Blog

  • Sulmohet nga qentë endacakë imami në Gjilan, pëson lëndime trupore, përgjakje dhe shtypje

    Sulmohet nga qentë endacakë imami në Gjilan, pëson lëndime trupore, përgjakje dhe shtypje

    Sulmohet nga qentë endacakë imami në Gjilan, pëson lëndime trupore, përgjakje dhe shtypje

    Imami i Xhamisë së Vogël në Gjilan, Naser Halimi, është sulmuar nga qentë endacakë në orët e hershme të mëngjesit, teksa po shkonte në xhami për ta falur namazin e sabahut. Si pasojë e sulmit, ai ka pësuar lëndime trupore dhe ka marrë trajtim mjekësor në emergjencë.

    Rastin e ka bërë të ditur vetë imami përmes një postimi në Facebook, ku ka përshkruar përvojën e tij, duke thënë se përveç lëndimeve fizike, ka përjetuar edhe trauma nga sulmi.

    Në reagimin e tij, imami u ka bërë thirrje institucioneve kompetente që të ndërmarrin masa për trajtimin e qenve endacakë, duke vënë në pah rrezikun që, sipas tij, ata paraqesin për jetën dhe sigurinë e qytetarëve.

    Postimi i plotë:

    Me prioritet jetën e Njeriut!

    Sot në mëngjes, ka po shkoja për në xhami për ta falur namazin e sabahut, u sulmova nga qentë endacakë.
    Si pasojë e sulmit të qenve, unë morra lëndime trupore, përgjakje, shtypje…!
    Përveq lëndimeve në trup, kam fituar edhe trauma, ngase me të vërtetë ka qenë thuaja se një luftë fyt a fyt me qentë endacakë.
    Në orët e hershme të mëngjesit mora trajtim nga stafi mjeksor i emergjencës të cilët i falenderoj për reagim dhe korrektësi!
    Po ashtu, i falenderoj edhe disa qytetarë të cilët reaguan për ta ndaluar më të keqen e mundëshme.

    Reagim: U bëj thirrje organëve kompetente që të merren seriozisht për trajtimin e qenve endacakë të cilët janë bërë rrezik potencial për jetën e qytetarëve!
    N.H

    Sinjali – aty ku e vërteta flet para lajmit!

    /GazetaSinjali/

    The post Sulmohet nga qentë endacakë imami në Gjilan, pëson lëndime trupore, përgjakje dhe shtypje appeared first on Sinjali.

    Burimi: Sinjali

  • Axios: SHBA-ja kërcënon t’ia ndërpresë Ukrainës inteligjencën për shkak të sulmeve ndaj Rusisë

    Axios: SHBA-ja kërcënon t’ia ndërpresë Ukrainës inteligjencën për shkak të sulmeve ndaj Rusisë

    Axios: SHBA-ja kërcënon t’ia ndërpresë Ukrainës inteligjencën për shkak të sulmeve ndaj Rusisë

    Të dërguarit e presidentit amerikan, Donald Trump, Steve Witkoff dhe Jared Kushner, dyshohet se e kanë paralajmëruar delegacionin ukrainas se Uashingtoni mund ta ndërpresë shkëmbimin e informacioneve të inteligjencës me Kievin, nëse Ukraina vazhdon sulmet ndaj rafinerive të naftës në Rusi.

    Sipas “Axios”, që citon një zyrtar ukrainas, gjatë bisedimeve përfaqësuesit amerikanë paralajmëruan se Trump mund t’ia ndërpriste Ukrainës qasjen në inteligjencën amerikane, nëse Kievi nuk i përfillte kërkesat për ndalimin e sulmeve, transmeton Telegrafi.

    Megjithatë, një zyrtar amerikan i mohoi këto pretendime, duke deklaruar se Witkoff dhe Kushner vetëm ua kishin rikujtuar ukrainasve se SHBA-ja është partner i besueshëm, i cili u ofron municione dhe informacione të inteligjencës. Sipas tij, Ukraina duhet të shmangë veprimet që dëmtojnë konsumatorët amerikanë.

