Category: Lajme

  • Dita e dytë e vizitës: Jakup Krasniqit nuk i lejohet as sot t'i takojë vëllezërit (VIDEO)

    Dita e dytë e vizitës: Jakup Krasniqit nuk i lejohet as sot t’i takojë vëllezërit (VIDEO)

    Dita e dytë e vizitës: Jakup Krasniqit nuk i lejohet as sot t'i takojë vëllezërit (VIDEO)

    Ish-kreut të Ushtrisë Çlirimtare të Kosovës, Jakup Krasniqit, nuk po i lejohet t’i takojë vëllezërit as gjatë ditës së dytë të vizitës së tij në Kosovë.

    Gazetarja e Klan Kosova, Endrita Bajrami, bën të ditur se Krasniqi përveç familjes së ngushtë nuk është lejuar t’i takojë familjarët e tjerë.

    Ajo tha se ka pasur tentativa nga vëllau i tij për ta takuar, por se kjo nuk është lejuar, me arsyetimin se po prishet rendi dhe vizita.

    Krasniqi, vizitën e tij e ka filluar ditën e djeshme, pasi u lejua nga Haga të vijë në Kosovë për shkak të gjendjes shëndetësore të bashkëshortes së tij.

  • Kryen tetë vjedhje në Fushë-Kosovë, tre të arrestuar për mbi 60 mijë euro dëme

    Kryen tetë vjedhje në Fushë-Kosovë, tre të arrestuar për mbi 60 mijë euro dëme

    Kryen tetë vjedhje në Fushë-Kosovë, tre të arrestuar për mbi 60 mijë euro dëme

    Policia e Kosovës ka arrestuar tre persona të dyshuar për së paku tetë raste të vjedhjeve të rënda në banesa në Fushë-Kosovë.

    Sipas Policisë, operacioni është zhvilluar më 18 nëntor, pas një hetimi dymujor.

    Të arrestuarit janë A.B., F.H. dhe M.K., të cilët dyshohet se gjatë muajve tetor dhe nëntor kanë kryer vjedhje, duke shkaktuar dëme materiale mbi 60 mijë euro.

    “Gjatë muajve tetor dhe nëntor 2026, personat e arrestuar dyshohet të kenë kryer vjedhje të rënda në banesa në Fushë Kosovë. Bazuar në vlerësimet fillestare, dëmi i përgjithshëm material tejkalon vlerën prej 60,000 eurosh, duke përfshirë para të gatshme, stoli ari, sende me vlerë, si dhe armën zyrtare të një zyrtari policor”, ka njoftuar Policia.

    Ndërkaq, me urdhër të organeve të drejtësisë, policia ka kontrolluar katër lokacione, ku ka gjetur dhe sekuestruar stoli ari, para të gatshme, një pistoletë, një veturë e dyshuar për përdorim në vepra penale, dy telefona, një sasi e konsiderueshme e substancës së dyshuar si marihuanë, etj.

    Ndërkaq, Policia bëri me dije se hetimet e mëtejme çuan policinë te një argjendari në lagjen Dardania në Prishtinë, ku dyshohet se janë shitur stolitë e vjedhura, me ç’rast pronari i saj është shoqëruar në stacion policor.

    “Gjithashtu, në qytetin e Prizrenit është lokalizuar dhe sekuestruar një sasi tjetër ari”, u theksua në njoftim.

    Ndaj të dyshuarve janë iniciuar raste për vjedhje të rëndë, posedim të paautorizuar të armëve dhe narkotikëve.

    Me vendim të Prokurorit, të tre janë dërguar në mbajtje për 48 orë./Klankosova.tv

  • Sot varroset Sylë Dakaj, viktima e djeshme në Suharekë

    Sot varroset Sylë Dakaj, viktima e djeshme në Suharekë

    Sot varroset Sylë Dakaj, viktima e djeshme në Suharekë

    Sylë Dakaj mbeti i vrarë gjatë ditës së djeshme në një parking të një qendre tregtare në qytetin e Suharekës.

    Dorasi i dyshuar në këtë rast është Rrahman Hoti, i cili u arrestua pak kohë pas kryerjes së krimit.

    Familja e të ndjerit ka njoftuar se varrimi i Dakajt do të bëhet sot nga ora 15:30 në fshatin Vërshec të Suharekës.

