Blog

  • Situata në Tiranë: 36 të lënduar gjatë së dielës, 14 vijojnë të marrin mjekim

    Situata në Tiranë: 36 të lënduar gjatë së dielës, 14 vijojnë të marrin mjekim

    Situata në Tiranë: 36 të lënduar gjatë së dielës, 14 vijojnë të marrin mjekim

    Ministria e Shëndetësisë dhe Mirëqenies Sociale e Shqipërisë ka përditësuar të dhënat për personat e lënduar gjatë protestave në Tiranë, duke bërë me dije se gjatë ditës së diel, 18 tetor, në Spitalin Universitar të Traumës kanë marrë ndihmë mjekësore 31 persona, ndërsa 5 të tjerë janë paraqitur në Qendrën Spitalore Universitare “Nënë Tereza”.

    Sipas njoftimit të Ministrisë, nga 31 personat që morën shërbim në Spitalin e Traumës, 21 ishin efektivë policie, 5 protestues, 4 kalimtarë dhe 1 përfaqësuese e medias, e cila është shtruar në spital, shkruan Top Channel, transmeton Klankosova.tv.

    Aktualisht, në Spitalin Universitar të Traumës ndodhen ende 2 protestues, të cilët po kryejnë ekzaminime dhe konsulta mjekësore.

    Ministria bën me dije se nga 13 tetori e në vijim, numri i personave të shtruar në spital dhe që vijojnë të marrin mjekim ka arritur në 14. Prej tyre, 5 janë efektivë policie, 4 protestues, 4 kalimtarë dhe 1 përfaqësuese e medias. Sipas njoftimit, gjendja shëndetësore e të shtruarve është e mirë.

    Ndërkohë, në QSUT, gjatë ditës së djeshme janë paraqitur 5 persona të lënduar, prej të cilëve 2 efektivë policie dhe 3 protestues. Të dhënat janë bërë publike nga Ministria e Shëndetësisë dhe Mirëqenies Sociale në përditësimin e datës 19 tetor 2026, ora 11:30.

  • Procesi i Apelit në Hagë, Tahiri: Shteti ende s'ka marrë veprime në mbështetje të çlirimtarëve

    Procesi i Apelit në Hagë, Tahiri: Shteti ende s’ka marrë veprime në mbështetje të çlirimtarëve

    Procesi i Apelit në Hagë, Tahiri: Shteti ende s'ka marrë veprime në mbështetje të çlirimtarëve

    Shefi i Grupit Parlamentar të Aleancës Besnik Tahiri, ka folur pas mbledhjes së kryesisë së Kuvendit.

    Tahiri foli rreth përgatitjeve të shtetit të Kosovës për procesin e Apelit në Hagë për 4 çlirimtarët.

    “E para, shteti i Kosovës e ka përcaktuar një komision që do të merret me hartimin e strategjisë së shtetit të Kosovës, strategji e cila duhet të jetë në mbështetje të 4 çlirimtarëve që janë në Hagë. Emrat janë vendosur, këtë javë besoj do të ketë edhe një takim, por mbi takimet është e rëndësishme të mos ketë vonesë që shteti i Kosovës të veprojë në adresimin e kësaj teme që është bukur e rëndësishme”, deklaroi para mediave shefi i deputetëve të Aleancës transmeton Klankosova.tv.

    “Sot është data 19, pra ka kaluar një muaj prej kur është marrë vendimi, shteti i Kosovës ende nuk ka marrë veprime të cilat ishin dashtë të jenë bazë në raport me qëndrimin e shtetit në Bruksel, Londër, Washington e kudo”, theksoi ai.

  • Zhvillimet në Tiranë, Haxhiu: Ajo që po ndodh na shqetëson, Shqipëria për ne është shtëpi

    Zhvillimet në Tiranë, Haxhiu: Ajo që po ndodh na shqetëson, Shqipëria për ne është shtëpi

    Zhvillimet në Tiranë, Haxhiu: Ajo që po ndodh na shqetëson, Shqipëria për ne është shtëpi

    Kryetarja e Kuvendit, Albulena Haxhiu ka shprehur shqetësimin e saj lidhur me zhvillimet e fundit në Shqipëri.

