Blog

  • Fetoshi: “Zgjimi” i Duginit, kalkulimi rus për protestat në Shqipëri

    Fetoshi: “Zgjimi” i Duginit, kalkulimi rus për protestat në Shqipëri

    Drejtori i Institutit Octopus, Arben Fetoshi, ka ngritur dyshime për ndikimin e interesave ruse në protestat e fundit në Shqipëri, duke iu referuar reagimit të ideologut rus Aleksandër Dugin, i cili i cilësoi shqiptarët si një komb që “po zgjohet”.

    Në një reagim në Facebook, me titull “’Zgjimi’ i Aleksandër Duginit”, Fetoshi pretendon se ky mesazh mund të shërbejë për nxitjen e narrativave anti-perëndimore dhe për largimin e Shqipërisë nga orientimi euroatlantik.

    Ai ka lidhur këtë deklaratë me qëndrimet e Moskës për Kosovën dhe me deklaratat për kontaktet mes studentëve organizatorë të protestave në Shqipëri dhe kolegëve të tyre në Serbi.

    “Në kontekstin e interesave revizioniste të boshtit anti-perëndimor, “zgjimi” shqiptar me dhunë, anarki e destabilizim, nënkupton sabotimin e përparimit të Shqipërisë si anëtare e NATO-s, në rrugën drejt BE-së”, ka shkruar ai.

    Fetoshi ka vënë në pikëpyetje karakterin autentik të protestave dhe ka thënë se dorëheqja e kryeministrit Edi Rama mund të jetë një mënyrë për të shtensionuar situatën dhe për të neutralizuar rrezikun e destabilizimit.

    Burimi: Dukagjini

  • Dorëheqja nga posti i kryetarit, PDK del me sqarime rreth vendimit të Hamzës

    Dorëheqja nga posti i kryetarit, PDK del me sqarime rreth vendimit të Hamzës

    Dorëheqja nga posti i kryetarit, PDK del me sqarime rreth vendimit të Hamzës

    Bedri Hamza mësohet se ka ofruar dorëheqjen nga posti i kryetarit të Partisë Demokratike të Kosovës, ndërsa kjo çështje është diskutuar edhe në takimet e fundit të kryesisë së këtij subjekti politik.

    Burime të Klan Kosovës brenda PDK-së kanë konfirmuar se dorëheqja e Hamzës është diskutuar, por deri më tani nuk ka një vendim përfundimtar.

    Ndërkohë, Zyra për Informim e PDK-së, për Klankosova.tv ka deklaruar se nuk ka asnjë vendim zyrtar lidhur me këtë çështje. Nga partia kanë rikujtuar se Hamza ka bërë të ditur publikisht se, me hapjen e procesit të zgjedhjeve të brendshme, do të japë dorëheqje dhe nuk do të rikandidojë për kryetar.

    Në përgjigjen e saj, PDK-ja ka theksuar se aktualisht është e përqendruar në finalizimin e hapave për mbështetjen e mbrojtjes së ish-krerëve të Ushtrisë Çlirimtare të Kosovës në Hagë, në fazën e Apelit.

    Nga Zyra për Informim kanë bërë të ditur se për çdo vendim dhe zhvillim zyrtar brenda partisë, opinioni publik do të njoftohet në kohën e duhur.

  • Qendra Post-Traumatike për veteranët, OVL-ja e bindur se institucionet do ta nisin punën

    Qendra Post-Traumatike për veteranët, OVL-ja e bindur se institucionet do ta nisin punën

    Kanë kaluar më shumë se 10 vjet prej kur u miratua Ligji për Veteranët e i cili ndër të tjera parashihte edhe themelimin e Qendrës Posttraumatike.

    Por, për këtë të fundit ndër vite s’u mor asnjë hapë.

    Kësisoj, Qendra për Informim dhe Përmirësim Social bashkë me GLPS-në, ka dorëzuar tek Komisioni për Mirëqenie Sociale, Punë, Familje, Vlerat e Luftës Çlirimtare, kërkesën për themelimin e kësaj qendre.

