Category: Lajme

  • Ukraina godet për herë të tretë këtë javë urën që lidh Rusinë me Krimenë, ndërpritet qarkullimi hekurudhor

    Ukraina godet për herë të tretë këtë javë urën që lidh Rusinë me Krimenë, ndërpritet qarkullimi hekurudhor

    Forcat ukrainase kanë goditur sërish urën që lidh Rusinë me gadishullin e pushtuar të Krimesë, më pak se dy ditë pas një sulmi të mëparshëm që shkaktoi shembjen e një pjese të saj. Ky është sulmi i tretë ndaj kësaj infrastrukture të rëndësishme brenda një jave.

    Ministria ukrainase e Mbrojtjes bëri të ditur se raketat kundër anijeve Neptune goditën pjesën hekurudhore të urës së Kerçit, me goditje të regjistruara pranë harkut dhe mbi binarë. Sipas saj, shkalla e dëmeve është ende duke u vlerësuar, ndërsa qarkullimi i trenave është ndërprerë.

    “Për Rusinë, kjo urë është një korridor për furnizimin e luftës, përmes të cilit transportohen cisternat me karburant dhe vagonët me municion drejt forcave të saj në jug. Ky korridor është ndërprerë”, thuhet në reagimin e ministrisë ukrainase në rrjetin X.

    Të martën, Ukraina kishte sulmuar urën me raketa dhe dronë, duke dëmtuar rëndë dhe ndarë në dy pjesë segmentin rrugor, transmeton Telegrafi.

    Ura, e gjatë 19 kilometra dhe që përfshin lidhje rrugore e hekurudhore, ka rëndësi të madhe strategjike dhe simbolike për Moskën, ndërsa për Ukrainën ka qenë objektiv i rëndësishëm gjatë gjithë pushtimit rus.

    Sergei Aksyonov, kreu i Krimesë i emëruar nga Moska, njoftoi se qarkullimi hekurudhor do të pezullohej deri pasditen e së enjtes.

    “Punonjësit tanë të hekurudhave po bëjnë përpjekje heroike për t’u përballur me pasojat e sulmit armik”, deklaroi Aksyonov.

    Ndërkohë, Ministria ruse e Transportit konfirmoi se nga sulmi nuk kishte persona të lënduar, por se qarkullimi i trenave përmes urës ishte pezulluar përkohësisht. Trafiku rrugor ka qenë i pamundur që nga sulmi i së martës, i cili shkatërroi një pjesë të autostradës.

    Sulmi i fundit ndodhi vetëm disa orë para takimit historik mes presidentit rus, Vladimir Putin, homologut kinez Xi Jinping dhe presidentit amerikan Donald Trump, në Kinë.

    Ura e Kerçit konsiderohet simbol i pushtetit të Putinit dhe i aneksimit të paligjshëm të Krimesë nga Rusia, ndërsa shërben si një nga rrugët kryesore të furnizimit për forcat ruse në rajon.

    Ajo është goditur disa herë që nga ndërtimi. Në tetor të vitit 2022, një kamion i mbushur me eksploziv shpërtheu mbi urë, duke shkaktuar dëme dhe ndërprerje të qarkullimit për disa muaj.

    Rusia aneksoi Krimenë në vitin 2014, në një nga zhvillimet që paraprinë luftën mes Kievit dhe separatistëve të mbështetur nga Moska në lindje të Ukrainës. Në vitin 2022, Rusia nisi pushtimin e plotë të vendit.

    Ndërkohë, zyrtarët ukrainas njoftuan se forcat e tyre kanë goditur edhe dy rafineri nafte në jug të Rusisë. Shtabi i Përgjithshëm i Ukrainës bëri të ditur se sulmet shënjestruan rezervuarët e magazinimit në rafinerinë Ilsky dhe një njësi përpunimi në rafinerinë Afipsky, të dyja në rajonin Krasnodar.

    Sipas autoriteteve ukrainase, dy rafineritë mund të përpunojnë së bashku rreth 95 milionë fuçi naftë në vit dhe furnizojnë me karburant forcat ruse në frontet jugore dhe lindore të Ukrainës. Të dy objektet ishin shënjestruar edhe të dielën në mbrëmje.