    “Me pikëllim të thellë ju njoftojmë për vdekjen e babait tonë, Syle Rifat Dakaj. Varrimi bëhet në fshatin Vërshec në ora 15:30”, shkroi i biri i Sylë Dakajt në Facebook.

  • Anthropic debuton në tregun e aksioneve me shifra rekorde

    Anthropic debuton në tregun e aksioneve me shifra rekorde

    Anthropic debuton në tregun e aksioneve me shifra rekorde

    Anthropic, kompania që qëndron prapa chatbot-it Claude, ka siguruar një shumë rekorde prej 81 miliardë dollarësh në debutimin e saj në tregun e aksioneve, duke u bërë njëra prej kompanive më të vlefshme në botë.

    Interesimi i madh i investitorëve për të blerë aksione në një kompani që ende nuk gjeneron fitime, ka bërë që të shiten më shumë aksione sesa ishte planifikuar fillimisht, raporton BBC, transmeton Klankosova.tv.

    Çmimi i aksioneve të Anthropic ishte përcaktuar fillimisht në 83 dollarë, krahasuar me intervalin e propozuar prej 70 deri në 78 dollarësh.

    Aksionet pritet të fillojnë tregtimin të enjten pasdite në New York, duke i dhënë vlerë kompanisë në shumë prej 1.5 trilion dollarësh.

    Vlera e kompanisë prej 1.5 trilion dollarësh e bën atë më të vlefshme se Walmart dhe Samsung, duke e renditur në të njëjtin nivel me Meta dhe Tesla. /Klankosova.tv

  • Rasti në Prevallë: Tre vëllezër dërgohen për një muaj në qeli, sulmuan vëllanë, motrën dhe djalin e mitur

    Rasti në Prevallë: Tre vëllezër dërgohen për një muaj në qeli, sulmuan vëllanë, motrën dhe djalin e mitur

    Rasti në Prevallë: Tre vëllezër dërgohen për një muaj në qeli, sulmuan vëllanë, motrën dhe djalin e mitur

    Gjykata Themelore në Prizren ka caktuar një muaj paraburgim ndaj tre personave, të dyshuar për lëndim të lehtë trupor dhe dëmtim të pasurisë, për rastin e përleshjes fizike që kishte ndodhur në Prevallë.

    Sipas njoftimit të Gjykatës, masa e paraburgimit është caktuar ndaj të pandehurve me inicialet S.SH., J.Sh. dhe E.Sh., pas kërkesës së Prokurorisë së Shtetit.

    Në njoftim thuhet se ngjarja dyshohet se ka ndodhur më 17 nëntor, rreth orës 15:40, në fshatin turistik Prevallë.

    “Të pandehurit S.Sh., J.Sh., dhe E.Sh., duke vepruar në bashkëkryerje, me dashje i shkaktojnë lëndime të lehta trupore të dëmtuarve – viktimave të ndjeshme vëllait B.Sh., dhe motrës motës F.B:, dhe të miturit D.B., në atë mënyrë që, për shkak të mosmarrëveshjeve dhe xhelozisë të vazhdueshme familjare që kanë mes vete, lidhur me konkurrencën në biznesin e njëjtë të cilin e ushtrojnë ndër vite, ditën kritike, të pandehurit pasi që e vërejnë të dëmtuarin B.Sh., duke biseduar me një kushëri të tyre, dalin nga automjeti i tyre dhe menjëherë fillojnë duke e goditur me grushte në fytyrë dhe pjesë të ndryshme të trupit dhe pasi që aty ndërhynë për ti ndaluar e dëmtuara F.B:, dhe i mituri D.B.,  të pandehurit revoltohen dhe i godasin me grushte edhe të dëmtuarit F.B., dhe të mituri D.B., dhe atë në kokë dhe pjesë të ndryshme të trupit, ku si pasoj e këtij sulmi fizik të dëmtuari marrin tretma mjekësor, për shkak të lëndime të lehta trupore të përshkruara si në raportet mjekësore lëshuar nga Spitali Rajonal i Prizrenit “Daut Mustafa”.” thuhet në njoftim.

