Blog

  • Pse lëkura e grave dhe burrave shërohet ndryshe? Shkencëtarët zbulojnë rolin e hormoneve

    Pse lëkura e grave dhe burrave shërohet ndryshe? Shkencëtarët zbulojnë rolin e hormoneve

    Lëkura e grave dhe e burrave nuk rigjenerohet në të njëjtën mënyrë, ndërsa një rol të rëndësishëm në këtë proces luajnë hormonet seksuale.

    Ky është përfundimi i një studimi të Universitetit të Lirë të Brukselit, të publikuar në revistën shkencore Nature.

    Hulumtimi u krye kryesisht te minjtë, ndërsa disa rezultate u konfirmuan edhe në qelizat e lëkurës njerëzore të rritura në laborator.

    Studiuesit ndoqën për pesë muaj aktivitetin e qelizave staminale, të cilat janë përgjegjëse për ripërtëritjen e vazhdueshme të lëkurës.

    Rezultatet treguan se te femrat, qelizat e krijuara nga ndarja e së njëjtës qelizë priren të veprojnë në mënyrë të koordinuar, duke ndarë ose duke nisur procesin e specializimit në të njëjtën kohë. Te meshkujt, qelizat shfaqin më shumë pavarësi në ritmin e tyre të zhvillimit.

    Sipas studiuesve, testosteroni ndikon në ritmin e pjekurisë së qelizave staminale, ndërsa estrogjeni ndihmon në ndarjen dhe koordinimin e tyre.

    Eksperimentet treguan se ndryshimi i niveleve të këtyre hormoneve mund të ndryshonte edhe mënyrën se si silleshin qelizat.

    Studimi zbuloi gjithashtu se plagët në shpinën e minjve femra mbylleshin më shpejt, veçanërisht në fazat e para të shërimit. Megjithatë, nevojiten studime të mëtejshme për të kuptuar se sa zbatohen këto rezultate te njerëzit.

    Studiuesit shpresojnë që zbulimet të ndihmojnë në zhvillimin e trajtimeve që marrin parasysh dallimet biologjike mes gjinive, veçanërisht për djegiet, plagët kronike dhe rikuperimin pas operacioneve.

    Ekipi planifikon të hetojë më tej edhe lidhjen mes këtyre mekanizmave dhe zhvillimit të kancerit të lëkurës. /Telegrafi/

  • Police conduct anti-muggling action in the north

    According to the North Mitrovica Regional Police Directorate, the operation is under a court ordinance.

    In this action, Kosovo Police are co-operating with Kosovo Customs, the Kosovo Tax Administration and other relevant institutions.

    Police have announced that further details concerning the operation will be published during the day.

    Source Layer: RTKLive

  • Policia zhvillon aksion kundër kontrabandës në veri

    Policia zhvillon aksion kundër kontrabandës në veri

    Sipas Drejtorisë Rajonale të Policisë në Mitrovicën e Veriut, operacioni po zhvillohet në bazë të një urdhërese të gjykatës.

    Në këtë aksion, Policia e Kosovës është duke bashkëpunuar me Doganën e Kosovës, Administratën Tatimore të Kosovës dhe institucionet e tjera relevante.

    Policia ka bërë të ditur se detaje të tjera lidhur me operacionin do të publikohen gjatë ditës.

    Burimi: RTKLive

  • In Pristina, vaccine against seasonal flu begins

    According to the KKMF Pristina Vaccination Unit announcement, citizens should have IDs for recording data in the system. It requires birth certificates with a personal number for young children.

    The vaccine at the QKMF takes place from seven o’clock to 8:00, and at the capital’s QMF from seven o’clock to 1:30.

    Citizens may head the nearest family medicine center where the vaccination service is offered to receive the seasonal flu vaccine.

