Author: Momenti

  • Shiroka Pula ia shpreh Kurtit gatishmërinë për bashkëpunim në shërbim të interesave të Kosovës

    Shiroka Pula ia shpreh Kurtit gatishmërinë për bashkëpunim në shërbim të interesave të Kosovës

    Shiroka Pula ia shpreh Kurtit gatishmërinë për bashkëpunim në shërbim të interesave të Kosovës

    Presidentja e Republikës së Kosovës, Justina Shiroka Pula, priti në takim Kryeministrin e Republikës së Kosovës, Albin Kurti.

    Gjatë takimit, Presidentja Shiroka Pula shprehu gatishmërinë për bashkëpunim të ngushtë dhe bashkërendim ndërmjet institucioneve, në shërbim të qytetarëve dhe të interesave të vendit.

    Kryeministri Kurti e falënderoi Presidenten për gatishmërinë për të marrë këtë përgjegjësi dhe i uroi suksese në detyrë. Ai shprehu përkushtimin për të bashkëpunuar me të në përmbushjen e detyrave kushtetuese dhe në çështjet me rëndësi për Republikën e Kosovës.

  • Presidentja dhe Ligji për Specialen, Rexhaj: Kurti u frikësua nga protestuesit (VIDEO)

    Presidentja dhe Ligji për Specialen, Rexhaj: Kurti u frikësua nga protestuesit (VIDEO)

    Presidentja dhe Ligji për Specialen, Rexhaj: Kurti u frikësua nga protestuesit (VIDEO)

    Opinionisti Sali Rexhaj ka komentuar zhvillimet politike dhe marrëveshjen për presidentin dhe miratimin e Projektligjit për ndryshim/plotësimin e Ligjit për Dhomat e Specializuara, duke thënë se Aleanca kishte qenë në anën e qytetarëve dhe protestuesve.

    Rexhaj, në “Kosova Today” tha se aktivizimi i tyre kishte nisur në momentin kur, sipas tij, u pa se protestuesit do të kishin rol në përcaktimin e zhvillimeve, transmeton Klankosova.tv.

    “Aleanca ka qenë në anën e popullit. Atëherë kemi nisë me u aktivizu te demonstruesit, se atje u pa që ata do të vendosnin se çka do të ndodhë”, tha Rexhaj.

    Ai kundërshtoi interpretimet se marrëveshja për presidentin dhe aprovimin e ligjit ishte arritur thjesht si një marrëveshje mes Albin Kurtit dhe Bedri Hamzës.

    “Gabim është kushdo që mendon që kjo marrëveshje edhe për president dhe për aprovimin e ligjit, u bë hajt si një marrëveshje gjentëllmenësh mes Albin Kurtit dhe Hamzës. Jo! Aty ishin qytetarët, ishin protestuesit, aty kanë pasur frikë, sidomos Albin Kurti”, u shpreh ai.

    Rexhaj shtoi se, sipas tij, mobilizimi qytetar ndikoi në zhvillimet politike, duke theksuar se “Albin Kurti e kuptoi që në Kosovë është edhe një popull tjetër i cili mobilizohet”.

  • Bonni, qyteti i radhës në Gjermani që i bashkohet protestave për çlirimtarët

    Bonni, qyteti i radhës në Gjermani që i bashkohet protestave për çlirimtarët

    Bonni, qyteti i radhës në Gjermani që i bashkohet protestave për çlirimtarët

    Të premten pritet të mbahet një protestë në Bonn të Gjermanisë, në kundërshtim me aktgjykimin e shkallës së parë ndaj ish-krerëve të UÇK-së nga Dhomat e Specializuara të Kosovës në Hagë.

    Protesta siç njoftoi platforma “Liria ka Emër”, do të nisë në orën 19:00, me moton “Jo në emrin tim”.

