Blog

  • Arsenali s’e ka harruar Julian Alvarezin, gati oferta marramendëse për janar

    Arsenali s’e ka harruar Julian Alvarezin, gati oferta marramendëse për janar

    Arsenali është gati të rikthehet në garë për Julian Alvarez, me sulmuesin argjentinas që raportohet se po shqyrton mundësinë e largimit nga Atletico Madridi në afatin kalimtar të janarit.

    Sipas raportimeve nga Anglia, Alvarez mbetet i pakënaqur me situatën e tij në Madrid dhe tashmë është më i hapur ndaj një transferimi te Arsenali. Gjatë verës, dëshira e tij kryesore ishte Barcelona, por Atletico Madridi refuzoi mundësinë e transferimit të tij në Camp Nou.

    Arsenali kishte tentuar më herët të siguronte shërbimet e 26-vjeçarit dhe ishte i gatshëm të ofronte mbi 100 milionë euro. Tash, klubi anglez pritet të bëjë një tjetër përpjekje në janar.

    Sipas raportimeve, drejtuesit e Arsenalit kanë diskutuar edhe mundësinë e përfshirjes së futbollistëve si Viktor Gyokeres, Ethan Nwaneri apo Noni Madueke në një marrëveshje të mundshme.

    Alvarez ka kontratë me Atlético Madridin deri në vitin 2030, ndërsa klubi spanjoll gjatë verës kishte refuzuar edhe një ofertë prej 150 milionë eurosh nga Real Madridi.

    Tash mbetet të shihet nëse Arsenali do ta konkretizojë interesimin në janar dhe nëse Alvarez do të vendosë përfundimisht të largohet nga Madridi./Telegrafi/

  • Vdes 87-vjeçarja spanjolle, dëbimi i së cilës nxiti protesta mbarëkombëtare për krizën e banesave

    Vdes 87-vjeçarja spanjolle, dëbimi i së cilës nxiti protesta mbarëkombëtare për krizën e banesave

    Një 87-vjeçare në Spanjë, dëbimi i së cilës nga banesa nxiti protesta mbarëkombëtare për krizën e strehimit dhe përplasjes politike që çoi në zgjedhje të parakohshme, ka vdekur, njoftoi Unioni i Qiramarrësve të Madridit.

    Maricarmen Abascal u nxor me forcë nga banesa e saj më 23 shtator, e shtrirë në barelë, pasi nuk kishte mundësi të përballonte rritjen e qirasë. Ajo kishte jetuar në atë apartament për më shumë se 70 vjet.

    Kompania që zotëronte banesën më vonë i ofroi mundësinë që të kthehej me një qira më të ulët. Megjithatë, Abascal nuk mundi ta nënshkruante marrëveshjen, pasi ishte shtruar në spital.

    “Me keqardhje njoftojmë se Maricarmen ka vdekur sot”, tha Unioni i Qiramarrësve të Madridit në një deklaratë, duke e cilësuar rastin e saj si “një pikë kthese në historinë e këtij vendi”.

    Zëdhënësja e unionit, Alicia del Río, tha se “spekulimi kushton jetë” dhe se “sot rentierizmi ka vrarë përfundimisht kolegen tonë Maricarmen”, duke shtuar se “kujtesa e saj do të jetojë me ne”.

    Abascal u bë simbol i krizës së banesave në Spanjë pas dëbimit të saj.

    Babai i saj kishte marrë me qira apartamentin në vitin 1956 dhe, pas vdekjes së prindërve, ajo kishte vazhduar të jetonte aty si qiramarrëse. Për një periudhë të gjatë, qiraja ishte e kufizuar me ligj.

    Megjithatë, kompania Urbagestión, e cila e bleu pronën në vitin 2018, e rriti qiranë nga 500 euro në muaj në 2,650 euro.

