Category: Lajme

  • Tahiri për ndryshimet në Ligjin e Speciales: Nuk e zhbëjnë Gjykatën, por synojnë ta përmirësojnë

    Tahiri për ndryshimet në Ligjin e Speciales: Nuk e zhbëjnë Gjykatën, por synojnë ta përmirësojnë

    Tahiri për ndryshimet në Ligjin e Speciales: Nuk e zhbëjnë Gjykatën, por synojnë ta përmirësojnë

    Nënkryetari i Aleancës për Ardhmërinë e Kosovës, Besnik Tahiri, ka reaguar ndaj kritikave dhe reagimeve ndërkombëtare pas ndryshimeve të bëra nga Kuvendi i Kosovës në ligjin për Dhomat e Specializuara.

    Tahiri ka thënë se ndërhyrja në këtë ligj erdhi si pasojë e problemeve të grumbulluara gjatë procesit gjashtëvjeçar, duke theksuar se qëllimi nuk është zhbërja e Dhomave të Specializuara, por ndryshimi i mënyrës se si është ndërtuar dhe zbatuar ky mekanizëm.

    “Ajo çka ka ndodhë në Kuvendin e Kosovës është shumë e thjeshtë. Është ndryshuar një ligj i cili vjen si rrjedhojë e shumë dështimeve, jo vetëm në procesin gjashtëvjeçar, mirëpo edhe në aspektin dhe qëllimin për çka është distancuar”, ka deklaruar Tahiri.

    Sipas tij, Kuvendi ka vepruar brenda kompetencave të tij për të ndërhyrë në një ligj që është miratuar nga vetë ky institucion.

    “Ky kufizim nuk e zhbën, por e përmirëson një institucion i cili synon të ketë drejtësi”, ka thënë Tahiri.

    Ai ka deklaruar se ndryshimet tashmë janë në fuqi dhe se ato nuk e ndryshojnë orientimin institucional dhe politik të Kosovës.

    “Vendimi është i plotfuqishëm, Kosova vazhdon rrugëtimin e vet, qëllimet institucionale dhe politike që i ka”, ka deklaruar ai.

    Sinjali – aty ku e vërteta flet para lajmit!

    /GazetaSinjali/

    The post Tahiri për ndryshimet në Ligjin e Speciales: Nuk e zhbëjnë Gjykatën, por synojnë ta përmirësojnë appeared first on Sinjali.

    Burimi: Sinjali

  • Përplasen dy vetura në Prishtinë, dy persona përfundojnë të lënduar

    Përplasen dy vetura në Prishtinë, dy persona përfundojnë të lënduar

    Përplasen dy vetura në Prishtinë, dy persona përfundojnë të lënduar

    Dy persona kanë mbetur të lënduar në një aksident trafiku që ka ndodhur në rrugën “Ahmet Krasniqi” në Prishtinë.

    Të lënduarit kanë pranuar tretman mjekësor, ndërsa në aksident janë përfshirë dy vetura.

    Aksidentin e ka konfirmuar zëdhënësi i Policisë për Kryeqytetin, Enis Pllana.

    “Me rastin po merret Trafiku i Kryeqytetit”, deklaroi Pllana.

    Sinjali – aty ku e vërteta flet para lajmit!

    /GazetaSinjali/

    The post Përplasen dy vetura në Prishtinë, dy persona përfundojnë të lënduar appeared first on Sinjali.

    Burimi: Sinjali

  • Tahiri: Kufizimi s’e zhbën Specialen, synon përmirësimin e institucionit

    Tahiri: Kufizimi s’e zhbën Specialen, synon përmirësimin e institucionit

    Tahiri: Kufizimi s’e zhbën Specialen, synon përmirësimin e institucionit

    Deputeti i Aleancës, Besnik Tahiri ka deklaruar se ndryshimi i Ligjit për Dhomat e Specializuara, siç thotë ai, nuk e zhbën Gjykatën Speciale.

    Megjithatë, ai shton se ligji ka për qëllim përmirësimin e institucionit që synon të ketë drejtësi, transmeton Klankosova.tv.

    “Ajo çka ka ndodhë në Kuvendin e Kosovës është shumë e thjeshtë. Është ndryshuar një ligj i cili vjen si rrjedhojë e shumë dështimeve, jo vetëm në procesin gjashtëvjeçar, mirëpo edhe në aspektin dhe qëllimin për çka është themeluar. Kufizimi ka të bëjë me të drejtën e Kuvendit të Kosovës. Ky kufizim nuk e zhbën, por e përmirëson një institucion i cili synon të ketë drejtësi. Vendimi është i plotfuqishëm, Kosova vazhdon rrugëtimin e vet, qëllimet institucionale dhe politike që i ka”, tha Tahiri për EO.