    Source Layer: RTKLive

  • Në Prishtinë nis vaksinimi kundër gripit sezonal

    Në Prishtinë nis vaksinimi kundër gripit sezonal

    Sipas njoftimit të Njësisë së Vaksinimit në QKMF Prishtinë, qytetarët duhet të kenë me vete letërnjoftimin për regjistrimin e të dhënave në sistem. Për fëmijët e vegjël kërkohet certifikata e lindjes me numrin personal.

    Vaksinimi në QKMF zhvillohet nga ora 07:00 deri në 20:00, ndërsa në QMF-të e kryeqytetit nga ora 07:00 deri në 13:30.

    Qytetarët mund t’i drejtohen qendrës më të afërt të mjekësisë familjare ku ofrohet shërbimi i vaksinimit për të marrë vaksinën kundër gripit sezonal.

    Burimi: RTKLive

  • E vrau vëllanë pas një mosmarrëveshjeje pronësore në Klinë, ngrihet aktakuzë ndaj Jetmir Jusufit

    E vrau vëllanë pas një mosmarrëveshjeje pronësore në Klinë, ngrihet aktakuzë ndaj Jetmir Jusufit

    E vrau vëllanë pas një mosmarrëveshjeje pronësore në Klinë, ngrihet aktakuzë ndaj Jetmir Jusufit

    Prokuroria Themelore në Pejë ka ngritur aktakuzë ndaj Jetmir Jusufit, i dyshuar për vrasjen e vëllait të tij, Faruk Jusufit, në fshatin Bokshiq të Klinës, më 21 mars të këtij viti.

    Sipas aktakuzës, ngjarja kishte ndodhur pas një mosmarrëveshjeje për çështje pronësore, ndërsa i pandehuri dyshohet se mori një armë zjarri nga shtëpia dhe shtiu katër herë në drejtim të vëllait të tij, i cili më pas vdiq nga plagët e marra.

    Përveç veprës penale të vrasjes së rëndë, Jetmir Jusufi akuzohet edhe për mbajtje në posedim të paautorizuar të armëve, pasi, sipas Prokurorisë, posedonte një pistoletë të kalibrit 9×19 milimetra, një karikator dhe dhjetë fishekë pa lejen përkatëse.

    Sipas Prokurorisë, viktima kishte pësuar gjakderdhje të madhe të brendshme dhe të jashtme, si pasojë e dëmtimit të arteries në këmbën e majtë. Ai kishte ndërruar jetë në Spitalin Rajonal të Pejës.

    Prokuroria ka bërë të ditur se Jusufi dyshohet se e kishte mbajtur dhe poseduar pa autorizim një pistoletë të kalibrit 9×19 milimetra, me një karikator dhe dhjetë fishekë të të njëjtit kalibër.

    Me ngritjen e aktakuzës, prokurori i shtetit i ka propozuar gjykatës që, pas shqyrtimit gjyqësor dhe administrimit të provave, të pandehurin ta shpallë fajtor dhe ta dënojë sipas ligjit.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    Burimi: Sinjali

  • “Bela me tre thela”, filmi që fundos “Titanikun e Rilindjes”

    “Bela me tre thela”, filmi që fundos “Titanikun e Rilindjes”

    Ilnisa Agolli

    Para disa javësh po shihja një emision bazik sa për të shtyrë të shtunën mbrëma dhe kuptova se gjithë jetën televizive e shkova me mediokër. Revoltat e përshkallëzuara nuk kishin nisur ende. Situata nuk ishte kaq dramatike. As protestat dhe qeveria në kulm. Në kulm, siç janë sot qindra mediokër. Që njoh dhe që shoh.

    Njëfarë tradite tutkune kjo, që Sara Mile vendosi ta thyente në fillim të javës, në një stacion të madh kombëtar. Pikërisht në atë televizion ku kryeministrin Rama ende nuk e kemi parë të drejtojë gishtin dhe të nisë marshimin e akuzave, siç bëri me “News24”.