    Më vonë, kompania i ofroi uljen e qirasë në 1,650 euro në muaj, por edhe kjo shumë ishte 300 euro më e lartë se pensioni mujor i Abascalit, raporton BBC.

    Gjykatat kishin bllokuar tri përpjekje të mëparshme për dëbimin e saj, ndërsa rasti mori gjithnjë e më shumë vëmendje mediatike.

    Zemërimi publik për rastin u rrit, duke çuar në protesta dhe duke shtuar presionin ndaj qeverisë së koalicionit për miratimin e legjislacionit emergjent për strehimin. Megjithatë, projektligji u rrëzua në Kongres javën e kaluar.

    Pas kësaj, protestat u zgjeruan edhe më tej. Dhjetëra mijëra njerëz dolën në rrugët e qyteteve të ndryshme të Spanjës gjatë fundjavës, duke protestuar kundër krizës së banesave dhe rritjes së qirave.

    Burimi: Dukagjini

  • 10 mijë franga shpërblim kush e gjen Damir Koçanin, i zhdukur qe tri vite në Cyrih të Zvicrës

    10 mijë franga shpërblim kush e gjen Damir Koçanin, i zhdukur qe tri vite në Cyrih të Zvicrës

    Policia kantonale e Cyrihut ka bërë thirrje për ndihmë në zbardhjen e zhdukjes së 46-vjeçarit Damir Kocan, i cili u zhduk pa gjurmë në korrik të vitit 2023.

    Hetimet tashmë kanë çuar në dyshimin se ai mund të ketë qenë viktimë e një krimi të dhunshëm, shkruan 20Minuten, transmeton Telegrafi.

    Kocan ishte parë për herë të fundit më 27 korrik 2023, kur ndodhej në lokalin Neugasshof, në lagjen Kreis 5 të Cyrihut. Pas orës 19:00, ai u largua nga qyteti me një BMë 530d, me targa ZH 581’847, në drejtim të Oltenit.

    Që nga ajo mbrëmje, për të nuk ka më asnjë gjurmë.

    Dyshimet për një krim të dhunshëm

    Pas më shumë se tre vitesh hetime, policia tashmë konsideron se 46-vjeçari mund të jetë viktimë e një krimi të dhunshëm.

    Sipas hetimeve, automjeti në të cilin udhëtoi Kocan atë mbrëmje mund të jetë drejtuar nga një i njohur i tij, Aydin Mece, i cili në atë kohë ishte 39 vjeç.

    Mece u largua nga Zvicra në fillim të gushtit 2023 dhe, sipas policisë, mund të ndodhet jashtë vendit, ndoshta në Turqi. Ai konsiderohet një nga personat e fundit që e ka parë Kocanin gjallë.

    Policia kërkon dëshmitarë

    Rasti u prezantua edhe në emisionin televiziv gjerman “Aktenzeichen XY International”, me shpresën se publikimi do të sjellë informacione të reja.

    Policia kërkon nga të gjithë ata që mund të kenë parë Kocanin, automjetin e tij ose persona të përfshirë në zhdukje që të kontaktojnë autoritetet.

    Për informacionet që mund të ndihmojnë në zbardhjen e rastit, policia ka vendosur një shpërblim prej 10 mijë frangash.

    Si dukej kur u zhduk?

    Damir Kocan është rreth 1.75 metra i gjatë, me trup të dobët dhe flokë të shkurtër e të zinj.

    Në momentin e zhdukjes dyshohet se kishte veshur një bluzë të bardhë, xhinse të zeza dhe atlete të bardha. Ai mbante në dorë një orë Rolex Submariner prej ari dhe kishte me vete një tufë çelësash.

    Policia e Cyrihut vazhdon hetimet për të zbardhur se çfarë ka ndodhur me të dhe ku ndodhet sot.