    “Fakti që kanë kaluar mbi 10 vjet dhe nuk ka pasur asnjë inicativë as nga Ministria e Shëndetësisë e as nga Mirëqenia Sociale që janë të përfshira si përgjegjëse në këtë ligj na ka shty neve që tash me ju drejtu kuvendit, komisioni përkatës që ato me i kërku llogaridhënie këtyre ministrive”, ka deklaruar Bind Skeja, Qendra për Informim dhe Përmirësim Social.

    Skeja pati një paralajmërim nëse kërkesa nuk shqyrtohet.

    “Unë nuk e besoj që ka ndonjë arsye që Ministria e Shëndetësisë apo e Punës me refuzu e vetmja që mundet me ndodh është se munden me zhagit si proces por ne bashkë me GLPS-së kemi me i qëndru afër edhe nëse Kuvendi nuk e trajton me seriozitet atëherë do t’i shohim rrugët tjera ligjore”, ka theksuar ai.

    Që themelimi i kësaj qendre është shumë i nevojshëm, vlerësojnë edhe nga Organizata e Veteranëve të Luftës.

    ‘Po kemi pas raste edhe të vetëvrasjeve të veteranëve prandaj kjo kishte me qenë shumë e mirë me u marr me këtë çështje me trajtu dhe me iu ndihmu veteranëve”, ka theksuar Fatmir Sopi, nënkryetar i OVL-UÇK-së.

    OVL këtë herë ka pritshmëri edhe nga institucionet.

    ‘Jam i bindur që nuk duhet me has në rezistencë, jam i bindur që shteti duhet me mirëpritë këtë”, ka deklaruar ai.

    Në një përgjigje për televizioni nga Ministria e Shëndetësisë kanë thënë se deri më tani nuk kanë pranuar ndonjë kërkesë ndërsa Ministria për Mirëqenië sociale nuk ka kthyer përgjigje./TVDUKAGJINI

    Burimi: Dukagjini

  • Proteza e gjurit, materiali të hënën në Ortopedi, rifillojnë operimet

    Proteza e gjurit, materiali të hënën në Ortopedi, rifillojnë operimet

    Covid-19, mungesa e anesteziologëve e materialin ishin arsyet që operimet e protezës së gjurit pushuan në 2020-tën.

    Tash, pas gati gjashtë vitesh, ato do të rinisin në Ortopedi, në Qendrën Klinike e Universitare të Kosovës.

    Nga e hëna, personeli do të kontaktoj pacientët që tashmë janë në listën e pritjes.

    “Është një risi që nuk ka qenë më parë është se tash janë shpërnda në gjithë territorin e Kosovës, është bërë decentralizimi i rasteve, secili rast që është i regjionit përkatës do të operohet në spitalin rajonal të afërt. Sepse ato kanë kapacitete njerëzore të mira por normalisht do ta kenë edhe ndihmën e QKUK-së”, ka deklaruar Xhavit Gashi, Drejtor i Klinikës së Ortopedisë.

    Drejtori tregoi nëse materiali që do të vijë është i mjaftueshëm me numrin e pacientëve që janë në pritje.

    “Listat e pritjes janë edhe nga viti 2020, numër i vogël është por kemi nga 2020-2021 e tutje diku rreth 1 mijë raste i kemi ndarë nëpër regjione kurse 1 mijë i kemi ne në Klinikë por na përvoja jonë kur të nisim me thirrjet statistikisht rreth 30% nuk vijnë”, ka theksuar Gashi.

    Këtë herë nuk do të ketë më stoqe të protezave dhe të njëjtat do të jenë fiktive pa komponenta përcejellëse./TVDUKAGJINI

    Burimi: Dukagjini

  • Modelja e njohur në zi për djalin e vetëm të saj: Derisa të takohemi përsëri...

