Dy persona kanë mbetur të plagosur nga arma e zjarrit në Gjakovë, ndërsa Policia ka arrestuar një person të dyshuar për rastin dhe ka sekuestruar një armë të gjatë automatike në vendin e ngjarjes.
Lajmi është konfirmuar për Gazetën Sinjali nga zëdhënësja e Policisë për rajonin e Gjakovës, Vlera Krasniqi.
Sipas saj, rreth orës 16:40, Policia ka pranuar informatën nga Qendra Emergjente e Spitalit të Gjakovës se dy persona kanë kërkuar ndihmë mjekësore, pasi dyshohet se janë plagosur nga arma e zjarrit.
Njësitë relevante policore kanë dalë në vendin e ngjarjes, ku gjatë ekzaminimit kanë gjetur dhe sekuestruar tri gëzhoja dhe një armë të gjatë automatike.
Personi i dyshuar është arrestuar, ndërsa lidhur me rastin po ndërmerren veprime të mëtejshme policore në koordinim me Prokurorin e Shtetit.
Sinjali – aty ku e vërteta flet para lajmit!
Burimi: Sinjali