    “Sulmet ndaj rafinerive shkaktojnë dëme në Rusi, por shkaktojnë dëme edhe në SHBA”, deklaroi zyrtari amerikan.

    Sipas raportimit të “Axios”, Trump kishte vendosur të arrinte një marrëveshje me Rusinë për furnizimin me karburant dizel, pasi presidenti ukrainas, Volodymyr Zelenskyy, kishte shpërfillur gjashtë kërkesa amerikane për ndalimin e sulmeve ndaj rafinerive ruse të naftës.

    Më 9 tetor, Trump njoftoi se kishte zhvilluar një bisedë telefonike me presidentin rus, Vladimir Putin, gjatë së cilës, sipas tij, ishin pajtuar për furnizimin me miliona tonë karburant dizel rus për tregun amerikan dhe atë global.

    Ndërkohë, bisedimet mes përfaqësuesve ukrainas, evropianë dhe amerikanë në Miami përfunduan më herët se sa ishte planifikuar. Takimet pritej të zgjasnin dy ditë, por u mbyllën para kohe, ndonëse Witkoff i cilësoi ato si produktive.

    Sinjali – aty ku e vërteta flet para lajmit!

    /GazetaSinjali/

    The post Axios: SHBA-ja kërcënon t’ia ndërpresë Ukrainës inteligjencën për shkak të sulmeve ndaj Rusisë appeared first on Sinjali.

    Burimi: Sinjali

  • Shaheen nga Tirana: SHBA-ja duhet të përqendrohet te ekonomia, stabiliteti e demokracia në Ballkanin Perëndimor

    Shaheen nga Tirana: SHBA-ja duhet të përqendrohet te ekonomia, stabiliteti e demokracia në Ballkanin Perëndimor

    Senatorja amerikane, Jeanne Shaheen, ka thënë të premten në Tiranë se Shtetet e Bashkuara duhet ta përqendrojnë politikën e vet karshi Ballkanit Perëndimor në tri fusha: mundësitë ekonomike, stabilitetin dhe institucionet demokratike.

    Shaheen, anëtare e rangut më të lartë të pakicës në Komitetin për Marrëdhënie me Jashtë të Senatit, po e udhëheq një delegacion të Kongresit amerikan gjatë një vizite disaditore në Ballkanin Perëndimor.

    Ajo e vizitoi Bosnje e Hercegovinën dhe tani po qëndron në Shqipëri, para se të udhëtojë drejt Kosovës të hënën. Ajo do t’i vizitojë edhe Malin e Zi e Kroacinë.

    Gjatë qëndrimit në Tiranë, ku u takua me liderë të rinj për të shtjelluar rolin e gjeneratës së ardhshme në ndërtimin e së ardhmes së Shqipërisë, Shaheen theksoi rëndësinë e angazhimit ekonomik amerikan, duke përfshirë heqjen e barrierave tregtare, zgjerimin e qasjes në tregje dhe mbështetjen për bizneset amerikane dhe sipërmarrësit shqiptarë.

    “Dua t’i jap meritat kësaj administrate në Uashington. Ajo i ka kushtuar më shumë vëmendje angazhimit ekonomik amerikan, dhe mendoj se kjo është e mirë për rajonin”, tha Shaheen për administraten Trump.

    Por ajo shtoi se “diplomacia amerikane duhet t’ua hapë dyert bizneseve amerikane, por nuk duhet të vendosë se cilat biznese amerikane duhet të kalojnë nëpër ato dyer”.

    Muajin e kaluar, zhvilluesi amerikan i projekteve të gazit të lëngshëm natyror (LNG), Argent LNG, nënshkroi memorandum mirëkuptimi me Qeverinë e Shqipërisë për ta vlerësuar ndërtimin e një terminali në tokë për ruajtjen dhe rigazifikimin e LNG-së, me kapacitet deri në 5 milionë tonë në vit.