    Sipas njoftimit, në kohën dhe vendin sikur më lartë, si më lartë të pandehurit S.Sh., J.Sh., dhe E.Sh., duke vepruar në bashkëkryerje, me dashje, dëmtojnë pasurinë e personit tjetër, të miturit D.B., në atë mënyrë që, të pandehurit gjatë përleshjes fizike pasi që vërejnë se i dëmtuari po incizonte ngjarjen me telefonin e tij, të njëjtit në shenjë revolte, ia dëmtojnë telefonin e tij, me çka të dëmtuarit i shkaktojnë edhe dëm material.

    “Gjithashtu duke marrë parasysh edhe karakteristikat personale, i pandehui S.Sh., është i dënuar me dy (2) aktgjykime të plotfuqishme, për vepra penale të natyrës së ngjashme ekziston rreziku se me lënien në liri, të pandehurit mund të përsërisin veprat penale të njëjta, apo të kryejnë vepra penale edhe më të rënda.”, thuhet tutje.

  • Ambasadori i Kosovës në Poloni: Potenciali ekonomik i Kosovës i tejkaloi pritjet e bizneseve polake

    Ambasadori i Kosovës në Poloni: Potenciali ekonomik i Kosovës i tejkaloi pritjet e bizneseve polake

    Kompanitë polake që morën pjesë në Forumin Ekonomik në Prishtinë kanë mbetur të befasuara pozitivisht nga potenciali ekonomik i Kosovës, ndërsa kanë shprehur dëshirën që të rikthehen sërish në vend. Kështu ka deklaruar ambasadori i Kosovës në Poloni, Drilon Gashi, në një intervistë për Radio Kosovën, ku ka folur për mundësitë e zgjerimit të bashkëpunimit ekonomik ndërmjet dy vendeve.

    Gashi ka bërë të ditur se përfaqësuesit e bizneseve polake kanë vlerësuar se vizita në Kosovë ka tejkaluar dukshëm pritjet e tyre. Sipas tij, Polonia është partneri i katërt më i madh tregtar i Kosovës në Bashkimin Evropian, ndërsa synimi është që shkëmbimet ekzistuese ekonomike të zhvillohen më tej dhe të konkretizohen në partneritete e investime të reja.

    Forumi Ekonomik ishte përqendruar në digjitalizimin dhe ekonominë digjitale, teknologjitë e mbrojtjes dhe sigurinë kibernetike, si dhe infrastrukturën, energjinë dhe prodhimin e teknologjive të avancuara. Ambasadori ka folur gjithashtu për mundësitë e bizneseve kosovare në tregun polak dhe për rëndësinë e shkëmbimeve kulturore e artistike ndërmjet dy vendeve.

    Në intervistën për Radio Kosovën, Gashi ka vlerësuar se potenciali për zgjerimin e marrëdhënieve ekonomike ndërmjet Kosovës dhe Polonisë është shumë i madh, transmeton Telegrafi.

    “Besoj se potenciali është shumë i madh. Polonia është një treg i rëndësishëm dhe një ndër 20 ekonomitë më të mëdha në botë. Ajo ka përjetuar një transformim të jashtëzakonshëm ekonomik, duke kaluar nga një vend relativisht i varfër, pas periudhës së dominimit sovjetik, në një ekonomi me zhvillim dhe dinamizëm të lartë”, ka deklaruar Gashi.

    Ai ka bërë të ditur se Kosova importon nga Polonia mallra në vlerë prej rreth 300 milionë eurosh, ndërsa në sektorin e shërbimeve eksporton rreth 23 milionë euro dhe importon rreth 18 milionë euro.

    “Prandaj, synimi ynë është që këto marrëdhënie të thellohen edhe më tej”, ka theksuar ambasadori.

    Duke folur për interesimin e kompanive polake për tregun e Kosovës, Gashi ka thënë se në forum kanë marrë pjesë 14 përfaqësues nga Polonia, përfshirë përfaqësues të dhjetë kompanive dhe disa institucioneve. Për të gjithë ata, kjo ishte një përvojë e re, pasi Kosovën po e vizitonin për herë të parë.

    “Besoj se ekziston interesim dhe kureshtje, por duhet ta pranojmë se bizneset polake ende nuk e njohin mjaftueshëm Kosovën”, ka thënë ai.

    Megjithatë, sipas ambasadorit, përshtypjet e kompanive polake pas vizitës në Kosovë kanë qenë shumë pozitive.

