Blog

  • BE-ja përshëndet miratimin e Ligjit për Parandalimin e Pastrimit të Parave: Kosova bën hap drejt SEPA-s

    BE-ja përshëndet miratimin e Ligjit për Parandalimin e Pastrimit të Parave: Kosova bën hap drejt SEPA-s

    BE-ja përshëndet miratimin e Ligjit për Parandalimin e Pastrimit të Parave: Kosova bën hap drejt SEPA-s

    Bashkimi Evropian në Kosovë ka përshëndetur miratimin në lexim të dytë të Ligjit për Parandalimin e Pastrimit të Parave nga Kuvendi i Kosovës, duke e cilësuar si një hap të rëndësishëm drejt anëtarësimit të vendit në Zonën e Vetme të Pagesave në Euro (SEPA).

    Përmes një njoftimi, ambasadori i BE-së në Kosovë, Dirk Schuebel, ka thënë se miratimi i këtij ligji e afron Kosovën më shumë me anëtarësimin në SEPA dhe integrimin gradual në Tregun e Përbashkët të Bashkimit Evropian.

    “Me miratimin e Ligjit për Parandalimin e Pastrimit të Parave në lexim të dytë nga Kuvendi dje, Kosova ka bërë një hap tjetër drejt anëtarësimit në Zonën e Vetme të Pagesave në Euro (SEPA) dhe integrimit gradual në Tregun e Përbashkët të BE-së”, ka deklaruar Schuebel.

    Ai ka theksuar se anëtarësimi në SEPA do t’i lehtësojë pagesat dhe transfertat e parave drejt dhe nga vendet pjesëmarrëse, duke i bërë ato më të shpejta dhe më të lira.

    “Ky është një lajm i mirë! Pasi Kosova të anëtarësohet në SEPA, pagesat dhe transfertat e parave drejt dhe nga vendet e zonës SEPA do të bëhen më të lehta, më të shpejta dhe më të lira, duke u kursyer bizneseve dhe qytetarëve kohë dhe para”, ka thënë ambasadori i BE-së.

    Sinjali – aty ku e vërteta flet para lajmit!

    /GazetaSinjali/

    The post BE-ja përshëndet miratimin e Ligjit për Parandalimin e Pastrimit të Parave: Kosova bën hap drejt SEPA-s appeared first on Sinjali.

    Burimi: Sinjali

  • 52 të dënuar në Dubravë i nënshtrohen programeve të risocializimit, trajtohet edhe dhuna ndaj grave

    52 të dënuar në Dubravë i nënshtrohen programeve të risocializimit, trajtohet edhe dhuna ndaj grave

    52 të dënuar në Dubravë i nënshtrohen programeve të risocializimit, trajtohet edhe dhuna ndaj grave

    Shërbimi Korrektues i Kosovës ka njoftuar se 52 të dënuar në Qendrën Korrektuese në Dubravë janë duke ndjekur programe të risocializimit, të cilat synojnë zhvillimin e aftësive personale dhe sociale, si dhe përgatitjen e tyre për riintegrim në shoqëri pas lirimit.

    Sipas njoftimit të publikuar në Facebook, njëri nga programet që po zbatohet është “Programi kombëtar për trajtimin e kryerësve të dhunës ndaj grave”, i cili zgjat gjashtë muaj dhe bazohet në modelin Duluth.

    Ky program synon ndryshimin e modeleve të mendimit dhe sjelljes, marrjen e përgjegjësisë për veprimet e dhunshme dhe promovimin e marrëdhënieve të shëndosha.

    Të dënuarit po marrin pjesë edhe në programin “Menaxhimi i zemërimit”, përmes të cilit mësojnë të kontrollojnë emocionet dhe impulset, si dhe të përballojnë konfliktet në mënyrë konstruktive.

    Ndërkaq, programi “Vendimmarrja sociale” fokusohet në zhvillimin e mendimit kritik, reflektimit moral dhe aftësive për marrjen e vendimeve të përgjegjshme.

    Sipas Shërbimit Korrektues të Kosovës, programet zbatohen nga stafi profesional përmes një qasjeje të strukturuar, me synimin për të nxitur ndryshimin pozitiv, përgjegjësinë personale dhe zhvillimin e shkathtësive të nevojshme për jetën pas lirimit.