    Disa shtete të Ballkanit Perëndimor kanë nënshkruar marrëveshje me kompani amerikane dhe SHBA-në për të zgjeruar rrjetin e gazit. Në mesin e tyre Shqipëria, Kroacia dhe Bosnje e Hercegovina.

    Ndërsa, kryeministri i Kosovës, Albin Kurti, tha në korrik se vendi po e shqyrtonte mundësinë për ta përdorur gazin amerikan në të ardhmen, mes thirrjeve të vazhdueshme për t’iu bashkuar projektit të aleatit të vet më të madh për furnizim me LNG.

    Duke folur për stabilitetin, senatorja u ndal te gjendja në Bosnje e Hercegovinë, ku kishte qëndruar para vizitës në Shqipëri dhe ishte nderuar me titullin “Qytetare Nderi e Sarajevës”.

    Ajo tha se, më shumë se 30 vjet pas luftës, udhëheqësit politikë ende po shfrytëzojnë ndasitë etnike dhe po sfidojnë sovranitetin dhe integritetin territorial të vendit.

    “Shqipëria e kupton se paqëndrueshmëria nuk ndalet në kufi. Ajo që ndodh në Bosnjë ka rëndësi edhe këtu. Ajo që ndodh në Kosovë ka rëndësi edhe këtu”, tha Shaheen.

    Ajo theksoi se politika amerikane duhet të përforcojë institucionet dhe marrëveshjet që kanë ndihmuar në ruajtjen e stabilitetit në rajon.

    Gjatë qëndrimit në Sarajevë, ajo i bëri thirrje Bosnjës të vazhdojë të shikojë drejt Bashkimit Evropian dhe NATO-s, dhe të largohet nga Rusia.

    Si fushë të tretë, Shaheen përmendi demokracinë dhe sundimin e ligjit, duke argumentuar se ato janë të lidhura ngushtë me zhvillimin ekonomik dhe sigurinë.

    Sipas saj, bizneset investojnë kur kontratat zbatohen dhe gjykatat janë të pavarura, ndërsa sipërmarrësit kanë nevojë për kushte të barabarta garimi.

    Ajo ritheksoi gjithashtu mbështetjen për një rrugë të besueshme drejt anëtarësimit në Bashkimin Evropian për vendet e Ballkanit Perëndimor.

    Sipas Shaheen, procesi i integrimit evropian ndihmon në forcimin e sundimit të ligjit, institucioneve demokratike dhe qeverisjes ekonomike. Ajo i cilësoi këto reforma të rëndësishme si për vendet e rajonit, ashtu edhe për Shtetet e Bashkuara.

    Megjithatë, senatorja paralajmëroi se procesi i anëtarësimit duhet të mbetet i besueshëm dhe se perspektiva evropiane nuk duhet të shndërrohet në premtim të pafund.

    “Duhet të ketë një rrugë të qartë përpara për vendet që i përmbushin detyrat e tyre”, tha ajo.

    Nga vendet e Ballkanit Perëndimor, Mali i Zi dhe Shqipëria shihen si më të përparuarat në rrugën drejt anëtarësimit dhe që të dyja synojnë të bëhen pjesë e bllokut deri më 2030.

    Ndryshe nga vendet e tjera të Ballkanit Perëndimor, Kosova ende nuk e ka statusin e vendit kandidat për anëtarësim në Bashkimin Evropian.

    Ajo aplikoi për anëtarësim në fund të vitit 2022, por kërkesa e saj ende nuk është shqyrtuar.

    Serbia ka 22 nga 35 kapitujt e negociatave të hapur me BE-në, por procesi i saj është i bllokuar që nga viti 2021. Ndërsa Bosnje e Hercegovina e mori dritën e gjelbër për hapjen e negociatave në mars 2024, por ende pret miratimin e kornizës negociuese dhe nisjen zyrtare të tyre.

