Blog

  • Tahiri: Ligji për Specialen duhet të zbatohet pa përjashtime

    Tahiri: Ligji për Specialen duhet të zbatohet pa përjashtime

    Përmes një postimi në Facebook, Tahiri ka deklaruar se zbatimi i ligjeve nuk mund të varet nga vullneti i institucioneve apo i individëve.

    “Ligjet që miraton Kuvendi nuk janë rekomandime dhe as çështje vullneti: ato janë detyrim dhe duhet të zbatohen”, ka shkruar Tahiri.

    Ai ka bërë thirrje që institucionet dhe qytetarët të mbështesin zbatimin e secilit nen të ligjit, pa përjashtime dhe pa paqartësi.

    “Tani është koha që të gjithë, institucionet dhe qytetarët, t’i qëndrojmë fuqishëm prapa çdo neni të këtij ligji dhe të kërkojmë zbatimin e tij të plotë, pa përjashtime dhe pa ekuivokë”, ka theksuar ai.

    Tahiri ka shtuar se nuk duhet të ketë hezitim në zbatimin e ndryshimeve ligjore, duke përsëritur qëndrimin e PDK-së se Kosova duhet të veprojë si shtet sovran.

    “Kosova duhet të veprojë si shtet sovran, dhe do të veprojë si i tillë”, ka deklaruar Tahiri.

    Ndryshimet në Ligjin për Dhomat e Specializuara, të sponsorizuara nga PDK-ja, parashohin kufizimin e mandatit të Gjykatës Speciale dhe bartjen në Kosovë të shkallës së tretë të gjykimit në çështjen ndaj ish-krerëve të Ushtrisë Çlirimtare të Kosovës: Hashim Thaçi, Kadri Veseli, Jakup Krasniqi dhe Rexhep Selimi.

    Miratimi i këtyre ndryshimeve është kundërshtuar nga Bashkimi Evropian, i cili ka shprehur “shqetësim të thellë”, duke vlerësuar se ligji është “në kundërshtim me obligimet ndërkombëtare të Kosovës”.

    Çështja ka nxitur debat politik dhe protesta, ndërsa ndryshimet u bënë pjesë e marrëveshjes mes Lëvizjes Vetëvendosje dhe PDK-së për votimin e projektligjit në lexim të dytë.

    Ndërkohë, pas vendimeve të shpallura më 16 shtator ndaj ish-udhëheqësve të UÇK-së, në Kosovë dhe në vende të tjera ku jetojnë shqiptarë janë mbajtur protesta të vazhdueshme. Një protestë është paralajmëruar edhe në Bruksel më 10 tetor.

    Burimi: RTKLive

  • Mbi 1.1 milion lidhje në Wi-Fi falas në Kosovë, projekti shtrihet në 33 komuna

    Mbi 1.1 milion lidhje në Wi-Fi falas në Kosovë, projekti shtrihet në 33 komuna

    Mbi 1.1 milion lidhje në internet janë regjistruar përmes rrjetit publik falas WiFi4WB në Kosovë, ndërsa projekti ka përfunduar shtrirjen në 33 komuna, në gjithsej 43 lokacione.

    Përfundimi i shtrirjes së projektit u shënua në një ceremoni të organizuar nga Komuna e Prishtinës, ku u nënshkrua edhe Memorandumi i Mirëkuptimit ndërmjet Prishtinës dhe GIZ-it.

    Ministri i Digjitalizimit dhe Administratës Publike, Lulëzon Jagxhiu, tha se përdorimi i rrjetit dëshmon rëndësinë e qasjes falas në internet në hapësirat publike. Sipas tij, vetëm në Bibliotekën Kombëtare të Kosovës janë regjistruar mbi 14 mijë lidhje brenda rreth gjashtë javësh.

    Ai theksoi se interneti falas krijon mundësi më të barabarta për studentët, bizneset e vogla dhe qytetarët që përdorin shërbimet elektronike.

    “Jemi duke shënuar përfundimin e shtrirjes së këtij rrjeti në 33 komuna të Kosovës, në gjithsej 43 lokacione. Nga sheshi i Podujevës deri te Biblioteka Kombëtare këtu në Prishtinë, kemi përmbyllur një projekt që tashmë po u shërben qytetarëve në mbarë vendin. Dhe ajo që është veçanërisht e rëndësishme është se rezultatet nuk maten vetëm me numrin e pikave të instaluara, por edhe me përdorimin real të tyre. Mbi 1.1 milion lidhje në internet tashmë janë regjistruar përmes rrjetit Wi-Fi për Western Balkans në Kosovë, vetëm këtu në Bibliotekën Kombëtare janë regjistruar mbi 14.000 lidhje brenda një periudhe prej rreth 6 javësh”, tha ai.