    “Nesër Bonn, Gjermani – bashkë! Drejtësi për çlirimtarët!”, thuhet në njoftimin e LKE-së./Klankosova.tv

  • “Nuk kam asgjë për të deklaruara”, Dogana ia gjen mbi 30 mijë euro në veturë

    “Nuk kam asgjë për të deklaruara”, Dogana ia gjen mbi 30 mijë euro në veturë

    Në kuadër të kontrolleve të rregullta dhe bashkëpunimit ndërinstitucional për parandalimin dhe luftimin e veprimtarive të kundërligjshme, zyrtarët e Doganës së Kosovës, në bashkëpunim me Policinë e Kosovës, kanë parandaluar tentativën për futjen e mjeteve monetare të padeklaruara në territorin e Republikës së Kosovës.

    Në njoftimin e Doganës thuhet se gjatë kontrollit në pikën kufitare Bërnjak, zyrtarët doganorë kanë përzgjedhur për kontroll një automjet me targa të huaja, i cili ishte duke hyrë në territorin e Republikës së Kosovës.

    “Gjatë intervistimit, udhëtari është pyetur nëse kishte mallra apo mjete monetare për të deklaruar. Ai është përgjigjur se nuk kishte asgjë për të deklaruar.

    Bazuar në dyshimet e krijuara gjatë kontrollit, zyrtarët doganorë kanë kryer kontroll të automjetit dhe kontroll personal të udhëtarit. Gjatë kontrollit të automjetit, në një hapësirë të fshehtë në dyshemenë e tij janë gjetur të fshehura 30,550 euro në para të gatshme, të cilat nuk ishin deklaruar”, thuhet në njoftim.

    Dogana rikujton se sipas Nenit 33 të Ligjit Nr. 05/L-096 për Parandalimin e Pastrimit të Parave dhe Luftimin e Financimit të Terrorizmit, çdo person që hyn ose del nga Republika e Kosovës dhe bart mjete monetare në vlerë prej 10,000 euro ose më shumë, është i obliguar të deklarojë me shkrim shumën e mjeteve monetare dhe burimin e tyre të verifikueshëm pranë zyrtarit doganor. /Telegrafi/

  • Britney Spears poston një foto të rrallë me djemtë e saj

    Britney Spears poston një foto të rrallë me djemtë e saj

    Britney Spears e kaloi ditën me djemtë e saj në Dollywood, parkun argëtues të themeluar në vitin 1986 nga këngëtarja legjendare e muzikës country, Dolly Parton. Ajo ndau foto dhe video të shëtitjes familjare në Instagram dhe pranoi se as nuk e dinte që parku ekzistonte deri vonë. Duke gjykuar nga postimi i saj, ajo kaloi një kohë të mrekullueshme atje.

    “Uau, uau!!! As nuk e dija që ekzistonte ky vend, është tepër i freskët dhe emocionues… por është kaq vapë dhe fundi im është shumë i madh… dalje familjare!!! DOLLYWOOD ËSHTË ABSOLUTISHT SHUMË I LASHTË!!!” shkroi këngëtarja 44-vjeçare.

    Së bashku me postimin, ajo ndau një foto të saj duke pozuar me djemtë e saj, 21-vjeçarin Sean Preston dhe 20-vjeçarin Jayden James Federline, përpara hyrjes së parkut. Ajo gjithashtu postoi disa fotografi të lojërave që ata shijuan.

    Së fundmi ajo i uroi djemve të saj ditëlindjen.

    Britney festoi ditëlindjet e djemve të saj, të cilët lindën vetëm dy ditë larg, në shtator. Me këtë rast, ajo postoi foto të tyre nga fëmijëria dhe u dedikoi mesazhe emocionuese.

    Ajo i shkroi Jayden-it më të vogël se shpresonte të ishte “nëna më e mirë në botë” për të, ndërsa bënte shaka me Preston-in më të madh. “Të lutem mos u stërvit kaq shumë sepse muskujt e tu po më trembin… po bëj shaka!” i tha ajo.

    Marrëdhënia me djemtë e tij ishte dëmtuar prej vitesh.