    Kjo është vizita e fundit e Shaheenit në Ballkanin Perëndimor në kuadër të një delegacioni të Kongresit në cilësinë e anëtares së rangut më të lartë të pakicës në Komitetin për Marrëdhënie me Jashtë të Senatit./KP

    Burimi: Dukagjini

  • Stresi, ankthi dhe depresioni, ndër problemet më të shpeshta të shëndetit mendor

    Stresi, ankthi dhe depresioni, ndër problemet më të shpeshta të shëndetit mendor

    Stresi, ankthi dhe depresioni, ndër problemet më të shpeshta të shëndetit mendor

    Edicioni i tetë i Kongresit Ndërkombëtar me temë “Shëndeti mendor: sfidat dhe perspektivat e së ardhmes” është mbajtur sot. Aty u diskutua për sfidat në fushën e shëndetit mendor dhe perspektivat për përmirësimin e kujdesit dhe mbështetjes për shëndetin mendor.

    Ilir Havolli, kryetari i Shoqatës së Psikologëve të Kosovës dhe i Shoqatës së Psikologëve të Shqipërisë, në një prononcim për KosovaPress, ka thënë se stresi, ankthi dhe depresioni janë ndër problematikat më të shpeshta të shëndetit mendor.

    “Problematikat në atë shëndetin mendor sidomos kohëve të fundit janë stresi, ankthi, depresioni, të cilat janë bërë faktikisht të pranishme te çdo individ, te çdo shtresë e popullatës”, theksoi ai, derisa tha se nëse këto nuk do të arrihen të menaxhohen siç duhet, i shtynë ata drejt situatave të papërshtatshme meqë këto problematika i kalojnë kapacitetet e tyre menaxhuese.

    Havolli ka vlerësuar se krahasuar me vitet e kaluara, është rritur ndërgjegjësimi i qytetarëve për rëndësinë e shëndetit mendor dhe kërkimin e ndihmës profesionale, por sipas tij në Kosovë ka shumë psikologë klinikë, ka shumë profesionistë të shëndetit mendor, ka shumë specialistë psikologjikë klinike, të cilët janë tamam specialist dhe mundësia e tyre për t’u inkorporuar nëpër institucione dhe të ofrojnë shërbimet e tyre psikologjike për popullatën është e kufizuar

    Ndërkaq, psikologia e shëndetit publik nga Tirana, Jonida Haxhiu, ka folur për ndërlidhjen mes shëndetit mendor dhe rasteve të dhunës, duke theksuar se dhuna nuk duhet të normalizohet apo të pranohet, pavarësisht rrethanave.

    “Ka persona që janë viktima të dhunës, ka persona që dhunojnë për shkak të problemeve të shëndetit mendor, për shkak të problemeve të tyre psikologjike dhe ka të tjerë që janë dëshmitarë të këtyre situatave dhe hezitojnë ta, të shprehin apo hezitojnë të pranojnë që diçka jo normale po ndodh. Një situatë dhune në fakt, pavarësisht kontekstit që në jo pak raste pranohet si mënyrë e reagimit, si mënyrë e ndëshkimit, si mënyrë, le të themi e reflektimit të asaj që po kalon individi, dhuna është një, tregon që personi dhunues ka probleme të shëndetit mendor, ka probleme në menaxhimin e emocioneve, ka probleme në komunikimin normal dhe askush nuk duhet të pranojë një situatë dhune, askush nuk duhet të pranojë të, të vendosë veten në një situatë dhune, të pranojë të nënshtrohet problemit të shëndetit mendor të një individi tjetër”, tha ajo.

    Në anën tjetër, psikologu nga Tetova, Musa Musai, ka theksuar se shqetësimet psikologjike mund të shërbejnë si sinjale paralajmëruese për gjendjen emocionale të individit. Sipas tij, kërkimi i këshillimit psikologjik mund të ndihmojë në identifikimin dhe përballimin e këtyre shqetësimeve përpara se ato të bëhen të papërballueshme.

    Punimet këtij kongresi vazhdojnë edhe nesër në ditën e dytë.