    Edhe kryetari i Prishtinës, Përparim Rama, vlerësoi se numri i lidhjeve të regjistruara dëshmon nevojën e qytetarëve për qasje falas në internet.

    “Sot, nga Prishtina, shënojmë përfundimin e shtrirjes së projektit WiFi4WB në të gjithë Kosovën, duke mundësuar internet falas në hapësirat publike në 33 komuna të vendit. Në pikat WiFi4WB në Kosovë janë regjistruar më shumë se 1.1 milion hyrje në rrjet. Vetëm këtu, në Bibliotekën Kombëtare, janë regjistruar më shumë se 14 mijë hyrje brenda vetëm pak javësh. Këto shifra dëshmojnë nevojën. Ato tregojnë se sa shumë shfrytëzohet një mundësi kur ajo u vihet në dispozicion qytetarëve”, tha Rama.

    Përfaqësuesi i Zyrës së Bashkimit Evropian në Kosovë, Boguslaw Gertruda, e cilësoi projektin si rezultat konkret të bashkëpunimit për zgjerimin e qasjes digjitale.

    “Ky është një rezultat konkret, të cilin qytetarët mund ta përjetojnë drejtpërdrejt, duke pasur mundësi të lidhen falas me internetin në hapësirat publike në 33 komuna të vendit. Deri më tani, në këto pika të qasjes në internet në të gjithë Kosovën janë regjistruar më shumë se 1.1 milion hyrje në rrjet. Ky është një numër mbresëlënës, që dëshmon si kërkesën e madhe, ashtu edhe vlerën praktike të kësaj nisme. Kjo na kujton gjithashtu se transformimi digjital i Evropës nuk është diçka abstrakte”, tha ai.

    Ndërkaq, shefi i Bashkëpunimit në Ambasadën Gjermane në Kosovë, Daniel Alker, theksoi se përveç instalimit të infrastrukturës, rëndësi të veçantë ka edhe mirëmbajtja e saj, në mënyrë që shërbimi të vazhdojë të funksionojë në afat të gjatë.

    “Ky projekt është një shembull i mirë i asaj që mund të arrihet kur mbështetja evropiane dhe gjermane kombinohet me partneritet të fortë lokal në Kosovë. Kur flasim për Wi-Fi publik, ajo që shihet është shumë e thjeshtë: një pikë qasjeje dhe një lidhje interneti. Por, pas këtij rezultati të thjeshtë, qëndron një proces dukshëm më kompleks. Megjithatë, instalimi i infrastrukturës është vetëm një pjesë e procesit. Po aq e rëndësishme është të sigurohet që ajo të vazhdojë t’u shërbejë komuniteteve në afat të gjatë dhe që, së bashku, të arrijmë të ndërtojmë infrastrukturë të qëndrueshme në të mirë të qytetarëve. Mendoj se kjo është një pikë të cilën dëshiroj ta theksoj veçanërisht: qëndrueshmëria. Siç kemi dëgjuar, Bashkimi Evropian ka siguruar financimin fillestar për 18 muaj të projektit, por, natyrisht, ne dëshirojmë që kjo infrastrukturë të vazhdojë të shfrytëzohet dhe të mirëmbahet”, tha ai.

     

    Burimi: Dukagjini

  • PDK kërkon zbatimin e plotë të Ligjit për Specialen, Tahiri: Kosova duhet të veprojë!

    PDK kërkon zbatimin e plotë të Ligjit për Specialen, Tahiri: Kosova duhet të veprojë!

    PDK kërkon zbatimin e plotë të Ligjit për Specialen, Tahiri: Kosova duhet të veprojë!

    Shefi i Grupit Parlamentar të Partisë Demokratike të Kosovës, Arian Tahiri, ka kërkuar që Ligji për Gjykatën Speciale të zbatohet në plotni dhe pa përjashtime.