    Marrëdhënia e Britney-t me djemtë e saj ka qenë mjaft e ndërlikuar vitet e fundit. Pas divorcit nga Kevin Federline, me të cilin pati Sean Preston dhe Jayden James, këngëtarja kaloi një periudhë të vështirë dhe përfundimisht u distancua nga fëmijët e saj. Djemtë u zhvendosën në Hawaii me babanë e tyre në vitin 2023 dhe Britney ka folur hapur se sa e vështirë është për të që ata nuk janë aq të afërt sa ishin më parë.

    Megjithatë, vitet e fundit, ata kanë filluar ta rindërtojnë marrëdhënien e tyre. Ajo është bërë veçanërisht e afërt me vëllain e saj më të vogël, Jayden, me të cilin ka filluar të takohet përsëri, dhe fotot dhe postimet në rrjetet sociale së bashku kanë treguar se ata kanë ndërmarrë hapa drejt pajtimit.

    Parku i zbavitjes i themeluar nga Dolly Parton

    Dollywood është një park argëtimi i famshëm në shtetin amerikan të Tenesit, i hapur në vitin 1986 nga legjenda e muzikës kantri, Dolly Parton. Parku u konceptua si një vend ku familjet mund të kalonin kohë së bashku, të shijonin muzikë dhe argëtim, por edhe si një mënyrë për të krijuar vende të reja pune për popullsinë vendase.

    Ai mbulon rreth 66 hektarë dhe ka më shumë se 50 atraksione, duke përfshirë kodrat Big Bear Mountain dhe Wild Eagle. Kompleksi përfshin gjithashtu një park ujor, ambiente akomodimi dhe vende për shfaqje muzikore dhe argëtuese.

    Dollywood ka fituar çmime të shumta gjatë viteve dhe është emëruar disa herë parku më i mirë i argëtimit nga Tripadvisor.

    Duke folur për idenë e saj, Dolly Parton dikur shpjegoi se çfarë ishte më e rëndësishme për të. “Ëndërroja për një vend këtu në Malet Smoky ku familja ime mund të performonte, ku ne mund të siguronim punësim të qëndrueshëm për njerëz të mirë në komunitetin tonë dhe ku familjet mund të vinin të qeshin, të luajnë, të argëtohen dhe të krijojnë kujtime së bashku”, tha ajo.

  • Dogana zbulon 30 mijë euro të padeklaruara

    Dogana zbulon 30 mijë euro të padeklaruara

    Dogana zbulon 30 mijë euro të padeklaruara

    Në kuadër të kontrolleve të rregullta dhe bashkëpunimit ndërinstitucional për parandalimin dhe luftimin e veprimtarive të kundërligjshme, zyrtarët e Doganës së Kosovës, në bashkëpunim me Policinë e Kosovës, kanë parandaluar tentativën për futjen e mjeteve monetare të padeklaruara në territorin e Republikës së Kosovës.

    Gjatë kontrollit në pikën kufitare Bërnjak, zyrtarët doganorë kanë përzgjedhur për kontroll një automjet me targa të huaja, i cili ishte duke hyrë në territorin e Republikës së Kosovës.

    Gjatë intervistimit, udhëtari është pyetur nëse kishte mallra apo mjete monetare për të deklaruar. Ai është përgjigjur se nuk kishte asgjë për të deklaruar.

    Bazuar në dyshimet e krijuara gjatë kontrollit, zyrtarët doganorë kanë kryer kontroll të automjetit dhe kontroll personal të udhëtarit. Gjatë kontrollit të automjetit, në një hapësirë të fshehtë në dyshemenë e tij janë gjetur të fshehura 30,550 euro në para të gatshme, të cilat nuk ishin deklaruar.

    Sipas nenit 33 të ligjit nr. 05/L-096 për parandalimin e pastrimit të parave dhe luftimin e financimit të terrorizmit, çdo person që hyn ose del nga Republika e Kosovës dhe bart mjete monetare në vlerë prej 10,000 euro ose më shumë, është i obliguar të deklarojë me shkrim shumën e mjeteve monetare dhe burimin e tyre të verifikueshëm pranë zyrtarit doganor.

