Blog

  • Rama: Nuk ka arsye për mospajtim, bullgarët duhet të përfshihen në kushtetutën e Maqedonisë së Veriut

    Rama: Nuk ka arsye për mospajtim, bullgarët duhet të përfshihen në kushtetutën e Maqedonisë së Veriut

    Kryeministri i Shqipërisë, Edi Rama, deklaroi se bullgarët duhet të përfshihen në Kushtetutën e Maqedonisë së Veriut.

    Ai tha se për këtë çështje nuk ka më arsye për mospajtime mes Shkupit dhe Sofjes.

    Në një intervistë për Televizionin Kombëtar Bullgar (BNT), Rama tha se përfshirja e pakicës bullgare në Kushtetutë buron nga marrëveshja mes dy vendeve, e arritur me ndërmjetësimin francez.

    I pyetur nëse vazhdon të ketë mospajtime me udhëheqjen bullgare, Rama u përgjigj se rrethanat e para tre viteve kanë qenë ndryshe.

    „Mendoj se tani nuk ka arsye për mospajtim, sepse nevoja që pakica bullgare të përfshihet në Kushtetutën e Maqedonisë është plotësisht e qartë. Kjo doli nga marrëveshja mes dy vendeve“, deklaroi Rama.

    Ndryshimet kushtetuese, që parashikojnë përfshirjen e bullgarëve mes bashkësive të njohura në Kushtetutë, janë pjesë e kompromisit të vitit 2022 për zhbllokimin e procesit të integrimit evropian të Maqedonisë së Veriut.

  • Surprizë sonte në BBVK, një artiste e njohur mban koncert para banorëve

    Surprizë sonte në BBVK, një artiste e njohur mban koncert para banorëve

    Këngëtarja e njohur shqiptare, Arta Bajrami, do të jetë sonte një nga surprizat e radhës për banorët e Big Brother VIP Kosova.

    Artistja pritet të hyjë në shtëpinë më të famshme në vend, ku do të mbajë një performancë muzikore para banorëve.

    Lajmi është bërë i ditur nga vetë produksioni i BBVK-së, përmes një postimi në rrjetet sociale, ku është zbuluar edhe arsyeja e hyrjes së këngëtares në shtëpi.

    “Arta Bajrami mban koncert në Big Brother VIP Kosova”, thuhet në postimin e BBVK-së, ku gjithashtu është bërë e ditur se performanca e artistes do të nisë nga ora 22:00.

    Mbetet të shihet se si do ta presin banorët këtë surprizë dhe cilat nga këngët e njohura të Artës do të jenë pjesë e performancës së saj.

    Kështu, nata e sotme pritet të sjellë një tjetër atmosferë në shtëpinë e BBVK-së, këtë herë nën ritmet e muzikës së artistes së njohur. /Telegrafi/

  • ​Bien sërish çmimet e naftës në bursat ndërkombëtare, por jo edhe në Kosovë

    ​Bien sërish çmimet e naftës në bursat ndërkombëtare, por jo edhe në Kosovë

    Çmimet e naftës kanë shënuar rënie të mërkurën në tregjet ndërkombëtare, si pasojë e rritjes së rezervave në Shtetet e Bashkuara të Amerikës dhe shqetësimeve për një ofertë më të madhe sesa kërkesa në tregun global.

    Megjithatë, kjo rënie nuk është reflektuar ende në çmimet e derivateve të naftës në Kosovë, ku një litër naftë në Prishtinë vazhdon të kushtojë mesatarisht 1.79 euro.

    Ky çmim ka mbetur i pandryshuar që nga 11 nëntori, sipas të dhënave të publikuara nga Ministria e Industrisë, Ndërmarrësisë, Tregtisë dhe Inovacionit (MINTI).

    Sipas raportimeve të mediave ndërkombëtare, nafta Brent, e cila shërben si referencë për tregjet evropiane, tregtohej me 93.10 dollarë për fuçi rreth orës 13:10 GMT, duke shënuar rënie prej katër centësh.

