Category: Lajme

  • Dënimi i dytë i Thaçit dhe rreziku i përplasjeve të reja në Kosovë

    Dënimi i dytë i Thaçit dhe rreziku i përplasjeve të reja në Kosovë

    Dënimi i dytë i Hashim Thaçit në Hagë ka nxitur kritika të reja ndaj Gjykatës Speciale në Kosovë. Analistët vlerësojnë se aktgjykimi mund të shtojë presionin mbi PDK-në për një qëndrim më të ashpër ndaj gjykatës, të thellojë ndasitë shoqërore dhe të dobësojë besimin te partnerët perëndimorë.

    Vendimi i 17 nëntorit i Dhomave të Specializuara në Hagë, të njohura edhe si Gjykata Speciale, me të cilin ish-presidenti Hashim Thaçi u dënua me 17 muaj burgim për vepra që lidhen me pengimin e drejtësisë, nxiti një valë të re reagimesh politike dhe publike në Kosovë.

    Reagimet erdhën në vazhdën e pakënaqësisë që kishte shkaktuar edhe aktgjykimi i 16 shtatorit, kur katër ish-krerët e UÇK-së – Hashim Thaçi, Kadri Veseli, Rexhep Selimi dhe Jakup Krasniqi – u dënuan me gjithsej 81 vjet burgim për krime lufte.

    Përderisa partitë politike dhe organizatat e dala nga lufta e kritikuan ashpër vendimin e fundit, reagimet e institucioneve qendrore ishin më të matura. Reagime pati edhe nga qytetarët, në hapësirën publike dhe në rrjetet sociale.

    A mund të ndikojë vendimi në qëndrimet dhe strategjitë e partive politike ndaj Gjykatës Speciale? A rrezikon të thellojë mosbesimin shoqëror ndaj saj dhe të ndikojë në perceptimin për drejtësinë ndërkombëtare dhe partnerët perëndimorë?

    Presion i shtuar mbi PDK-në

    Analisti Agon Maliqi thotë se reagimet ndaj vendimit ishin brenda pritshmërive, por mbetet të shihet nëse partitë politike do ta fuqizojnë diskursin kundërshtues ndaj Gjykatës Speciale.

    Sipas tij, vendimi mund ta shtojë presionin mbi Partinë Demokratike të Kosovës (PDK) për të mbajtur qëndrim më të ashpër ndaj gjykatës. Ai mund të ndikojë edhe në zhvillimet e brendshme të kësaj partie, përfshirë zgjedhjen e kryetarit të ri dhe konsensusin e krijuar ndërmjet Lëvizjes Vetëvendosje dhe PDK-së për një strategji të përbashkët lidhur me procesin e apelit në Hagë.

    “Vendimi mund të ketë ndikim në situatën e brendshme politike në PDK, sepse e rritë presionin nga baza e votuesve për qasje ndoshta pak më të ashpër në raport me Gjykatën Speciale”, thotë Maliqi për Radion Evropa e Lirë.

    Maliqi vlerëson se reagimet me fjalor të ashpër ndaj vendimeve gjyqësore e vendosin Kosovën në pozitë negative në sytë e partnerëve ndërkombëtarë. Megjithatë, sipas tij, Bashkimi Evropian nuk ka mekanizëm konkret penalizues në dispozicion.

    Rreziku, sipas Maliqit, qëndron te rikthimi në agjendë i ndryshimeve ligjore përmes Ligjit për Gjykatën Speciale pa koordinim me BE-në.

    “Pasoja konkrete negative – në kuptimin e uljes së mëtutjeshme të mbështetjes politike për Kosovën – do të ketë nëse rikthimi në agjendë i ndryshimit të Ligjit për Dhomat e Specializuara bëhet pa një dialog dhe koordinim me BE-në, e cila e ka në duar vendimin mbi mandatin mbi Specialen”, thotë Maliqi.