    Dogana e Kosovës mbetet e përkushtuar në mbrojtjen e kufirit doganor, zbatimin e legjislacionit në fuqi, parandalimin e kontrabandës dhe qarkullimit të paligjshëm të mjeteve monetare, si dhe në luftën kundër pastrimit të parave dhe veprimtarive të tjera të kundërligjshme.

    The post Dogana zbulon 30 mijë euro të padeklaruara appeared first on Insajderi.

  • Biznesmeni Irfan Hysenbelliu nën hetim për pastrim parash, skema flagrante dhe personazhet e përfshirë nga i biri tek Fatos Çerenishti

    Biznesmeni Irfan Hysenbelliu nën hetim për pastrim parash, skema flagrante dhe personazhet e përfshirë nga i biri tek Fatos Çerenishti

    Biznesmeni Irfan Hysenbelliu nën hetim për pastrim parash, skema flagrante dhe personazhet e përfshirë nga i biri tek Fatos Çerenishti

    Biznesmeni Irfan Hysenbelliu, pronar i televizionit News 24, po hetohet nga Prokuroria e Tiranës si i dyshuar për veprën penale të pastrimit të parave, të cilat mund të jenë produkt i evazionit fiskal, mashtrimit me taksa apo aktiviteteve të tjera të paligjshme. Hysenbelliu, me disa dosje penale për evazion fiskal dhe skema mashtrimi, përfitues i pasurive publike duke i shndërruar në biznese private, madje duke mos paguar as qiranë simbolike, dyshohet për një skemë pastrimi parash përmes kontratave fiktive për shit-blerje pasurish.

    Në 8 qershor 2026, djali i Fanes, Fatmir Hysenbelliu, ka blerë 15 mijë m2 pyll në Qerret, me prioritet për ndërtim, për 500 mijë euro. Pronën e ka blerë tek kompania PANDA GROUP shpk, me pronar Andrea Nako, i cili më herët ka qenë ortak me Hysenbelliun tek Panorama TV. Një muaj para blerjes së tokës, Farmir Hysenbelliu ka marrë një hua 1 milionë euro tek kompania FAP Group S.r.l., dyshohet formalisht dhe në funksion të pastrimit të parave.

    Katër ditë më pas, në 12 qershor 2026, Farmir Hysenbelliu e shiti tokën në Qerret për 3.3 milionë euro. Vlera e pasurisë është rritur brenda katër ditëve me gati 7 herë. Me 500 mijë euro që mori hua, Irfani dyshohet se pastroi 2.8 milionë euro me një lëvizje brenda katër ditëve. Skema është sa banale aq edhe sfiduese për Prokurorinë e Tiranës, ndaj të cilës mësohet se kanë nisur sërisht ndërhyrjet dhe presionet për ta çuar këtë dosje në ‘kalendat greke’ si çështjet e tjera.

    Tokën që çuni i Fanes bleu për 500 mijë euro e ka blerë pas katër ditësh për 3.3 milionë euro kompania GRAND BLUE FAFA RESORT, me nipt M01505047A. Themelues dhe pronar i kompanisë është sipërmarrësi i njohur Fatos Çerenishti. Në kohën kur GRAND BLUE FAFA RESORT i ka blerë Fanes pronën 3.3 milionë euro katër ditës pasi Fania e kishte blerë 500 mijë euro, kapitali i kompanisë nuk ishte as 2 milionë euro.

    Ndërkaq, pas shitjes së dyshuar fiktive, kompania e Fatos Çerenishti ka kaluar shuma parash drejt llogarive bankare të fëmijëve dhe kompanive të Irfan Hysenbelliut, përmes noteres Anila Kaçupi, tek e cila Fania vulos edhe dallavere të tjera financiare. Më tej, çuni i Fanes i ka kaluar vetë Fanes 200 mijë euro në llogari gjoja si hua. Paratë kanë kaluar sa në një llogari në një tjetër, duke u devijuar dhe humbur nëpër degëzime sipas halleve të Fanes.

