edhe ndodhemi në këtë situatë”.

    “Është fitore e madhe që ne e kemi marr përgjegjësinë në organizmin e Lojërave Mesdhetare, dhjetë komuna të Kosovës bashkë edhe me një komunë në Shqipëri, përkatësisht Durrësin dhe në anën tjetër planifikimi për investime, libri me të cilin kemi aplikuar e kemi fituar, duhet të zbatohet në plotni. Këtu ka pasur dallime e mospajtime ka edhe mosbesime dhe kjo është situata në të cilën ndodhemi. Do ta bëjmë më të mirën e mundshme, pra do ta bëjmë me çdo kush pa korrupsion, kjo është tejet e rëndësishme për ne “, tha Kurti.

    Lojërat Mesdhetare “Prishtina 2030” janë paraparë të mbahen nga 24 korriku deri më 4 gusht 2030, ndërsa organizimi i tyre është një prej projekteve më të rëndësishme sportive për Kosovën. Përveç Prishtinës, në organizim janë të përfshira edhe dhjetë komuna të tjera të Kosovës, si dhe Durrësi i Shqipërisë, ku parashihet të zhvillohen garat e sportit të lundrimit.

    Megjithatë, projekti është përballur me vështirësi dhe mosmarrëveshje ndërmjet institucioneve përgjegjëse, duke ngritur shqetësime për përmbushjen e obligimeve organizative dhe financiare para Komitetit Ndërkombëtar të Lojërave Mesdhetare. /Kosovapress/

  • Pas takimit me Kurtin, Çitaku kërkon falje dhe zotohet se iniciativën për Specialen do ta çojë deri në fund

    Pas takimit me Kurtin, Çitaku kërkon falje dhe zotohet se iniciativën për Specialen do ta çojë deri në fund

    Ushtruesja e detyrës së kryetares së Partisë Demokratike të Kosovës (PDK), Vlora Çitaku, ka bërë të ditur se është dakorduar me kryeministrin Albin Kurti për vazhdimin e iniciativës ligjore për Dhomat e Specializuara të Kosovës.

    Pas takimit me Kurtin, Çitaku ka njoftuar se palët janë pajtuar që gjatë javës së ardhshme të vazhdojnë procedurat për një iniciativë të re ligjore.

    “Në takim me kryeministrin Albin Kurtin, kryetarin e Lëvizjes Vetëvendosje, u dakorduam që në javën e ardhshme të vazhdojmë iniciativën e re ligjore për Dhomat e Specializuara”, tha Çitaku, raporton Telegrafi.

    Ajo bëri të ditur se projektligji do të bazohet në tekstin që Kuvendi i Kosovës e kishte miratuar në dy lexime në tetor, ndërsa do të përfshihen ndryshimet e nevojshme për ta bërë atë më të qëndrueshëm juridikisht.

    “Projektligji do të ketë për bazë tekstin që Kuvendi i Kosovës e miratoi në dy lexime në tetor. Mbi atë tekst do të bëjmë ndryshimet e nevojshme, për ta bërë ligjin më të qëndrueshëm juridikisht dhe për t’u dhënë çlirimtarëve tanë mbështetje shtetërore”, u shpreh ajo.

    Çitaku theksoi se me Kurtin kanë pasur pajtim për përmbajtjen e ligjit dhe ndryshimet që duhet të bëhen, ndërsa dallimet kanë qenë rreth procedurave parlamentare.

    “Me zotëri Kurtin jemi pajtuar për përmbajtjen e ligjit dhe për ndryshimet që duhet bërë. Dallimet kanë qenë te procedurat parlamentare. Si rezultat, sot u pajtuam për rrugën që do ta ndjekim, me propozime konkrete, me propozimet e ekspertëve”, deklaroi Çitaku.

    Në fund, ushtruesja e detyrës së kryetares së PDK-së kërkoi ndjesë për vonesat dhe paqartësitë gjatë këtij procesi, duke u zotuar se iniciativa do të përfundojë.

    “U drejtohem atyre që e kanë ndjekur këtë proces me shqetësim. I pranoj kritikat për mënyrën se si kemi ecur deri më sot. Në emër të bashkëpartiakëve të mi, u kërkoj ndjesë të gjithë atyre që për shkak të vonesave dhe paqartësive u shqetësuan sinqerisht se kjo nismë mund të mbetej përgjysmë. Sot u jap zotimin tim se këtë proces do ta çojmë deri në fund”, shtoi Çitaku. /Telegrafi/

  • Citaku: Special Initiative to Come to the End

    Kosovo Democratic Party of Kosovo leader Vlora Citaku’s task has provided clarifications concerning the postponement of today’s Assembly session, in which the Law for the Special Court was envisioned.

    Source Layer: Dukeagini

  • Çitaku: Nisma për Specialen do të çohet deri në fund

    Çitaku: Nisma për Specialen do të çohet deri në fund

    Ushtruesja e detyrës së kryetares së Partisë Demokratike të Kosovës, Vlora Çitaku, ka dhënë sqarime lidhur me shtyrjen e seancës së sotme të Kuvendit, në të cilën ishte paraparë të shqyrtohej Ligji për Gjykatën Speciale.

    Burimi: Dukagjini

  • “ family is for weddingsR Musliu asks Kurt: Do you feel that way today?

    DPDK’s exclusive, Ganimete Musliu, has asked Prime Minister Albin Kurti if he continues to stand behind his statement years ago that relatives and family members are for weddings, not institutions.

    My real question to you is: Musliu asked. I did. tv

    In response, Kurti said the statement then continues to stand back.