    PDK-ja njoftoi të enjten se ka arritur marrëveshje me LVV-në për të proceduar në Kuvend një projektligj të ri për ndryshimin e Ligjit për Gjykatën Speciale. Marrëveshja duket se e kthen në pikën zero procesin e nisur më 6 tetor.

    Rreziku i polarizimit shoqëror

    Sociologu dhe analisti Artan Muhaxhiri vlerëson se reagimi i qytetarëve ndaj vendimit të Dhomave të Specializuara më 17 nëntor, duhet parë në kontekstin e procesit të përgjithshëm në Hagë, veçanërisht pas aktgjykimit të 16 shtatorit.

    “Reagimi ndaj verdiktit të 17 nëntorit nuk do të jetë thjesht emocional, por do të përfshijë shumë elemente brenda një procesi kompleks sociokulturor, me ndërthurjen e kujtesës kolektive të luftës, perceptimit mbi sakrificën e popullit dhe të UÇK-së, identitetit kombëtar, përvojave të pasluftës dhe pritshmërive të qytetarëve për drejtësi”, thotë ai për REL.

    Sipas Muhaxhirit, një pjesë e madhe e qytetarëve nuk e perceptojnë më Gjykatën Speciale vetëm si institucion që gjykon individë për përgjegjësi penale, por edhe si institucion që, sipas këtij perceptimi, ka deformuar rrëfimin historik për luftën e Kosovës.

    Ai paralajmëron se kjo mund ta kthejë kujtesën e luftës në burim të ndasive shoqërore.

    “Nëse gjykata i dënon udhëheqësit kryesorë të luftës në formë të tillë, kujtesa kolektive shndërrohet në fushëbetejë: njëra palë thotë se po gjykohen çlirimtarët, kurse tjetra insiston në gjykimin e individëve, jo të krejt popullit. Kështu investohet në rrezikun e polarizimit social që vjen me thellim të çarjeve”, thekson Muhaxhiri.

    Ai shton se ushqimi i këtyre ndasive rrezikon të bëhet pjesë e konfrontimeve ndërmjet identiteteve politike dhe shoqërore të grupeve të ndryshme.

    Erozioni i besimit te Perëndimi

    Muhaxhiri vlerëson se pakënaqësia ndaj vendimeve të Gjykatës Speciale mund të ndikojë edhe në raportin e qytetarëve me drejtësinë ndërkombëtare dhe partnerët perëndimorë.

    Sipas tij, besimi i kosovarëve te Perëndimi është ndërtuar kryesisht mbi përvojën historike të mbështetjes gjatë viteve ’90 dhe ndërhyrjen e NATO-s më 1999. Megjithatë, ky besim mund të jetë i ndjeshëm ndaj zhvillimeve të tilla.

    “Rreziku nuk është te kthesa e shpejtë antiperëndimore e kosovarëve, por te erozioni gradual: ndjenja e miqësisë mbetet, mirëpo bëhet më e pasigurt, gjë që është jashtëzakonisht problematike për një vend si Kosova, që i duhet ndihmë e pakursyer e aleatëve për përmbushjen e aspiratave integruese”, thotë Muhaxhiri.

    Muhaxhiri vlerëson se partitë politike kanë përgjegjësi të veçantë, sidomos nëse rikthehet në agjendë ndryshimi i ligjit për Gjykatën Speciale.

    Ai thekson nevojën që çdo iniciativë të mbështetet në argumente profesionale dhe të koordinohet me partnerët ndërkombëtarë, në mënyrë që të shmanget perceptimi për ndërhyrje politike në drejtësi.