    Në vend që të paguajë mbi 6 milionë euro taksa si të gjithë shqiptarët që kontribuojnë në buxhetin e shtetit, Fania u hyn skemave të evazionit fiskal, pastrimit të parave, mashtrimit, dhe krijimit të pasurive të paligjshme, pasuar me ndërhyrje dhe presione ndaj prokurorëve dhe gjyqtarëve për të mbyllur dosjet, duke përdorur kryesisht median e tij. Dhe kur prishet në pazare me pushtetin e radhës, ku i heqin privilegjet, i prishin ndërtimet pa leje, i kërkojnë të paguajë taksa dhe të lirojë godinat publike që ka marrë si qoka, Fania bërtet se po cënohet liria e medias së tij!

    Sekustrimi i makinave

    Pas shembjes së Prestige Resort, dëbimit të News 24 nga godina shtetërore në Shkozë dhe bllokimit të llogariave bankare të Birra Korçës, Rama ka vijuar ndëshkimin ndaj Fanes teksa duket se ka lejuar të vetët që të zbatojnë kuadrin ligjor për të mbledhur detyrimet tatimore të papaguara nga Irfan Hysenbelliu. Bëhet fjalë për 6.4 milionë euro detyrime të papaguara. Disa muaj më parë, Tatimet i sekustruan Fatmir Hysenbelliu, disa ditë më parë 8 makina luksoze në kuadër të mbledhjes së deryrimeve tatimore. Mes automjeteve të sekuestruara nga Tatimet janë marka të njohura botërore si McLaren, Mercedes-Benz dhe BMW, të përdorura nga Fatmir Hysenbelliu.

    The post Biznesmeni Irfan Hysenbelliu nën hetim për pastrim parash, skema flagrante dhe personazhet e përfshirë nga i biri tek Fatos Çerenishti appeared first on Insajderi.

  • Drejt përfundimit salla e re e edukatës fizike në SHMU “Gani Saramati” në Prizren

    Drejt përfundimit salla e re e edukatës fizike në SHMU “Gani Saramati” në Prizren

    Punimet për ndërtimin e sallës së re të edukatës fizike në SHMU “Gani Saramati” në Prizren janë drejt përfundimit.

    Kështu ka bërë të ditur kryetari i Komunës së Prizrenit, Shaqir Totaj, i cili tha se salla është ndërtuar me mjetet e përfituara përmes Grantit të Performancës, bazuar në performancën e Komunës së Prizrenit për vitin 2023.

    “Drejt përfundimit punimet për ndërtimin e sallës së re të edukatës fizike në SHMU ‘Gani Saramati’ në Prizren, e cila është ndërtuar me mjetet e përfituara përmes Grantit të Performancës, bazuar në performancën e Komunës së Prizrenit për vitin 2023”, ka shkruar Totaj.

    Sipas tij, Ministria e Arsimit dhe Shkencës ka siguruar pajisjet e nevojshme për zhvillimin e edukatës fizike dhe aktiviteteve sportive në këtë hapësirë.

    Totaj ka thënë se me përfundimin e këtij investimi, nxënësit e SHMU “Gani Saramati” do të kenë në dispozicion një hapësirë moderne për sport dhe aktivitet fizik.

    “Me këtë investim, nxënësit e SHMU ‘Gani Saramati’ së shpejti do ta gëzojnë e shfrytëzojnë këtë hapësirë moderne dhe të përshtatshme për sport, aktivitet fizik dhe zhvillim të shëndetshëm”, ka deklaruar ai. /Telegrafi/

  • Kërkohet përjashtimi i kryetares së trupit gjykues, ndërpritet seanca ndaj ish-kryeshefit të KEK-ut

    Kërkohet përjashtimi i kryetares së trupit gjykues, ndërpritet seanca ndaj ish-kryeshefit të KEK-ut

    Kërkohet përjashtimi i kryetares së trupit gjykues, ndërpritet seanca ndaj ish-kryeshefit të KEK-ut

    Në seancën e së enjtes në Gjykatën Themelore në Prishtinë, në rastin ku ish-kryeshefi ekzekutiv i Korporatës Energjetike të Kosovës (KEK), Nagip Krasniqi, akuzohet për keqpërdorim të detyrës zyrtare, mbrojtja kërkoi përjashtimin e kryetares së trupit gjykues, gjyqtares Violeta Namani-Hajra.

