Kryeministri izraelit, Benjamin Netanyahu, ka pretenduar se votuesit arabë po marrin pjesë masivisht në zgjedhje dhe po përpiqen të ndikojnë në rezultatin e tyre.
Në një video-mesazh drejtuar mbështetësve të partisë së tij, Likud, Netanyahu paralajmëroi për pjesëmarrjen e lartë të votuesve arabë në jug të Izraelit, duke pretenduar se ata po përpiqen t’ia “vjedhin zgjedhjet”.
Kryeministri u bëri thirrje mbështetësve të tij që të mobilizohen dhe të dalin për të votuar.
“Situata është serioze”, deklaroi Netanyahu, duke iu referuar edhe arrestimit të tre aktivistëve arabë, të dyshuar për tentim të blerjes së votave.
Sipas pretendimeve të tij, pjesëmarrja e votuesve arabë në rajonin e shkretëtirës së Negevit ishte dukshëm më e lartë se ajo e popullsisë hebreje.
Ndërkohë, partia Likud raportohet se ka përgatitur një strategji për të kundërshtuar rezultatet në vendvotimet e komuniteteve arabe. Kjo strategji përfshin angazhimin e aktivistëve për të vëzhguar votuesit dhe për të dokumentuar raste që partia mund t’i paraqesë si parregullsi zgjedhore.
Pretendimet për mashtrim zgjedhor vijnë në një kohë kur Netanyahu po përballet me një garë të rëndësishme politike, ndërsa vota e komunitetit arab mund të ndikojë në balancën mes blloqeve politike në Izrael.
Sinjali – aty ku e vërteta flet para lajmit!
Burimi: Sinjali