  • Doli “mburojë” para nxënësve protestues, kryebashkiaku francez goditet me gaz lotsjellës

    Doli “mburojë” para nxënësve protestues, kryebashkiaku francez goditet me gaz lotsjellës

    Kryetari i bashkisë së Saint-Denis, Bally Bagayoko, u godit me gaz lotsjellës nga policia, teksa po përpiqej të qëndronte para protestuesve si “mburojë” për t’i mbrojtur ata.

    Në një video që po qarkullon në rrjetet sociale, Bagayoko shihet duke iu afruar forcave të policisë dhe duke u kërkuar të ndalojnë përdorimin e dhunës ndaj studentëve dhe nxënësve.

    Protestat janë zhvilluar në disa qytete të Francës, ku mësues, prindër dhe nxënës kanë dalë në rrugë për të kundërshtuar mungesën e stafit dhe fondeve në shkolla.

    – YouTube www.youtube.com

    Policia përdori gaz lotsjellës dhe autobotë me ujë në qytete si Parisi, Strasburgu, Rennesi dhe Tuluzë. Sipas Ministrisë së Brendshme, në protesta morën pjesë më shumë se 250 mijë persona në dhjetëra qytete, ndërsa organizatorët pretendojnë se numri ishte rreth 450 mijë.

    Protestat kanë qenë të dhunshme, me të paktën 215 adoleshentë dhe 85 anëtarë të stafit të shkollave të plagosur. Një 15-vjeçar humbi krahun pasi u godit nga një granatë tymuese.

    Kryeministri francez, Sébastien Lecornu, i ka cilësuar protestat si ndër më të dhunshmet e studentëve në dekadat e fundit. Zyra e tij njoftoi se janë plagosur edhe më shumë se 700 pjesëtarë të policisë.

    Protestuesit kërkojnë më shumë personel dhe financim për sistemin arsimor, duke kundërshtuar mungesën e mësuesve dhe burimeve në shkollat franceze. /Telegrafi/

  • Kjo është gjendja e tre minatorëve të Trepçës që dolën nga thellësia e minierës (VIDEO)

    Kjo është gjendja e tre minatorëve të Trepçës që dolën nga thellësia e minierës (VIDEO)

    Kjo është gjendja e tre minatorëve të Trepçës që dolën nga thellësia e minierës (VIDEO)

    Tre minatorë të Trepçës, të cilët ishin në mesin e 63 minatorëve që mbetën të ngujuar në thellësi të minierës pas një zjarri në një tunel, kanë dalë nga miniera dhe gjendja e tyre shëndetësore është e mirë.

    Komandanti i Zjarrfikësve të Mitrovicës, Bekim Ibishi, ka thënë në një intervistë për Klan Kosovën se zjarri kishte shpërthyer në tunelin e parë, ku ndodhet trafoja kryesore e Trepçës.

    “E kemi marrë lajmin për një zjarr në tunel të parë, ku është trafo kryesore e Trepçës, ka marrë flakë dhe pastaj ne kemi intervenuar dhe e kemi lokalizuar zjarrin dhe e kemi shuar tërësisht”, u shpreh ai.

    Ai ka bërë të ditur se gjendja shëndetësore e minatorëve është e mirë dhe se nuk ka vend për shqetësim.

    “Gjendja e tyre shëndetësore është e mirë dhe nuk ka vend për shqetësim. Varësisht prej forcës së personit, shkallët janë të drejta përpjetë, por po shpresojmë që për 1 orë deri në 1 orë e gjysmë, po shpresojmë që do të dalin të gjithë”, deklaroi Ibishi./Klankosova.tv

  • Friburgu, kantoni i parë në Zvicër që ofron ndihmë financiare për fermerët e prekur nga thatësira

    Friburgu, kantoni i parë në Zvicër që ofron ndihmë financiare për fermerët e prekur nga thatësira

    Friburgu është bërë kantoni i parë në Zvicër që do të ofrojë ndihmë të pakthyeshme financiare për fermerët që kanë pësuar dëme të konsiderueshme për shkak të thatësirës dhe mungesës së reshjeve.