    You’ve cut the statement simply, but I stand behind it. Fighting corruption and nepotism without any compromise, Kurti replied. /Klankosova. tv

  • "Familjarët janë për dasma", Musliu e pyet Kurtin: A mendon edhe sot ashtu?

    “Familjarët janë për dasma”, Musliu e pyet Kurtin: A mendon edhe sot ashtu?

    "Familjarët janë për dasma", Musliu e pyet Kurtin: A mendon edhe sot ashtu?

    Deputetja e PDK-së, Ganimete Musliu, e ka pyetur kryeministrin Albin Kurti, nëse vazhdon të qëndrojë prapa deklaratës së tij para disa vitesh se farefisi dhe familjarët janë për dasma e jo për institucione.

    “Pyetja ime konkrete për ju është: A mendoni edhe sot ashtu?”, e pyeti Musliu, raporton Klankosova.tv

    Në përgjigje, Kurti tha se deklaratës së atëhershme vazhdon t’i qëndrojë prapa.

    “Ju e keni shkurtuar deklaratën me pak fjalë, por i qëndroj prapa asaj. Luftim i korrupsionit dhe nepotizmit pa asnjë kompromis”, u përgjigj Kurti. /Klankosova.tv

  • Çitaku: Ligji i ri për Specialen tashmë s’është vetëm i PDK-së, por është nismë shtetërore

    Çitaku: Ligji i ri për Specialen tashmë s’është vetëm i PDK-së, por është nismë shtetërore

    Çitaku: Ligji i ri për Specialen tashmë s’është vetëm i PDK-së, por është nismë shtetërore

    Vlora Çitaku, U.D. kryetare e PDK-së, në një konferencë për media foli për ndryshimet e Ligjit për Specialen.

    Ajo tha se nisma, që nisi si e PDK-së, tashmë është nismë shtetërore.

    “Kjo nismë që filloi si nismë e PDK-së, sot është nismë shtetërore, dhe unë po besoj që ky ka qenë qëllimi ynë dhe kjo ka qenë thirrja që na është bërë ditë e natë në sheshet në Prishtinë e anekënd ku jetojnë shqiptarët. Ne sigurisht që kemi vlerësuar se edhe ligji i kaluar ka qenë i rëndësishëm dhe i dobishëm, mirëpo në momentet e fundit kemi pranuar disa sugjerime konkrete nga ekspertë vendorë e ndërkombëtarë të cilët me dashamirësi, me qëllim të mirë, kanë synuar ta mbështesin këtë projekt në mënyrë që ta bëjnë më të qëndrueshëm juridikisht”, u shpreh deputetja e PDK-së, Vlora Çitaku, raporton Klankosova.tv.

    Ajo tha se përgjatë kohës sa do të zgjasë procesi i Apelit, do të ketë edhe nisma tjera tekaa shtoi  se ky është vetëm hapi i parë.

    Por, ajo tha se “do të rezervohem të flas për specifikat, sepse ky tashmë nuk është vetëm ligj i PDK-së, dhe ky fakt më gëzon shumë”.

    “Ligji që miratohet në Kuvend dhe që ka zotimin e qeverisë për zbatim, nuk mbetet vetëm një copë letër. Përveç Ligjit, ne jemi dakorduar me zotëri Kurti edhe për një varg hapash tjerë që do t’i ndërmarrim në kuadër të institucioneve. Do të rezervohem të flas për detajet dhe përmbajtjen e këtij ligji”, theksoi Çitaku.

    Ajo tha se kjo nismë e re ligjore, apo Ligji i ri, do të vijë në Kuvend javën tjetër.

  • Ligji për Specialen, Çitaku: Ndjesë për shqetësimet, po punojmë që nisma të jetë e zbatueshme

    Ligji për Specialen, Çitaku: Ndjesë për shqetësimet, po punojmë që nisma të jetë e zbatueshme

    Ligji për Specialen, Çitaku: Ndjesë për shqetësimet, po punojmë që nisma të jetë e zbatueshme

    Ushturesja e detyrës së kryetares së PDK-së, Vlora Çitaku ka dhënë sqarime shtesë pas shtyrjes së seancës së sotme ku në rend ditë ishte Ligji për Specialen.

    Në një konferencë për media, ajo ka thënë se deri në javën e ardhshme do të përgatit një draft i ri, do të ketë si përmbajtje propozimet e PDK-së, si dhe ato që do të vijnë nga ekspertët.

    Çitaku ka kërkuar ndjesë për të gjithë ata që janë shqetësuar se nisma mund të mbetet në gjysmë.

    “Tani dua t’u drejtohem atyre që e kanë ndjekur këtë proces me këtë shqetësim. I pranoj kritikat për mënyrën se si kemi ecur deri më sot, në emër të bashkëpartiakëve u kërkoj ndjesë të gjithë atyre që për shkak të vonesave dhe paqartësive u shqetësuan se kjo nismë do të mbetet në gjysmë”, ka thënë ajo.

    Çitaku është zotuar se kjo nismë do të çohet deri në fund, në mënyrë që ligji të jetë më i fortë, më i qëndrueshëm, më i zbatueshëm.

    “Grupi punues do të vazhdojë punën për përgatitjen e strategjisë për në Apel. Uniteti i shqiptarëve përe këtë çështje ka peshë historike. Këtë duhet ta dëshmojmë me punën në Kuvend dhe me mbështetjen konkrete ndaj ish-krerëve të UÇK-së. Këtë ua kemi borxh atyre dhe familjeve të tyre, këtë ia kemi borxh histroisë së vendit tonë dhe të ardhmes sonë”, ka thënë ajo. /Klankosova.tv