    Ndërkaq, nafta amerikane West Texas Intermediate (WTI), për dorëzim në dhjetor, ra për 1.65 dollarë, apo 1.42 për qind, duke arritur në 84.60 dollarë për fuçi.

    Të dy standardet e naftës janë në rrugën e duhur për të regjistruar rënie prej rreth 20 për qind gjatë muajit nëntor, në një periudhë kur janë shtuar eksportet nga Lindja e Mesme.

    Një nga faktorët kryesorë që po ushtron presion mbi çmimet është rritja e rezervave të naftës në SHBA.

    Sipas të dhënave të Institutit Amerikan të Naftës (API), rezervat e naftës bruto në SHBA janë rritur për 5.28 milionë fuçi gjatë javës që përfundoi më 13 nëntor.

    Gjatë së njëjtës periudhë, rezervat e benzinës janë shtuar për 5.12 milionë fuçi, ndërsa ato të distilateve, ku përfshihen nafta dizel dhe karburantet për ngrohje, janë rritur për 351 mijë fuçi.

    Këto të dhëna kanë shtuar shqetësimet e investitorëve se oferta në tregjet ndërkombëtare mund të tejkalojë kërkesën, duke ndikuar në uljen e mëtejshme të çmimeve.

    Në anën tjetër, rënia është frenuar pjesërisht nga tensionet ndërmjet Shteteve të Bashkuara dhe Iranit, si dhe nga sulmet ndaj anijeve në Ngushticën e Hormuzit, një korridor strategjik për transportin ndërkombëtar të naftës.

    Pasiguria lidhur me sigurinë e transportit detar në këtë zonë vazhdon të përbëjë një faktor rreziku për furnizimin global me energji.

    Edhe gazeta amerikane The Wall Street Journal ka raportuar se pritshmëritë për rritjen e furnizimit me naftë, shtimi i prodhimit nga vendet e OPEC+ dhe rritja e rezervave amerikane po ushtrojnë presion mbi çmimet në tregjet ndërkombëtare.

    Pavarësisht zhvillimeve në bursat ndërkombëtare, konsumatorët në Kosovë vazhdojnë të përballen me çmime të larta të derivateve të naftës.

  • In Kosovo of unprecedented progress The darkness at the Faculty of Economics, Hykmete Bajrami shows how the test was held in the light of phones

    Democratic League of Kosovo MP, at the same time professor at the Faculty of Economics in Pristina, Hykmete Bajrami, has denounced an unusual situation occurring tonight, where around 17:10 was out of electricity until she was taking the exam with master-level students.

    Through a social networking post, Bajrami has shown how they were found in the situation, accompanying him with an ironic dose of the state of electricity supply in the country.

    According to her, the students were previously taken on phones before the test began, but after dark they came up with a creative idea not to interrupt the exam.

    I had, in advance, taken all their phones. After a few minutes of waiting, the students came up with a creative idea – giving their phones randomly so that everyone could use someone else’s phone just for enlightenment, without unlocking it. This is how we continued the test!

    Also publishing images from the dark hall, it has stinged power, stressing that the view belongs to the present time rather than past periods.

    No, the picture is not postwar. It was done an hour ago on November 18, 2026, in the series of unprecedented progress!

    At the end of its response, the LDK deputy has issued an urgent call for the executive, demanding immediate measures due to the energy crisis and lack of investments in new generation capacities over the past six years.

    Over the mood, the government must urgently come to the Assembly with a concrete plan for new generation capacities. Only local production saves us from the crisis. After almost six years lost, if we don’t act now, neither citizens nor governments will soon be able to afford electricity bills and reductions will be made to our everydayity, it is over.

    The signal where the truth speaks before the news!