    “Polakët kanë një qasje shumë të drejtpërdrejtë dhe e shprehen hapur nëse kanë interesim real apo jo. Ata na kanë thënë se forumi, takimet me kompanitë dhe prezantimet e kryeministrit, ministrave dhe përfaqësuesve të tjerë i kanë tejkaluar dukshëm pritjet e tyre.

    Kanë theksuar se Kosova u ka lënë përshtypje shumë më të mira sesa kishin pritur dhe dëshirojnë të rikthehen sërish në Kosovë”, ka deklaruar Gashi.

    Ai ka theksuar se tani është e rëndësishme që kontaktet e krijuara të ruhen dhe të zhvillohen, në mënyrë që të shndërrohen në bashkëpunime konkrete, përcjell Telegrafi.

    “Natyrisht, tani duhet të vazhdojmë punën përmes misionit tonë diplomatik, në mënyrë që këto kontakte të ruhen, të zhvillohen dhe të shndërrohen në bashkëpunime të qëndrueshme”, ka thënë ai.

    Gashi ka bërë të ditur se synojnë organizimin e një forumi tjetër ekonomik, mundësisht sërish në Prishtinë, me qëllim të vazhdimit të shkëmbimeve dhe kontakteve ndërmjet bizneseve të të dyja vendeve.

    Sa u përket mundësive të bizneseve kosovare në tregun polak, ambasadori ka thënë se tashmë kanë filluar të krijohen kontakte dhe bashkëpunime, por sfida kryesore mbetet konkretizimi i tyre.

    “Ne dëshirojmë t’u krijojmë mundësi konkrete kompanive tona për të bashkëpunuar me bizneset polake.

    Synojmë të ndërtojmë lidhje të drejtpërdrejta ndërmjet kompanive, të forcojmë bashkëpunimin me odat ekonomike të të dyja vendeve, të cilat po e mbështesin këtë proces, si dhe të identifikojmë interesat e përbashkëta që mund të shndërrohen në projekte konkrete ekonomike”, ka deklaruar Gashi.

    Në intervistë, ambasadori është ndalur edhe te promovimi i kulturës kosovare në Poloni, duke thënë se përmes shkëmbimeve të deritanishme janë krijuar ura bashkëpunimi dhe është dëshmuar potenciali kulturor i Kosovës.

    “Kemi krijuar lidhje të rëndësishme edhe në këtë fushë. Sukseset e artistëve tanë flasin vetë dhe dëshmojnë për potencialin e madh kulturor që ka vendi ynë”, ka thënë Gashi.

    Ai ka shprehur shpresën që arti dhe kultura të bëhen një tjetër fushë e rëndësishme e bashkëpunimit ndërmjet Kosovës dhe Polonisë./Telegrafi/

  • Tensione në Kuvend, Kurti përplaset me Bajramin e Rrahmanin - Haxhiu ia ndalon fjalën deputetit të PDK-së

    Tensione në Kuvend, Kurti përplaset me Bajramin e Rrahmanin – Haxhiu ia ndalon fjalën deputetit të PDK-së

    Seanca e sotme e Kuvendit të Kosovës është shoqëruar me përplasje verbale mes kryeministrit Albin Kurti dhe deputetëve të opozitës, Hykmete Bajrami nga LDK-ja dhe Eman Rrahmani nga PDK-ja.

    Fillimisht, Kurti u përplas me deputeten e LDK-së, Hykmete Bajrami, gjatë debatit në Kuvend, ku diskutuan për përgjegjësinë e kryeministrit dhe situatën politike në vend.

    Kurti iu drejtua Bajramit duke i thënë se ajo nuk është gjyqtare, por deputete, ndërsa theksoi se vlerësimin për punën e tij e bëjnë qytetarët përmes votës.

    “Unë jam kryeministër që jam zgjedhur katër herë kryeministër. Ju do të kishit dëshirë të ma bënit gjyqin mua, por ju nuk jeni gjyqtare, por deputete. Gjyqin na bëjnë qytetarët që na kanë bërë më 28 dhjetor e 7 qershor. Lexoni rezultatin zgjedhor në vend që të bëni gjyqtaren në ulësen e deputetes”, deklaroi Kurti.