    Muhaxhiri konsideron se për Kosovën mbetet sfidë se si do t’i menaxhojë pasojat politike dhe shoqërore të procesit në Hagë, pa i thelluar përçarjet e brendshme dhe pa dëmtuar raportet me aleatët./Radio Evropa e Lirë/

  • E çoi Interin te titulli, por u largua menjëherë – Conte: Më thanë se çdo lojtarë mund të shitej

    E çoi Interin te titulli, por u largua menjëherë – Conte: Më thanë se çdo lojtarë mund të shitej

    Antonio Conte ka zbuluar arsyet që e bindën të merrte drejtimin e Interit në vitin 2019, si dhe motivet që e shtynë të largohej nga klubi zikaltër menjëherë pas fitimit të titullit të Serie A në sezonin 2020/21.

    Trajneri italian ka rikthyer në vëmendje periudhën e tij te Interi në një intervistë për “Cronache di Spogliatoio”, pjesë të së cilës janë publikuar ditët e fundit.

    Në një prej fragmenteve, Conte shpjegoi se drejtuesit e klubit kishin një objektiv të qartë: t’i jepnin fund dominimit të Juventusit në futbollin italian dhe ta rikthenin Interin në mesin e skuadrave më të forta edhe në Evropë.

    “Beppe Marotta dhe Steven Zhang erdhën tek unë dhe më thanë: ‘Duam të na rikthesh te fitoret. Nuk e kemi fituar kampionatin prej dhjetë vjetësh, duam t’i japim fund dominimit të Juventusit në Itali dhe të imponojmë veten edhe jashtë vendit’”.

    Ai shtoi se objektivi i klubit ishte i qartë dhe se të dyja palët nisën një projekt të ri me të njëjtin synim.

    “Synimi i klubit ishte i qartë, kështu që nisëm së bashku një rrugëtim të ri. Në çdo situatë, unë jam ashtu siç më shihni. Nëse jemi duke shkuar në një drejtim të caktuar dhe kemi rënë dakord për të, atëherë duhet ta ndjekim atë rrugë”.

    Megjithatë, pavarësisht se arriti ta përmbushte objektivin duke fituar titullin e Serie A në sezonin 2020/21, Conte vendosi të largohej nga Interi. Ai zbuloi se arsyeja kryesore ishte ndryshimi i planeve të klubit për të ardhmen dhe mundësia që disa prej lojtarëve kryesorë të shiteshin gjatë verës.

    “U largova nga Interi sepse sapo kishim fituar Scudetton dhe patëm një takim ku më thanë se praktikisht çdo lojtar mund të shitej gjatë verës”

    Në intervistë, Conte foli edhe për mundësitë e rikthimit te Juventusi. Ai zbuloi se kishte qenë pranë një ribashkimi me klubin torinez në dy raste, por në fund drejtuesit kishin zgjedhur trajnerë të tjerë.

    Në vitin 2019, kur Conte ishte i lirë, Juventusi vendosi të emëronte Maurizio Sarri, pas së cilës italiani përfundoi te Interi./Telegrafi/

  • “Nuk po muj me besu çka ka ndodh, vrasje makabër para gruas dhe vajzës së vogël”, reagon familjari i Sylë Dakajt pas tragjedisë në Suharekë

    “Nuk po muj me besu çka ka ndodh, vrasje makabër para gruas dhe vajzës së vogël”, reagon familjari i Sylë Dakajt pas tragjedisë në Suharekë

    “Nuk po muj me besu çka ka ndodh, vrasje makabër para gruas dhe vajzës së vogël”, reagon familjari i Sylë Dakajt pas tragjedisë në Suharekë

    Një familjar i Syle Dakajt, i cili u vra të mërkurën në një qendër tregtare në Suharekë, ka reaguar pas ngjarjes së rëndë, duke shprehur dhimbjen për humbjen e tij dhe duke paralajmëruar se dorasi do të përballet me pasojat e veprimit të tij.

    Përmes një postimi në Facebook, familjari i viktimës e ka cilësuar ngjarjen si vrasje makabre, duke theksuar se ajo ndodhi në praninë e bashkëshortes dhe vajzës së vogël të Dakajt.