    Institucioni ka theksuar se do të vazhdojë të investojë në rehabilitimin dhe risocializimin e të dënuarve, me qëllim të krijimit të mundësive për riintegrim të qëndrueshëm në shoqëri.

    Sinjali – aty ku e vërteta flet para lajmit!

    /GazetaSinjali/

    The post 52 të dënuar në Dubravë i nënshtrohen programeve të risocializimit, trajtohet edhe dhuna ndaj grave appeared first on Sinjali.

    Burimi: Sinjali

  • Vijojnë protestat e nxënësve dhe studentëve në rrethe, tensione në Lezhë

    Vijojnë protestat e nxënësve dhe studentëve në rrethe, tensione në Lezhë

    Në Lezhë, një pjesë e nxënësve, kryesisht nga gjimnazi “Hydajet Lezha”, kanë braktisur procesin mësimor dhe kanë dalë në protestë. Sipas raportimit të gazetarit Elvis Hila për RTSH-në, situata është tensionuar kur protestuesit kanë kërkuar të hyjnë në sheshin para Bashkisë së Lezhës, duke u përballur me forcat e Policisë.

    Gjatë protestës janë raportuar gjithashtu dëmtime të tabelave dhe kangjellave përgjatë rrugëve, si dhe thyerje të xhamave të disa shkollave. Policia ka shtuar praninë në qytet dhe ka rrethuar disa institucione kryesore. Gjithashtu, një i ri është shoqëruar nga uniformat blu.

    Ndërkohë, në Shkodër ka nisur marshimi i të rinjve, i cili po shoqërohet nga forca të shumta policore. Protestuesit u kanë bërë thirrje studentëve që t’i bashkohen bojkotit masiv të procesit mësimor.

    Edhe në Vlorë vijon bojkoti në universitet. Një pjesë e studentëve janë mbledhur nëpër auditore, në pritje të orës së përcaktuar për t’u organizuar dhe për të nisur protestën e ditës së sotme.

    Protestat vijojnë në disa qytete të vendit, ndërsa situata në terren po shoqërohet me masa të shtuara sigurie nga policia.

    Burimi: RTKLive

  • Vitia: 53.4% e rasteve të kancerit të gjirit u diagnostikuan në fazat e hershme

    Vitia: 53.4% e rasteve të kancerit të gjirit u diagnostikuan në fazat e hershme

    Gjatë konferencës ndërkombëtare “Karcinoma e Gjirit dhe Sfidat e Saj”, të organizuar në kuadër të muajit rozë, Vitia ka theksuar rëndësinë e kontrolleve të rregullta, diagnostikimit të hershëm dhe përmirësimit të qasjes në shërbimet shëndetësore.

    “Përmes këtij plani synojmë organizim më të mirë të kontrolleve dhe zgjerim të mundësive për zbulim të hershëm. Mamografia në institucionet tona publike është falas gjatë gjithë vitit”, ka deklaruar Vitia.

    Ai ka bërë të ditur se Kosova ka për herë të parë Planin e Veprimit për Skriningun e Kancerit të Gjirit 2026–2028. Sipas tij, përveç mamografit të instaluar në Fushë Kosovë, së shpejti pritet të shtohen edhe tetë mamografë të rinj digjitalë në komunat ku mungojnë këto pajisje. Ndërkohë, mamografi mobil po shërben për të lehtësuar qasjen në kontrolle në të gjithë vendin.

    Vitia ka përmendur edhe avancimin e shërbimeve të radioterapisë në Klinikën e Onkologjisë, përmes dy akseleratorëve të rinj, njëri prej të cilëve përdor teknologjinë SBRT.

    Ministri ka theksuar gjithashtu rëndësinë e mbështetjes psikologjike për gratë që përballen me kancerin e gjirit, duke vlerësuar se ato duhet të informohen dhe të mbështeten gjatë trajtimit dhe rikuperimit.

    “Detyra jonë është që këtyre pyetjeve t’u përgjigjemi me shpresë, me zgjidhje dhe me kujdes në kohë”, ka thënë Vitia.