    Modelja e njohur në zi për djalin e vetëm të saj: Derisa të takohemi përsëri…

    Modelja e njohur në zi për djalin e vetëm të saj: Derisa të takohemi përsëri...

    Supermodelja e njohur Cindy Crawford po përjeton një nga momentet më të dhimbshme të jetës së saj, pas humbjes së djalit, Presley Gerber.

    Ajo ka ndarë një dedikim prekës në rrjetet sociale, duke kujtuar të birin dhe duke shprehur dhimbjen e madhe të familjes, transmeton Klankosova.tv.

    Cindy publikoi të dielën në Instagram një fotografi bardhezi të Presleyt, të shoqëruar me një mesazh emocional, ku shprehej se ajo dhe familja e saj janë “të shkatërruar nga dhimbja” për humbjen e tij.

    “Jemi jashtëzakonisht të bekuar që e patëm Presleyn në jetën tonë për 27 vjet. Ai ishte një shpirt i ëmbël dhe i bukur, që deshi dhe u desh nga të tjerët, dhe kështu do të jetë përgjithmonë”, shkroi supermodelja.

    Në dedikimin e saj, Crawford theksoi se familja është krenare për mënyrën se si Presley e jetoi jetën, duke vënë në pah veçanërisht mirësinë dhe ndjeshmërinë e tij.

    Ajo shprehu gjithashtu mirënjohjen për të gjithë ata që i kanë qëndruar pranë familjes në këtë periudhë të vështirë, përfshirë edhe njerëz të panjohur që u kanë dërguar mesazhe ngushëllimi dhe mbështetjeje.

    “Derisa të takohemi përsëri, biri ynë i shtrenjtë. Të duam përgjithmonë. Mami, babi dhe Kaia.”

  • Mësimdhënësit propozojnë shkollën fillore deri në klasë të tetë, njohësit e arsimit kanë dilema

    Mësimdhënësit propozojnë shkollën fillore deri në klasë të tetë, njohësit e arsimit kanë dilema

    Bashkëpunimi mes tyre s’ka qenë çdo herë më i miri.

    Mirëpo, tash e një kohë, ministri i Arsimit, Hajrulla Çeku dhe kryetari i SBASHK, Rrahman Jasharaj, janë bërë bashkë për një mision.

    Kësioj, këtë sëbashku po zhvillojnë takime me mësimdhënës në të gjitha komunat e Kosovës, e që po bëhen në kuadër të Strategjisë së Arsimit 2035+.

    Në mesin e ideve, këtu po shqyrtohet edhe mundësia e rikthimit të formës, ku shkolla fillore të jetë deri në klasën e tetë.

    “Ka edhe ide të tilla që të ketë edhen jë prekje të tillë në arsim, mirëpo strategjia veçse ka fillu, ende  nuk dihet asgjë, ne jemi duke marrë opinionet e punëtorëve të arsimit, në mënyrë që ministria t’I kete këto opinione, në mënyrë që strategjia të mos jete e punuar në zyrë, mirëpo nga opinionet e punëtorëve të Arsimit”, ka theksuar Rrahman Jasharaj, kryetar i SBAShK.

    Njohësit e Arsimit konsiderojnë se rikthimi në sistemin 4+4+4, s’do të ketë ndonjë impakt pozitiv.

    “Do të sillte konfuzitet, dhe më tepër komplikime në sistemin e arsimit, për një sistem I cili edhe ashtu është mjaftueshëm I rëndësuar në gjendjen si është. Ka shumë aspekte që do të prekte nxënësit dhe mësimdhënësit”, ka deklaruar Samir Shahini, ish-drejtor i Arsimit.

