Blog

  • Arrestohet i dyshuari për mashtrim, u paraqit si punonjës i AKI-së

    Arrestohet i dyshuari për mashtrim, u paraqit si punonjës i AKI-së

    Sipas njoftimit të Policisë së Kosovës, hetuesit e Njësisë së Hetimeve të Përgjithshme në Prishtinë, në koordinim me AKI-në dhe Prokurorinë Themelore në Prishtinë, kanë zhvilluar veprime hetimore lidhur me rastin e raportuar gjatë tetorit të këtij viti.

    Pas mbledhjes së provave dhe dëshmive, më 21 tetor është arrestuar i dyshuari me inicialet D.N., i cili dyshohet se nga fillimi i vitit 2025 e deri në raportimin e rastit është paraqitur në mënyrë të rreme si punonjës i AKI-së, duke kërkuar shuma të ndryshme parash në këmbim të punësimit në këtë institucion.

    Me vendim të Prokurorit të Shtetit, të dyshuarit i është caktuar masa e ndalimit prej 48 orësh, ndërsa procedurat ligjore do të vazhdojnë në përputhje me ligjin.

    Policia e Kosovës u ka bërë thirrje qytetarëve të tregojnë kujdes ndaj personave që pretendojnë se mundësojnë punësim në institucionet publike në këmbim të parave, si dhe të raportojnë raste të tilla në organet kompetente.

    Burimi: RTKLive

  • Russia willing to resume talks with US, Ukraine on ending war

    Russia is a principle willing to resume talks with the United States and Ukraine on ending the war, Russian President Vladimir Putin’s adviser, Yuri Usakov, has declared.

    His statement comes after Putin’s meeting with US President Donald Trump’s special envoy, Steve Witkoff, in St Petersburg, Russia, reports the BBC.

    Usakov has said a new round of trilateral talks could be held next month, citing as a possible date about November 10th.

    He stressed that the talks should focus on building a security system for Russia and Ukraine after the end of the conflict.

    Ukraine has called on Moscow to resume trilateral talks immediately, which were suspended in February. Meanwhile, Usakov said the ideas presented by Witkoff after his meetings with Ukrainian President Volodymyr Zelensky, and the leaders of Norway and Finland, were not very useful.

    Senior officials from Russia, Ukraine and the US have held several rounds of talks aimed at ending the war, which began in February 2022 when Russia began its full-scale invasion of Ukraine.

    The talks were suspended as the Kremlin blamed last month’s Ukrainian attacks on targets in Russia, which it described as massive for their interruption.

    Source Layer: Dukeagini

  • Rusia e gatshme të rifillojë bisedimet me SHBA-në dhe Ukrainën për përfundimin e luftës

    Rusia e gatshme të rifillojë bisedimet me SHBA-në dhe Ukrainën për përfundimin e luftës

    Rusia është “në parim e gatshme” të rifillojë bisedimet me Shtetet e Bashkuara të Amerikës dhe Ukrainën për përfundimin e luftës, ka deklaruar këshilltari i presidentit rus, Vladimir Putin, Yuri Ushakov.

    Deklarata e tij vjen pas takimit të Putinit me të dërguarin e posaçëm të presidentit amerikan, Donald Trump, Steve Witkoff, në Shën Petersburg të Rusisë, raporton BBC.

    Ushakov ka thënë se një raund i ri i bisedimeve trepalëshe mund të mbahet muajin e ardhshëm, duke përmendur si datë të mundshme rreth 10 nëntorin.

    Ai theksoi se bisedimet duhet të përqendrohen në “ndërtimin e një sistemi sigurie për Rusinë dhe Ukrainën pas përfundimit të konfliktit”.

    Ukraina i ka bërë thirrje Moskës që të rifillojë menjëherë bisedimet trepalëshe, të cilat u pezulluan në shkurt. Ndërkohë, Ushakov tha se idetë e paraqitura nga Witkoff pas takimeve të tij me presidentin ukrainas, Volodymyr Zelensky, dhe udhëheqësit e Norvegjisë e Finlandës, nuk ishin shumë të dobishme.

    Zyrtarë të lartë nga Rusia, Ukraina dhe SHBA-ja kanë zhvilluar disa raunde bisedimesh me synimin për t’i dhënë fund luftës, e cila nisi në shkurt të vitit 2022, kur Rusia filloi pushtimin në shkallë të plotë të Ukrainës.

    Bisedimet u pezulluan, ndërsa Kremlini fajësoi sulmet ukrainase të muajit të kaluar ndaj objektivave në Rusi, të cilat i cilësoi si masive, për ndërprerjen e tyre.

    Burimi: Dukagjini

  • ​Vlora Çitaku, e propozuara e vetme si U.D kryetare e PDK-së

    ​Vlora Çitaku, e propozuara e vetme si U.D kryetare e PDK-së

    Sekretarja e Përgjithshme e Partisë Demokratike e Kosovës, Vlora Çitaku, është e propozuara e vetme e kësaj partie si ushtruese e detyrës së kryetares për këtë subjekt politik.