    Ai ka falënderuar profesionistët shëndetësorë dhe pacientet që ndajnë përvojat e tyre, duke theksuar rëndësinë e angazhimit të përbashkët për përmirësimin e shërbimeve dhe diagnostikimin e hershëm të sëmundjes.

    Burimi: RTKLive

  • Shtatë shkyçje nga rrjeti i ujësjellësit në Prishtinë për shkak të borxheve

    Shtatë shkyçje nga rrjeti i ujësjellësit në Prishtinë për shkak të borxheve

    Shtatë shkyçje nga rrjeti i ujësjellësit në Prishtinë për shkak të borxheve

    Kompania Rajonale e Ujësjellësit “Prishtina” ka realizuar aksione në terren, gjatë të cilave janë kryer shtatë shkyçje nga rrjeti i ujësjellësit për shkak të borxheve të papaguara dhe lidhjeve ilegale.

    Sipas njoftimit të kompanisë, aksionet kanë për qëllim identifikimin dhe ndërprerjen e lidhjeve ilegale, si dhe shkyçjen e konsumatorëve që nuk i kanë përmbushur obligimet financiare ndaj kompanisë, transmeton Klankosova.tv.

    Kompania nuk ka dhënë detaje të tjera lidhur me lokacionet ku janë kryer shkyçjet.

  • BE-ja pas miratimit të Ligjit për Parandalimin e Pastrimit të Parave: Kosova një hap më afër SEPA-s

    BE-ja pas miratimit të Ligjit për Parandalimin e Pastrimit të Parave: Kosova një hap më afër SEPA-s

    BE-ja pas miratimit të Ligjit për Parandalimin e Pastrimit të Parave: Kosova një hap më afër SEPA-s

    Bashkimi Evropian në Kosovë ka reaguar pas miratimit në lexim të dytë të Ligjit për Parandalimin e Pastrimit të Parave nga Kuvendi i Kosovës, duke e vlerësuar këtë si një hap drejt anëtarësimit në Zonën e Vetme të Pagesave në Euro (SEPA).

    Ambasadori i BE-së në Kosovë, Dirk Schuebel, tha se miratimi i këtij ligji e afron Kosovën drejt anëtarësimit në SEPA dhe integrimit gradual në Tregun e Përbashkët të Bashkimit Evropian.

    “Me miratimin e Ligjit për Parandalimin e Pastrimit të Parave në lexim të dytë nga Kuvendi dje, Kosova ka bërë një hap tjetër drejt anëtarësimit në Zonën e Vetme të Pagesave në Euro (SEPA) dhe integrimit gradual në Tregun e Përbashkët të BE-së”, tha Ambasadori i BE-së në Kosovë, Dirk Schuebel.Ky është një lajm i mirë! Pasi Kosova të anëtarësohet në SEPA, pagesat dhe transfertat e parave drejt dhe nga vendet e zonës SEPA do të bëhen më të lehta, më të shpejta dhe më të lira, duke u kursyer bizneseve dhe qytetarëve kohë dhe para”, thuhet në njoftimin në Facebook./Klankosova.tv

  • Kosova pranon udhërrëfyesin për Inteligjencën Artificiale - pritet të miratohet në Procesin e Berlinit

    Kosova pranon udhërrëfyesin për Inteligjencën Artificiale – pritet të miratohet në Procesin e Berlinit

    Kosova pranon udhërrëfyesin për Inteligjencën Artificiale - pritet të miratohet në Procesin e Berlinit

    Samiti i tetë Digjital i Ballkanit Perëndimor përfundoi dje në Herceg Novi, Mal të Zi, pas dy ditësh diskutimesh që mblodhën së bashku përfaqësues të Gjashtëshes së Ballkanit Perëndimor, institucioneve të Bashkimit Evropian (BE), organizatave ndërkombëtare dhe drejtues të industrisë digjitale, me qëllim avancimin e transformimit digjital rajonal dhe integrimit në Tregun e Vetëm Digjital të BE-së.