    Strategjia e Arsimit 2035+ po shqyrton edhe ide të tjera të mësimdhënësve sa i përket ndryshimeve dhe përmirësimeve që ka nevojë aktualisht sistemi arsimor në Kosovë, në mesin e tyre edhe shpërndarjen e kompetencave te drejtoritë e shkollave./TVDUKAGJINI

    Burimi: Dukagjini

  • Prishtina ende pa Spital, komuna po shqyrton ofertat e investitorëve të huaj

    Prishtina ende pa Spital, komuna po shqyrton ofertat e investitorëve të huaj

    Lokacioni është i caktuar tash e gati tri vite.

    Kjo është e vetmja nismë për ndërtimin e Spitalit të Prishtinës që u bë gjatë kësaj kohe.

    Kësisoj, lokacioni e buxhetin për këtë institucion shëndetësore u rikthye në kuvendin komunal para dy javësh që me miratimin e asamblistëve kaloi.

    Por, kritika ka opozita kundrejt kryetarit Përparim Rama.

    ‘Si në çdo segment të jetës shoqërore në Prishtinë, qeverisja aktuale nuk e ka pas qasjen e duhur kundrejt Spitalit publik të Prishtinës, sepse si projekt këtë nuk duhet parë si projekt godinash si një investim kapital por si një institucion që duhet t;i shërbej qytetarëve, ai duhet bërë por në bashkëpunim me Ministrinë e Shëndetësisë”, ka theksuar Gëzim Sveçla, shef i asamblistëve të VV-së.

    Sveçla tha se lokacioni është i paligjshëm.

    “Në një prej seancave të kaluara është sjellë lokacionin edhe njëherë për spitalin mirëpo ai është i paligjshëm sepse i mungon dokumentacioni i pronësisë”, ka deklaruar ai.

    Por, që ky projekt s’u realizua deri më tani, kryetari Përparim Rama po ia lë fajin dikujt.

    “E kemi shty përpara na është bashkëpunimi me nivelin qendror dhe si rezultat e kemi organizu konferencën për investitor ku tash kemi oferta nga sektori privat për spitalin e kryeqytetit dhe jemi në proces”, ka deklaruar Rama.

    Ndonëse nuk dha ndonjë afat Rama tregoi se po i shqyrtojnë disa oferta.

    “Nuk e kemi veç një investitor i kemi dy-tre dhe tash ne po i shikojmë se cila na përshtatet më shumë që ta shtyjmë përpara këtë projekt”.

    Në mars të 2023 u nda buxhet në vlerë 1.3 milionë euro dhe u prezantua një projekt por që tash pritet të ndryshoj./TVDUKAGJINI

    Burimi: Dukagjini

  • Protestuesit sulmojnë me molotovë Ministrinë e Brendshme, efektivët kundërpërgjigjen me gaz lotsjellës

    Protestuesit sulmojnë me molotovë Ministrinë e Brendshme, efektivët kundërpërgjigjen me gaz lotsjellës

    Situata paraqitet e tensionuar pranë Ministrisë së Brendshme në Tiranë, ku protestuesit kanë hedhur molotovë në drejtim të godinës, ndërsa efektivët e vendosur në tarracë janë kundërpërgjigjur me gaz lotsjellës.

    Në zonë vijojnë edhe shpërthimet e kapsollave ndërsa dhe një pemë aty pranë ka marrë flakë.

    Protestuesit kanë hedhur bomba molotov në drejtim të efektivëve, ndërsa policia ka ndërhyrë me gaz lotsjellës për të shpërndarë turmën dhe për të vënë situatën nën kontroll.

    Përplasjet kanë përshkallëzuar tensionet në këtë zonë të kryeqytetit, ndërsa përballja mes dy palëve vijon mes hedhjes së mjeteve piroteknike dhe përdorimit të gazit lotsjellës nga uniformat blu.

    Ngjarjet pranë Ministrisë së Brendshme zhvillohen në një klimë të rënduar, teksa protesta në Tiranë është shoqëruar me episode të përsëritura dhune dhe përplasje me Policinë.

