Calafiori është shndërruar në një lojtar të rëndësishëm për trajnerin Mikel Arteta, duke u vendosur si zgjedhje e parë në krahun e majtë të mbrojtjes. Përveç kësaj pozite, reprezentuesi italian mund të luajë edhe në qendër të repartit defensiv, duke i ofruar skuadrës fleksibilitet taktik.
Interesimi i madrilenëve për 24-vjeçarin nuk është i ri. Real Madridi ishte lidhur me mundësinë e transferimit të tij edhe para se Calafiori të kalonte nga Bologna te Arsenali në vitin 2024.
Sipas “CaughtOffside”, klubi spanjoll ka kontaktuar persona pranë futbollistit për të kuptuar nëse ai do të ishte i interesuar për një kalim në Madrid. Megjithatë, Arsenali vazhdon të mbajë qëndrim të prerë dhe synon ta ruajë mbrojtësin në përbërjen e vet.
Vlera e Calafiorit vlerësohet aktualisht në rreth 65 milionë euro, por kontrata e tij me klubin anglez është e vlefshme deri në vitin 2029. Për këtë arsye, Arsenali mund të kërkojë një shumë dukshëm më të lartë, që sipas raportimeve mund të arrijë deri në 100 milionë euro, për të shqyrtuar mundësinë e shitjes.
Mbetet të shihet nëse Real Madridi do ta konkretizojë interesimin me një ofertë zyrtare dhe nëse do të jetë i gatshëm të përmbushë kërkesat financiare të Arsenalit për një nga mbrojtësit e rëndësishëm të skuadrës londineze.
Burimi: RTKLive