    Në një postim të bërë sot në Facebook, deputeti tha se miratimi i ndryshimeve është arritje e madhe për mbrojtjen e UÇK-së, por edhe garantimin e drejtësisë, transmeton Klankosova.tv

    “Miratimi i Ligjit për Ndryshimin e Ligjit për Gjykatën Speciale është një arritje e madhe për mbrojtjen e luftës së drejtë të UÇK-së dhe për garantimin e drejtësisë. Ky është një vendim i Kuvendit të Republikës së Kosovës dhe si i tillë duhet të respektohet.

    Tani është koha që të gjithë, institucionet dhe qytetarët, t’i qëndrojmë fuqishëm prapa çdo neni të këtij ligji dhe të kërkojmë zbatimin e tij të plotë, pa përjashtime dhe pa ekuivoke.”

    Tahiri tha se ligjet që dalin nga Kuvendi i Kosovës nuk janë çështje rekomandimesh, por detyrim, prandaj në rastin e Speciales, ligji duhet të zbatohet dhe nuk ka hapësirë për tërheqje.

     “Kosova është shtet sovran dhe i pavarur. Gjykata Speciale është organ i krijuar mbi bazën e rendit juridik të Republikës së Kosovës, ndërsa Kuvendi është institucioni që ushtron pushtetin legjislativ. Ligjet që miraton Kuvendi nuk janë rekomandime dhe as çështje vullneti: ato janë detyrim dhe duhet të zbatohen.

    Prandaj, nuk ka vend as për hezitim, as për tërheqje dhe as për dyshime. Kushdo që sot mendon se ky ligj mund të shpërfillet, me kohë do të bindet për të kundërtën. Ky ligj është miratuar dhe ne do të qëndrojmë deri në fund për zbatimin e tij të plotë. Kosova duhet të veprojë si shtet sovran, dhe do të veprojë si i tillë.” /Klankosova.tv

  • Olise pritet të bëhet lojtari më i paguar në historinë e Bayernit

    Olise pritet të bëhet lojtari më i paguar në historinë e Bayernit

    Sipas “Sky Deutschland”, në Mynih ekziston bindja se duhet bërë gjithçka për ta mbajtur Olisen për një kohë sa më të gjatë në skuadër.

    Paraqitjet e tij kanë rritur rëndësinë e francezit në projektin sportiv të klubit, ndaj Bayerni është i gatshëm t’i ofrojë kushte të përmirësuara financiare.

    Nëse arrihet marrëveshja e re, Olise pritet të bëhet futbollisti më i paguar në historinë e klubit bavarez.

    Aktualisht, Harry Kane dhe Jamal Musiala raportohet se përfitojnë rreth 25 milionë euro në sezon secili. Megjithatë, oferta e mundshme për Olisen pritet ta tejkalojë këtë shumë, në përpjekje për të siguruar vazhdimësinë e tij në “Allianz Arena”.

    Interesimi për francezin nuk mungon as nga klubet e tjera të mëdha evropiane. Sipas të njëjtit burim, Real Madridi e ka përcjellë nga afër situatën e tij, por aktualisht nuk priten zhvillime të papritura.

    Burimet e cituara nga “Sky Deutschland” vlerësojnë se gjasat që Olise të rinovojë kontratën me Bayernin janë të larta.

    Tashmë mbetet të shihet se kur do të nisin zyrtarisht negociatat dhe nëse drejtuesit bavarezë do të arrijnë ta bindin një prej lojtarëve më të rëndësishëm të skuadrës që të vazhdojë aventurën në Mynih.

    Burimi: RTKLive

  • Shahini: Qeveria t’i kthehet ekonomisë, kanë kaluar gjashtë vjet pa zhvillim të hovshëm ekonomik

    Shahini: Qeveria t’i kthehet ekonomisë, kanë kaluar gjashtë vjet pa zhvillim të hovshëm ekonomik

    Kryetari i Aleancës Kosovare të Bizneseve (AKB), Agim Shahini, ka kërkuar nga Qeveria e Kosovës dhe Kuvendi që të përqendrohen në zhvillimin ekonomik, duke vlerësuar se vendi ka humbur kohë dhe se investimet dhe sektori privat duhet të jenë në qendër të politikave qeveritare.

    Duke folur në emisionin “Rreth e Rrotull” në TV Dukagjini, Shahini ka thënë se institucionet duhet të punojnë për t’i adresuar boshllëqet e krijuara gjatë viteve të fundit dhe për të krijuar kushte më të mira për zhvillimin e ekonomisë.