  • Barazimi i kushton Hasit, Dellovës e Krasniqit, Amedspori humb kreun

    Barazimi i kushton Hasit, Dellovës e Krasniqit, Amedspori humb kreun

    Barazimi i kushton Hasit, Dellovës e Krasniqit, Amedspori humb kreun

    Amedspori, skuadra e drejtuar nga trajneri Besnik Hasi, ku luajnë edhe futbollistët kosovarë Lumbardh Dellova dhe Ermal Krasniqi, ka lëshuar pikë të rëndësishme në xhiron e shtatë të Superligës së Turqisë, duke barazuar 2:2.

    Ky rezultat i kushtoi skuadrës në renditje, pasi para kësaj xhiroje ishte në krye të tabelës. Pas fitores 3:1 ndaj Kasimpashas të premten mbrëma, Galatasaray tani ka dy pikë më shumë se Amedspori.

    Në golin e dytë të Amedsporit, të shënuar në minutën e 67-të, rol të rëndësishëm pati Ermal Krasniqi. Pas një aksioni të mirë në zonë, futbollisti kosovar goditi shtyllën me të majtën, ndërsa topi i kthyer vazhdoi aksionin, të cilin Samuel Ballet e konkretizoi me një supergol për rezultatin 2:1.

    Ndërkohë, Lumbardh Dellova u zëvendësua në minutën e 84-t, kurse Krasniqi e përfundoi paraqitjen në minutën e 92-të.

    Barazimi e lë Amedsporin prapa Galatasarayt në garën për kreun e tabelës.

    Sinjali – aty ku e vërteta flet para lajmit!

    /GazetaSinjali/

    The post Barazimi i kushton Hasit, Dellovës e Krasniqit, Amedspori humb kreun appeared first on Sinjali.

    Burimi: Sinjali

  • Publikohet fotografia e rrallë e helikopterëve britanikë gjatë hyrjes në Kosovë më 1999

    Publikohet fotografia e rrallë e helikopterëve britanikë gjatë hyrjes në Kosovë më 1999

    Publikohet fotografia e rrallë e helikopterëve britanikë gjatë hyrjes në Kosovë më 1999

    Një fotografi e rrallë nga ditët e para të hyrjes së trupave ndërkombëtare në Kosovë, në qershor të vitit 1999, është publikuar nga baza e Forcave Ajrore Mbretërore të Britanisë së Madhe, RAF Odiham.

    Fotografia paraqet helikopterët britanikë të tipit “Chinook”, të cilët sollën përforcime për trupat britanike gjatë avancimit të tyre drejt Kosovës, ndërsa në urën ku u ulën shihen ushtarët Gurkha duke e ruajtur atë.

    “Helikopterët Chinook, që sjellin përforcime, ulen në një urë të ruajtur nga ushtarët Gurkha gjatë avancimit të trupave britanike drejt Kosovës, më 13 qershor 1999”, thuhet në përshkrimin e fotografisë.

    Publikimi ka rikthyer vëmendjen te një moment historik i ndërhyrjes ndërkombëtare në Kosovë, në kohën kur trupat britanike po avanconin në terren pas përfundimit të luftës.

    Ushtarët Gurkha, me prejardhje nga Nepali, kanë shërbyer në ushtrinë britanike për më shumë se dy shekuj. Ata kanë pasur rol të rëndësishëm edhe në Kosovë, ku kanë kontribuar në ruajtjen e paqes dhe sigurisë në kuadër të misionit të KFOR-it që nga viti 1999.

    Në komentet e publikimit, një pilot i helikopterëve ka ndarë kujtimet e tij nga ajo ditë, duke treguar se si ura u bë pikë zbarkimi pasi vendi fillimisht i caktuar nuk rezultoi i përshtatshëm.

    “Isha i pari që zbarkova në atë urë me helikopter. Pasi fluturuam përtej saj dhe konstatuam se pika e caktuar për zbarkim nuk ishte e përshtatshme, u kthyem te ura, pasi ajo ishte vendi më i afërt dhe i përshtatshëm për ulje. Gjatë ditës së nesërme, ajo u bë një pikë mjaft e frekuentuar”, ka shkruar piloti.