    Samiti u organizua nga Ministria e Administratës Publike e Malit të Zi, nën kujdesin e Qeverisë së Malit të Zi, në partneritet me Këshillin për Bashkëpunim Rajonal (RCC), Bashkimin Evropian dhe partnerë të tjerë rajonalë e ndërkombëtarë, në kuadër të Kryesimit të Malit të Zi të Procesit të Berlinit për vitin 2026.

    Në Samit u mirëprit Udhërrëfyesi për Inteligjencën Artificiale për Gjashtëshen e Ballkanit Perëndimor, përfshirë edhe Kosovën, i hartuar nga RCC-ja së bashku me partnerët rajonalë, i cili përcakton një drejtim të përbashkët për zhvillimin dhe përdorimin e përgjegjshëm të inteligjencës artificiale.

    Udhërrëfyesi, i cili pritet të miratohet në Samitin e ardhshëm të Liderëve të Procesit të Berlinit, ofron një kornizë për forcimin e gatishmërisë së rajonit për inteligjencën artificiale, qeverisjen, inovacionin dhe përafrimin me standardet evropiane.

    Inteligjenca artificiale ishte ndër temat qendrore të Samitit, me një panel të posaçëm të titulluar “Inteligjenca artificiale: Mundësitë, sfidat dhe perspektivat e së ardhmes”, të moderuar nga Tanja Maraš, Eksperte e Lartë për Ndërlidhjen Digjitale në RCC. Duke mbledhur së bashku përfaqësues të Komisionit Evropian, organizatave ndërkombëtare, botës akademike dhe sektorit të teknologjisë, diskutimi shqyrtoi se si rajoni mund të kalojë nga ambiciet në fushën e inteligjencës artificiale drejt zbatimeve praktike, inovacionit më të fuqishëm dhe rritjes së konkurrueshmërisë ekonomike.

    “Sfida nuk është thjesht të përvetësojmë inteligjencën artificiale, por të sigurojmë që ajo të sjellë vlerë të vërtetë për ekonomitë tona, institucionet publike, bizneset dhe qytetarët, duke ndërtuar njëkohësisht besimin dhe duke siguruar që asnjë pjesë e rajonit të mos mbetet prapa”, thaMaraš, duke theksuar rëndësinë e bashkëpunimit rajonal, investimeve në aftësi dhe infrastrukturë, si dhe zhvillimit të përgjegjshëm të inteligjencës artificiale.

    Samiti përfundoi me një disa prioritete për përshpejtimin e integrimit digjital rajonal, duke përfshirë njohjen e ndërsjellë të identiteteve digjitale, zbatimin e Portofolave të Identitetit Digjital, shërbimet roaming më të përballueshme me BE-në, forcimin e bashkëpunimit në fushën e sigurisë kibernetike dhe përmirësimin e ndërlidhjes digjitale.

  • Ramush Haradinaj kujton Adrian Krasniqin: Dha jetën për lirinë e atdheut

    Ramush Haradinaj kujton Adrian Krasniqin: Dha jetën për lirinë e atdheut

    Ramush Haradinaj kujton Adrian Krasniqin: Dha jetën për lirinë e atdheut

    Ish-kreu i Aleancës, Ramush Haradinaj, ka përkujtuar gjeneralmajorin Adrian Krasniqi, të cilin e ka cilësuar si mik dhe bashkëluftëtar në rrugën drejt lirisë.

    Në një postim në Facebook, Haradinaj ka vlerësuar guximin dhe përkushtimin e Krasniqit, duke theksuar se ai mishëronte frymën e lirisë për të cilën luftuan dhe për të cilën dha jetën.

    “Gjeneralmajor Adrian Krasniqin e kisha mik dhe bashkëluftëtar në rrugën e lirisë. Zemërbardhë e guximtar i pashoq, ai mishëronte frymën e lirisë për të cilën luftuam dhe për të cilën ai dha jetën.

    Shembull e udhërrëfyes për brezat, për ta kuptuar se sa kushton liria dhe sa e madhe është dashuria për atdheun. Lavdi Adrianit dhe gjithë të rënëve për liri!”, shkroi Haradinaj./Klankosova.tv

  • Policia dhe KFOR-i vizitojnë veriun e Kosovës

    Policia dhe KFOR-i vizitojnë veriun e Kosovës

    Policia dhe KFOR-i vizitojnë veriun e Kosovës

    Drejtori i Përgjithshëm i Policisë së Kosovës, Gazmend Hoxha, së bashku me zyrtarë të lartë të NATO-s dhe KFOR-it, kanë vizituar njësitë policore kufitare dhe patrullat e përbashkëta në pjesën veriore të vendit.