    Sipas tij, ekonomia është fusha kryesore ku qeveria aktuale mund të dëshmojë rezultate konkrete për qytetarët.

    “Tashmë kur i kemi të gjitha. Qeveria e vendit, Kuvendi duhet t’i përvjelin duart dhe të t’i përmbushin ato boshllëqe kanë tash e më shumë se dy vjet…

    Ko qeveri aktuale, të vetmen shpresë për të promovuar vetën si fuqi për qytetarët është ekonomia. Dhe nëse kjo i kthehet ekonomisë, të cilën e ka lënë anash. Kanë kaluar 6 vjet pa lënë asnjë shenjë të zhvillimit të hovshëm ekonomik. Të i kthehet investimeve dhe investitorëve. T’i kthehet sektorit privat, të krijon ura të bashkëpunimi me të dhe të komunikimit. Dhe në këtë formë ta kthehen shpresën e ekonomisë se ekonomia jonë është, ekonomi e varur nga importi”, ka deklaruar Shahini.

    Burimi: Dukagjini

  • Tahiri: Ligji për Gjykatën Speciale duhet të zbatohet, s’ka vend as për hezitim dhe as për dyshime

    Tahiri: Ligji për Gjykatën Speciale duhet të zbatohet, s’ka vend as për hezitim dhe as për dyshime

    Shefi i Grupit Parlamentar të PDK-së, Arian Tahiri, e ka vlerësuar si arritje të madhe miratimin e Ligjit për ndryshimin dhe plotësimin e Ligjit për Dhomat e Specializuara, duke kërkuar zbatimin e plotë të tij dhe respektimin e vendimit të Kuvendit të Kosovës.

    Përmes një postimi në Facebook, Tahiri ka thënë se ky vendim është i rëndësishëm për mbrojtjen e luftës së Ushtrisë Çlirimtare të Kosovës dhe garantimin e drejtësisë.

    Ai u ka bërë thirrje institucioneve dhe qytetarëve që të kërkojnë zbatimin e plotë të ligjit, pa përjashtime dhe pa ekuivoke.

    Tahiri ka theksuar se Kosova është shtet sovran dhe i pavarur, ndërsa Kuvendi është institucioni që ushtron pushtetin legjislativ dhe miraton ligjet që duhet të respektohen.

    “Miratimi i Ligjit për Ndryshimin e Ligjit për Gjykatën Speciale është një arritje e madhe për mbrojtjen e luftës së drejtë të UÇK-së dhe për garantimin e drejtësisë. Ky është një vendim i Kuvendit të Republikës së Kosovës dhe si i tillë duhet të respektohet.

    Tani është koha që të gjithë, institucionet dhe qytetarët, t’i qëndrojmë fuqishëm prapa çdo neni të këtij ligji dhe të kërkojmë zbatimin e tij të plotë, pa përjashtime dhe pa ekuivoke.
    Kosova është shtet sovran dhe i pavarur. Gjykata Speciale është organ i krijuar mbi bazën e rendit juridik të Republikës së Kosovës, ndërsa Kuvendi është institucioni që ushtron pushtetin legjislativ. Ligjet që miraton Kuvendi nuk janë rekomandime dhe as çështje vullneti: ato janë detyrim dhe duhet të zbatohen.

    Prandaj, nuk ka vend as për hezitim, as për tërheqje dhe as për dyshime. Kushdo që sot mendon se ky ligj mund të shpërfillet, me kohë do të bindet për të kundërtën. Ky ligj është miratuar dhe ne do të qëndrojmë deri në fund për zbatimin e tij të plotë. Kosova duhet të veprojë si shtet sovran, dhe do të veprojë si i tillë”, ka theksuar Tahiri.

    Burimi: Dukagjini

  • 61-vjeçarja thyen rekordin e saj botëror, qëndron pesë orë në pozicionin plank

    61-vjeçarja thyen rekordin e saj botëror, qëndron pesë orë në pozicionin plank

    61-vjeçarja thyen rekordin e saj botëror, qëndron pesë orë në pozicionin plank

    DonnaJean Wilde, 61-vjeçare nga Kanadaja, ka arritur një tjetër sukses të jashtëzakonshëm, duke qëndruar për pesë orë në pozicionin plank dhe duke tejkaluar rekordin e saj të mëparshëm.