    Natyrisht, Sara nuk do ta kishte bërë këtë nëse në median ku u shfaq, nuk do të punonin aq shumë tutkunë. Dhe, kështu, në krye të javës, partia zgjodhi ta çojë tek kryetarja e tutkunëve. Në një stacion ku qeveria nuk flet asgjë dhe kokëboshët vazhdojnë paguhen çdo muaj, ndryshe nga media tjetër që përjargu këto ditë dhe jo që vetëm nuk ndahen rroga, por organizohen edhe sulme. Kështu sikur tha.

    – Qëkur pasqyrimi i një proteste nga dita e parë u kthye në klauzolë të një lufte si ato në Lindjen e Mesme?

    – Me kë e kishte z. Rama, me Iranin apo me Irfanin?

    Sepse në këtë vend ka një zakon të çuditshëm: kur lajmi nuk të pëlqen, problemi nuk është më lajmi, por ai që e transmeton. Dhe, kur realiteti të del nga kontrolli, gjithmonë gjendet një ekran për t’ia hedhur fajin. Sakaq turma e tutkunëve që nuk ka të ndalur, ndahet në dy kategori: tutkunë dembelë dhe tutkunë të kamur.

    Elisa Spiropali i përket kategorisë së parë. Tutkunëve që shkruajnë letra dhe flasin për liri demokratike, me besimin e çuditshëm se mund të zhvishen nga statusi që u ka dhënë partia, sapo ajo fillon t’u rëndojë mbi supe. Atëherë, për të mos qenë më tutkune, Elisa zgjedh t’i kundërvihet të zotit me shkop. Ndërsa i zoti, partizan i mençur i shprehjeve popullore, e di mirë se një shkop nuk e prish shtëpinë ku është rritur.

    Në këto dy grupe tutkunësh, është edhe Erion Braçe. Por, ai ka zgjedhur rrugën më të shkurtër mesa duket. Të zhduket. Ka humbur këto ditë si ata pasagjerë që, pasi hipin në avion apo traget, i kap tmerri se mos vdesin. Dhe, në vend që të shohin nga dritarja, mbyllin sytë e presin të mbaroj udhëtimi. Sidoqoftë, në mesin e gjithë kësaj turbulence që ma rëndon përditë virozën që po kaloj, njësoj si revolta e të rinjve që shohim në ekran, më shkon mendja te Bela. Një zakon i bezdisshëm prej profesionit, një sorrolloj shqetësimi që u zhbë sapo më dërguan një video në celular. Një video me kryeveprën e Rilindjes: “Titanikun e Belës”.

    Një film pa filtër, që të kujton anijen gjigante të fundosur më 15 prill të vitit 1912, pasi u përplas me një ajsberg në Oqeanin Atlantik. Një tragjedi që e njohim të gjithë. Vetëm se në versionin shqiptar, duket se kanë ndryshuar koordinatat, personazhet dhe mbi të gjitha, kuptimi i sakrificës. Deti ynë ndodhet në bulevard. Ajsbergu është diku përpara nesh. Ndërsa anija vazhdon të lundrojë me bindjen se është e pambytshme. Dhe, ashtu si në filmin që na përloti dikur, edhe këtu në protokollin e anijes kemi një artist.

    Vetëm se këtë herë nuk ndodhet në kabinën e vogël të një vapori, por në godinën e Kryeministrisë.

    Në versionin shqiptar, Rose është Bela. Ndërsa Jacku është Edi. Një tjetër piktor, që e njeh shumë mirë fundin e historisë. Por, që në “Titanikun e Rilindjes” ka një ndryshim thelbësor. Jacku i filmit sakrifikoi veten për të shpëtuar Rosën. Ky Jacku ynë duket i gatshëm të sakrifikojë një anije të tërë, me kapiten, ekuipazh dhe pasagjerë, vetëm që Bela të dalë e paprekur në breg.

    Dhe, këtu nis e gjithë kjo tragjikomedi.

    Po kur do ta marrim vesh të vërtetën?