    Zyrtarët rusë raportuan sulme ndaj dy objekteve industriale në rajon, por nuk dhanë hollësi të mëtejshme.

    Ukraina ka shënjestruar vazhdimisht rafineritë ruse, në përpjekje për të dëmtuar sektorin e naftës, i cili përbën një nga shtyllat kryesore të ekonomisë së Rusisë.

    Presidenti ukrainas, Volodymyr Zelensky, përgëzoi zhvillimin e armëve vendore dhe efektivitetin e tyre në sulmet ndaj urës së Kerçit.

    “Teknologjitë dhe kompanitë tona po zhvillohen shumë mirë”, shkroi ai në rrjetet sociale.

    Në anën tjetër, forcat ruse kanë intensifikuar sulmet ndaj infrastrukturës energjetike të Ukrainës para dimrit, me synimin për të dëmtuar furnizimin me energji elektrike dhe për të dobësuar moralin e civilëve.

    Sipas Misionit të Kombeve të Bashkuara për Monitorimin e të Drejtave të Njeriut në Ukrainë, sulmet gjatë muajit të kaluar kanë vrarë të paktën 372 civilë ukrainas dhe kanë plagosur 1,981 të tjerë. Numri i viktimave ishte 95 për qind më i lartë se në tetor të vitit 2025.

    Agjencia e OKB-së theksoi se këtë vit lufta ka shkaktuar një numër dukshëm më të lartë viktimash civile sesa në vitet e mëparshme. /Telegrafi/

  • Ish-kapiteni i Interit zbulon problemet: Nuk doja të dilja nga shtëpia, më dridheshin këmbët në tunelin e San Siros

    Ish-kapiteni i Interit zbulon problemet: Nuk doja të dilja nga shtëpia, më dridheshin këmbët në tunelin e San Siros

    Ish-mbrojtësi dhe kapiteni i Interit, Andrea Ranocchia, në një intervistë me gazetën italiane Il Corriere della Sera, kujtoi karrierën e tij, nga një dëmtim i rëndë deri te fitimi i kampionatit me klubin nga Milano.

    Andrea Ranocchia ka kujtuar momentet e mira dhe të këqija të kohës së tij te Interi.

    “Ishte një ëndërr për mua të transferohesha në Milano. Një vit më parë, kisha këputur ligamentin krucial te Bari dhe humba Kupën e Botës 2010. Te Interi, epoka e grupit fitues të tripletës po i vinte fundi, Moratti ishte larguar dhe trajnerët vazhdonin të ndryshonin”, ka thënë fillimisht Ranocchia për Il Corriere della Sera.

    Ditë të vështira në klub

    Ranocchia përshkroi me detaje periudhën e vështirë që pasoi. “Pati kaos, ndiheshim të pafuqishëm dhe të shkoja në stërvitje u bë një barrë. E humba plotësisht vetëbesimin. Pyesja veten nëse do të isha ndonjëherë në gjendje të luaja përsëri futboll, jo vetëm në Serie A, por në përgjithësi. Nuk e njihja më veten”.

    “Meqenëse isha në klub për një kohë të gjatë, u bëra fajtori kryesor për rezultatet e këqija. Dëgjova fishkëllima dhe fyerje në stadium, në rrugë, në rrjetet sociale. Ishte e tmerrshme”.

    Problemet nga fusha u përhapën edhe në jetën private.

    “Humba qetësinë. Nuk ndihesha mirë dhe nuk doja të dilja nga shtëpia. Isha i dëshpëruar dhe apatik, nuk ndieja më asgjë dhe gjithçka humbi kuptimin e saj. Depresioni ndikoi edhe në lojërat e mia. Në tunelin e San Siros, pak para se të dilja para tifozëve, më dridheshin këmbët.”

    Ai u prek veçanërisht nga fakti që iu hoq shiriti i kapitenit. “Si e mora vesh që më ishte hequr shiriti i krahut? Në ndeshjen e parë miqësore. Kur hyra në dhomën e zhveshjes, pashë që shiriti i krahut nuk ishte në fanellën time, por në atë të Icardit”.

    Rruga e rimëkëmbjes dhe mbështetja e trajnerit

    Rimëkëmbja filloi me kërkimin e ndihmës profesionale. “Kërkova ndihmë jashtë klubit, fillova të punoja me një psikolog dhe pranova dobësinë time pa gjykim. Përvoja jashtë vendit më ndihmoi shumë gjithashtu”.