    /Gazeta Sinjali/

    Source Layer: Signal

  • “Në Kosovën e progresit të paparë” – Errësirë në Fakultetin Ekonomik, Hykmete Bajrami tregon si u mbajt testi nën dritën e telefonave

    “Në Kosovën e progresit të paparë” – Errësirë në Fakultetin Ekonomik, Hykmete Bajrami tregon si u mbajt testi nën dritën e telefonave

    “Në Kosovën e progresit të paparë” – Errësirë në Fakultetin Ekonomik, Hykmete Bajrami tregon si u mbajt testi nën dritën e telefonave

    Deputetja e Lidhjes Demokratike të Kosovës, njëherësh profesoreshë në Fakultetin Ekonomik në Prishtinë, Hykmete Bajrami, ka denoncuar një situatë të pazakontë të ndodhur mbrëmjen e sotme, ku rreth orës 17:10 është ndërprerë rryma derisa ajo po mbante provim me studentët e nivelit master.

    Përmes një postimi në rrjetet sociale, Bajrami ka treguar se si u gjetën në këtë situatë, duke e shoqëruar me një dozë ironie për gjendjen e furnizimit me energji elektrike në vend.

    Sipas saj, paraprakisht studentëve u ishin marrë telefonat para fillimit të testit, por pas errësirës ata dolën me një ide kreative për të mos e ndërprerë provimin.

    ”Paraprakisht ua kisha marrë të gjithëve telefonat. Pas disa minutash pritjeje, studentët erdhën me një ide kreative: t’ua shpërndaja telefonat në mënyrë të rastësishme, që secili ta përdorte telefonin e dikujt tjetër vetëm për ndriçim, pa e zhbllokuar. Kështu vazhduam testin!”, ka shkruar Bajrami.

    Duke publikuar edhe pamje nga salla e errësuar, ajo ka thumbuar pushtetin, duke theksuar se kjo pamje i takon kohës aktuale dhe jo periudhave të kaluara.

    ”Jo, fotografia nuk është e pasluftës. Është bërë para një ore me 18 nëntor 2026, në ’Kosovën e progresit të paparë’!”, ka vijuar ajo.

    Në fund të reagimit të saj, deputetja e LDK-së ka lëshuar një thirrje urgjente për ekzekutivin, duke kërkuar masa të menjëhershme për shkak të krizës energjetike dhe mungesës së investimeve në kapacitete të reja gjeneruese përgjatë gjashtë viteve të fundit.

    ”Përtej humorit, Qeveria duhet të vijë urgjentisht në Kuvend me një plan konkret për kapacitete të reja gjeneruese. Vetëm prodhimi vendor na shpëton nga kriza. Pas gati gjashtë vjetësh të humbura, nëse nuk veprojmë tash, as qytetarët e as Qeveria shumë shpejt nuk do të mund t’i përballojnë faturat e rrymës e reduktimet do na bëhen përditshmëri”, ka përfunduar ajo.

    Sinjali – aty ku e vërteta flet para lajmit!

    /GazetaSinjali/

    Burimi: Sinjali

  • Jakup Krasniqi stays with the family for seven hours. E ULEX doesn’t let other members meet

    Former Kosovo Liberation Army spokeswoman and former Parliament Speaker Jakup Krasniqi has been brought from The Hague to visit Kosovo on Wednesday. The reason for the return was a humanitarian visit, the cause of a mate’s health. He stayed for several hours at his home in Pristina, but not all family members were allowed to meet him.

    Source Layer: Dukeagini

  • Jakup Krasniqi qëndron 7 orë pranë familjes, EULEX-i s’lejonë anëtarët tjerë ta takojnë

    Jakup Krasniqi qëndron 7 orë pranë familjes, EULEX-i s’lejonë anëtarët tjerë ta takojnë

    Ish-zëdhënësi i Ushtrisë Çlirimtare të Kosovës dhe ish-kryetari i Kuvendit, Jakup Krasniqi të mërkurën është sjellë nga Haga në vizitë në Kosovë. Arsyeja e kthimit ishte për një vizitë humanitare, shkaku i gjendjes shëndetësore të bashkëshortes. Ai qëndroi për disa orë në shtëpinë e tij në Prishtinë, por jo të gjithë anëtarët e familjes u lejuan ta takojnë.

