Shërbimi Spitalor Klinik dhe Universitar i Kosovës ka reaguar pas raportimeve lidhur me arrestimin e drejtorit të Spitalit të Përgjithshëm të Mitrovicës, Gëzim Berisha, nën dyshimin për dhunë në familje.
Në një njoftim për media, SHSKUK-ja ka bërë të ditur se Drejtoria e Përgjithshme ka autorizuar Zyrën Ligjore që t’u drejtohet zyrtarisht organeve kompetente për të verifikuar urgjentisht pretendimet e raportuara, njofton Dukagjini.
SHSKUK-ja i ka cilësuar këto raportime si jashtëzakonisht shqetësuese, duke theksuar se dhuna në çfarëdo forme është e dënueshme dhe nuk tolerohet në asnjë rrethanë.
SHSKUK-ja ka paralajmëruar se, pas pranimit të informacioneve zyrtare nga organet kompetente, do të ndërmarrë masat më të rrepta administrative dhe ligjore ndaj drejtorit në fjalë.
Burimi: Dukagjini