Category: Lajme

  • Ndalohen punimet në katër objekte ndërtimi në Gjakovë, Ferizaj dhe Gjilan

    Ndalohen punimet në katër objekte ndërtimi në Gjakovë, Ferizaj dhe Gjilan

    Në njoftim theksohet se për shkak të mungesës së masave të nevojshme për garantimin e sigurisë së punëtorëve, Inspektorati Qendror i Punës ka nxjerrë vendime për ndalimin e përkohshëm të punimeve në këto objekte, siç thuhet, deri në eliminimin e të gjitha mangësive të evidentuara dhe krijimin e kushteve të sigurta për zhvillimin e punës.

    “Inspektorati Qendror i Punës do të vazhdojë me kontrollet në terren dhe me ndërmarrjen e masave ndaj subjekteve që nuk respektojnë kërkesat ligjore për sigurinë dhe shëndetin në punë”.

    “Njëkohësisht, Inspektorati u bën thirrje të gjithë punëdhënësve që të respektojnë me përpikëri standardet e sigurisë dhe shëndetit në punë, me qëllim të parandalimit të aksidenteve dhe mbrojtjes së jetës dhe shëndetit të punëtorëve”, thuhet në njoftim.

    Burimi: RTKLive

  • Rizvanolli dhe Schuebel kërkojnë përfundimin me kohë të punimeve në “Kosova B”

    Rizvanolli dhe Schuebel kërkojnë përfundimin me kohë të punimeve në “Kosova B”

    Gjatë vizitës në termocentral, ata kanë përcjellë nga afër ecurinë e projektit, i cili financohet nga Bashkimi Evropian me afro 84 milionë euro dhe përfshin njësitë B1 dhe B2.

    Sipas njoftimit të Ministrisë së Ekonomisë, punimet në njësinë B1 kanë nisur në prill të vitit 2026 dhe planifikohet të përfundojnë në nëntor, ndërsa ndërhyrjet në njësinë B2 pritet të nisin në prill të vitit 2027.

    Ministria ka kërkuar nga kontraktori dhe BE-ja, si autoritet kontraktues, që të bëjnë përpjekjet maksimale për respektimin e afateve. Rikthimi me kohë i njësisë B1 në funksion është vlerësuar i rëndësishëm për sigurinë e furnizimit me energji gjatë dimrit.

    Projekti synon uljen e ndotjes nga termocentrali, duke reduktuar përqendrimin e pluhurit në gazrat dalëse në 20 mg/Nm³ dhe të oksideve të azotit në 200 mg/Nm³.

    Gjatë takimeve të kësaj jave, Rizvanolli dhe Schuebel kanë diskutuar edhe reformat në kuadër të Planit të Rritjes të BE-së, përfshirë Projektligjin për Rregullatorin e Energjisë, i cili është në konsultim publik deri më 5 nëntor.

    Miratimi i këtij ligji lidhet me përmbushjen e një kushti të Planit të Rritjes, me vlerë rreth 6,26 milionë euro.

    Po ashtu, të dy kanë vlerësuar bashkëpunimin e deritanishëm, përfshirë Pakon e Mbështetjes për Energjinë prej 75 milionë eurosh, përfundimi i së cilës u shënua më 16 tetor. Nga kjo pako kanë përfituar mbi 200 mijë familje dhe 154 biznese në Kosovë.

    Në përfundim, ministrja dhe ambasadori kanë ritheksuar angazhimin për bashkëpunim në realizimin e investimeve dhe reformave që synojnë rritjen e sigurisë energjetike dhe modernizimin e sektorit.

    Burimi: RTKLive

  • Arabia Saudite lehtëson procedurat e vizave për kosovarët

    Arabia Saudite lehtëson procedurat e vizave për kosovarët

    Sipas njoftimit të Ministrisë së Punëve të Jashtme dhe Diasporës, Kosova është kaluar nga Grupi B në Grupin A të vendeve, shtetasit e të cilave përfitojnë nga këto lehtësime.

    Ministria e ka vlerësuar këtë vendim si zhvillim pozitiv për lehtësimin e udhëtimeve të qytetarëve dhe forcimin e bashkëpunimit e të marrëdhënieve ndërmjet Kosovës dhe Arabisë Saudite.