    Ç’thonë tutkunët në median që nuk i është drejtuar akoma gishti? A po përgatiten të flasin për dallgët, për motin, për panikun e pasagjerëve? Apo të ftojnë edhe ndonjë ekspert detarie? Po për situatën kyçe se si kapiteni, që e pa ajsbergun, nuk e ndryshoi kursin, kush do të flasë? Mund ta bëj dhe unë tani që e mendoj, por deri sa të nisë emisioni im, më mbetet vetëm një pyetje:

    A do të fundoset “Titaniku” i Belës, apo do të mbyten të gjithë të tjerët që ajo të dalë në breg? Apo ajo është Bela. Që sa për kujtesë, populli ynë ka një shprehje të bukur. Ma kujtoi ime më kur i thashë dua të bëj një shkrim për Belën dhe nuk di si ta quaj. E thjeshtë më tha: “Bela me tre thela”.

    Kishte të drejtë. Është ky i vetmi film që Edi Rama nuk ka parë ende dhe që na kursen edhe atë shprehjen e tij të famshme “E kemi parë këtë film”.

    Hë, e kishe parë?

  • Sulmet ruse vrasin shtatë persona në Ukrainë, pas takimit të të dërguarit amerikan me Putinin

    Sulmet ruse vrasin shtatë persona në Ukrainë, pas takimit të të dërguarit amerikan me Putinin

    Shtatë persona janë vrarë në Ukrainë nga sulmet ruse gjatë natës, ndërsa Rusia dhe Ukraina kanë shkëmbyer goditje pavarësisht përpjekjeve të reja diplomatike të Shteteve të Bashkuara për t’i dhënë fund luftës.

    Sulmet ndodhën pak kohë pasi i dërguari amerikan, Steve Witkoff, u takua me presidentin rus, Vladimir Putin, në Shën Petersburg, për bisedime lidhur me përfundimin e konfliktit.

    Në kryeqytetin ukrainas, Kiev, sulmet plagosën 15 persona, tetë prej të cilëve u dërguan në spital, njoftoi kryetari i bashkisë, Vitali Klitschko. Ai tha gjithashtu se infrastruktura e metrosë pranë urës Pivdenny ishte dëmtuar, duke sjellë kufizime të qarkullimit mes disa pjesëve të qytetit.

    Forcat ajrore ukrainase kishin lëshuar paralajmërime gjatë orëve të para të mëngjesit për raketa balistike që po drejtoheshin drejt Kievit, si dhe për aktivitet të avionëve luftarakë. Banorëve iu kërkua të qëndronin në strehimore.

    Të enjten në mëngjes, ushtria ukrainase njoftoi se gjatë natës kishte rrëzuar 181 dronë rusë, por paralajmëroi se disa dronë sulmues vazhdonin të ishin në ajër, transmeton Telegrafi.

    Ndërkohë, në Rusi, kryetari i bashkisë së Moskës, Sergei Sobyanin, tha se dy persona ishin plagosur gjatë valëve të sulmeve me dronë, shumica e të cilëve u interceptuan. Sipas tij, drejt rajonit të Moskës ishin nisur gjithsej 630 dronë, 163 prej tyre në drejtim të kryeqytetit.

    Pas takimit mes Putinit dhe Witkoffit, presidenti amerikan, Donald Trump, deklaroi se të dyja palët ishin “më afër se kurrë” arritjes së një marrëveshjeje për përfundimin e luftës. Megjithatë, nga bisedimet nuk u njoftua ndonjë përparim konkret.

    Kremlini tha se, në parim, ishte i gatshëm të rifillonte negociatat trepalëshe mes Rusisë, Ukrainës dhe Shteteve të Bashkuara. Bisedimet mund të zhvillohen në mesin e nëntorit, pas zgjedhjeve të ndërmjetme në SHBA.