    Forcat speciale RENEA kanë zbarkuar në bulevardin “Dëshmorët e Kombit” në Tiranë, në një situatë të tensionuar gjatë protestës, me fokus ruajtjen e godinës së Kryeministrisë.

    Prania e forcave speciale vjen në një moment kur përplasjet mes protestuesve dhe Policisë janë përshkallëzuar, me hedhje molotovësh nga protestuesit dhe përdorim të gazit lotsjellës nga efektivët.

    Situata në kryeqytet vijon të jetë e rënduar, ndërsa shtimi i forcave të sigurisë në bulevard synon të mbrojë institucionin qeveritar dhe të parandalojë përshkallëzimin e mëtejshëm të situatës./Euronewsal

    Protesta në Tiranë, u vihet flaka disa ambienteve të Komisariatit nr. 3

    Burimi: Dukagjini

  • Raportohet se Bedri Hamza ka ofruar dorëheqjen

    Raportohet se Bedri Hamza ka ofruar dorëheqjen

    Bedri Hamza raportohet se po mendon dorëheqjen nga posti i kryetarit të Partisë Demokratike të Kosovës.

    Burime të Klan Kosovës brenda partisë kanë konfirmuar se dorëheqja e Bedri Hamzës është diskutuar në takimet e fundit të kryesisë së partisë, por ende nuk ka një vendim.

    Sipas këtij burimi, kjo pritet të ketë takime dhe bisedime lidhur me këtë çështje.

    “[Dorëheqja] është diskutuar në një nga takimet e fundit të kryesisë së partisë por akoma nuk ka një vendim. Gjatë kësaj jave pritet të ketë takime dhe bisedime në këtë drejtim dhe ato më pas t’i drejtohen organve të partisë.”, ka thënë burimi.

    Megjithatë, sipas këtij burimi, PDK-ja në mbledhjen e fundit ka vleresuar se është shumë e rëndësishme që fillmisht të kompletohen të gjitha nismat në raport me mbrojtjen e ish-krerëve të UÇK-së në Hagë, para se një vendim final për zhvillimet brenda partisë të merret.

    Ndryshe, Hamza ishte zgjedhur Kryetar i PDK-së më 17 nëntor 2025. Në këtë pozitë, ai kishte pasuar Memli Krasniqin.

    Burimi: Dukagjini

  • Barcelona konfirmon dy mungesa të mëdha para përballjes ndaj PSG dhe El-Clasicos

    Barcelona konfirmon dy mungesa të mëdha para përballjes ndaj PSG dhe El-Clasicos

    Barcelona konfirmon dy mungesa të mëdha para përballjes ndaj PSG dhe El-Clasicos

    Barcelona ka marrë një lajm të keq në prag të përballjes në Champions League kundër Paris Saint-Germain.

    Mbrojtësit Eric Garcia dhe Jules Kounde kanë pësuar lëndime gjatë fitores ndaj Real Betisit dhe do të mungojnë në sfidën e së martës.

    Klubi katalanas konfirmoi se Garcia ka dëmtuar muskulin e kofshës së djathtë dhe do të mungojë për 3 deri në 4 javë, transmeton Klankosova.tv.

    Ky lëndim e lë atë jashtë fushave si për ndeshjen ndaj PSG-së, ashtu edhe për “El Clasicon” kundër Real Madridit.

    Në anën tjetër, Kounde ka pësuar një ndrydhje të kyçit të këmbës së majtë. Ai do të mungojë zyrtarisht ndaj PSG-së, ndërsa prania e tij kundër Real Madridit do të varet nga ecuria e rikuperimit.

    Mungesa e tyre shton problemet për trajnerin Hansi Flick, i cili po përballet edhe me lëndimin e Andreas Christensenit.

    Nëse Kounde nuk rikuperohet në kohë, Flick pritet të vendosë Joao Cancelon në krahun e djathtë, ndërsa Pau Cubarsi dhe Gerard Martin mbeten opsionet kryesore në qendër të mbrojtjes.