    Burimi: RTKLive

  • Arabia Saudite lehtëson vizat për qytetarët e Kosovës, mund të aplikojnë online ose t’i marrin në mbërritje

    Arabia Saudite lehtëson vizat për qytetarët e Kosovës, mund të aplikojnë online ose t’i marrin në mbërritje

    Autoritetet e Arabisë Saudite kanë miratuar kalimin e Kosovës nga Grupi B në Grupin A të vendeve që përfitojnë nga procedurat e lehtësuara për pajisjen me vizë.

    Sipas njoftimit të Ministrisë së Punëve të Jashtme, ky vendim u mundëson shtetasve të Kosovës të aplikojnë për vizë elektronike ose të pajisen me vizë në mbërritje, për qëllime turistike.

    Ky ndryshim lehtëson udhëtimet e qytetarëve të Kosovës drejt Arabisë Saudite dhe paraqet një hap pozitiv në forcimin e bashkëpunimit dhe marrëdhënieve ndërmjet dy vendeve.

    Burimi: Dukagjini

  • Durmishi: Shporta sindikale është më shumë politike sesa reale

    Durmishi: Shporta sindikale është më shumë politike sesa reale

    Shporta konsumatore e Ministrisë së Ekonomisë dhe Punës për muajin gusht 2026 arriti në 58.475 denarë, ndërsa ajo minimale sindikale ishte 68.675 denarë, duke shënuar një dallim prej rreth 10.200 denarësh.

    Ministri Besar Durmishi vlerëson se dy shportat bazohen në metodologji të ndryshme, ndërsa përllogaritjen sindikale e konsideron më shumë politike sesa reale.

    “Ne edhe ata persona të cilët e kanë formuluar dhe përpiluar të dhënat e shportës konusmatore kanë thënë vetë se ajo nuk është shportë minimale por është një shportë e dëshiruar kështu që sindikalistët e bëjnë një fushatë më shumë politike se sa reale. Mund të them se kemi shportën tonë që në këshillin ekonomik dhe social në javën që vjen do të prezantohet para anaëtarëve të këshillit ekonomik. Dhe për çdo muaj do të bëjmë publike të dhënat për shportën mesatare”, tha Durmishi për TV Koha.

    Sipas të dhënave të publikuara nga Ministria, një familjeje katëranëtarëshe i nevojiteshin 58.475 denarë për shpenzimet mujore në gusht, prej të cilave 21.132 denarë për ushqim dhe pije. Krahasuar me korrikun, shporta e Ministrisë ishte rritur për vetëm 29 denarë, ndërsa në raport me janarin e vitit 2026 kishte shënuar rritje prej 2.095 denarësh, ose 3,7 për qind.

    Ministria thotë se përllogaritja e saj bazohet në të dhëna nga institucionet përkatëse, përfshirë Entin Shtetëror të Statistikave, çmimet e produkteve në tetë qytete, të dhënat nga 23 tregje të pemëve dhe perimeve, si dhe çmimet e produkteve ushqimore më të shitura në zinxhirët e mëdhenj tregtarë. Sipas Durmishit, metodologjia synon të pasqyrojë konsumin mesatar real të amvisërive.

    Në anën tjetër, Lidhja e Sindikatave të Maqedonisë (LSM) njoftoi se shporta minimale sindikale për gushtin arriti në 68.675 denarë, ndërsa në shtator u rrit në 69.432 denarë, ose 757 denarë më shumë brenda një muaji.

    Sipas sindikatës, vetëm për ushqim dhe pije një familjeje i nevojiteshin 25.259 denarë në shtator. LSM-ja thekson se shporta e saj pasqyron shpenzimet minimale të nevojshme për plotësimin e nevojave bazë të një familjeje katëranëtarëshe. Nëse familja jeton në një banesë me qira prej 60 metrash katrorë, shpenzimet mujore të llogaritura nga sindikata arrijnë në 84.807 denarë.

  • U prezantua rrejshëm si agjent i AKI-së dhe kërkonte para në këmbim të punësimit, arrestohet në Prishtinë

    U prezantua rrejshëm si agjent i AKI-së dhe kërkonte para në këmbim të punësimit, arrestohet në Prishtinë

    Policia e Kosovës ka arrestuar një person në Prishtinë, i cili dyshohet se ishte prezantuar rrejshëm si punonjës i Agjencisë së Kosovës për Inteligjencë (AKI), duke kërkuar shuma të ndryshme parash në këmbim të premtimeve për punësim në këtë institucion.