  • Përplasje mes veturës dhe kamionit në Klinë, një person përfundon në spital

    Përplasje mes veturës dhe kamionit në Klinë, një person përfundon në spital

    Përplasje mes veturës dhe kamionit në Klinë, një person përfundon në spital

    Një aksident trafiku ka ndodhur sot rreth orës 06:10 në rrugën “Sadik Rama” në Klinë.

    Në aksident janë përfshirë dy automjete, një kamion dhe një veturë, transmeton Klankosova.tv.

    Si pasojë e aksidentit, një person ka pësuar lëndime trupore dhe është dërguar për trajtim mjekësor.

    Për Klankosova.tv, rastin e ka konfirmuar Toger Sheremet Elezaj.

  • Gratë që arrijnë 70 vjeç, jetojnë deri në 100 - fshati që po habit të gjithë

    Gratë që arrijnë 70 vjeç, jetojnë deri në 100 – fshati që po habit të gjithë

    Gratë që arrijnë 70 vjeç, jetojnë deri në 100 - fshati që po habit të gjithë

    Sekreti i jetëgjatësisë mund të jetë të jesh grua, të paktën në një fshat të vogël malor të Sardinisë, Itali.

    Një studim i ri mbi njerëzit që kanë arritur moshën 100-vjeçare në Bolotana, një fshat në pjesën qendrore të ishullit italian, ka zbuluar një shkallë jashtëzakonisht të lartë të jetëgjatësisë, veçanërisht te gratë.

    Sardinia është bërë e njohur për jetëgjatësinë e banorëve të saj që nga viti 1999, kur disa fshatra të largëta në pjesën qendrore dhe lindore të ishullit u përfshinë në pesë të ashtuquajturat “zona blu” të botës – rajone ku ka përqendrim të lartë të njerëzve që jetojnë deri në 100 vjeç e më shumë, raporton “The Guardian”, transmeton Klankosova.tv

    Tash, studiuesit thonë se edhe Bolotana, e cila ndodhet rreth 110 kilometra nga zona origjinale blu e Sardinisë, mund të jetë një tjetër pikë e veçantë e jetëgjatësisë.

    Studimi, i realizuar nga profesorë të Universitetit të Sassarit në Sardini dhe Universitetit të Alabamës në Birmingham të ShBA-së, dhe i publikuar në revistën shkencore “Frontiers in Aging”, ka gjetur se 13.8 për qind e grave në Bolotana që arrijnë moshën 70-vjeçare jetojnë deri në 100 vjeç.

    Kjo e rendit Bolotanan në vendin e dytë në botë për jetëgjatësinë e grave, pas Hong Kongut.

    Në Itali, për krahasim, vetëm 3.5 për qind e grave që arrijnë moshën 70-vjeçare jetojnë deri në 100 vjeç.

    Studiuesit analizuan të dhënat e personave të lindur në Bolotana ndërmjet viteve 1900 dhe 1925.

    Ata zbuluan se 38 persona kishin jetuar përtej moshës 100-vjeçare, duke e bërë shkallën e jetëgjatësisë në këtë fshat 57 për qind më të lartë se mesatarja kombëtare italiane.

    Studimi nisi në vitin 2024. Në vitin e kaluar, në Bolotana, që ka rreth 2,266 banorë, jetonin 12 persona mbi 100 vjeç – rreth 12 herë më shumë se mesatarja e Sardinisë.

    Gjashtë prej tyre kanë vdekur që atëherë, ndërsa gjashtë të tjerat janë të gjitha gra. Dy më të moshuarat janë 102-vjeçare.

    Studiuesit presin që edhe banorë të tjerë të fshatit të arrijnë moshën 100-vjeçare deri në fund të këtij viti dhe gjatë vitit 2027.

    Gratë dominojnë jetëgjatësinë

    Gjetjet tregojnë gjithashtu se zona e jetëgjatësisë në Sardini po zgjerohet, krahasuar me katër zonat e tjera blu të botës: Okinaëa në Japoni, gadishulli Nicoya në Kosta Rika, Ikaria në Greqi dhe Loma Linda në Kaliforni të SHBA-së.

