Përmbysje e çmendur në Bergamo, Atalanta ia mohon fitoren Interit në fund

Përmbysje e çmendur në Bergamo, Atalanta ia mohon fitoren Interit në fund

Written by

in

Përmbysje e çmendur në Bergamo, Atalanta ia mohon fitoren Interit në fund

Një ndeshje e jashtëzakonshme është zhvilluar në kuadër të javës së 12-të të Serie A, ku Atalanta dhe Interi kanë barazuar me rezultat 4:4, në një përballje të mbushur me gola dhe emocione deri në minutat e fundit.

Protagonisti kryesor i pjesës së parë ishte Pio Esposito, i cili realizoi dy herë për Interin, në minutat 16’ dhe 32’, duke i dhënë skuadrës së tij epërsinë prej dy golash.

Megjithatë, Atalanta reagoi shpejt dhe në minutën e 35-të Elmas ngushtoi rezultatin në 1:2.

Në pjesën e dytë, Esposito kompletoi tregolëshin e tij në minutën e 52-të, duke e çuar Interin në epërsi prej 1:3.

Por vendasit nuk u dorëzuan. De Ketelaere realizoi në minutën e 72-të për 2:3, ndërsa Sucic shënoi nga penalltia vetëm tri minuta më vonë, duke rikthyer epërsinë prej dy golash për Interin (2:4).

Drama vazhdoi në minutat e fundit. De Ketelaere shënoi sërish në minutën e 80-të për 3:4, ndërsa Kessie në minutën 90+1 realizoi golin e barazimit për rezultatin përfundimtar 4:4. /Indeksonline

Burimi: Insajderi