    Sipas njoftimit të Policisë, i dyshuari me inicialet D.N. dyshohet se këtë veprimtari e kishte zhvilluar nga fillimi i vitit 2025 deri në tetor të këtij viti, kur edhe ishte raportuar rasti.

    Arrestimi është realizuar të mërkurën, më 21 tetor, nga hetuesit e Njësisë së Hetimeve të Përgjithshme në Prishtinë, në koordinim me AKI-në dhe Prokurorinë Themelore në Prishtinë.

    “Pas ndërmarrjes së veprimeve të nevojshme hetimore dhe sigurimit të provave e dëshmive, sot është arrestuar personi D.N., i cili dyshohet se nga fillimi i vitit 2025 e deri në raportimin e rastit ishte prezantuar rrejshëm si punonjës i Agjencisë së Kosovës për Inteligjencë, duke kërkuar shuma të ndryshme parash në këmbim të punësimit në këtë institucion”, thuhet në njoftimin e Policisë.

    Me vendim të prokurorit të shtetit, të dyshuarit i është caktuar masa e ndalimit për 48 orë, ndërsa pritet vazhdimi i procedurave të mëtejshme ligjore.

    Policia u ka bërë thirrje qytetarëve të tregojnë kujdes ndaj personave që pretendojnë se mund të sigurojnë punësim në institucione publike në këmbim të parave, si dhe t’i raportojnë rastet e tilla tek organet e rendit./Telegrafi/

  • Fantastike: Erblin Osmani shënon ndaj Arsenalit në Ligën e Kampionëve për të rinj

    Fantastike: Erblin Osmani shënon ndaj Arsenalit në Ligën e Kampionëve për të rinj

    Mesfushori Erblin Osmani ka shënuar në përballjen e Bayern Munich U19 ndaj Arsenalit në Ligën e Kampionëve për të rinj.

    Talenti dardan u tregua i saktë nga pika e bardhë në përballjen që Bayerni ka epërsi prej 3-2.

    Ky është goli i parë për Osmanin në kompeticionin e të rinjve, ndërsa e ka fituar vendin e titullarit në ekipin U19, si dhe shpesh po ftohet nga Vincente Kompany.

    Përndryshe, në stol është edhe lojtari tjetër që thuhet se ka zgjedhur Kosovën, pra Yll Gashi./Telegrafi/

  • Pothuajse gjysma e deputetëve holandezë përdorën IA-në për fjalimet parlamentare

    Pothuajse gjysma e deputetëve holandezë përdorën IA-në për fjalimet parlamentare

    Pothuajse gjysma e deputetëve holandezë përdorën IA-në për fjalimet parlamentare

    Pothuajse gjysma e deputetëve të Dhomës së Përfaqësuesve të Holandës kanë përdorur mjete të inteligjencës artificiale (IA) për përgatitjen e fjalimeve parlamentare gjatë vitit të kaluar, ka zbuluar një hetim i përbashkët i së përjavshmes “De Groene Amsterdammer” dhe platformës së gazetarisë investigative “Investico”.

    Sipas hetimit, 68 nga gjithsej 150 ligjvënës kanë mbajtur fjalime që përmbanin tekst të gjeneruar nga mjete të IA-së, përfshirë ChatGPT dhe Claude.

    Për të arritur në këto gjetje, gazetarët analizuan fjalimet e të gjithë deputetëve duke përdorur Pangram, një mjet që synon të identifikojë tekstet e krijuara nga inteligjenca artificiale. Në analizë u përfshinë deklaratat hapëse të deputetëve gjatë debateve parlamentare, ndërsa ndërhyrjet dhe mocionet u përjashtuan.

    Hetimi mori parasysh vetëm tekstet për të cilat u vlerësua se më shumë se 50 për qind e përmbajtjes ishte gjeneruar nga IA-ja. Kjo nënkupton se numri i ligjvënësve që mund të kenë përdorur mjete të tilla mund të jetë edhe më i lartë.

    Një tjetër gjetje e hetimit ishte se disa deputetë kishin përdorur materiale të krijuara nga inteligjenca artificiale edhe në fjalimet e tyre të para në parlament. Këto fjalime tradicionalisht konsiderohen kontribute personale, me të cilat shënohet paraqitja e parë e një deputeti në institucion.

    Të gjithë ligjvënësit e identifikuar në hetim pranuan se kishin përdorur inteligjencën artificiale, por theksuan se mbështeteshin kryesisht tek ajo për të përmirësuar strukturën e fjalive, për të shkurtuar tekstet ose për të përsosur argumentet e tyre.