    “Vrasje makabre para gruas e vajzës së vogël, e cila sapo ka filluar të thërrasë ‘O bab’. Ajo dorë që e kreu krimin do të paguajë për atë që ka bërë”, ka shkruar ai.

    Ndërkohë, i dyshuari për vrasjen, Rrahman Hoti, është ndaluar për 48 orë, nën dyshimin e bazuar se ka kryer veprën penale “Vrasja e rëndë”.

    Rasti tragjik ndodhi pas një mosmarrëveshjeje të çastit në një qendër tregtare në Suharekë, ku viktima u qëllua për vdekje.

    Shënim: Personat e përmendur në këtë lajm konsiderohen të pafajshëm derisa fajësia e tyre të vërtetohet me vendim të formës së prerë të gjykatës.

    Sinjali – aty ku e vërteta flet para lajmit!

    /GazetaSinjali/

    Burimi: Sinjali

  • I can’t believe what’s going on, a macabre murder in front of my wife and little girl, Syla Dalaj’s family reacts after the tragedy in Suhareka.

    A member of Syle Dajaj, who was killed Wednesday at a shopping mall in Suhareka, has reacted after the serious event, expressing sorrow for his loss and warning that the hand enforcement will face the consequences of his move.

    Through a Facebook post, the victim’s family named the event a macabre murder, stressing that it occurred in the presence of Dajaj’s wife and little daughter.

    Murder the macabre in front of the little girl’s wife, who has just begun calling out “O bab.” The hand that committed the crime will pay for what he did, he wrote.

    Meanwhile, the suspect in the murder, Nundman Hoti, has been detained for 48 hours, under suspicion of having committed criminal work, the grave murder.

    The tragic case occurred after a immediate disagreement in a shopping mall in Suhareka, where the victim was shot to death.

    Note: The people mentioned in this news are considered innocent until their guilt is confirmed by court’s firm form.

    The signal where the truth speaks before the news!

    /Gazeta Sinjali/

    Source Layer: Signal

  • UEFA dënon FFK-në me 42 mijë e 250 euro për ndeshjen Kosovë–Izrael

    UEFA dënon FFK-në me 42 mijë e 250 euro për ndeshjen Kosovë–Izrael

    Konfederata Evropiane e Futbollit (UEFA) e ka gjobitur Federatën e Futbollit të Kosovës me gjithsej 42 mijë e 250 euro për shkeljet disiplinore të evidentuara në ndeshjen Kosovë–Izrael, e zhvilluar më 14 nëntor 2026, në kuadër të Ligës së Kombeve, e cila përfundoi me rezultat 0:0.

    Sipas vendimit të Komisionit të Kontrollit, Etikës dhe Disiplinës (CEDB) të UEFA-s, ndaj FFK-së janë shqiptuar gjoba për katër shkelje disiplinore.

    Për sjellje raciste ose diskriminuese, FFK-ja është gjobitur me 10 mijë euro. Për këtë shkelje, UEFA ka urdhëruar edhe mbylljen e pjesshme të stadiumit “Fadil Vokrri”, për një ndeshje si vendase në garat e UEFA-s. Megjithatë, ky dënim është pezulluar për një periudhë prove prej dy vjetësh dhe mund të aktivizohet në rast të përsëritjes së një shkeljeje të ngjashme.

    Për hedhjen e gjësendeve, FFK-ja është gjobitur me 2 mijë e 250 euro, ndërsa për pengimin e himneve kombëtare me 10 mijë euro.

    Ndërkaq, për transmetimin e një mesazhi të papërshtatshëm për një ngjarje sportive, UEFA ka shqiptuar gjobë prej 20 mijë eurosh.

    Në total, gjobat financiare ndaj Federatës së Futbollit të Kosovës arrijnë në 42 mijë e 250 euro.