    Mbështetja nuk do t’u jepet të gjitha fermave, por vetëm atyre që mund të dëshmojnë se janë prekur ndjeshëm nga kushtet e thata.

    Thatësira e zgjatur ka shkaktuar rënie të rendimenteve në disa kultura bujqësore, veçanërisht te patatet dhe panxhari i sheqerit. Në të njëjtën kohë, mungesa e reshjeve ka reduktuar edhe sasinë e ushqimit të disponueshëm për bagëtinë.

    Sipas shoqatës swisspatat, korrja e patates në Zvicër gjatë vitit 2026 pritet të jetë më e ulëta e regjistruar ndonjëherë, me humbje të parashikuara prej 10 deri në 15 për qind.

    Synohet mbështetje e shpejtë për fermerët

    Autoritetet e Friburgut argumentojnë se ndihma financiare është e nevojshme për të ruajtur prodhimin vendor dhe për të shmangur një rritje të mëtejshme të importeve.

    Procedura për aplikimin dhe përfitimin e mbështetjes synohet të jetë sa më e shpejtë dhe e thjeshtë, ndërsa ndihma do të fokusohet te fermat që mund të dëshmojnë dëmet e shkaktuara nga thatësira, transmeton Telegrafi.

    Edhe kantone të tjera po marrin masa

    Friburgu nuk është kantoni i vetëm që po ndërmerr masa për të ndihmuar fermerët.Në Bernë dhe Lucernë është vendosur parapagimi i një pjese të pagesave direkte për fermerët.

    Ndërkohë, në Solothurn dhe Bernë, fermerët që përballen me vështirësi financiare mund të përfitojnë kredi pa interes.

    Në kantonin Vaud po shqyrtohet gjithashtu një paketë ndihme prej rreth 30 milionë frangash, e cila do t’u dedikohej blegtorëve të prekur nga thatësira.

    Rriten kostot e prodhimit

    Thatësira e zgjatur po krijon presion gjithnjë e më të madh mbi bujqësinë zvicerane.

    Mungesa e ujit po ndikon drejtpërdrejt në rendimentet e kulturave, ndërsa fermerët po përballen me kosto më të larta të prodhimit dhe me pasiguri më të madhe për sezonet e ardhshme.

    Autoritetet dhe sektori bujqësor shqetësohen se nëse kushtet e thata vazhdojnë, prodhimi vendor mund të dobësohet më tej dhe varësia nga importet të rritet./Telegrafi/

  • Pacta sunt servanda dhe ndryshimi i Ligjit për Dhomat e Posaçme

    Pacta sunt servanda dhe ndryshimi i Ligjit për Dhomat e Posaçme

    Pacta sunt servanda dhe ndryshimi i Ligjit për Dhomat e Posaçme

    Shkruan: Albert Prenkaj

    Shqetësimet e Bashkimit Evropian dhe të disa vendeve evropiane në lidhje me Dhomat e Posaçme i konsideroj të ngutshme.

    Bashkimi Evropian thekson se ndryshimet e miratuara nga Kuvendi i Kosovës rrezikojnë të bien ndesh me angazhimet ndërkombëtare të vendit.

    Pacta sunt servanda, në të drejtën ndërkombëtare, nënkupton se marrëveshjet duhet të respektohen dhe të zbatohen me mirëbesim.

    Por, njëkohësisht, marrëveshjet ndërkombëtare mund t’i nënshtrohen ndryshimeve në format dhe sipas procedurave të parashikuara nga Konventa e Vjenës për të Drejtën e Traktateve (1969).

    Neni 39 — Rregulli i përgjithshëm për ndryshimin

    Dispozita kryesore përcakton:

    “Një traktat mund të ndryshohet me marrëveshje ndërmjet palëve.”