    Përdorimi i IA-së nga përfaqësuesit politikë në Holandë është evidentuar edhe më herët. Raportime të mëparshme kanë zbuluar se kryeministri Rob Jetten e përdor rregullisht inteligjencën artificiale për të hartuar postime në rrjetet sociale.

    Ndërkohë, një hetim i veçantë i transmetuesit publik NOS ka gjetur se afërsisht një e katërta e pyetjeve me shkrim të paraqitura në parlament ishin përgatitur me ndihmën e inteligjencës artificiale.

    Sinjali – aty ku e vërteta flet para lajmit!

    /GazetaSinjali/

    Burimi: Sinjali

  • Almost half of Dutch deputies used IA for parliamentary speeches

    Almost half of Holland’s House of Representatives deputies have used artificial intelligence tools ( The IA) for preparing parliamentary speeches over the past year has revealed a joint investigation of the weekly De Groene Amsterdammer and the platform of investigative journalism properly Investico.

    Under the investigation, 68 out of a total of 150 lawmakers have given speeches containing text generated by IA tools, including ChatGPT and Claude.

    To reach these findings, journalists analysed the speeches of all MPs using the Pangram, a tool intended to identify texts created by artificial intelligence. Statement statements by MPs were included during parliamentary debates, while interventions and motions were ruled out.

    The investigation took into account only the texts for which more than 50 percent of the content was generated by the IA. This implies that the number of lawmakers who may have used such tools may be even higher.

    Another investigation finding was that some MPs had used materials created by artificial intelligence even in their first speeches to parliament. These speeches are traditionally considered personal contributions, with which a deputy at the institution’s first presentation is marked.

    All lawmakers identified in the investigation admitted to using artificial intelligence, but stressed that they relied primarily on it to improve the structure of sentences, cut back on texts, or perfect their arguments.

    The use of IA by political representatives in the Netherlands has been recorded earlier. Previous reports have revealed that Prime Minister Rob Jetten regularly uses artificial intelligence to draft social networking posts.

    Meanwhile, a separate public broadcaster investigation The NOS has found that nearly a quarter of the written questions presented in parliament were prepared with the help of artificial intelligence.

    The signal where the truth speaks before the news!

    /Gazeta Sinjali/

    Source Layer: Signal

  • Hajrizi përmend Vlora Çitakun dhe Enver Hoxhajn si pasues të mundshëm të Hamzës në krye të PDK-së

    Hajrizi përmend Vlora Çitakun dhe Enver Hoxhajn si pasues të mundshëm të Hamzës në krye të PDK-së

    Njohësi i marrëdhënieve ndërkombëtare, Selam Hajrizi, ka përmendur Vlora Çitakun dhe Enver Hoxhajn si emra të mundshëm që mund të marrin drejtimin e Partisë Demokratike të Kosovës (PDK), pas dorëheqjes së Bedri Hamzës.

    Në emisionin FIVE, Hajrizi tha se në PDK ka disa personalitete që mund të jenë kandidatë për ta udhëhequr partinë.

    Ai veçoi Enver Hoxhajn, ish-ministër të Punëve të Jashtme të Kosovës, si dhe Vlora Çitakun, ish-ministre e Integrimit Evropian dhe ish-ambasadore e Kosovës në Shtetet e Bashkuara të Amerikës.

    Hajrizi vlerësoi se Çitaku mund të jetë një mundësi për ta marrë drejtimin e PDK-së, duke theksuar se zgjedhja e saj do të shënonte herën e parë që partia do të udhëhiqej nga një grua.

    “Sot kush do ta udhëheqë Partinë Demokratike të Kosovës, ka shumë njerëz, personalitete interesante, zoti Hoxha, ish ministri i punëve të jashtme, Vlora Çitaku, mund të jetë ish ambasadore në Washington, apo dikush tjetër. Mirëpo po i përmendi vetëm këto dy personalitete që kanë pasur poste të rëndësishme në Republikën e Kosovës, zoti Hoxha si kryediplomat dhe zonja Çitaku, në të kaluarën ministre e integrimeve dhe mandej ambasadore në Washington, dhe tashmë është protagoniste e madhe e partisë. zonja Çitaku mund të jetë pse jo kryetare e Partisë Demokratike. Që do thotë për herë të parë që një femër e vetme Partinë Demokratike”, ka deklaruar ai.

    Burimi: Dukagjini