Blog

  • Komuna e Rahovecit paralajmëron për erëra të forta të enjten, u bën thirrje qytetarëve për kujdes

    Komuna e Rahovecit paralajmëron për erëra të forta të enjten, u bën thirrje qytetarëve për kujdes

    Komuna e Rahovecit ka njoftuar se të enjten, më 19 nëntor 2026, priten erëra të forta nga drejtimi jugor dhe jugperëndimor, me shpejtësi prej 30 deri në 45 kilometra në orë, ndërsa gjatë vrullit të erës shpejtësia mund të jetë edhe më e lartë.

    Në njoftimin e Drejtorisë për Mbrojtje dhe Shpëtim, bazuar në parashikimet e Institutit Hidrometeorologjik të Kosovës (IHMK), qytetarëve u bëhet thirrje që të tregojnë kujdes të shtuar, me qëllim të parandalimit të incidenteve dhe mbrojtjes së jetës dhe pronës.

    Drejtoria rekomandon që qytetarët të sigurojnë objektet dhe sendet e lehta në ballkone, oborre dhe hapësira të jashtme, si dhe të kontrollojnë tabelat reklamuese, skelat dhe strukturat e tjera që mund të rrëzohen nga era.

    Po ashtu, qytetarëve u bëhet thirrje të shmangin qëndrimin pranë drunjve, objekteve dhe strukturave të paqëndrueshme, ndërsa drejtuesit e automjeteve këshillohen të kenë kujdes të shtuar gjatë qarkullimit rrugor, veçanërisht në zonat e ekspozuara ndaj erërave të forta.

    Drejtoria për Mbrojtje dhe Shpëtim ka bërë të ditur se do të vazhdojë ta përcjellë situatën dhe, në rast të ndryshimit të kushteve meteorologjike, do t’i informojë qytetarët me kohë.

    Në fund, institucionet komunale kanë apeluar te qytetarët që t’u përmbahen rekomandimeve për të parandaluar situatat e rrezikshme. /Telegrafi/

  • The prosecution comes up with details about the murder in Suhareka: It happened in the presence of the victim’s minor wife and daughter

    New details have been dawned by today’s tragic registered afternoon event in Suhareka, where a person was killed with firearms in a shopping mall parking lot, the signal reports.

    The Constitutional Prosecutor in Prizren has announced that the case occurred around 12:03, while the suspect of this crime has been identified with the R.H. initials.

    According to the first data from the investigation, the serious crime allegedly occurred following a immediate disagreement. What makes the incident even more shocking is the fact that everything is suspected of happening in the presence of the victim’s minor wife and daughter, who has been identified with the S.D. initials.

    Immediately after receiving the information, the guardian prosecutor of the Randa Crimes, police units and forensic teams have emerged at the scene. By order of the prosecutor, the victim’s lifeless body has been sent to the Law Medicine Institute ( IML).

    At the State Attorney’s decision, suspect R.H. It’s been stopped for 48 hours. There is a doubt about him that he has committed criminal acts:

    Heavy homicide (from Article 173) KPRK)

    Keeping ownership, control or unauthorized possession of weapons

    The prosecution has warned that within the legal deadline it will apply for the appointment of the detention measure against the suspects, while intensive investigations to fully whiteen the motives and circumstances of this event are continuing in co-ordination with the Kosovo Police.

    Note: The people mentioned in this news are considered innocent until their guilt is confirmed by court’s firm form.

    The signal where the truth speaks before the news!

    /Gazeta Sinjali/

    Source Layer: Signal

  • Prokuroria del me detaje për vrasjen në Suharekë: Ndodhi në prani të gruas dhe vajzës së mitur të viktimës

    Prokuroria del me detaje për vrasjen në Suharekë: Ndodhi në prani të gruas dhe vajzës së mitur të viktimës

    Prokuroria del me detaje për vrasjen në Suharekë: Ndodhi në prani të gruas dhe vajzës së mitur të viktimës

    Detaje të reja janë zbardhur nga ngjarja tragjike e regjistruar mesditën e sotme në Suharekë, ku një person mbeti i vrarë me armë zjarri në parkingun e një qendre tregtare, raporton Sinjali.