    Edhe Ukraina ka mbështetur rifillimin e negociatave. Presidenti Volodymyr Zelensky deklaroi se Kievi dëshiron që takimi të mbahet sa më shpejt të jetë e mundur. Ndërkaq, Witkoff i cilësoi bisedimet me Putinin si “konstruktive”, por pranoi se mbetet ende “punë e rëndësishme” për t’u bërë.

    Pas takimit, Rusia ra dakord të lirojë shtetasin amerikan Stephen Hubbard, një mësues në pension, i cili ishte dënuar nga autoritetet ruse për pjesëmarrje si mercenar në luftimet në anën e Ukrainës. Hubbard i ka mohuar këto akuza.

    Trump ka shtyrë vendosjen e sanksioneve të tjera ndaj Rusisë, duke thënë se ky vendim kishte ndihmuar në sigurimin e lirimit të Hubbardit.

    Presidenti amerikan ka arritur gjithashtu një marrëveshje të re me Rusinë për shitjen e naftës dizel, me synimin për të ulur çmimet e karburanteve, të cilat janë rritur për shkak të konfliktit më të gjerë në Lindjen e Mesme. Kjo marrëveshje ka nxitur kritika nga Kievi dhe disa qeveri evropiane. /Telegrafi/

  • ARRU publikon tarifat e ujit për vitin 2027, zbatimi nis nga 1 janari

    ARRU publikon tarifat e ujit për vitin 2027, zbatimi nis nga 1 janari

    Autoriteti Rregullator për Shërbimet e Ujit (ARRU) njofton publikun për publikimin e urdhëresave tarifore për vitin 2027, të miratuara në kuadër të Procesit Tarifor 2026–2028.

    Sipas një njoftimi për media thuhet se urdhëresat përcaktojnë tarifat për shërbimet e furnizimit me ujë të pijshëm, shërbimet e ujërave të ndotura, furnizimin me ujë të trajtuar me shumicë dhe furnizimin me ujë të patrajtuar me shumicë, për shtatë Kompanitë Rajonale të Ujit (KRU) në Kosovë, si dhe për ndërmarrjen “Ibër- Lepenc”.

    Tutje në njoftim thuhet se përmes këtij procesi, ARRU vazhdon përmbushjen e mandatit të saj rregullator, duke synuar përcaktimin e tarifave të arsyeshme, transparente dhe në përputhje me nevojat e sektorit.

    “Qëllimi është të ruhet ekuilibri ndërmjet mbrojtjes së interesit të konsumatorëve, përballueshmërisë së faturave dhe mbulimit të kostove të arsyeshme të ofrimit të shërbimeve, si parakusht për funksionimin dhe zhvillimin e qëndrueshëm të ndërmarrjeve të licencuara”, thuhet në njoftim.

    “Tarifat si mekanizëm për qëndrueshmërinë e sektorit. Përcaktimi i tarifave për vitin 2027 është mbështetur në analizën e kostove të ofrimit të shërbimeve, nevojave operative dhe investuese të ofruesve, si dhe objektivave për përmirësimin e performancës së tyre. Në këtë proces janë marrë parasysh faktorët që ndikojnë në shpenzimet e ndërmarrjeve, përfshirë kostot e energjisë elektrike, mirëmbajtjen e infrastrukturës, si dhe rehabilitimin dhe zgjerimin e rrjeteve të ujësjellësit dhe kanalizimit”, thuhet në njoftim.

    Po ashtu siç thuhet në njoftim tarifat e miratuara synojnë të krijojnë kushte më të qëndrueshme për operimin e ofruesve të shërbimeve dhe përmbushjen e detyrimeve të tyre ndaj konsumatorëve.

    “Njëkohësisht, ato duhet të mbështeten në parimin që kostot e njohura nga rregullatori të jenë të arsyetuara dhe të ndërlidhura me ofrimin efikas të shërbimeve, duke mbrojtur interesin publik dhe duke shmangur ngarkesat e pajustifikuara për konsumatorët”.