    “Fillova ta përjetoja përsëri futbollin siç bëja kur isha fëmijë, si një pasion të pastër, dhe mendoja vetëm për lojën. Përveç kësaj, nuk dija anglisht, kështu që nuk e kuptoja çfarë më thoshin njerëzit”, tha ai duke qeshur.

    Pas kthimit te Interi, trajneri i atëhershëm Luciano Spalletti luajti gjithashtu një rol të rëndësishëm. “Gjatë stërvitjes, një tifoz më fyeu dhe Luciano menjëherë u turr drejt tij për t’u kundërpërgjigjur. Për fat të mirë, kishte një gardh midis tyre. Do t’i jem gjithmonë mirënjohës për këtë”.

    Kulmi i karrierës së tij erdhi me fitimin e titullit të ligës me Interin në vitin 2021. “Ai sezon kampionati përmblodhi të gjithë udhëtimin tim, nga të gjitha vështirësitë deri te ai sukses i madh”, përfundoi ish-mbrojtës italian. /Telegrafi/

  • Kurti paralajmëron ligj të ri për Dhomat e Specializuara: Grupi Punues ta sjellë draftin në javën e ardhshme

    Kurti paralajmëron ligj të ri për Dhomat e Specializuara: Grupi Punues ta sjellë draftin në javën e ardhshme

    Kurti paralajmëron ligj të ri për Dhomat e Specializuara: Grupi Punues ta sjellë draftin në javën e ardhshme

    Kryeministri i Kosovës, Albin Kurti, ka paralajmëruar se gjatë javës së ardhshme pritet të jetë gati drafti i parë i një ligji të ri për Dhomat e Specializuara të Kosovës.

    Kurti ka bërë të ditur se ekspertët e angazhuar në këtë proces pritet t’ia dorëzojnë draftin gjatë javës së ardhshme, pas së cilës ai do të procedohet për diskutim dhe miratim në Kuvendin e Kosovës.

    “Ne presim gjithashtu që në javën e ardhshme të na sjellin draftin e ri të një ligji të ri për Dhomat e Specializuara, në përputhje me kushtetutshmërinë dhe ligjshmërinë tonë”, ka deklaruar Kurti.

    Ai ka theksuar se synimi është që ligji i ri të jetë në përputhje me Kushtetutën dhe legjislacionin në fuqi, si dhe të mos përballet me pengesa që do ta pamundësonin zbatimin e tij.

    “Për këtë na duhet një ligj që nuk kthehet mbrapsht, nuk anulohet, i cili ka efekt në realitet dhe praktikë”, ka theksuar ai.

    Sinjali – aty ku e vërteta flet para lajmit!

    /GazetaSinjali/

    Burimi: Sinjali

  • Kurti warns new law on Specialised Chambers: Workgroup bring draft in next week

    Kosovo Prime Minister Albin Kurti has warned that during the next week, the first draft of a new law for Kosovo Specialised Chambers is expected to be ready.

    Kurti has indicated that experts engaged in this process are expected to submit the draft in the coming week, after which it will proceed for discussion and approval in the Kosovo Assembly.

    We also expect in the next week to bring us the new draft of a new law for Specialised Chambers, in accordance with our constitutionality and legitimacy, Kurti has declared.

    He has stressed that the goal is for the new law to be in line with the Constitution and legislation in force, as well as not to face obstacles that could prevent its implementation.

    For this we need a law that does not go back, it is not annulled, which has effect in reality and practice, he has stressed.

    The signal where the truth speaks before the news!

    /Gazeta Sinjali/

    Source Layer: Signal

  • Ky është polici i arrestuar në Kaçanik që dyshohet se ushtroi dhunë ndaj një qytetari

    Ky është polici i arrestuar në Kaçanik që dyshohet se ushtroi dhunë ndaj një qytetari

    Ky është polici i arrestuar në Kaçanik që dyshohet se ushtroi dhunë ndaj një qytetari

    Është bërë i ditur emri i zyrtarit policor që u arrestua nën dyshimin për keqtrajtim gjatë ushtrimit të detyrës zyrtare në Kaçanik.