    Prokuroria Themelore në Prizren ka njoftuar se rasti ka ndodhur rreth orës 12:03, ndërsa i dyshuari për këtë krim është identifikuar me inicialet Rr.H.

    Sipas të dhënave të para nga hetimet, krimi i rëndë dyshohet se ka ndodhur pas një mosmarrëveshjeje të çastit. Ajo që e bën edhe më tronditëse ngjarjen është fakti se gjithçka dyshohet se ka ndodhur në prani të bashkëshortes dhe vajzës së mitur të viktimës, i cili është identifikuar me inicialet S.D.

    Menjëherë pas marrjes së informatës, në vendin e ngjarjes kanë dalë prokurori kujdestar i Krimeve të Rënda, njësitet policore dhe ekipet e forenzikës, të cilët kanë kryer ekzaminimet e nevojshme. Me urdhër të prokurorit, trupi i pajetë i viktimës është dërguar për obduksion në Institutin e Mjekësisë Ligjore (IML).

    Me vendim të prokurorit të shtetit, i dyshuari Rr.H. është ndaluar për 48 orë. Ndaj tij ekziston dyshimi i bazuar se ka kryer veprat penale:

    “Vrasja e rëndë” (nga neni 173 i KPRK-së)

    “Mbajtja në pronësi, kontroll ose posedim të paautorizuar të armëve” (nga neni 366 i KPRK-së)

    Prokuroria ka paralajmëruar se brenda afatit ligjor do të paraqesë kërkesë për caktimin e masës së paraburgimit ndaj të dyshuarit, ndërsa hetimet intensive për të zbardhur plotësisht motivet dhe rrethanat e kësaj ngjarjeje po vazhdojnë në koordinim me Policinë e Kosovës.

    Shënim: Personat e përmendur në këtë lajm konsiderohen të pafajshëm derisa fajësia e tyre të vërtetohet me vendim të formës së prerë të gjykatës.

    Sinjali – aty ku e vërteta flet para lajmit!

    /GazetaSinjali/

    Burimi: Sinjali

  • Suhareka murder occurred after a disagreement in the presence of the victim’s minor wife and daughter

    The Constitutional Prosecutor in Prizren has indicated that within the legal deadline it will apply for the appointment of the detention measure against the person suspected of the serious murder that took place today in Suhareka.

    Source Layer: Dukeagini

  • Vrasja në Suharekë ndodhi pas një mosmarrëveshjeje, në prani të bashkëshortes dhe vajzës së mitur të viktimës

    Vrasja në Suharekë ndodhi pas një mosmarrëveshjeje, në prani të bashkëshortes dhe vajzës së mitur të viktimës

    Prokuroria Themelore në Prizren ka bërë të ditur se brenda afatit ligjor do të paraqesë kërkesë për caktimin e masës së paraburgimit ndaj personit të dyshuar për vrasjen e rëndë që ndodhi sot në Suharekë.

    Burimi: Dukagjini

  • Prokuroria e Prizrenit: Viktimës iu mor jeta në prani të gruas dhe vajzës së mitur

    Prokuroria e Prizrenit: Viktimës iu mor jeta në prani të gruas dhe vajzës së mitur

    Prokuroria e Prizrenit: Viktimës iu mor jeta në prani të gruas dhe vajzës së mitur

    Prokuroria Themelore në Prizren ka dhënë detaje lidhur me rastin e rëndë të vrasjes në Suharekë, që ka ndodhur gjatë ditës së sotme.

    Kjo prokurori ka njoftuar se e ka ndaluar për 48 orë të dyshuarin, Rrahman Hoti.