    Burimi: RTKLive

  • U n EFA condemns FFK with 42 thousand and 250 euros for Kosovo match ‘%s’

    European Football Confederation ( U ndo EFA has fined the Kosovo Football Federation with a total of 42 thousand and 250 euros for disciplinary violations recorded in the Kosovo match, held on November 14th 2026, under the League of Nations, which ended by 0:0.

    By Control Commission decision, Ethics and Discipline ( UEFA CEDB’s CEDB, fines have been imposed on the NFF for four disciplinary violations.

    For racist behavior or discrimination, The FFK has been fined 10,000 euros. For this violation, UEFA has also ordered part-time closure of the stadium, Fadil Vokrı, for a domestic match in UEFA competitions. However, this sentence has been suspended for a two-year trial period and could be activated in the event of similar wrongdoing.

    For throwing things away, The NFF has been fined 2 grand and 250 euros, while for obstructing national anthems by 10,000 euros.

    Meanwhile, for broadcasting an inappropriate message for a sporting event, UEFA has imposed a fine of 20 thousand euros.

    In all, financial penalties for the Kosovo Football Federation total 42 thousand and 250 euros.

    Source Layer: RTKLive

  • Intervistimi i Bekim Brestovcit, avokati tregon detaje

    Intervistimi i Bekim Brestovcit, avokati tregon detaje

    Intervistimi i Bekim Brestovcit, avokati tregon detaje

    Bekim Brestovci, drejtor i Inspektoratit në Komunën e Prishtinës, është intervistuar sot, më 19 nëntor 2026, nga hetuesit e Krimeve Ekonomike, në cilësinë e personit të dyshuar, nën dyshimin për keqpërdorim të detyrës zyrtare.

    Lajmin për Insajderin e ka konfirmuar avokati i tij, Artan Qerkini, i cili ka bërë të ditur se Brestovci është përgjigjur në të gjitha pyetjet e hetuesve.

    Ai është intervistuar lidhur me dyshimet për keqpërdorim të detyrës zyrtare, ndërsa detaje të tjera rreth rastit nuk janë bërë të ditura.

    Burimi: Insajderi

  • Bekim Brestovtz’s interview, the lawyer tells details

    Bekim Brestovci, director of the Inspectorate in Pristina municipality, has been interviewed today, November 19, 2026, by economic crimes investigators, in the quality of the suspected person, under suspicion of misuse of official office.

    The news about Inseder has confirmed his lawyer, Artan Qerkeyni, who has announced that Brestovci has answered all the investigative questions.

    He has been interviewed over allegations of misuse of official office, while other details about the case have not been disclosed.

    Source Layer: Insander

  • Ekskluzive: Aktgjykimi për vrasjen në Gllogjan, tre të akuzuarit lirohen nga akuzat kryesore

    Ekskluzive: Aktgjykimi për vrasjen në Gllogjan, tre të akuzuarit lirohen nga akuzat kryesore

    Ekskluzive: Aktgjykimi për vrasjen në Gllogjan, tre të akuzuarit lirohen nga akuzat kryesore

    Gjykata ka marrë vendim lirues për Halil, Kastriot dhe Kreshnik Mehmetajn, të cilët akuzoheshin për vepra të ndryshme penale që lidhen me vrasjen e rëndë.

    Sipas aktgjykimit që e ka siguruar Klan Kosova, Kastriot dhe Kreshnik Mehmetaj janë liruar nga akuza për vrasje të rëndë, ndërsa Halil Mehmetaj nga akuza për shtytje në vrasje të rëndë.

    “Gjykata vendosi që të pandehurit Kastriot dhe Kreshnik Mehmetaj të lirohen nga akuza në lidhje me veprën penale Vrasja e rëndë nga neni 173 par. I nenpar. dhe 1.11, lidhur me nenin 31 të KPRK-së. I pandehuri Halil Mehmetaj u lirua nga akuza për shkak të veprës penale Shtytja në vrasje të rëndë nga neni 32 lidhur me nenin 173 të KPRK-së. Ndersa i pandehuri Kastriot Mehmetaj u lirua nga akuza edhe Për shkak veprës Mbajta ne pronësi, kontroll ose posedim paautorizuar armeve nga neni 366 par. I lidhur me nenin 31 KPRK-se.”