    Trupi gjykues në këtë rast ka këtë përbërje: Violeta Namani- Hajra, kryetare e trupit gjykues, Medie Bytyqi dhe Vesel Ismaili- anëtarë, raporton “Betimi për Drejtësi”.

    Mbrojtësi i të akuzuarit Nagip Krasniqi, avokati Vyrtyt Ibrahimaga, tha se janë gjetur rrethana të reja ku disa nga provat në këtë rast janë marrë nga rasti tjetër i të mbrojturit të tij Krasniqi, e ku gjyqtare e procedurës paraprake ka qenë gjyqtarja Namani-Hajra.

    Andaj, avokati tha se përderisa ekziston një rrethanë e tillë, janë të detyruar që të kërkojnë përjashtimin e kryetares së trupit gjykues.

    Ndërsa, prokurori i rastit, Dren Paca, deklaroi se nuk ka qenë në dijeni se kush ka qenë gjyqtar në procedurë paraprake të lëndëve tjera, mirëpo thkesoi se është fakt se një pjesë e provave, janë marrë nga rasti tjetër, gjë që në aspektin procedural nuk paraqet asnjë lloj pengese.

    Ndërsa, gjyqtarja tha se bazuar në rrethanat e reja të paraqitura nga mbrojtja është e kuptueshme se ka bazë për përjashtimin e saj në këtë rast. Andaj, seanca e sotme u ndërpre, shkruan Betimi për Drejtësi, transmeton Klankosova.tv

    Kujtojmë se prokurori special Dren Paca u caktua u.d i kryeprokurorit të Prokurorisë Speciale të Republikës së Kosovës, pas shkarkimit të Blerim Isufajt nga KPK-ja.

    Krasniqi ishte deklaruar i pafajshëm në seancën fillestare të mbajtur më 8 tetor 2024.

    Aktakuza e Prokurorisë Speciale të Republikës së Kosovës e ngritur më 19 gusht 2024, akuzon Nagip Krasniqin për veprën penale “Keqpërdorimi i pozitës apo autoritetit zyrtar”.

    Sipas aktakuzës të cilën e ka siguruar “Betimi për Drejtësi”, Krasniqi në cilësinë e kryeshefit të KEK-ut, duke filluar nga 15 tetori 2021 e në vazhdimësi me qëllim që operatorit ekonomik “Holding Slovenske Elektrane” SE nga Sllovenia t’ia mundësojë tregtimin e energjisë elektrike në Republikën e Kosovës në kundërshtim me Ligjin për Energjinë Elektrike dhe Ligjit për Rregullatorin e Energjisë, me dashje aprovon blerjet, nënshkruan kontrata dhe autorizon nënshkrimin e tyre si dhe konfirmon vazhdimin e tregtimit me operatorin në fjalë, ani pse ishte në dijeni se nuk mund të tregtohej energji elektrike me këtë operator derisa ai nuk licencohej apo nuk i njihej licenca nga Zyra e Rregullatorit për Energji (ZRrE).

    Në aktakuzë thuhet se operatorit i mundësohet përfitimi pasuror si dhe shmangia nga pagesat tatimore në Republikën e Kosovës dhe për pasojë dëmtimin në shkallë të madhe të buxhetit të Kosovës apo në vlerë prej 531 mijë e 920 euro e 79 centë. Gjithashtu, thuhet se kjo kishte dëmtuar dhe diskriminuar operatorët tjerë ekonomikë konkurrentë që operonin në tregun e Kosovës që ishin të licencuar dhe i nënshtroheshin obligimeve tatimore. Ndërsa, dëmi material ndaj KEK-ut, thuhet se është në shkallë të madhe, përkatësisht 3 milionë e 229 mijë e 905 euro.