    “Pas pranimit të informatës, menjëherë në vendin e ngjarjes kanë dalë prokurori kujdestar nga Departamenti për Krime të Rënda, së bashku me njësitet relevante të Policisë së Kosovës dhe ekipet e krim-teknikës me qëllim të zhvillimit dhe përfundimit të procedurave hetimore në vendin e ngjarjes. Me urdhër të prokurorit, trupi i viktimës është dërguar për obduksion në IML.”, thuhet në njoftim.  

    Gjithashtu, kjo prokurori ka dhënë detaje se si ka ndodhur rasti.

    “Bazuar në të dhënat fillestare të hetimit, i dyshuari Rr.H., dyshohet se, pas një mosmarrëveshjeje të çastit dhe në prani të bashkëshortes dhe vajzës së mitur të viktimës, ka privuar nga jeta personin me inicialet S.D., duke qëlluar me armë zjarri në parkingun e një qendre tregtare në Suharekë.”, thuhet në njoftim.

    Sipas njfotimit, me vendim të prokurorit të shtetit, i dyshuari Rr.H., është ndaluar për 48 orë, për shkak të dyshimit të bazuar se ka kryer veprat penale “Vrasja e rëndë” nga neni 173 dhe “Mbajtja në pronësi, kontroll ose posedim të paautorizuar të armëve” nga neni 366, sipas Kodit Penal të Republikës së Kosovës. /Klankosova.tv

  • Rasti i Arlindës: Nis intervistimi i drejtueses së QPS-së në Pejë

    Rasti i Arlindës: Nis intervistimi i drejtueses së QPS-së në Pejë

    Rasti i Arlindës: Nis intervistimi i drejtueses së QPS-së në Pejë

    Komisioni Hetimor Parlamentar ka nisur intervistimin e Shpresa Lukajt, ushtruese e detyrës së drejtoreshës së Qendrës për Punë Sociale (QPS), në kuadër të hetimit parlamentar lidhur me rastin e vrasjes së Arlinda Zekajt.

    Ajo do të merret në pyetje për veprimet e ndërmarra nga ky institucion, si dhe për dyshimet e ngritura.

    Gjatë mbledhjes së Komisionit, Besa Kabashi-Ramaj ka kërkuar nga deputetët që të adresojnë rastet e dhunës pranë institucioneve kompetente dhe të ndërmerren masa konkrete e të menjëhershme për parandalimin dhe trajtimin e tyre.

    Ajo ka theksuar rëndësinë e reagimit institucional dhe të marrjes së përgjegjësive për të parandaluar raste të tjera të dhunës. /Klankosova.tv

     

  • Vrasja në Suharekë, 60-vjeçari u qëllua në një qendër tregtare në sy të gruas dhe vajzës së mitur

    Vrasja në Suharekë, 60-vjeçari u qëllua në një qendër tregtare në sy të gruas dhe vajzës së mitur

    Prokuroria Themelore në Prizren – Departamenti për Krime të Rënda, informon opinionin publik se sot, me datë 18.11.2026 rreth orës 12:03 min në Suharekë, ka ndodhur një rast i vrasjes së rëndë.

    Sipas një njoftimi për media bëhet e ditur se pas pranimit të informatës, menjëherë në vendin e ngjarjes kanë dalë prokurori kujdestar nga Departamenti për Krime të Rënda, së bashku me njësitet relevante të Policisë së Kosovës dhe ekipet e krim-teknikës me qëllim të zhvillimit dhe përfundimit të procedurave hetimore në vendin e ngjarjes.

    “Me urdhër të prokurorit, trupi i viktimës është dërguar për obduksion në IML”, thuhet në njoftim.

    Ndërkaq, siç thuhet në njoftim, bazuar në të dhënat fillestare të hetimit, i dyshuari Rr.H., dyshohet se, pas një mosmarrëveshjeje të çastit dhe në prani të bashkëshortes dhe vajzës së mitur të viktimës, ka privuar nga jeta personin me inicialet S.D., duke qëlluar me armë zjarri në parkingun e një qendre tregtare në Suharekë.