    Ajo tha se Shqipëria është shtëpi për Kosovën, derisa tha se është e rëndësishme që kërkesat e studentëve të dëgjohen, transmeton Klankosova.tv.

    “Unë besoj se secili në Republikën e Kosovës i ka përcjell me shqetësim zhvillimet në Shqipëri, ajo çka po ndodh atje sigurisht që na shqetëson të gjithëve, sepse Shqipëria për ne është shtëpi. Sikurse për mua, besoj që edhe për juve”.

    “Është shumë e rëndësishme që kërkesat e protestuesve të dëgjohen nga institucionet, besoj që secili prej drejtueseve të institucioneve atje, Kuvendi, Kryeministria dhe Presidenca, e ka për obligim që t’i trajtojë kërkesat e studentëve”, tha ajo.

    Ndër të tjera, Haxhiu tha se nuk e mbështet dhunën, dhe që sipas saj, dhuna duhet të ndalet nga të dyja palët.

    “Thërras që me maturi, seriozitet të tejkalohen ndasitë. Sa i përket pjesëmarrësit e ndonjë mbështetësi, nuk ka pasur asnjë thirrje nga Vetëvendosje që të mbështeten protestat, nuk i takon Vetëvendosjes kjo”, tha Haxhiu.

  • “Do të të nxjerr zvarrë nga shtëpia” – burri kërcënoi gruan në Gjakovë, alkooltesti tregon 2.34 promilë

    “Do të të nxjerr zvarrë nga shtëpia” – burri kërcënoi gruan në Gjakovë, alkooltesti tregon 2.34 promilë

    “Do të të nxjerr zvarrë nga shtëpia” – burri kërcënoi gruan në Gjakovë, alkooltesti tregon 2.34 promilë

    Një rast i rëndë i dhunës në familje është raportuar në Gjakovë, ku një grua ka denoncuar bashkëshortin për dhunë të vazhdueshme psikologjike, fyerje dhe kërcënime. I dyshuari është arrestuar, ndërsa alkooltesti ka treguar se kishte 2.34 promilë alkool në organizëm.

    Burimet e Sinjalit bëjnë me dije se ngjarja është raportuar më 18 tetor, rreth orës 19:00, në rrugën “Vehap Shita” në Gjakovë.

    Sipas deklarimit të viktimës, I.B. rreth 44-vjeç, bashkëshorti i saj, S.B. rreth 53-vjeç, në vazhdimësi kishte ushtruar presion psikologjik ndaj saj, duke e fyer dhe kërcënuar, veçanërisht kur ndodhej në gjendje të dehur.

    Gruaja ka deklaruar se i dyshuari e kishte kërcënuar se do ta nxirrte zvarrë nga shtëpia, duke i shkaktuar frikë dhe pasiguri.

    Pas denoncimit, Policia ka arrestuar të dyshuarin dhe i ka kryer alkooltestin, i cili ka rezultuar pozitiv me 2.34‰, nivel i lartë i alkoolit në organizëm.

    Viktimës i është ofruar mundësia e strehimit, por ajo e ka refuzuar, duke deklaruar se dëshiron të kthehet në shtëpinë e saj.

    Megjithatë, ajo ka kërkuar urdhër mbrojtjeje, me qëllim që të mbrohet nga kërcënimet dhe dhuna e raportuar.

    Për rastin është njoftuar Prokurori i Shtetit, me vendim të të cilit S.B. është ndaluar për 48 orë.

    Rasti është iniciuar si “Dhunë në familje”, ndërsa hetimet po vazhdojnë.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post “Do të të nxjerr zvarrë nga shtëpia” – burri kërcënoi gruan në Gjakovë, alkooltesti tregon 2.34 promilë appeared first on Sinjali.

