Manchester United ka zyrtarizuar emërimin e Mauricio Pochettinos në postin e trajnerit të ri të skuadrës.
Gjiganti anglez ka konfirmuar të premten se tekniku argjentinas do ta marrë drejtimin e “Djajve të Kuq” nga 18 nëntori, duke zëvendësuar Michael Carrickun, i cili u shkarkua për shkak të rezultateve të dobëta.
Për ta realizuar këtë marrëveshje, Manchester United ka arritur një akord me Federatën e Futbollit të Shteteve të Bashkuara të Amerikës, ku Pochettino aktualisht mban postin e përzgjedhësit.
Sipas marrëveshjes, argjentinasi dhe stafi i tij do të lirohen nga detyrat me SHBA-në pas përfundimit të grumbullimit aktual.
Pochettino njihet për stilin e tij sulmues, lojën me intensitet të lartë dhe aftësinë për të zhvilluar futbollistët e rinj.
54-vjeçari e nisi karrierën si trajner te Espanyoli në vitin 2009, ndërsa më pas drejtoi Southamptonin, Tottenhamin, Paris Saint-Germainin dhe Chelsean.
Burimi: Dukagjini