    Burimi: Dukagjini

  • Policia e nisi tenderin në qershor, pse i bleu gomat me emergjencë në nëntor? (VIDEO)

    Policia e nisi tenderin në qershor, pse i bleu gomat me emergjencë në nëntor? (VIDEO)

    Policia e nisi tenderin në qershor, pse i bleu gomat me emergjencë në nëntor? (VIDEO)

    Policia e Kosovës nënshkroi më 4 nëntor 2026 një kontratë prej 74.424 eurosh me Goma Pro për furnizimin dhe montimin e gomave dimërore, përmes negocimit pa publikim të njoftimit për kontratë.

    Para kësaj, Policia ia kishte refuzuar kompanisë tri oferta, një në tenderin e hapur dhe dy në procedurat me negocim. Refuzimi i fundit ishte bërë vetëm gjashtë ditë para shpalljes së saj fituese.

    Dokumentet e shqyrtuara nga Kiks Kosova tregojnë se furnizimi përfundoi në “emergjencë ekstreme” pas tri procedurave të anuluara. Tenderi i hapur ishte shpallur më 23 qershor, me vlerë të parashikuar prej 800 mijë eurosh, për goma verore e dimërore. Kontrata e mëparshme me Eurogomën, e lidhur nga Agjencia Qendrore e Prokurimit, parashihte të përfundonte më 9 tetor 2025.

    Në tenderin e vlerës se hapur ofertuan vetëm Goma Pro dhe BauMachine. Më 23 shtator, Policia i eliminoi të dyja, 51 ditë pas afatit të ofertimit. Goma Pro nuk kishte shënuar çmimin, prodhuesin dhe origjinën për gomën dimërore LT 265/75R16. BauMachine, sipas letrës së eliminimit, nuk iu përgjigj brenda afatit kërkesës për sqarime lidhur me katalogun dhe dokumentacionin EPREL për dy artikuj.

    Më pas, Policia kaloi në negocim për gomat dimërore. Në të dyja procedurat e tetorit ofertuan Goma Pro, BauMachine dhe Eurogoma. Me vendimin e 20 tetorit, Policia konstatoi se Goma Pro nuk kishte dorëzuar deklarata të performancës ose ateste për të gjithë artikujt. Kompania kishte paraqitur edhe garanci nga Nexen SH.P.K., por nuk kishte dëshmuar se ajo ishte distributor i prodhuesve të deklaruar.

    Në ritenderin pasues, Policia e eliminoi sërish Goma Pro më 29 tetor për mungesën e dëshmive teknike për të gjithë artikujt. BauMachine dhe Eurogoma u eliminuan sepse, sipas Policisë, edhe pas katër raundesh negocimi çmimet për njësi tejkalonin ndjeshëm vlerën e parashikuar dhe atë të tregut.

    Për negocimin përfundimtar, Policia ftoi përsëri të njëjtat tri kompani. Goma Pro fitoi me 74.424 euro. BauMachine ofroi 75.686 euro dhe u eliminua për mospërputhje në sasinë e një pozicioni. Eurogoma ofroi 84.181,12 euro, mbi vlerën e parashikuar prej 81.510 eurosh.

    Kiks Kosova ka kërkuar ofertën fituese dhe dokumentet teknike për të parë cilat dëshmi dorëzoi Goma Pro pas dy refuzimeve të tetorit. Deri në përgatitjen e artikullit, Policia nuk ka dhënë qasje në dokumentet e kërkuara.

    Krahasimi i kontratës nxjerr edhe një mospërputhje. Te pozicioni 14, aneksi teknik shënon dimensionin 225/50R16C, ndërsa lista e çmimeve 225/65R16C, me katër goma nga 78 euro. Ndërkaq, dimensioni LT 265/75R16, për të cilin kompania ishte eliminuar në shtator, nuk figuron në listën përfundimtare.

    Kontrata kornizë gjashtëmujore përmban 1.318 goma në sasi orientuese, me çmime nga 41 deri në 272 euro për copë, përfshirë TVSH-në. Prej tyre, 1.302, ose 98,8 për qind, kanë origjinë të deklaruar nga Kina.