    Burimi: Sinjali

  • Haxhiu për protestën në Tiranë: Kërkesat e studentëve duhet të dëgjohen, arroganca vetëm i nxit protestat

    Haxhiu për protestën në Tiranë: Kërkesat e studentëve duhet të dëgjohen, arroganca vetëm i nxit protestat

    Kryetarja e Kuvendit të Kosovës, Albulena Haxhiu, ka thënë se protestat në Tiranë po përcillen me shqetësim në Kosovë, duke theksuar se institucionet shqiptare duhet t’i dëgjojnë kërkesat e protestuesve.

    Në konferencë për media, Haxhiu tha se Kuvendi, Qeveria dhe Presidenca e Shqipërisë e kanë për obligim të merren me kërkesat e studentëve.

    “Është shumë e rëndësishme që kërkesat e protestuesve të dëgjohen nga institucionet. Besoj që secili prej drejtuesve të institucioneve atje, Kuvendi, Kryeministria apo Qeveria dhe Presidenca, e ka për obligim që t’i trajtojë kërkesat e studentëve”, deklaroi ajo.

    Haxhiu theksoi se dhuna nuk duhet të mbështetet dhe se ajo duhet të ndalet nga të dyja palët. Ajo kërkoi që situata të trajtohet me seriozitet dhe maturi, duke paralajmëruar se qasja arrogante mund t’i nxisë më tej protestat.

    “Ne nuk e mbështesim dhunën. Dhuna duhet të ndalohet nga të dyja palët. Mendoj që është e rëndësishme qasja serioze në raport me këto protesta, jo arroganca. Mendoj që arroganca vetëm i nxit protestat”, tha Haxhiu.

    Ajo foli edhe për mundësinë e përfshirjes së mbështetësve të Lëvizjes Vetëvendosje në protesta, duke sqaruar se partia nuk ka bërë thirrje për pjesëmarrje.

    “Sa i përket pjesëmarrjes, duhet të theksoj që asnjëherë nuk ka pasur thirrje nga Vetëvendosja që të mbështeten protestat. Kjo nuk i takon Vetëvendosjes”, u shpreh Haxhiu.

    Ajo shtoi se Lëvizja Vetëvendosje nuk mund të mbajë përgjegjësi nëse mbështetësit e saj vendosin të marrin pjesë në protesta.

    Burimi: Dukagjini

  • Kuvendi i Kosovës mblidhet të enjtën nga ora 10:00

    Kuvendi i Kosovës mblidhet të enjtën nga ora 10:00

    Kuvendi i Kosovës mblidhet të enjtën nga ora 10:00

    Kuvendi i Kosovës do të mblidhet të enjten me fillim nga ora 10:00.

    Kryetarja e Kuvendit, Albulena Haxhiu, para mediave bëri të ditur se përpos deklarimeve jashtë rëndit të ditës dhe pyetjeve parlamentare, në rend të ditës do të formohet edhe komisioni për përzgjedhjen e kandidatëve për Bordin e Radiotelevizionit të Kosovës.

    “Fillimisht do t’ju njoftoj se Kryesia e Kuvendit ka vendosur që seanca e radhës të mbahet të enjten e ardhshme, në orën 10:00. Pra, përveç pikave që ndërlidhen me deklarimet jashtë rendit të ditës të deputetëve të Kuvendit, do të ketë edhe pyetje parlamentare që ata ia parashtrojnë kabinetit qeveritar. Në këtë seancë, sot janë formuar edhe komisionet për procedimin e kandidatëve për bordin e Radiotelevizionit të Kosovës”, ka deklaruar Haxhiu.

    Ajo ka bërë të ditur se nënkryetarja e Kuvendit, Vlora Çitaku, është caktuar anëtare e grupit punues për harmonizimin e strategjisë shtetërore lidhur me procedurat dhe afatet para Dhomave të Specializuara në Hagë.