    “Me vendim të prokurorit të shtetit, i dyshuari Rr.H., është ndaluar për 48 orë, për shkak të dyshimit të bazuar se ka kryer veprat penale “Vrasja e rëndë” nga neni 173 dhe ‘Mbajtja në pronësi, kontroll ose posedim të paautorizuar të armëve’ nga neni 366, sipas Kodit Penal të Republikës së Kosovës. Brenda afatit ligjor, Prokuroria do të parashtrojë kërkesë për caktimin e masës së paraburgimit ndaj të dyshuarit”, thuhet në njoftim.

    Prokuroria Themelore në Prizren, në bashkëpunim me Policinë e Kosovës, është duke vazhduar hetimet intensive për zbardhjen e motiveve dhe rrethanave të plota të kësaj ngjarjeje. /Telegrafi/

  • Pse foshnjat fillojnë të zgjohen më shpesh natën? Shkencëtarët kanë një shpjegim interesant

    Pse foshnjat fillojnë të zgjohen më shpesh natën? Shkencëtarët kanë një shpjegim interesant

    Prindërit që kanë vënë re se foshnjat e tyre zgjohen papritur më shpesh gjatë natës, edhe pse kanë pasur një model gjumi mjaft të rregullt, mund të kenë vënë re diçka që lidhet me zhvillimin e tyre.

    Hulumtimet e reja sugjerojnë se ndryshimet në gjumë mund të ndodhin pikërisht gjatë periudhave kur foshnjat po mësojnë aftësi të reja, të tilla si zvarritja, ecja dhe të folurit.

    Studimi, i botuar në revistën Developmental Psychobiology, shqyrtoi lidhjen midis gjumit dhe zhvillimit të aftësive të reja gjatë vitit të parë të jetës. Shkencëtarët Mali Waugh dhe Sarah E. Berger analizuan të dhënat e mbledhura nga më shumë se 200 foshnje të moshës pesë deri në 12 muaj.

    Prindërit monitoruan modelet e gjumit të foshnjave të tyre duke përdorur pajisje të posaçme, ndërkohë që vunë re edhe kur fëmijët e tyre filluan të tregonin aftësi të reja. Studiuesit më pas krahasuan të dhënat e gjumit me periudhat në të cilat ndodhën disa momente zhvillimore.

    Zgjimet më të shpeshta shoqërohen me përvetësimin e aftësive të reja

    Rezultatet treguan se ndryshimet në gjumë shpesh përkonin me zhvillimin e aftësive të reja. Kjo vlente për aftësitë motorike, siç janë përpjekjet e para për zvarritje dhe ecje, por edhe për zhvillimin e të folurit.

    Ndër ndryshimet e vëzhguara ishin gumëzhitja, belbëzimi, krijimi i kombinimeve të reja tingujsh, shqiptimi i fjalëve të para dhe emërtimi i objekteve. Me fjalë të tjera, periudhat në të cilat foshnjat po fitojnë intensivisht aftësi të reja mund të shoqërohen edhe me netë më të trazuara.

    Është interesante se ndryshimet më të theksuara në gjumë u vunë re në periudhën nga një javë para deri në një javë pas shfaqjes së një aftësie të re. Kjo sugjeron që modelet e gjumit mund të ndryshojnë edhe para se prindërit të vënë re se foshnja e tyre ka zotëruar një aftësi të re.

    Çfarë ndodh në trurin e një foshnje gjatë gjumit?

    Shkencëtarët besojnë se këto ndryshime mund të lidhen me proceset intensive që ndodhin në tru gjatë zhvillimit. Konkretisht, gjumi nuk është vetëm një mjet pushimi, por është gjithashtu i rëndësishëm për përpunimin e informacionit dhe konsolidimin e njohurive dhe aftësive të reja.