    Megjithëse Policia e arsyetoi emergjencën me afrimin e 15 nëntorit, kontrata i jep furnizuesit deri në 30 ditë nga marrja e urdhërblerjes për dorëzim. Afati lejonte furnizim edhe pas 15 nëntorit. Urdhërblerjet dhe fletëpranimet do të tregonin kur u porositën gomat, sa u dorëzuan dhe kur i pranoi Policia. /Kiks Kosova

  • Dënimi i Thaçit dhe të tjerëve, Miftaraj: Komunikatat e Qeverisë s'i ndihmojnë ata në Hagë (VIDEO)

    Dënimi i Thaçit dhe të tjerëve, Miftaraj: Komunikatat e Qeverisë s’i ndihmojnë ata në Hagë (VIDEO)

    Dënimi i Thaçit dhe të tjerëve, Miftaraj: Komunikatat e Qeverisë s'i ndihmojnë ata në Hagë (VIDEO)

    Ehat Miftaraj nga Instituti i Kosovës për Drejtësi (KDI), në emisionin “DPT te Fidani” në Klan Kosova, ka komentuar dënimin e djeshëm të Hashim Thaçit, si dhe komunikatën e Qeverisë së Kosovës të publikuar pas këtij vendimi.

    Miftaraj vlerësoi se në këtë situatë Kosova duhet të fokusohet në komunikimin dhe angazhimin diplomatik me shtetet anëtare të Këshillit të Evropës, duke theksuar se deklaratat publike nuk mund të ndikojnë në proceset gjyqësore dhe as të zbusin dhimbjen e qytetarëve.

    “Duhet me pasë kontakte me shtetet e Këshillit Evropian. Një komunikatë s’mundet as me ju ndihmu atyre në Hagë e as me na shëru neve zemrën”, u shpreh Miftaraj.

    Ai theksoi gjithashtu se komunikatat e Qeverisë duhet të jenë të kujdesshme në përmbajtje dhe në gjuhën e përdorur, në mënyrë që të mos interpretohen si ndërhyrje në një proces gjyqësor.

    Duke folur për Gjykatën Speciale, Miftaraj e cilësoi atë si një plagë për vendin.

    “Gjykata Speciale është plagë e këtij vendi”, deklaroi ai në Klan Kosova.

    Për më shumë:

  • Nuk ju duhet pallto e re: Gjashtë modele shallesh që transformojnë çdo kombinim dimëror

    Nuk ju duhet pallto e re: Gjashtë modele shallesh që transformojnë çdo kombinim dimëror

    Nga kadifja luksoze te motivet klasike dhe gëzofi artificial, këto janë modelet që i japin veshjes finesë, karakter dhe një pamje më të kuruar

    Një pallto e thjeshtë, një pulovër e preferuar dhe një shall i zgjedhur me kujdes. Ndonjëherë mjafton kaq për të krijuar një kombinim elegant, modern dhe të menduar deri në hollësinë e fundit.

    Këtë dimër, shalli nuk është vetëm një aksesor që na mbron nga të ftohtit. Ai po merr një rol më të rëndësishëm, duke u shndërruar në elementin që i jep karakter të gjithë veshjes.

    Edhe emra të njohur të stilit, si Zoë Kravitz, Jennifer Lawrence dhe Kendall Jenner, e kanë kthyer këtë aksesor në pjesë të pandashme të paraqitjeve të tyre, duke treguar se eleganca nuk kërkon gjithmonë veshje të reja apo kombinime të ndërlikuara.

    Ndryshe nga vitet kur mbizotëronin shallat njëngjyrësh dhe ata me kuadrate, këtë sezon vëmendja është përqendruar te teksturat, motivet artistike dhe format e veçanta.

    Sipas Who What Wear, gjashtë modele dallohen veçanërisht këtë dimër.