    Nga provat e Prokurorisë, thuhet se ZRrE, KEK-ut i kishte shqiptuar dënim për shkak të shkeljeve të konstatuara në blerje të energjisë. Raporti i Zyrës së Regullatorit kishte gjetur se bazuar në legjislacionin e vendit, aktivitetet e tregtisë së energjisë mund të ushtrohen vetëm me licencë të lëshuar nga ZRrE, e që janë të regjistruara në Kosovë. Aty thuhet se aktivitetet pa licenca, mund të lejoheshin vetëm nëse operatorët kanë licencë në vendet e tyre të cilat mund të njihen në Kosovë vetëm pasi të jenë plotësuar kushtet sipas rregullores për Licencimin e Aktiviteteve të Energjisë në Kosovë.

    Sipas aktakuzës, ZRrE kishte reaguar disa herë përmes shkresave dhe emailit zyrtar që KEK të veprojë në përputhje me ligjin dhe aktivitetet e tregtimit të energjisë me operatorë të palicencuar.

    Tutje, thuhet se ZRrE më 19 gusht 2022, kishte monitoruar procesin e tregtimit në kohë reale dhe kishte vërejtur se pavarësisht vërejtjeve dhe kërkesave KEK kishte vazhduar të veprojë në kundërshtim me ligjin.

    Grupi punues i KEK-ut, ishte pajtuar që të respektonin të gjeturat e raportit të ZRRE-së. “Pavarësisht bindjeve dhe argumenteve të cekura më lartë, KEK do të respektoj përfundimisht qëndrimet e ZRrE-së, si një institucion i thirrur për rregullim të sektorit të energjisë i emëruar nga Kuvendi i Republikës së Kosovës sipas legjislacionit në fuqi, i cili i jep ketë kompetencë. Në këtë rast, KEK do të ndërpresë tregtimin energjisë me tregtarë që nuk prezantojnë licencë apo dëshmi nga ZRrE që e dëshmojnë që nuk kanë licencë meqë janë shtjerrë të gjitha mundësitë me komunikimet që kemi pasur me ZRrE”, thuhet në aktakuzë.

    Kjo përgjigje e grupit punues, sipas Prokurorisë nuk ishte dërguar e plotë. Në e-mailin e përcjellë nga Eljas Jashari, thuhet se ishin dërguar vetëm komentet mospajtuese që kundërshtonin të gjeturat e ZRrE-së, duke konsideruar se nuk kishin nevojë për licenca shtesë, meqë të njëjtat ishin të licencuara në shtetet e tyre.

    “Sipas përgjigjes së lartcekur rezulton se ZRrE-së nuk i ishin përcjellë qëndrimet e grupit punues të KEK, por qëndrimi personal i Nagip Krasniqit”, thuhet në aktakuzë.

    Tutje, thuhet se edhe nga opinioni i zyrës ligjore të KEK-ut, ku në ‘cc’ ishte edhe vetë i pandehuri Krasniqi, i kishte dhënë të drejtë ZRrE-së, duke e vënë në dijeni të akuzuarin Krasniqi që duhet të respektohet rregullatori pasi është autoriteti shtetëror që ka kompetencë për këtë fushë. Madje, sipas këtij opinioni edhe kur KEK-ka dërguar rastet në Gjykatë, ZRrE ka fituar rastet dhe kërkesëpaditë e tyte janë refuzuar, pasi kompetenca e tyre është përfundimtare për çështjet e energjisë elektrike.

    Nagip Krasniqit, sipas aktakuzës i ishte dërguar edhe një e-mail nga Departamenti i Menaxhimit të Tregtimit me Energjinë duke kërkuar nga Krasniqi konfirmimin nëse duhej tregtuar me operatorin “HSE”, duke theksuar se nga përgjigja dërguar ZRrE-se, nënkuptohej se duhej të vazhdohej tregtimi.

    I akuzuari Krasniqi ishte përgjigjur “konfirmoj vazhdimin e tregtimit sipas përgjigjes që i është dërguar ZRrE-së”. Si pasojë e kësaj, tregtimi me ketë operator të palicencuar kishte vazhduar deri në pezullimin dhe ndërprerjen përfundimtare të kontratës në maj 2023, përkatësisht gusht 2023.

