Presidenti ukrainas, Volodymyr Zelensky, ka deklaruar se Rusia ka lëshuar rreth 2,300 dronë sulmues, 48 raketa dhe 1,600 bomba ajrore të drejtuara ndaj Ukrainës gjatë javës së fundit.
Sulmet ruse gjatë natës së së shtunës në rajonin e Dnipros kanë lënë të vdekur katër persona dhe kanë plagosur 22 të tjerë. Ndërsa në Vinnytsia, një sulm tjetër ka shkaktuar plagosjen e gjashtë personave.
Sipas autoriteteve ukrainase, forcat ruse kanë goditur disa zona me dronë dhe bomba ajrore, duke dëmtuar infrastrukturën, shtëpitë private, ndërtesat e banimit, dyqanet dhe automjetet.
Zelensky ka bërë të ditur gjithashtu se një dron rus ka goditur një ndërtesë të lartë banimi në Vinnytsia, ndërsa në Kharkiv është sulmuar një hipermarket.
Presidenti ukrainas ka akuzuar forcat ruse se kanë kryer një sulm të dytë ndaj ekipeve të emergjencës që mbërritën në vendin e ngjarjes pas goditjes së hipermarketit. Nga ky sulm janë plagosur edhe pjesëtarë të shërbimeve të emergjencës, por numri i tyre nuk është bërë i ditur.
Sinjali – aty ku e vërteta flet para lajmit!
Burimi: Sinjali