    Sinjali – aty ku e vërteta flet para lajmit!

    /GazetaSinjali/

    The post Publikohet fotografia e rrallë e helikopterëve britanikë gjatë hyrjes në Kosovë më 1999 appeared first on Sinjali.

    Burimi: Sinjali

  • Basha:Vazhdojmë rehabilitimin e skarpateve përgjatë autostradës `Ibrahim Rugova`

    Basha:Vazhdojmë rehabilitimin e skarpateve përgjatë autostradës `Ibrahim Rugova`

    Ministria e Infrastrukturës dhe Transportit po vazhdon punën për rehabilitimin e skarpateve përgjatë autostradës “Ibrahim Rugova”, ndërsa për disa segmente po zhvillohet procesi i riprojektimit.

    Ministri i Infrastrukturës dhe Transportit, Dimal Basha, ka njoftuar se po vazhdojnë angazhimet për rehabilitimin e skarpateve përgjatë autostradës “Ibrahim Rugova”, me synimin për të parandaluar rrëshqitjet dhe për të rritur sigurinë e përdoruesve të rrugës.

    Përmes një njoftimi, Basha ka bërë të ditur se një pjesë e skarpateve tashmë është në proces rehabilitimi, ndërsa për segmente të tjera po zhvillohet faza e riprojektimit.

    Sipas tij, pas përfundimit të kësaj faze do të vazhdohet me procedurat për kontraktimin e punimeve të sanimit.

    Paralelisht, Ministria po kryen analiza dhe vlerësime teknike edhe për segmentet e tjera të autostradës, me qëllim identifikimin e skarpateve që kanë nevojë për ndërhyrje shtesë.

    Basha ka theksuar se, pavarësisht problemeve të evidentuara, institucioni që ai drejton po punon për gjetjen e zgjidhjeve të qëndrueshme dhe afatgjata.

    Ndërhyrjet synojnë parandalimin e rrëshqitjeve të reja dhe garantimin e sigurisë për të gjithë ata që qarkullojnë në autostradën “Ibrahim Rugova”.

    Burimi: RTKLive

  • Kurti pret në takim Myftiun Tërnava, në fokus stabiliteti institucional dhe katërshja e UÇK-së

    Kurti pret në takim Myftiun Tërnava, në fokus stabiliteti institucional dhe katërshja e UÇK-së

    Kurti pret në takim Myftiun Tërnava, në fokus stabiliteti institucional dhe katërshja e UÇK-së

    Kryeministri i Kosovës, Albin Kurti, dhe Myftiu Naim Tërnava kanë diskutuar për aktgjykimin e shkallës së parë të Dhomave të Specializuara në Hagë ndaj ish-krerëve të UÇK-së, si dhe për pritjet për procesin e apelit.

    Sipas njoftimit të Qeverisë, Kurti priti të premten në takim kryetarin e Bashkësisë Islame të Kosovës, ndërsa në fokus të diskutimeve ishin edhe bashkëpunimi ndërmjet institucioneve, projektet e përbashkëta, solidariteti dhe zhvillimet politike në vend e rajon.

    “Në takim u diskutua për bashkëpunimin e mirë dhe ecurinë e projekteve të përbashkëta, solidaritetin e humanitetin qytetar dhe vlerat shoqërore e kombëtare, situatën e dinamikat politike në rajon e më gjerë, por edhe për aktgjykimin e padrejtë dhe të pasaktë në shkallën e parë të Dhomave të Specializuara në Hagë, ndaj ish krerëve të UÇK-së, Hashim Thaçi, Kadri Veseli, Rexhep Selimi dhe Jakup Krasniqi, si dhe për punën përpara për sukses në apel. Kryeministri shprehu mirënjohje dhe falënderime për rolin konstruktiv dhe kontributin e çmuar të Bashkësisë Islame të Kosovës për popullin tonë.”, thuhet në njoftim.