    Burime të Sinjalit bëjnë të ditur se bëhet fjalë për Erjon Lekën, zyrtar policor në Stacionin Policor në Kaçanik, i cili dyshohet se ka tejkaluar autorizimet ligjore gjatë arrestimit të një qytetari në fshatin Kaçanik i Vjetër.

    Rasti ka ndodhur më 17 nëntor 2026, pas orës 15:00, kur një patrullë policore me katër zyrtarë kishte arrestuar dhe prangosur një qytetar në oborrin e shkollës së fshatit.

    Sipas hetimeve fillestare të Inspektoratit Policor të Kosovës (IPK), dyshohet se njëri nga zyrtarët kishte përdorur forcë ndaj qytetarit edhe pasi e kishte prangosur, duke i shkaktuar lëndime trupore.

    Pas arrestimit, qytetari ishte dërguar në stacionin policor, por, sipas IPK-së, zyrtarët nuk e kishin njoftuar prokurorin kujdestar të Prokurorisë Themelore në Ferizaj për veprimet e ndërmarra, ndonëse kishin pretenduar se qytetari kishte kryer vepër penale.

    Më pas, qytetari ishte liruar, ndërsa ndaj tij ishte shqiptuar vetëm një tiketë për kundërvajtje, për prishje të rendit dhe qetësisë publike, përkatësisht për sulm verbal.

    Rasti bëhet edhe më i rëndë për shkak se IPK ka bërë të ditur se ndaj zyrtarit policor të arrestuar kishte pranuar edhe ankesa të tjera nga qytetarët, të cilat mund të jenë relevante për hetimin e veprimeve të tij zyrtare.

    Me vendim të prokurorit kompetent, Erjon Lekës i është caktuar masa e ndalimit prej 48 orësh.

    Ndërkohë, hetuesit e IPK-së i kanë rekomanduar Policisë së Kosovës suspendimin e tij, por edhe të tre zyrtarëve të tjerë policorë që ishin të përfshirë në rast.

    Burimi: Insajderi

  • Isni Kilaj rrëfen momentet më të rënda gjatë qëndrimit në Hagë: Më nxirrnin natën, pa më lënë të përshëndetesha me miqtë

    Isni Kilaj rrëfen momentet më të rënda gjatë qëndrimit në Hagë: Më nxirrnin natën, pa më lënë të përshëndetesha me miqtë

    Isni Kilaj rrëfen momentet më të rënda gjatë qëndrimit në Hagë: Më nxirrnin natën, pa më lënë të përshëndetesha me miqtë

    Isni Kilaj, pas lirimit nga Haga, ka rrëfyer përjetimet e tij gjatë kohës sa ishte në paraburgim, duke i cilësuar lirimet me kusht si ndër momentet më të rënda.

    Kilaj ka treguar se në dy rastet kur ishte liruar me kusht, ishte nxjerrë nga qendra e paraburgimit gjatë natës, pa pasur mundësi të përshëndetej me miqtë dhe kolegët e tij.

    Ai ka thënë se këto dalje i kishte përjetuar rëndë, pasi ishte larguar i vetëm nga qendra e paraburgimit, madje edhe me pranga deri në aeroport.

    “Kam shumë kujtime të këqija. Lirimet, kur kam dalë prej aty, dy herë kur jam liruar me kusht, kanë qenë tepër të rënda, sepse kam dalë në natën e errët, pa përcjelljen e asnjërit prej kolegëve. Të nxjerrin jashtë dhe nuk të lënë të përshëndetesh me miqtë që i ke aty. Del i vetmuar dhe, edhe pse me pranga, del prej aty deri në aeroport”, ka thënë Kilaj në një intervistë për Klan Kosova, përcjell Insajderi.

    Ai ka përmendur edhe momentin kur, në lirimin e tretë, e kishin lënë Hashim Thaçin në objektin e gjykatës, duke e cilësuar atë si një nga përjetimet më të rënda.

    Burimi: Insajderi

  • Isni Kilaj relates the most serious moments during her stay at The Hague: They used to take me out at night without letting me say goodbye to my friends

    Isni Kilaj, after being released from The Hague, has confessed his experiences while in custody, naming parole as one of the worst moments.

    Kilaj has indicated that in two cases when he was released on bail, he was released from the detention centre overnight, unable to greet his friends and colleagues.