    “Po ashtu, do t’ju njoftoj se Kryesia e Kuvendit ka caktuar nënkryetaren e Kuvendit, zonjën Vlora Çitaku, si anëtare në grupin punues për harmonizimin e strategjisë shtetërore qytetare lidhur me procedurat e afatit para Dhomave të Specializuara në Hagë. Si kryetare e Kuvendit, unë kam thirrur në vazhdimësi takime me anëtarët e tjerë, çka sapo e deleguam në këtë grup, në mënyrë që Kuvendi i Republikës së Kosovës të jep kontribut maksimal. Por, po ashtu, natyrisht që do të ftohen edhe ekspertë të fushës që mund të japin kontributin e tyre profesional në këtë grup. Pra, si vendim e kam mirëpritur dhe vlerësoj që është rruga e duhur në përballjen tonë me këtë proces të rëndë dhe po ashtu të padrejtë”, ka thënë Haxhiu.

    Kryetarja e Kuvendit ka njoftuar edhe për diskutimet lidhur me formimin e delegacioneve parlamentare, duke theksuar se në fund të këtij muaji në Kosovë do të qëndrojë një delegacion i madh nga Asambleja Parlamentare e NATO-s.

    “Gjithashtu, kemi diskutuar edhe për komisionet që duhet të themelohen nga Kuvendi i Republikës së Kosovës përkatësisht nga Kryesia e Kuvendit. Ne do ta kemi në fund të këtij muaji një delegacion shumë të madh nga Asambleja Parlamentare e NATO-s, pra në Kuvendin e Republikës së Kosovës. Prandaj, kemi trajtuar me prioritet përbërjen e komisionit apo delegacionit për Asamblenë Parlamentare të NATO-s, të Këshillit të Evropës, të SECEI-t dhe të Frankofonisë”, ka deklaruar Haxhiu.

    Sinjali – aty ku e vërteta flet para lajmit!

    /GazetaSinjali/

    The post Kuvendi i Kosovës mblidhet të enjtën nga ora 10:00 appeared first on Sinjali.

    Burimi: Sinjali

  • Sherr gjatë kërkimit të lëmoshës në Pejë – burri dyshohet se goditi gruan me shuplakë dhe e tërhoqi për flokësh, ajo strehohet me fëmijët

    Sherr gjatë kërkimit të lëmoshës në Pejë – burri dyshohet se goditi gruan me shuplakë dhe e tërhoqi për flokësh, ajo strehohet me fëmijët

    Sherr gjatë kërkimit të lëmoshës në Pejë – burri dyshohet se goditi gruan me shuplakë dhe e tërhoqi për flokësh, ajo strehohet me fëmijët

    Një rast shqetësues i dhunës në familje është raportuar në Pejë, ku një grua dyshohet se është sulmuar fizikisht nga bashkëshorti i saj pas një fjalosjeje gjatë kohës që po kërkonin lëmoshë. Pas incidentit, gruaja është vendosur në një shtëpi të sigurt së bashku me fëmijët, ndërsa burri është liruar në procedurë të rregullt.

    Burimet e Sinjalit bëjnë me dije se ngjarja ka ndodhur më 18 tetor, rreth orës 18:00, ndërsa Policia ka ndërhyrë në fshatin Ozdrim të Pejës, ku ka hasur në veturën e të dyshuarit, brenda së cilës ndodheshin edhe bashkëshortja dhe fëmijët.

    Sipas deklarimit të viktimës, F.Sh. rreth 21 vjeç, ajo kishte qenë së bashku me bashkëshortin, A.Sh. rreth 27 vjeç, në Banjë të Pejës, ku po kërkonin lëmoshë.

    Aty, sipas saj, mes çiftit kishte nisur një fjalosje, e cila dyshohet se është përshkallëzuar gjatë kthimit për në shtëpi.

    Gruaja ka deklaruar se bashkëshorti e kishte goditur me shuplakë në fytyrë dhe më pas e kishte tërhequr për flokësh, ndërsa në veturë ndodheshin edhe fëmijët e tyre.

    Pas ndërhyrjes së Policisë, të dy bashkëshortët janë shoqëruar në stacion policor për intervistim.