    Sfida u realizua më 6 tetor, gjatë ceremonisë së hapjes së Lojërave Botërore për Seniorë Huntsman, të mbajtura në Utah të Shteteve të Bashkuara, aktivitet që u kushtohet sportistëve mbi moshën 50-vjeçare.

    Wilde tejkaloi rekordin e saj të vitit 2024, kur kishte qëndruar në këtë pozicion për katër orë, 30 minuta e 11 sekonda.

    Sipas organizatorëve, sfida përfundoi pasi ajo arriti kufirin prej pesë orësh. Megjithatë, rezultati i ri ende duhet të shqyrtohet dhe të miratohet zyrtarisht nga Guinness World Records.

    Sinjali – aty ku e vërteta flet para lajmit!

    /GazetaSinjali/

    The post 61-vjeçarja thyen rekordin e saj botëror, qëndron pesë orë në pozicionin plank appeared first on Sinjali.

    Burimi: Sinjali

  • Qelaj: Shqetësuese rritja e taksave gjyqësore, mund të pengojnë qasjen në drejtësi

    Qelaj: Shqetësuese rritja e taksave gjyqësore, mund të pengojnë qasjen në drejtësi

    Qelaj: Shqetësuese rritja e taksave gjyqësore, mund të pengojnë qasjen në drejtësi

    Avokati i Popullit, Naim Qelaj, në tryezën e organizuar nga IAP dhe Grupi për Studime Juridike dhe Politike, lidhur me ndikimin e Udhëzimit Administrativ për Unifikimin e Taksave Gjyqësore në realizimin e së drejtës për qasje në drejtësi, ka shprehur shqetësimin e tij ndaj rritjes së taksave gjyqësore, që, sipas tij, mund të krijojë pengesa financiare për qytetarët, dhe ka kërkuar që ato të përcaktohen në mënyrë proporcionale.

    Ai po ashtu tha se opinioni për taksat gjyqësore është hartuar pas reagimeve publike dhe kërkesave të disa organizatave të shoqërisë civile.

    “Ideja ose fakti pse ne kemi dalë me një opinion të tillë del për shkak të reagimit publik, kërkesave që kemi pranuar nga disa organizata të shoqërisë civile, por edhe vetë ndjeshmërisë që ka tema e taksave gjyqësore, si një e drejtë ekskluzive e shtetit për t’i vendosur, por e cila gjithmonë duhet të jetë e balancuar, e barasvlershme dhe e analizuar mirë, për të mos paraqitur pengesë në qasjen në drejtësi”, tha Qelaj, raporton “EkonomiaOnline”.

    Ai ka potencuar se opinioni nuk trajton vetëm ndikimin e tarifave gjyqësore, por edhe përgjegjësinë e institucioneve për të garantuar që qytetarët të kenë mundësi reale për të kërkuar mbrojtjen e të drejtave të tyre.

    “Ky opinion trajton një çështje që shkon përtej ndikimit të tarifave gjyqësore, trajton raportin ndërmjet kompetencës së institucioneve për të rregulluar funksionimin e sistemit gjyqësor dhe detyrimit të shtetit për të garantuar që çdo qytetar të ketë mundësi reale për të kërkuar mbrojtjen e të drejtave të tij”, deklaroi Qelaj.

    Ndërsa për këtë çështje foli edhe Liridon Salihi, menaxher i projekteve në GLPS, i cili ngriti dilema lidhur me bazën ligjore të taksave gjyqësore dhe theksoi se disa prej tyre janë rritur deri në 600 për qind.

    Ai ka sqaruar se udhëzimi administrativ ka sjellë rritje të taksave gjyqësore nga 20 deri në 600 për qind, duke përmendur disa shembuj të tarifave që janë rritur.

    “Si dilemë të parë kemi thënë që është baza ligjore. E tha edhe Avokati i Popullit, ndonëse Ligji për Këshillin Gjyqësor të Kosovës i jep një kompetencë KGJK-së për të bërë unifikimin e taksave gjyqësore, në fakt, a duhet të shihet kjo si e drejtë edhe për vendosjen, edhe për lartësinë e taksave për shërbime të caktuara që jepen nga ana e gjyqësorit?”, tha Salihi.

    Ai ka theksuar se disa taksa janë rritur ndjeshëm, përfshirë ato për paditë që lidhen me ligjshmërinë e akteve juridike dhe kërkesat jomonetare në fushën e pronësisë intelektuale.