    Prandaj, mendoj se miratimi i ndryshimeve në Ligjin për Dhomat e Posaçme nuk duhet të konsiderohet, në vetvete, si cenim i angazhimeve ndërkombëtare të Kosovës. Përkundrazi, në rrethanat aktuale në të cilat ndodhet Kosova, do të ishte e nevojshme që çështja të trajtohej përmes komunikimit institucional me partnerët ndërkombëtarë.

    Në këtë moment të arritur, Presidentja Shiroka-Puëa duhet të përpilojë dhe t’ua përcjellë një letër Përfaqësueses së Lartë të Bashkimit Evropian për Punët e Jashtme dhe Politikën e Sigurisë dhe njëkohësisht shefes së EEAS-së, Kaja Kallas, si dhe Presidentes së Komisionit Evropian, Ursula von der Leyen, me qëllim që të kërkohet mirëkuptimi dhe pranimi i ndryshimeve të propozuara në Ligjin për Dhomat e Posaçme.

    Një qasje e tillë do të mundësonte që çështja të trajtohej në kuadër të dialogut institucional dhe të angazhimeve ndërkombëtare të Kosovës.

  • Tre persona të vrarë në sulmet ndaj aeroporteve në Arabinë Saudite

    Tre persona të vrarë në sulmet ndaj aeroporteve në Arabinë Saudite

    Tre persona janë vrarë në sulmet ndaj dy aeroporteve në Arabinë Saudite, njoftuan të mërkurën autoritetet e aviacionit civil të vendit, ndërsa luftimet në Jemen mes rebelëve Huthi, të mbështetur nga Irani, dhe forcave qeveritare të mbështetura nga Arabia Saudite janë intensifikuar.

    Një person u vra dhe tetë të tjerë u plagosën në një sulm ndaj Aeroportit Ndërkombëtar “King Khalid” në kryeqytetin Riad. Ndërkaq, dy persona u vranë dhe 28 të tjerë u plagosën në një sulm ndaj objekteve të aeroportit në Abha.

    Autoritetet nuk saktësuan se cili prej sulmeve ndodhi të martën dhe cili të mërkurën.

    Sulmet ndaj aeroporteve saudite ishin pjesë e një serie sulmesh që të mërkurën shënjestruan infrastrukturën e aviacionit në rajon.

    Rebelët Huthi sulmuan më herët të mërkurën Aeroportin Ndërkombëtar të Adenit në Jemen me raketa balistike dhe dronë të ngarkuar me eksplozivë, njoftoi Ministria e Transportit e vendit.

    Një raketë ra pranë pistës vetëm pak minuta para se një fluturim nga Kajroja të pritej të ulej në aeroport. Aeroporti i Adenit është porta kryesore ndërkombëtare për pjesët e Jemenit që nuk kontrollohen nga Huthit.

    Në ditët e fundit, luftimet në Jemen janë përqendruar në zonat përreth ngushticës Bab el-Mandeb, një rrugë e rëndësishme detare që është bërë edhe më e rëndësishme për eksportet e energjisë që kur konflikti mes SHBA-së dhe Iranit ka kufizuar trafikun përmes ngushticës së Hormuzit.

    Këtë javë, forcat qeveritare jemenase, me mbështetjen ajrore të koalicionit të udhëhequr nga Arabia Saudite, nisën një kundërofensivë për të rimarrë territoret strategjike pranë ngushticës dhe rreth qytetit të Mokas, të cilat Huthit i kishin marrë nën kontroll në shtator. Megjithatë, ende nuk është e qartë nëse përparimi i forcave qeveritare do të qëndrojë.

    Luftimet, të cilat janë përshkallëzim i konfliktit më të gjerë mes SHBA-së dhe Iranit, kanë ringjallur një luftë komplekse 12-vjeçare në Jemen, e cila ka shkaktuar një nga krizat më të rënda humanitare në botë dhe ka fragmentuar një nga vendet më të varfra të botës arabe, raporton Reuters.

