Një shtetas polak është arrestuar në fshatin Besi të Prishtinës, nën dyshimin se ka vjedhur 395 euro nga arka e një dyqani.
Sipas raportit të Policisë së Kosovës, rasti ka ndodhur më 26 tetor 2026, rreth orës 12:30, kur i dyshuari, shtetas polak, dyshohet se ka marrë paratë nga arka e biznesit.
Pas raportimit të rastit, Policia ka ndërmarrë veprimet e nevojshme, ndërsa i dyshuari është arrestuar dhe është intervistuar lidhur me rastin.
Me vendim të prokurorit kompetent, pas intervistimit, i dyshuari është dërguar në mbajtje.
Rasti është iniciuar si “Vjedhje”, ndërsa detaje të tjera lidhur me rrethanat e ngjarjes nuk janë bërë të ditura në raportin policor. /Telegrafi/