    Rasti ka të bëjë me vrasjen e trefishtë që ndodhi më 26 nëntor 2021 në Gllogjan të Deçanit, ku mbetën të vrarë shoferi i autobusit, Gani Gjokaj, dhe dy nxënës 17-vjeçarë.

    Gjykata ka konstatuar se akuzat ndaj të pandehurve nuk janë vërtetuar në nivelin e kërkuar për një vendim dënues dhe, rrjedhimisht, ka vendosur lirimin e tyre nga akuzat përkatëse.

    “Gjykata e analizoj me vëmendje këtë çështje, mori parasysh të gjitha pretendimet e palëve, mbrojtjen e të pandehurve dhe deklaratat e dëshmitarëve, të cilët në një formë apo tjetër dhanë informata që mund të shërbejnë për sqarimin e kësaj çështje” – thuhet në aktgjykim./Klankosova.tv

  • Tahiri: Buxheti i vitit 2027 është i përkohshëm, projektet rrezikojnë të mbesin në letër

    Tahiri: Buxheti i vitit 2027 është i përkohshëm, projektet rrezikojnë të mbesin në letër

    Tahiri: Buxheti i vitit 2027 është i përkohshëm, projektet rrezikojnë të mbesin në letër

    Deputeti i Aleancës, Besnik Tahiri, ka kritikuar projektbuxhetin për vitin 2027, duke e cilësuar atë si buxhet të përkohshëm dhe duke paralajmëruar se shumë prej projekteve të përfshira në të rrezikojnë të mos zbatohen.

    Gjatë diskutimit në Kuvendin e Kosovës, Tahiri ka thënë se projektbuxheti është kryesisht përsëritje e buxhetit të vitit 2026 dhe se në shumicën e organizatave buxhetore vërehet një rritje e vogël e mjeteve.

    “E shoh këtë buxhetin e vitit 2027, e shoh buxhet të përkohshëm. Ku e bazoj këtë vlerësim? Për shkak se kur e sheh tabelën buxhetore dhe i sheh programet e Qeverisë, kjo është një përsëritje e buxhetit 2026 dhe në shumicën e organizatave buxhetore ka një ngritje bukur të vogël”, ka deklaruar Tahiri.

    Ai ka shprehur shqetësimin se projektet e përfshira në dokument mund të mbesin vetëm në letër, për shkak të mungesës së financimit të duhur.

    “Konstatimi im i parë është që buxheti, projektet të cilat i kam parë në këtë dokument, rrezikojnë me mbet projekte në letra dhe mos me qenë të zbatuara. Ka rrezik serioz që ndërlidhet me një listë të dëshirave që e shohim në projekt, por një mosbuxhetim të projekteve”, ka thënë ai.

    Tahiri ka kritikuar edhe nivelin e zbatimit të investimeve kapitale gjatë vitit 2026, duke e cilësuar atë si joefikas.

    “Kur shohim implementimin e projekteve në vitin 2026, shohim një joefikasitet të tmerrshëm. Kur shohim projektet e investimeve kapitale, shohim 80 për qind të projekteve që janë të vjetra, e vetëm 20 për qind janë projekte të reja.

    Një numër i projekteve të reja të cilat ish dashtë me qenë prezent, kanë financim shumë të dobët. Kjo për ne është problem shumë i madh”, ka theksuar deputeti i AAK-së.

    “Ky buxhet është buxhet i përkohshëm dhe nuk është buxhet i cili do të hyjë në zbatim në vitin 2027, pres që do të ketë një rishikim të shpejtë të këtij buxheti”, ka deklaruar Besnik Tahiri në foltoren e Parlamentit./Klankosova.tv