    Më shumë se 200 mijë persona janë zhvendosur që nga fillimi i raundit të fundit të luftimeve, njoftoi të mërkurën Organizata Ndërkombëtare për Migracionin (IOM).

    “ njerëzit po ikin për të shpëtuar jetën dhe nuk po gjejnë askund të sigurt ku të shkojnë”, tha drejtoresha e përgjithshme e IOM-it, Amy Pope, e cila bëri thirrje për më shumë fonde për shkak të rritjes së nevojave për ushqim dhe strehim.

    Të dyja palët pretendojnë se qindra persona janë vrarë në luftime, por nuk kanë dhënë shifra të detajuara. Kombet e Bashkuara kanë paralajmëruar se në disa pjesë të Jemenit, tre në katër familje përballen me mungesë ushqimi.

    Huthit kanë shënjestruar vazhdimisht infrastrukturën në Arabinë Saudite, përfshirë aeroportet, rafineritë e naftës dhe tubacionet. Arabia Saudite është aleate e Shteteve të Bashkuara.

    Të mërkurën, koalicioni i udhëhequr nga Arabia Saudite njoftoi se kishte interceptuar dhe shkatërruar një raketë balistike të Huthive në veri të kryeqytetit Riad.

    Koalicioni tha se po e ndiqte platformën e lëshimit të raketës në Sana, e cila kontrollohet nga Huthit, dhe se do ta shkatërronte atë. Nuk u dhanë detaje të tjera për viktima apo dëme.

    Burimi: Dukagjini

  • A ishte ligjor votimi i presidentes? Flet juristja Vokshi (VIDEO)

    A ishte ligjor votimi i presidentes? Flet juristja Vokshi (VIDEO)

    A ishte ligjor votimi i presidentes? Flet juristja Vokshi (VIDEO)

    Juristja Krenare Vokshi ka deklaruar se, sipas vlerësimit të saj juridik, presidentja është zgjedhur në mënyrë kushtetuese.

    Duke folur sonte në emisionin “Rubikon” në Klan Kosova, Vokshi tha se procesi i zgjedhjes së presidentes kishte nisur gjatë 6 tetorit dhe fakti që disa veprime teknike kanë vazhduar pas mesnatës, duke kaluar në datën 7 tetor, nuk e bën procesin antikushtetues.

    “Fillimisht po ndalemi tek çështja e presidentes. Në këtë rast, juristët në fakt kanë mendime të ndryshme. Sigurisht që do të jetë edhe ky një vlerësim i imi, jo ndoshta një interpretim me detyrim të cilin e bën Gjykata”.  

    “Unë mendoj që presidentja është zgjedhur në mënyrë kushtetuese, sepse procesi ka filluar të rrjedhë gjatë datës 6 tetor. Pra, edhe pse kanë qenë orët e vona, ndërkohë pas orës 00:00 pas mesnatës, pra që ka kaluar te data 7 tetor, veçse ka filluar një proces teknik i cili aspak nuk është kundërkushtetues”, deklaroi ajo./Klankosova.tv

  • Tre minatorë nxirren nga miniera e Trepçës, 60 mbesin ende të ngujuar

    Tre minatorë nxirren nga miniera e Trepçës, 60 mbesin ende të ngujuar

    Tre minatorë nxirren nga miniera e Trepçës, 60 mbesin ende të ngujuar

    60 minatorë vazhdojnë të mbeten të ngujuar në horizontin e 11-të të minierës së Trepçës në Stantërg.

    63 minatorë mbetën të ngujuar nga djegia e trafos kryesore në këtë horizont, kurse tre nga minatorët tashmë janë nxjerrur.

    Ekipet e zjarrfikësve po vazhdojnë punën për nxjerrjen edhe të minatorëve të tjerë.

    Ekipet e Klan Kosovës ndodhen në vendin e ngjarjes dhe do të sjellin informata në kohë reale nga operacioni për nxjerrjen e minatorëve nga horizonti i 11-të. /Klankosova.tv