    Shallat me motiv paisley – rikthimi i elegancës klasike

    @smythsisters

    Motivi paisley, me format karakteristike të lakuara dhe detajet dekorative, është rikthyer ndër zgjedhjet më interesante të sezonit.

    I frymëzuar nga estetika klasike, ky motiv sjell një ndjesi rafinimi, sidomos kur shfaqet në shalla mëndafshi ose leshi.

    Një shall paisley kombinohet bukur me pallto bezhë, kafe, të zeza ose gri. Është veçanërisht i përshtatshëm për ata që preferojnë veshje të thjeshta, por dëshirojnë një detaj që bie në sy.

    Shallet e ngushtë – finesë pa teprime

    Minimalistë, të gjatë dhe elegantë, shallet e ngushtë janë ndër aksesorët më interesantë të dimrit.

    Ata mund të mbështillen lehtë rreth qafës ose të lihen të bien lirshëm mbi pallto, duke krijuar një siluetë më të zgjatur.

    Modelet e gjata kombinohen veçanërisht bukur me xhaketa lëkure, pallto klasike ose kostume. Edhe pse nuk ofrojnë gjithmonë shumë ngrohtësi, janë zgjedhje elegante për ditët më të buta.

    Kadifja – një prekje luksi në veshjet e përditshme

    @lucywilliams02

    Kadifja ka aftësinë ta bëjë edhe veshjen më të thjeshtë të duket më elegante.

    Shallet prej këtij materiali, sidomos në nuanca bordo, jeshile të errët, blu nate ose të zezë, sjellin një ndjesi luksi dhe sofistikimi.

    Jennifer Lawrence ka treguar se kadifja nuk është e rezervuar vetëm për mbrëmje elegante. Një shall i tillë mund të kombinohet po aq bukur edhe me pallto të përditshme, pa pasur nevojë për shumë aksesorë.

    Maramat dhe shallet e mëdhenj me motive – elegancë me frymë vintage

    @nlmarilyn

    Të mëdhenj, të butë dhe me motive të dallueshme, këto shalle i japin veshjes karakter romantik dhe një frymë nostalgjie.

    Mund të hidhen lirshëm mbi supe, të mbështillen rreth qafës ose të vendosen mbi pallto, pothuajse si një pelerinë e hollë.

    Kendall Jenner e ka përqafuar këtë mënyrë kombinimi, duke e kthyer shallin në elementin kryesor të pamjes.

    Për një rezultat harmonik, zgjidhni motive që përmbajnë të paktën një nga ngjyrat e veshjes.

    Vjollca – ngjyra që i jep jetë gardërobës dimërore

    Mes nuancave që po dallohen këtë sezon, vjollca zë një vend të veçantë.

    Një shall në këtë ngjyrë është mënyrë e thjeshtë për të sjellë freski në gardërobë, pa ndryshuar stilin personal.

    Nga nuancat e buta të livandës deri te vjollca e thellë, mundësitë janë të shumta.

    Veçanërisht elegante duken kombinimet me pallto gri, të zeza, bezhë ose ngjyrë çokollate, ku shalli bëhet elementi më tërheqës.

    Shallet prej gëzofi artificial – elegancë me pamje luksoze

    Si vazhdim i trendit të sezonit të kaluar, shallet prej gëzofi artificial mbeten ndër aksesorët më të spikatur.

    Të butë, voluminozë dhe me pamje luksoze, ata i japin edhe palltos më të thjeshtë një elegancë të veçantë.

    Modelet në ngjyra natyrale, si krem, kafe, gri dhe e zezë, kombinohen lehtë me veshjet dimërore.

    Përveç pamjes së sofistikuar, ofrojnë edhe ngrohtësi, duke qenë zgjedhje praktike për ditët më të ftohta.

    Këtë dimër, eleganca nuk përcaktohet vetëm nga palltoja apo çizmet. Ndonjëherë, një shall me teksturën, ngjyrën ose motivin e duhur mjafton për t’i dhënë një pamje krejt tjetër veshjes që tashmë e keni në gardërobë. /Telegrafi/