    Me konfirmimin që drejtori operativ, Luigj Imeri kishte kërkuar nga kryeshefi Krasniqi, në këtë korrespodencës, sipas Prokurorisë thuhet se pas përgjigjes së Krasniqit, Anjeta Zeqiri dhe Besa Shatri ishin tallur.

    “Hahaha ja ke prish tripat”, “Ej qetu Luigji ka pas me dhanë dorëheqje…i paska ra pishman”, ishin replikat në ketë e-mail zyrtar.

    Operatori nga Sllovenia thuhet se nuk ishte në listën e kompanive të licencuara e sipas ARBK-së, as e regjistruar si biznes në Kosovë.

    Tutje, në aktakuzë bëhet e ditur se pas shkresës se KEK-ut të 7 gushtit 2023, vërtetohet se pas arrestimit të Nagip Krasniqit (për çështje që nuk ndërlidhen me këtë rast), KEK më 19 maj 2023 fillimisht kishte njoftuar “HSE” se po e pezullonte bashkëpunimin për ta njoftuar me vonë se po e shkëpusin kontratën në mungesë të licencës se lëshuar nga ZRRE, duke e njoftuar se në momentin që “HSE” dëshmon posedimin e licencës të lëshuar ose të njohur nga ZRRE, atëherë KEK mund të iniciojë procesin e nënshkrimit të një kontrate të re.

    Ndaj Krasnqit, Prokuroria Speciale e Republikës së Kosovës (PSRK) edhe më 30 dhjetor 2024 ka ngritur edhe një aktakuzë në të cilën ngarkohet për keqpërdorim të detyrës zyrtare.

  • Dogana ndaloi mbi 30 mijë euro të padeklaruara, udhëtari tha se s’kishte asgjë

    Dogana ndaloi mbi 30 mijë euro të padeklaruara, udhëtari tha se s’kishte asgjë

    Dogana ndaloi mbi 30 mijë euro të padeklaruara, udhëtari tha se s’kishte asgjë

    Mbi 30 mijë euro para të gatshme janë zbuluar të fshehura në një hapësirë të automjetit gjatë një kontrolli në pikën kufitare Bërnjak.

    Për këtë rast ka raportuar edhe Klankosova.tv.

    Ngjarja është parandaluar nga zyrtarët e Doganës së Kosovës, në bashkëpunim me Policinë e Kosovës, gjatë kontrolleve të rregullta në këtë pikë kufitare.

    Sipas njoftimit të Doganës, për kontroll është përzgjedhur një automjet me targa të huaja, i cili po hynte në territorin e Kosovës.

    “Gjatë intervistimit, udhëtari është pyetur nëse kishte mallra apo mjete monetare për të deklaruar, por ai është përgjigjur se nuk kishte asgjë për të deklaruar.Megjithatë, bazuar në dyshimet e krijuara, zyrtarët kanë kryer kontroll të automjetit dhe kontroll personal të udhëtarit. Gjatë kontrollit të veturës, në një hapësirë të fshehtë në dysheme janë gjetur 30,550 euro para të gatshme, të cilat nuk ishin deklaruar nga udhëtari”, thuhet në njoftim transmeton Klankosova.tv.

    Dogana ka rikujtuar se, sipas Nenit 33 të Ligjit Nr. 05/L-096 për Parandalimin e Pastrimit të Parave dhe Luftimin e Financimit të Terrorizmit, çdo person që hyn ose del nga Kosova dhe bart mjete monetare në vlerë prej 10 mijë euro ose më shumë, është i obliguar t’i deklarojë ato me shkrim, së bashku me burimin e tyre të verifikueshëm, pranë zyrtarit doganor.

    Dogana e Kosovës ka theksuar se do të vazhdojë kontrollet dhe bashkëpunimin me institucionet tjera për parandalimin e kontrabandës, qarkullimit të paligjshëm të mjeteve monetare dhe veprimtarive të tjera të kundërligjshme.