    Viktima nuk ka pranuar trajtim mjekësor, ndërsa për rastin është njoftuar Prokurori i Shtetit.

    Me përfshirjen e Qendrës për Punë Sociale, gruaja dhe fëmijët janë vendosur në një shtëpi të sigurt, për t’u larguar nga situata e raportuar e dhunës.

    Ndërkohë, pas konsultimit me prokurorin, A.Sh. është liruar në procedurë të rregullt.

    Sinjali – aty ku e vërteta flet para lajmit!

    /GazetaSinjali/

    The post Sherr gjatë kërkimit të lëmoshës në Pejë – burri dyshohet se goditi gruan me shuplakë dhe e tërhoqi për flokësh, ajo strehohet me fëmijët appeared first on Sinjali.

    Burimi: Sinjali

  • Hajnat gjejnë çelësin e fshehur në vazo dhe hyjnë në shtëpi në Vushtrri – zhduket pushka e gjuetisë nga poshtë shtratit

    Hajnat gjejnë çelësin e fshehur në vazo dhe hyjnë në shtëpi në Vushtrri – zhduket pushka e gjuetisë nga poshtë shtratit

    Hajnat gjejnë çelësin e fshehur në vazo dhe hyjnë në shtëpi në Vushtrri – zhduket pushka e gjuetisë nga poshtë shtratit

    Një vjedhje e pazakontë është raportuar në fshatin Prelluzhë të Vushtrrisë, ku persona ende të panjohur dyshohet se kanë shfrytëzuar çelësin e fshehur në një vazo pranë dritares për të hyrë në një shtëpi dhe për të vjedhur një pushkë gjuetie që ndodhej nën shtrat.

    Burimet e Sinjalit bëjnë me dije se ngjarja dyshohet të ketë ndodhur në periudhën 16–18 tetor, në kohën kur familjarët nuk ndodheshin në shtëpi.

    Viktima është S.S. rreth 44 vjeç, i cili ka raportuar në Polici se persona të panjohur kishin hyrë në shtëpinë e tij dhe nga dhoma e gjumit kishin marrë një pushkë gjuetie të prodhimit rus, me tyta horizontale, së bashku me dokumentacionin përkatës.

    Por ajo që e bën rastin më të pazakontë është mënyra se si dyshohet se hajnat kanë depërtuar brenda.

    Gjatë këqyrjes së vendit të ngjarjes, Policia nuk ka vërejtur shenja të hyrjes me forcë në shtëpinë nga e cila është vjedhur arma.

    Sipas dyshimeve fillestare, autorët mund ta kenë gjetur dhe përdorur çelësin e shtëpisë, i cili ishte lënë i fshehur në një vazo te dritarja.

    Ndërkohë, dyshohet se personat e njëjtë kanë hyrë me forcë edhe në një shtëpi tjetër të ankuesit, në të njëjtin oborr, por nga aty nuk është raportuar vjedhja e ndonjë sendi.

    Për rastin është njoftuar Prokurori i Shtetit, me udhëzim të të cilit është iniciuar procedura për veprën penale “Vjedhje e rëndë”.

    Policia pritet të verifikojë edhe dokumentacionin dhe statusin e lejes për armën e raportuar si të vjedhur.

    Pushka e gjuetisë mbetet e pagjetur, ndërsa personat që dyshohet se kanë hyrë në pronë ende nuk janë identifikuar. Hetimet po vazhdojnë.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post Hajnat gjejnë çelësin e fshehur në vazo dhe hyjnë në shtëpi në Vushtrri – zhduket pushka e gjuetisë nga poshtë shtratit appeared first on Sinjali.

