Komisioni për Ekonomi miraton masat emergjente për furnizimin me energji elektrike

Komisioni për Ekonomi miraton masat emergjente për furnizimin me energji elektrike

Written by

in

Komisioni për Ekonomi, Industri, Ndërmarrësi, Tregti dhe Inovacion, i drejtuar nga Arben Mustafa, ka miratuar vendimin e Qeverisë për shpalljen e masave emergjente në furnizimin me energji elektrike.

Ministrja e Ekonomisë, Artane Rizvanolli, gjatë prezantimit të vendimit bëri të ditur se masat do të jenë në fuqi për 60 ditë dhe synojnë përballimin e sfidave në furnizimin me energji.

Ndër masat e parapara është obligimi i ndërmarrjes “Ibër-Lepenci” për të përshtatur dhe rritur prodhimin e energjisë elektrike gjatë orëve të pikut, sipas mundësive teknike. Po ashtu, do të themelohet Komiteti Teknik Emergjent, i cili do t’i rekomandojë Qeverisë dhe Ministrisë masat për përballimin e krizës.

Rizvanolli tha se institucionet publike do të obligohen të ndërmarrin veprime për kursimin e energjisë elektrike, ndërsa përmendi si sfida çmimet e larta në tregjet ndërkombëtare, problemet me njësinë B1 të Termocentralit “Kosova B” dhe bllokimin e linjave ndërlidhëse me Serbinë.

Ajo bëri të ditur se përmes obligimit të shërbimit publik për KEK-un janë siguruar kapacitete ndërkufitare me çmime të favorshme.

Pas diskutimeve dhe përgjigjeve të ministres ndaj vërejtjeve të deputetëve, Komisioni e miratoi vendimin për masat emergjente.

Burimi: RTKLive