    Sipas njoftimit të Policisë së Kosovës, vizita është zhvilluar më 15 tetor 2026, ku të pranishëm ishin edhe drejtori i Departamentit për Kufi, Fehmi Xhata, admirali George M. Wikoff, komandant i Komandës së Forcave të Përbashkëta Aleate të NATO-s në Napoli, si dhe gjeneralmajori Roberto Vergori, komandant i KFOR-it.

    Vizita kishte për qëllim vlerësimin e angazhimeve të përbashkëta në mbikëqyrjen e brezit kufitar, përfshirë vijën e gjelbër dhe vijën e kaltër, si dhe forcimin e bashkëpunimit dhe koordinimit ndërmjet njësive përkatëse.

    Gjatë takimit u vlerësua bashkëpunimi i vazhdueshëm ndërmjet Policisë së Kosovës dhe KFOR-it, me theks të veçantë te patrullimet e përbashkëta, shkëmbimi i informacionit dhe koordinimi në terren.

    Palët theksuan rëndësinë e vazhdimit të bashkëpunimit ndërinstitucional për ruajtjen e një mjedisi të sigurt, si dhe garantimin e paqes dhe stabilitetit në vend.

    Policia e Kosovës ka ritheksuar përkushtimin për përmbushjen e mandatit të saj ligjor dhe forcimin e bashkëpunimit me KFOR-in dhe partnerët ndërkombëtarë në funksion të sigurisë së qytetarëve.

    Sinjali – aty ku e vërteta flet para lajmit!

    /GazetaSinjali/

    The post Policia dhe KFOR-i vizitojnë veriun e Kosovës appeared first on Sinjali.

    Burimi: Sinjali

  • Sulm me armë në një shkollë fillore në SHBA, vriten tre fëmijë dhe një mësues

    Sulm me armë në një shkollë fillore në SHBA, vriten tre fëmijë dhe një mësues

    Sulm me armë në një shkollë fillore në SHBA, vriten tre fëmijë dhe një mësues

    Tre fëmijë dhe një mësues kanë humbur jetën si pasojë e një sulmi me armë zjarri në një shkollë fillore në shtetin amerikan të Oregonit, ndërsa dy persona të tjerë kanë mbetur të plagosur rëndë.

    Ngjarja ka ndodhur të enjten, më 15 tetor, në shkollën fillore “Silver Rail”, në qytetin Bend, ku një 16-vjeçar dyshohet se ka hyrë me forcë në objekt dhe ka hapur zjarr.

    Sipas autoriteteve, viktimat janë tre fëmijë të moshave 5, 8 dhe 11 vjeç, si dhe një mësues. Ndërkaq, një fëmijë shtatëvjeçar dhe një mësues 54-vjeçar janë dërguar në spital në gjendje kritike.

    Shefi i Policisë së Bendit, Mike Krantz, ka deklaruar se sulmuesi kishte hyrë në shkollë duke qëlluar me armë zjarri në dyert e mbyllura të ndërtesës.

    Sipas tij, 16-vjeçari është qëlluar për vdekje nga një qytetar i armatosur, i cili e kishte ndjekur brenda shkollës dhe ishte përballur me të.

    Policia ka mbërritur në vendngjarje pak minuta pas raportimeve të para për të shtëna me armë zjarri.

    Identiteti i të dyshuarit nuk është bërë publik, ndërsa autoritetet ende nuk kanë dhënë detaje për motivin e sulmit apo për ndonjë lidhje të mundshme të tij me shkollën.

    Hetimet për zbardhjen e plotë të rrethanave të kësaj ngjarjeje janë në vazhdim.

    Sinjali – aty ku e vërteta flet para lajmit!

    /GazetaSinjali/

    The post Sulm me armë në një shkollë fillore në SHBA, vriten tre fëmijë dhe një mësues appeared first on Sinjali.

    Burimi: Sinjali