    Në përgjigjen e saj, Bajrami e akuzoi kryeministrin për bllokimin e vendit, duke thënë se ai nuk mund të paraqitet si zgjidhës i situatës, pasi sipas saj, vetë ishte bërë shkaktar i bllokadës.

    “Nuk mund të bëhesh zhbllokuesi, por je bërë bllokuesi. E ke të qartë se natën e 6 tetorit e ke zhbllokuar situatën dhe ke zgjedhur presidenten në konferenca për shtyp. Ju jeni përgjegjës që deri në natën e 6 tetorit e keni mbajtur vendin të bllokuar”, tha Bajrami.

    Përplasje edhe për Projektligjin për Shëndetin Riprodhues

    Një tjetër debat mes kryeministrit Kurti dhe deputetit të PDK-së, Eman Rrahmani, u zhvillua lidhur me Projektligjin për Shëndetin Riprodhues dhe Fertilizimin e Asistuar Mjekësor.

    Rrahmani kritikoi Qeverinë për angazhimin që projektligji të miratohet, duke ngritur shqetësime për të drejtën e fëmijëve për të njohur prindërit biologjikë, si dhe për dispozitat që, sipas tij, lidhen me surrogacinë dhe sterilizimin.

    Ai tha se projektligji përmban dispozita problematike dhe kërkoi sqarime nga kryeministri lidhur me arsyetimin për miratimin e tij.

    Në përgjigje, Kurti tha se Qeveria e tij ka bërë më shumë se qeveritë e mëparshme për mbështetjen e nënave, fëmijëve dhe familjeve.

    “Nuk ka asnjë qeveri që mund të thoni se në Kosovën e pasluftës ka bërë më shumë për nënat dhe fëmijët, për familjet. Për herë të parë kjo qeveri ka filluar me mbështetje financiare për nënat lehona, 100 mijë gra kanë hapur xhirollogari për herë të parë në jetën e tyre. Mbështetjen kemi vazhduar ta rrisim. Gratë që punojnë i mbështesim edhe më shumë”, deklaroi Kurti.

    Ai i cilësoi si të pabaza akuzat se Qeveria është kundër familjes, duke thënë se kritikat politike duhet të fokusohen në çështje të tjera.

    Rrahmani reagoi sërish, duke përsëritur pretendimet e tij lidhur me surrogacinë dhe sterilizimin e personave nga mosha 18-vjeçare.

    Kurti i hodhi poshtë këto pretendime dhe e ftoi deputetin që të njihet me rastet konkrete dhe të bisedojë me personat që preken nga kjo çështje.

    “Pretendimet kundër nesh për këtë çështje nuk janë të vërteta. Shikoni rastet konkrete dhe bashkëbisedoni me ta, ndoshta ka ardhur koha me i dhënë fund ankesave tuaja në emër të grave të Kosovës”, u shpreh Kurti.

    Haxhiu ia ndalon fjalën Rrahmanit

    Në këtë debat ndërhyri edhe kryetarja e Kuvendit, Albulena Haxhiu, e cila kritikoi mënyrën se si deputeti Rrahmani po e trajtonte çështjen e grave dhe vajzave.

    Haxhiu e akuzoi atë për manipulim dhe tha se nuk do të lejojë një qasje të tillë në Kuvend, duke ia ndaluar vazhdimin e fjalës.

    “Nëse ju i trajtoni gratë edhe vajzat e vendit si pronë, si objekt, nuk lejoj qasje të tillë në Kuvendin e Kosovës. Manipulimi që ti e bën po ashtu në Kuvend është shqetësues. Përmende faktin me sterilizimin e vajzave prej moshës 18-vjeçare. Qysh këtë qasje kështu, zoti Rrahmani? Me këtë qasje nuk mund të vazhdosh. Dhe si rrjedhojë, nuk e merr fjalën”, deklaroi Haxhiu. /Telegrafi/

  • McGregor befason 400 punonjësit, u jep një ditë pushim për të luajtur GTA 6

    McGregor befason 400 punonjësit, u jep një ditë pushim për të luajtur GTA 6

    McGregor befason 400 punonjësit, u jep një ditë pushim për të luajtur GTA 6

    Ish-kampioni i UFC-së, Conor McGregor, ka marrë një vendim të pazakontë për rreth 400 punonjësit e tij në vende të ndryshme të botës, duke u dhënë një ditë pushim me rastin e lansimit të videolojës së shumëpritur Grand Theft Auto VI (GTA 6).