    “Mos ta harrojmë që me këtë udhëzim administrativ kemi taksa që janë rritur nga 20 deri në 600%. Ta zëmë, te paditë që kanë të bëjnë me ligjshmërinë e akteve juridike ose nënligjore juridike, taksa fillimisht ka qenë 50 euro, tash e kemi 250 euro. Ose, për shembull, edhe te këto kërkesat jomonetare në kontekstin e pronësisë intelektuale, që dikur kanë qenë 50 euro, tash i kemi me 350 euro”, deklaroi Salihi.

  • Deputeti i hodhi ujë zv/kryeministres, të tjerët hodhën shishe drejt Ramës – Gjithë çfarë ndodhi në Kuvend për Territorialen

    Deputeti i hodhi ujë zv/kryeministres, të tjerët hodhën shishe drejt Ramës – Gjithë çfarë ndodhi në Kuvend për Territorialen

    Deputeti i hodhi ujë zv/kryeministres, të tjerët hodhën shishe drejt Ramës – Gjithë çfarë ndodhi në Kuvend për Territorialen

    Ashtu siç edhe pritej, momenti para votimit të Ligjit të Hartës së re Territoriale në Shqipëri, u shoqërua me tensione të opozitës kundrejt protagonistëve të mazhorancës.

    Në shënjestër ishin kryeministri Rama dhe ish-zëvendëskryeministrja Belinda Balluku, që munguan gjatë diskutimeve dhe mbërritën në momentin kur duhej hedhur vullneti me votë.

    Pak sekonda para votimit të reformës së re administrativo-territoriale, në sallën e Kuvendit u shfaq ish-zëvendëskryeministrja Belinda Balluku, në një moment kur tensionet mes mazhorancës dhe opozitës kishin arritur kulmin.

    Prania e saj u shoqërua me përplasje në sallë, ku deputeti i Partisë Demokratike, Gazment Bardhi, hodhi ujë në drejtim të Ballukut. Ndërkohë, deputetë të tjerë të opozitës qëlluan me shishe në drejtim të kryeministrit Edi Rama, ndërsa në seancë u hodhën edhe vezë.

    Incidentet ndodhën në minutat e fundit të një seance maratonë, që zgjati rreth 14 orë dhe u shoqërua me debate të ashpra.

    Opozita kundërshtoi projektligjin, duke kërkuar tërheqjen e tij dhe duke akuzuar mazhorancën se ndryshimet në ndarjen administrativo-territoriale ishin hartuar pa konsultim me qytetarët. Kreu i Partisë Demokratike, Sali Berisha, kërkoi që çështja t’i nënshtrohej referendumit.

    Pavarësisht tensioneve dhe incidenteve në sallë, Kuvendi e miratoi reformën pak pas mesnate me 85 vota pro, duke i hapur rrugën organizimit të ri territorial të vendit me 46 bashki.

    Sinjali – aty ku e vërteta flet para lajmit!

    /GazetaSinjali/

    The post Deputeti i hodhi ujë zv/kryeministres, të tjerët hodhën shishe drejt Ramës – Gjithë çfarë ndodhi në Kuvend për Territorialen appeared first on Sinjali.

    Burimi: Sinjali

  • Policia e Ferizajt dhe FSK-ja zhvillojnë ndeshje miqësore futbolli

    Policia e Ferizajt dhe FSK-ja zhvillojnë ndeshje miqësore futbolli

    Policia e Ferizajt dhe FSK-ja zhvillojnë ndeshje miqësore futbolli

    Në frymën e bashkëpunimit dhe forcimit të marrëdhënieve ndërinstitucionale, Policia Rajonale e Ferizajt, në bashkëpunim me Forcën e Sigurisë së Kosovës, përkatësisht me pjesëtarët e kazermës në Ferizaj, kanë organizuar një ndeshje miqësore futbolli në palestrën sportive “Bill Clinton” në Ferizaj.

    Ky aktivitet sportiv kishte për qëllim promovimin e bashkëpunimit, respektit të ndërsjellë dhe frymës së ekipit ndërmjet pjesëtarëve të dy institucioneve, transmeton Klankosova.tv.

    Përmes kësaj ndeshjeje, Policia e Ferizajt dhe FSK-ja dëshmuan rëndësinë e bashkëveprimit, komunikimit dhe kultivimit të raporteve të mira ndërinstitucionale, duke shfrytëzuar sportin si një mënyrë të veçantë për të afruar pjesëtarët e institucioneve.