Kryetari i Bashkisë së Tiranës, Erion Veliaj, i cili prej afro një muaji është transferuar në burgun e Fierit, ka publikuar një tjetër letër, këtë herë drejtuar ish-zv.kryeministres Belinda Balluku.
Në letrën e tij, ai ironizon me thashethemet që lidhen me forcën e vendimmarrjes së Ballukut në Partinë Socialiste.
Lexoni letrën e tij:
Znj. Balluku – Dr. e Qarkut Fier,
Siç dihet publikisht, por edhe nga vartësit tuaj në IEVP Fier, po e kaloj izolimin ku më sollët para 1 muaji, me një këmbë të thyer dhe nevojë akute për operacion – kjo të paktën nuk është “sekret”.
Kërkesat e njëpasnjëshme në qeveri tek KM Rama, Min. Gogu dhe drejtoresha e Burgjeve kanë rënë në vesh të shurdhër.
Është evidente ajo që thonë të gjithë këtu, se “Kryeministri është kot, nuk merr dot më asnjë vendim” dhe se “hallin tënd e zgjidh veç Bela”. Ndaj, po dorëzohem edhe unë si gjithë shqiptarët e socialistët e po vij tek ju në ditën e Pranisë Besnike.
Ju kërkoj të aprovoni operacionin tim në Tiranë, pranë mjekut tim dhe familjes sime.
Socialisti “me duar të lidhura”. /Telegrafi/