    Përmes një postimi në rrjetin social X, McGregor njoftoi se punonjësit e tij mund të mos paraqiten në punë më 19 nëntor, në mënyrë që ta shijojnë lojën e re.

    “E keni gjithë ditën e nesërme pushim! Shijojeni lojën!”, shkroi ai, pa bërë të ditur se cilat nga bizneset e tij përfshihen në këtë vendim.

    Por McGregor nuk është i vetmi që ka vendosur t’ua lehtësojë punonjësve pritjen për GTA 6. Kompania Pocketpair, e njohur për lojën Palworld, u ka dhënë punonjësve pushim nga 19 deri më 23 nëntor, ndërsa Logitech ka prezantuar një ditë fleksibile pushimi, të quajtur “Logi Game Day”, të cilën punonjësit mund ta shfrytëzojnë deri në fund të vitit 2027.

    Interesimi për videolojën është jashtëzakonisht i madh. Sipas vlerësimeve të përmendura në raportime, rreth 1.5 milion amerikanë kanë planifikuar të mungojnë në punë në ditën e lansimit.

    GTA 6, e zhvilluar nga Rockstar Games, konsiderohet një nga videolojërat më të shumëpritura të të gjitha kohërave, ndërsa pritja për lansimin e saj ka shkaktuar interesim të madh edhe jashtë industrisë së lojërave.

    Sinjali – aty ku e vërteta flet para lajmit!

    /GazetaSinjali/

    Burimi: Sinjali

  • McGregor surprises 400 employees, gives them a day off to play GTA 6

    Former champion of UFC, Conor McGregor, has made an unusual decision for about 400 employees in different parts of the world, giving them a day off for launching the long-awaited Grand Theft Auto V video game. I ( GTA 6).

    Through a post on the social network X, McGregor announced that his employees might not be promoted to work on November 19th in order to enjoy the new game.

    You have all day tomorrow off! Enjoy the game!

    But McGregor is not the only one who has decided to facilitate the reception for GTA 6. The Pockettpair company, known for the Palworld game, has given employees a break from 19 November to 23 November, while Logitech has introduced a flexible holiday day called the Logi Game Day), which employees can use until the end of 2027.

    The interest in the video game is enormous. According to estimates cited in the reports, around 1.5 million Americans are scheduled to be missing on launch day.

    GTA 6, developed by Rockstar Games, is considered one of the most popular video games of all time, while waiting for its launch has caused great interest outside the game industry.

    The signal where the truth speaks before the news!

    /Gazeta Sinjali/

    Source Layer: Signal

  • Gjiganti saudit rikthehet për Zhegrovën, gati 15 milionë euro

    Gjiganti saudit rikthehet për Zhegrovën, gati 15 milionë euro

    Sipas mediave italiane, Al Ittihad ka intensifikuar përpjekjet për transferimin e 27-vjeçarit dhe po përgatit një ofertë konkrete për ta bindur Juventusin që të heqë dorë nga shërbimet e tij.

    Klubi nga Arabia Saudite kishte shfaqur interesim për Zhegrovën edhe gjatë afatit kalimtar të verës, por atëherë palët nuk arritën marrëveshje. Tashmë, skuadra saudite synon ta konkretizojë interesimin me një ofertë që raportohet të jetë rreth 15 milionë euro.

    Edhe qëndrimi i Juventusit duket se ka ndryshuar. Klubi italian është i gatshëm ta shqyrtojë mundësinë e shitjes, ndërsa vetë futbollisti nuk e përjashton largimin, për shkak të hapësirës së kufizuar që ka pasur në skuadër.

    Megjithatë, Al Ittihad nuk është klubi i vetëm që po e ndjek situatën e përfaqësuesit kosovar. Për Zhegrovën interesim kanë shfaqur edhe skuadra nga Turqia dhe Franca.

    Pavarësisht rolit si zëvendësues, Zhegrova ka regjistruar dy gola dhe dy asistime në nëntë paraqitje në Serie A këtë sezon. Ai ka kontratë me Juventusin deri në qershor të vitit 2030.

    Burimi: RTKLive