    Burimi: Sinjali

  • Policia ndal Golf-in në Shtime – shoferit i gjendet sprej OC, përfundon si i dyshuar për armëmbajtje pa leje

    Policia ndal Golf-in në Shtime – shoferit i gjendet sprej OC, përfundon si i dyshuar për armëmbajtje pa leje

    Policia ndal Golf-in në Shtime – shoferit i gjendet sprej OC, përfundon si i dyshuar për armëmbajtje pa leje

    Një kontroll policor në fshatin Muzeqinë të Shtimes ka përfunduar me inicimin e një rasti penal, pasi brenda një veture të tipit Golf është gjetur një sprej OC, i cili është trajtuar nga autoritetet në kuadër të veprës penale për armëmbajtje pa leje.

    Burimet e Sinjalit bëjnë me dije se ngjarja ka ndodhur më 18 tetor, rreth orës 16:30, kur Policia ka ndaluar një veturë Golf për kontroll.

    Gjatë kontrollit të automjetit, zyrtarët policorë kanë gjetur një sprej Oleoresin Capsicum (OC), i cili, sipas informatave të siguruara nga Sinjali, i përkiste Ilaz Avdylit rreth 24-vjeç.

    Pas konstatimit të rastit, për veprimet e mëtejshme është njoftuar Prokurori i Shtetit, ndërsa i dyshuari është intervistuar lidhur me posedimin e sprejit.

    Në konsultim me prokurorin, rasti është iniciuar për veprën penale “Mbajtje në pronësi, kontroll ose posedim të paautorizuar të armëve”.

    Pas intervistimit, Ilaz Avdyli është liruar në procedurë të rregullt, ndërsa hetimet për rastin po vazhdojnë.

    Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

    Sinjali – aty ku e vërteta flet para lajmit!

    /GazetaSinjali/

    The post Policia ndal Golf-in në Shtime – shoferit i gjendet sprej OC, përfundon si i dyshuar për armëmbajtje pa leje appeared first on Sinjali.

    Burimi: Sinjali

  • Haxhiu për protestën në Tiranë: Kërkesat e studentëve duhet të dëgjohen, arroganca vetëm i nxit protestat

    Haxhiu për protestat në Tiranë: Kërkesat e studentëve duhet të dëgjohen

    Kryetarja e Kuvendit të Kosovës, Albulena Haxhiu, ka thënë se protestat në Tiranë po përcillen me shqetësim në Kosovë, duke theksuar se institucionet shqiptare duhet t’i dëgjojnë kërkesat e protestuesve.

    Në konferencë për media, Haxhiu tha se Kuvendi, Qeveria dhe Presidenca e Shqipërisë e kanë për obligim të merren me kërkesat e studentëve.

    “Është shumë e rëndësishme që kërkesat e protestuesve të dëgjohen nga institucionet. Besoj që secili prej drejtuesve të institucioneve atje, Kuvendi, Kryeministria apo Qeveria dhe Presidenca, e ka për obligim që t’i trajtojë kërkesat e studentëve”, deklaroi ajo.

    Haxhiu theksoi se dhuna nuk duhet të mbështetet dhe se ajo duhet të ndalet nga të dyja palët. Ajo kërkoi që situata të trajtohet me seriozitet dhe maturi, duke paralajmëruar se qasja arrogante mund t’i nxisë më tej protestat.

    “Ne nuk e mbështesim dhunën. Dhuna duhet të ndalohet nga të dyja palët. Mendoj që është e rëndësishme qasja serioze në raport me këto protesta, jo arroganca. Mendoj që arroganca vetëm i nxit protestat”, tha Haxhiu.

    Ajo foli edhe për mundësinë e përfshirjes së mbështetësve të Lëvizjes Vetëvendosje në protesta, duke sqaruar se partia nuk ka bërë thirrje për pjesëmarrje.

    “Sa i përket pjesëmarrjes, duhet të theksoj që asnjëherë nuk ka pasur thirrje nga Vetëvendosja që të mbështeten protestat. Kjo nuk i takon Vetëvendosjes”, u shpreh Haxhiu.

    Ajo shtoi se Lëvizja Vetëvendosje nuk mund të mbajë përgjegjësi nëse mbështetësit e saj vendosin të marrin pjesë në protesta.

    Burimi: Dukagjini