    Ndërkaq, në njoftim thuhet se një aspekt i rëndësishëm i Procesit Tarifor 2026–2028 është avancimi i metodologjisë së tarifimit dhe zbatimi i parimeve që synojnë një shpërndarje më të drejtë të kostove të shërbimeve.

    “Në këtë kuadër, rëndësi të veçantë ka zbatimi i parimit ‘ndotësi paguan’, sipas të cilit kostot që lidhen me ndotjen duhet t’i atribuohen ndotësit në mënyrën e duhur, në përputhje me kuadrin rregullator dhe metodologjinë përkatëse. Ky parim synon të rrisë përgjegjësinë për ndotjen e mjedisit, të përmirësojë transparencën në përcaktimin e kostove të shërbimeve të ujërave të ndotura dhe të kontribuojë në përdorimin më të përgjegjshëm të burimeve ujore. Zbatimi i tij duhet të mbështetet në kritere të qarta tarifore, trajtim të drejtë të kategorive të konsumatorëve dhe informim të përshtatshëm të publikut”, thuhet në njoftim.

    Po ashtu në njoftim bëhet e ditur se procesi Tarifor 2026–2028 është zhvilluar përmes analizave rregullatore dhe konsultimeve me ofruesit e shërbimeve dhe palët përkatëse të interesit.

    “Kjo qasje synon të sigurojë që vendimet tarifore të mbështeten në të dhëna, nevoja të arsyetuara dhe vlerësime të qëndrueshme, duke forcuar transparencën dhe llogaridhënien në sektorin e shërbimeve të ujit”.

    Ndërkaq, siç thuhet në njoftim ARRU vlerëson se rregullimi tarifor nuk përfundon me miratimin e tarifave, por duhet të shoqërohet me monitorimin e vazhdueshëm të performancës së ofruesve, përdorimin efikas të burimeve financiare dhe përmirësimin e cilësisë së shërbimeve për konsumatorët. Për këtë arsye, zbatimi i tarifave duhet të shoqërohet me angazhim të vazhdueshëm të ndërmarrjeve për rritjen e efikasitetit operacional, mirëmbajtjen e infrastrukturës dhe përmirësimin e shërbimeve.

    Po ashtu bëhet e ditur se ARRU i kushton rëndësi informimit të drejtë dhe transparent të konsumatorëve lidhur me tarifat e miratuara dhe ndikimin e tyre në faturat mujore.

    “Për këtë qëllim, urdhëresat tarifore për vitin 2027 dhe të dhënat e detajuara për tarifat e miratuara janë në dispozicion në ueb-faqen zyrtare të ARRU-së: www.arru-rks.org. Tarifat e miratuara për vitin 2027 do të zbatohen nga 1 janari 2027, në përputhje me urdhëresat përkatëse. ARRU do të vazhdojë të ushtrojë mandatin e saj rregullator në funksion të një sektori të ujit financiarisht të qëndrueshëm, ekonomikisht efikas dhe të orientuar drejt ofrimit të shërbimeve cilësore për të gjithë konsumatorët”, thuhet në njoftim. /Telegrafi/

  • Act of grave murder in Kline, suspect charged with killing brother

    According to the prosecution’s announcement, the case occurred on March 21, 2026, about 1500, in the village of Boxup, Kline municipality, following a dispute over property issues.

    The defendant, following a property dispute between the victim and their father, allegedly took a firearm from the house and fired four times in the direction of his brother’s victim, said the prosecution’s announcement.

    As a result of the injuries received, the victim has suffered severe internal and external bleeding because of the damage to the artery to the left leg, and then passed away at Pec Regional Hospital.

    The report states that the defendant is suspected of unauthorized possession of firearms and ammunition.

    The defendant has without authorization kept and possessed a 983 mm calibre pistol, along with a clip and ten (10) bullets of the same calibre that he did not own permission from competent organs, is said to be further in the statement.

    The State Prosecutor has proposed to the competent court that, after the trial and administration of evidence, the defendant pleads guilty and sentence him by law.

    Source Layer: RTKLive