    He has said that these exits had suffered severely after he had left the detention centre alone, even in handcuffs until the airport.

    I have a lot of bad memories. The releases, when I got out, twice when I was released, were too heavy, because I went out on the dark night, without any of my colleagues being followed. They take you out and don’t let you say goodbye to your friends there. He comes out alone and, even in handcuffs, he comes out from there to the airport., Kilaj said in an interview for Klan Kosova, following Insander.

    He has even mentioned the moment when, in the third release, Hashim Thaci was left in the tribunal’s facility, naming him one of the most severe experiences.

    Source Layer: Insander

  • Kurti: Javën e ardhshme presim draftin e strategjisë për Apelin dhe ligjin e ri për Specialen

    Kurti: Javën e ardhshme presim draftin e strategjisë për Apelin dhe ligjin e ri për Specialen

    Kryeministri i Kosovës, Albin Kurti, ka bërë të ditur se gjatë javës së ardhshme pritet drafti i parë i strategjisë shtetërore për procesin në Dhomat e Specializuara, si dhe drafti i parë i një ligji të ri për këtë gjykatë.

    Burimi: Dukagjini

  • Painful: Today he is awarded his final farewell to Silas Dagaj, who was killed in front of his wife and minor daughter in Suhareka

    The final goodbyes of the Syla Rifat Dajaj, who was killed yesterday in a shopping mall parking lot in Suhareka, will be given today.

    Family members have announced that the burial ceremony will be held in the village of Vrushec, starting at 3:30.

    We remember that 59-year-old was killed yesterday in a shopping mall parking lot in Suhareka, in front of his minor wife and daughter. The serious event allegedly took place after an instant dispute, when the suspect fired a firearm towards Dajaj, leaving him dead in the country.

    The case has been arrested by Niteman Hoti, who, according to information reported exclusively by the signal, allegedly killed his wife in the past.

    At the prosecutor’s decision, the suspects have been assigned a 48-hour ban on criminal acts under suspicion of grave murder and possession, control or unauthorized possession of arms.

    Note: The people mentioned in this news are considered innocent until their guilt is confirmed by court’s firm form.

    The signal where the truth speaks before the news!

    /Gazeta Sinjali/

    Source Layer: Signal

  • E dhimbshme: Sot i jepet lamtumira e fundit Sylë Dakajt, që u vra në sy të bashkëshortes dhe vajzës së mitur në Suharekë

    E dhimbshme: Sot i jepet lamtumira e fundit Sylë Dakajt, që u vra në sy të bashkëshortes dhe vajzës së mitur në Suharekë

    E dhimbshme: Sot i jepet lamtumira e fundit Sylë Dakajt, që u vra në sy të bashkëshortes dhe vajzës së mitur në Suharekë

    Lamtumira e fundit Sylë Rifat Dakajt, i cili u vra dje në parkingun e një qendre tregtare në Suharekë, do t’i jepet sot.

    Familjarët kanë njoftuar se ceremonia e varrimit do të mbahet në fshatin Vërshec, duke filluar nga ora 15:30.

    Kujtojmë se 59-vjeçari u vra dje në parkingun e një qendre tregtare në Suharekë, në sy të bashkëshortes dhe vajzës së tij të mitur. Ngjarja e rëndë dyshohet se ndodhi pas një mosmarrëveshjeje të çastit, kur i dyshuari shtiu me armë zjarri në drejtim të Dakajt, duke e lënë të vdekur në vend.

    Për rastin është arrestuar Rrahman Hoti, i cili, sipas informacioneve të raportuara ekskluzivisht nga Sinjali, dyshohet se në të kaluarën ka vrarë edhe bashkëshorten e tij.

    Me vendim të prokurorit, të dyshuarit i është caktuar masa e ndalimit prej 48 orësh, nën dyshimin për veprat penale “Vrasja e rëndë” dhe “Mbajtja në pronësi, kontroll ose posedim të paautorizuar të armëve”.

    Shënim: Personat e përmendur në këtë lajm konsiderohen të pafajshëm derisa fajësia e tyre të vërtetohet me vendim të formës së prerë të gjykatës.

    Sinjali – aty ku e vërteta flet para lajmit!

    /GazetaSinjali/

    Burimi: Sinjali