Jacobo Ramon, Valles dhe Marc Roca janë përfshirë për herë të parë në listën e kombëtares spanjolle, në prag të dy përballjeve të fundit të këtij viti.
Spanja më 12 nëntor do të përballet me Çekinë, ndërsa më 15 nëntor do të luajë kundër Anglisë. Këto dy ndeshje do të shërbejnë për të përmbyllur vitin 2026, të cilin spanjollët e cilësojnë si vitin e yllit të dytë.
Në listën e De la Fuentes mungojnë Eric Garcia, Rodrigo dhe Dani Olmo, të cilët janë të lënduar.
Njëra prej risive më të rëndësishme është përfshirja e mbrojtësit qendror të Comos, Jacobo Ramon, i cili është shpërblyer me ftesë pas paraqitjeve të mira gjatë këtij sezoni. Ai do t’i bashkohet grupit prej katër qendërmbrojtësve, ndërsa Pubill pritet të mbulojë krahun e djathtë të mbrojtjes.
Spanja aktualisht kryeson me 12 pikë në grup dhe tashmë e ka siguruar matematikisht kualifikimin në çerekfinale. Skuadra e De la Fuentes vjen në këto takime pas 11 fitoreve radhazi, ndërsa ka regjistruar 42 ndeshje radhazi pa humbje.
Dy përballjet e nëntorit do të përcaktojnë nëse Spanja do ta përfundojë grupin në pozitën e parë apo të dytë.
Burimi: RTKLive