    Sinjali – aty ku e vërteta flet para lajmit!

    /GazetaSinjali/

    The post Kurti pret në takim Myftiun Tërnava, në fokus stabiliteti institucional dhe katërshja e UÇK-së appeared first on Sinjali.

    Burimi: Sinjali

  • SpaceX blen frekuenca për Starlink, synon të konkurrojë me gjigantët celularë në SHBA

    SpaceX blen frekuenca për Starlink, synon të konkurrojë me gjigantët celularë në SHBA

    SpaceX blen frekuenca për Starlink, synon të konkurrojë me gjigantët celularë në SHBA

    SpaceX, kompania e Elon Musk, ka blerë deri në 14 MHz të spektrit të çiftuar në brezin 800 MHz në të gjithë Shtetet e Bashkuara, nga kompania Grain Management, me synimin për ta zgjeruar Starlink Mobile dhe për të konkurruar drejtpërdrejt me operatorët AT&T, Verizon dhe T-Mobile.

    Musk e cilësoi spektrin e ri si “pjesën e fundit kritike të enigmës së frekuencave” që i nevojitet SpaceX-it për të ofruar mbulim të plotë telefonik në SHBA.

    Plani i kompanisë është që satelitët Starlink të ofrojnë mbulim celular në ambiente të hapura, ndërsa frekuencat 800 MHz të përmirësojnë sinjalin brenda ndërtesave. Kjo teknologji synon të kombinojë lidhjen e drejtpërdrejtë satelitore me infrastrukturën tokësore për të ofruar shërbime celulare 5G.

    SpaceX synon që përmes këtij sistemi të zgjerojë mbulimin, veçanërisht në zonat rurale dhe rajonet ku qasja në shërbimet celulare është e kufizuar. Për këtë projekt, kompania ka marrë miratimin e Komisionit Federal të Komunikimeve të SHBA-së (FCC) për vendosjen e 15 mijë satelitëve të gjeneratës së re.

    Spektri i blerë fillimisht i përkiste T-Mobile, e cila në gusht ia shiti atë Grain Management, në këmbim të licencave për spektrin 600 MHz dhe 2.9 miliardë dollarëve në para.

    Blerja e fundit i hap rrugë SpaceX-it të zgjerojë shërbimet e Starlink Mobile, por realizimi i planit varet edhe nga miratimet e nevojshme rregullatore.

    Sinjali – aty ku e vërteta flet para lajmit!

    /GazetaSinjali/

    The post SpaceX blen frekuenca për Starlink, synon të konkurrojë me gjigantët celularë në SHBA appeared first on Sinjali.

    Burimi: Sinjali

  • Laporta: Reali është kundër gjithçkaje dhe kundër të gjithëve

    Laporta: Reali është kundër gjithçkaje dhe kundër të gjithëve

    Laporta: Reali është kundër gjithçkaje dhe kundër të gjithëve

    Trajneri  i Barcelonës, Joan Laporta, ka akuzuar Real Madridin se ata janë kundër të gjithëve.

    “Real Madridi është kundër të gjithëve dhe gjithçkaje. Është e qartë se Real Madridi po e humb të gjithë kredibilitetin dhe prestigjin e tij”, ka thënë Laporta.

    “Real Madridi fillimisht kundërshton gjithçka, por në fund i bashkohet shumicës”.

    “Sa i përket rastit Negreira, Real Madridi na fajësoi ende pa u gjykuar. Kur të merret vendimi dhe çështja të pushohet, ata do të duhet t’i tërheqin deklaratat e tyre”.

    Rasti Negreira lidhet me pagesat që Barcelona u ka bërë për disa vite kompanive të lidhura me Jose Maria Enriquez Negreira, ish-zëvendëspresident i Komitetit Teknik të Gjyqtarëve në Spanjë.

    Çështja ka nxitur dyshime për ndikim të mundshëm në gjykim, ndërsa Barcelona ka mohuar se ka paguar për të përfituar favore nga gjyqtarët.