    Lajmin për KosovaPress e ka konfirmuar deputetja e PDK-së dhe anëtarja e kryesisë së kësaj partie, Blerta Deliu.

    “Po, mund ta konfirmoj se zonja Çitaku është e propozuara si ushtruese e detyrës për kryetare të PDK-së”, tha Deliu, raporton KosovaPress.

    Këto zhvillime në PDK vijnë pas dorëheqjes së kryetarit të deritanishëm, Bedri Hamza, i cili gjatë ditës dha dorëheqje të parevokueshme nga kjo pozitë.

    Hamza në një konferencë për media tha se nuk po jep dorëheqje nga PDK-ja, por vetëm nga pozita e kryetrarit.

  • Në Gjermani e krahasojnë me Gomezin, kush është Enis Rexhepi që po 'çmend' Kosovën dhe Shqipërinë?

    Në Gjermani e krahasojnë me Gomezin, kush është Enis Rexhepi që po ‘çmend’ Kosovën dhe Shqipërinë?

    Enis Rexhepi është një prej talenteve më premtues të akademisë së Stuttgartit, ku po tërheq vëmendjen me paraqitjet dhe aftësinë e jashtëzakonshme për të shënuar gola.

    Sulmuesi shqiptar me prejardhje nga Presheva, i cili përfaqëson Kombëtaren U19 të Shqipërisë, ka shpërthyer në futbollin e grupmoshave dhe tashmë ka nisur të fitojë përvojë edhe në futbollin profesionist në Gjermani.

    I lindur më 12 mars 2008, Rexhepi është rritur në sistemin e të rinjve të Stuttgartit. Paraqitjet e tij kanë bërë që mediat gjermane ta krahasojnë me Mario Gomezin, ish-sulmuesin e njohur të klubit, për shkak të fizikut, fuqisë dhe aftësive për të shfrytëzuar rastet para portës.

    Se sa i madh është potenciali i tij, tregojnë më së miri statistikat. Në sezonin 2025/26, Rexhepi shënoi 17 gola në 21 ndeshje në ligën gjermane U19, duke qenë një prej golashënuesve më të spikatur të skuadrës. Një sezon më parë, në kampionatin U17, ai kishte realizuar 11 gola në 13 paraqitje.

    Shpërthimi me pesë gola ndaj Bayernit

    Sezoni i ri e ka gjetur Rexhepin në formë edhe më të mirë. Në katër ndeshjet e para të kampionatit U19 për sezonin 2026/27, ai shënoi tetë gola, duke regjistruar një nisje mbresëlënëse.

    Kulmi erdhi në fitoren 6-1 ndaj Bayern Munichut, ku Rexhepi realizoi pesë gola, të gjithë brenda vetëm 50 minutash. Ai vazhdoi formën e mirë edhe në arenën evropiane për të rinj, duke shënuar tri herë në fitoren 5-0 të Stuttgartit ndaj Vikingut në UEFA Youth League.

    Këto paraqitje e kanë vendosur në qendër të vëmendjes dhe kanë treguar se ai mund të bëjë diferencën edhe në ndeshje me rëndësi të veçantë. Rexhepi kombinon fuqinë fizike me aftësinë për të gjetur hapësira dhe për të përfunduar aksionet, cilësi që e kanë nxitur krahasimin me Gomezin.

    Vlerësimet nga SofaScore

    Hapi drejt futbollit profesionist

    Stuttgarti nuk po e zhvillon vetëm në ekipet e të rinjve. Rexhepi ka nisur të aktivizohet edhe me Stuttgart II, ekipin e dytë të klubit që garon në Ligën e Tretë gjermane, duke fituar përvojën e parë në futbollin e të rriturve.

    Klubi, ndërkohë, ia ka zgjatur kontratën deri në vitin 2028, me mundësi vazhdimi edhe për një vit tjetër. Kjo tregon se Stuttgarti dëshiron ta mbajë dhe ta zhvillojë një futbollist që po tregon potencial të madh.

    Vendimi i karrierës pranë: Kosova apo Shqipëria?

    Me formën e jashtëzakonshme që po kalon, përpos klubeve edhe dy kombëtarët tona, pra Kosova dhe Shqipëria aktualisht janë në garë për yllin e ri të Stuttgartit.

    Rexhepi përfaqëson Shqipërinë U19, mirëpo edhe Kosova e ka kontaktuar, duke ia konfirmuar dëshirën për ta parë në fanellën “Dardane”.

    Lojtari përndryshe ende nuk ka zgjedhur përfundimisht se kë të përfaqësojë në nivelin ndërkombëtar.

    Kujtojmë, Rexhepi është futbollisti me më së shumti gola në Ligën e Kampionëve për të rinj, me plot pesë sosh, andaj cila do kombëtare që e bind e ka siguruar një talent të madh për të ardhmen./Telegrafi/