    Gjatë gjumit, truri përpunon përvojat dhe informacionin e mbledhur gjatë ditës, të cilat mund të kontribuojnë në zhvillimin e aftësive motorike dhe gjuhësore. Edhe pse lidhja midis gjumit dhe përvetësimit të aftësive motorike ka qenë tashmë objekt i hulumtimeve të mëparshme, ky studim sjell gjithashtu njohuri të reja mbi lidhjen e mundshme midis gjumit dhe zhvillimit të të folurit tek foshnjat.

    Megjithatë, studiuesit paralajmërojnë se ende nuk është e mundur të shpjegohet me siguri pse ndodhin këto ndryshime. Studimi gjeti një lidhje midis fitimit të aftësive të reja dhe ndryshimeve në gjumë, por nuk vërtetoi se zhvillimi i një aftësie shkakton drejtpërdrejt zgjime më të shpeshta.

  • Liria kampione vjeshtore në Ligën e Parë, skuadra e Ismet Munishit po marshon drejt elitës

    Liria kampione vjeshtore në Ligën e Parë, skuadra e Ismet Munishit po marshon drejt elitës

    Liria e Prizrenit është zyrtarisht kampione vjeshtore në Ligën e Parë të Kosovës, pasi ka fituar me rezultat 2-1 në udhëtim ndaj Mitrovicës, në ndeshjen e mbetur të javës së tetë.

    Prizrenasit siguruan tri pikë të rëndësishme në një përballje që u vendos në minutat e fundit. Fitim Susuri e kaloi Lirinë në epërsi në minutën e 39-të, ndërsa Rasheed Salami barazoi shifrat në fillim të pjesës së dytë.

    Kur ndeshja po shkonte drejt fundit, Neki Likaj shënoi golin e fitores në minutën e 80-të, duke i dhënë Lirisë tri pikë që vulosën pozitën e saj në krye të tabelës.

    Pas 16 ndeshjeve të zhvilluara, Liria kryeson me 39 pikë, gjashtë më shumë se Prishtina e Re, që ka 33. Në vendin e tretë renditet Ferizaj me 30 pikë.

    Deri në përfundim të stinorit vjeshtor ka mbetur edhe një xhiro. Liria do të përballet me Rilindjen 1974, ndërsa Prishtina e Re do të luajë në udhëtim te Ferizaj. Kjo përballje mes dy ndjekësve të saj mund t’i japë Lirisë mundësinë për ta thelluar edhe më shumë epërsinë në krye të tabelës.

    Liria, një skuadër e konsoliduar nën drejtimin e Munishit

    Liria po zhvillon një sezon shumë të mirë dhe duket se kryesia e re, së bashku me shtabin teknik, ka arritur t’i mbulojë boshllëqet e lëna nga edicioni i kaluar.

    Ismet Munishi vendosi të vazhdojë punën në Prizren me një synim të qartë: rikthimin e klubit me traditë në elitën e futbollit kosovar. Deri më tani, rezultatet e kanë dëshmuar se skuadra është në rrugë të mbarë drejt këtij objektivi.

    Në 15 ndeshjet e para të kampionatit, Liria ka regjistruar 11 fitore, tri barazime dhe vetëm një humbje. Prizrenasit kanë shënuar 27 gola dhe kanë pranuar vetëm shtatë, duke pasur mbrojtjen më të mirë të kampionatit.

    Në repartin ofensiv, golashënuesi më i mirë i Lirisë deri më tani është Drin Ymeri me gjashtë gola, i ndjekur nga Fitim Susuri me pesë.

    Me gjashtë pikë epërsi ndaj ndjekësit të parë dhe me një bilanc mbresëlënës, Liria po e mbyll stinorin vjeshtor në pozitën që i takon një skuadre me ambicie të qarta për t’u rikthyer në Superligë. /Telegrafi/

    Standings provided by Sofascore