    Giovanni Mario Pes, shkencëtari kryesor i studimit dhe një prej krijuesve të konceptit të “zonave blu”, tha se zbulimi është i rëndësishëm sepse për herë të parë pas më shumë se 25 vjetësh është identifikuar një zonë e re e jetëgjatësisë jashtë zonës tradicionale blu të Sardinisë.

    “Por, ndërsa Bolotana ndan të njëjtat karakteristika, ajo është edhe më e jashtëzakonshme. Në zonën origjinale kishte një ekuilibër të pazakontë mes dy gjinive, ndërsa këtu jetëgjatësia e grave mbizotëron”, tha Pes.

    Ai shtoi se është e njohur tashmë se gratë jetojnë më gjatë për arsye biologjike, por ajo që është e jashtëzakonshme në Bolotana është se jetëgjatësia e grave është rreth tri herë më e lartë se ajo e shumicës së grave në botën perëndimore.

    Pes, i cili është vetë nga Sardinia, nuk dha një shpjegim të prerë për “sekretin” e jetëgjatësisë në fshat, duke theksuar se studimi ishte i kufizuar në dokumentimin e këtij fenomeni.

    Megjithatë, pas takimeve me gratë mbi 100-vjeçare të Bolotanës, ai tha se ajo që e kishte impresionuar më shumë ishin marrëdhëniet e forta dhe të vazhdueshme shoqërore që ato kishin ruajtur gjatë gjithë jetës.

    Ai përmendi si shembull Giovanna Marras, 101-vjeçare, e cila jeton me motrën e saj.

    “Ato jetojnë bashkë, gatuajnë bashkë dhe flasin me njëra-tjetrën lehtësisht. Nuk kishte absolutisht asnjë shenjë të rënies së aftësive njohëse”, tha Pes, raporton “The Guardian”, transmeton Klankosova.tv

    Ushqimi, natyra dhe ecja

    Kryetari i Bolotanës, Francesco Manconi, tha se jetëgjatësia mund të jetë rezultat i një kombinimi faktorësh.

    Ai përmendi ushqimin e freskët dhe të pastër, edhe pse banorët nuk heqin dorë nga ëmbëlsirat tradicionale lokale, si seada, një ëmbëlsirë e mbushur me djathë, dhe mustazzolus, një biskotë me erëza që shpesh konsumohet në mëngjes.

    Sipas tij, rol mund të luajë edhe natyra e paprekur që rrethon fshatin, si dhe aktiviteti fizik.

    “Banorët e moshuar gjithmonë kanë ecur shumë, deri në 20 kilometra në ditë. Dhe do të thosha se shumica ishin gra”, tha Manconi.

    Statistikat zyrtare të nëntorit 2025 tregojnë se në Itali kishte 23,548 persona të moshës 100 vjeç e më shumë, rreth 2,000 më shumë se një vit më parë, transmeton Klankosova.tv. Nga personat që kaluan moshën 100-vjeçare vitin e kaluar, 82.6 për qind ishin gra.

    Gratë dominojnë gjithashtu edhe te 724 personat që kanë arritur moshën 105-vjeçare dhe më shumë, si dhe te 19 personat në Itali që kanë kaluar moshën 110-vjeçare. /Klankosova.tv

  • Maduro dhe gruaja e tij pritet të përballen me akuza të reja për torturim të amerikanëve

    Maduro dhe gruaja e tij pritet të përballen me akuza të reja për torturim të amerikanëve

    Maduro dhe gruaja e tij pritet të përballen me akuza të reja për torturim të amerikanëve

    Prokurorët në Nju Jork pritet të ngrenë akuza të reja ndaj ish-presidentit të Venezuelës, Nicolas Maduro, dhe bashkëshortes së tij, Cilia Flores, lidhur me torturimin e dyshuar të shtetasve amerikanë që janë mbajtur në paraburgim nga qeveria venezueliane gjatë viteve të fundit, bëjnë të ditur disa persona në dijeni të hetimeve.

    Njoftimi për akuzat e reja mund të bëhet që të enjten, thanë këta persona.

    Akuzat e reja lidhen me atë që qeveria amerikane e ka cilësuar si ndalim të padrejtë të më shumë se një duzinë shtetasve amerikanë në burgjet venezueliane, gjatë kohës kur Maduro drejtonte një regjim represiv në Venezuelë, thanë personat e informuar për hetimet, transmeton Klankosova.tv

    Hetuesit kanë diskutuar gjithashtu mundësinë e ngritjes së akuzave ndaj disa personave të tjerë për rolin e tyre të dyshuar në torturimin e amerikanëve, sipas një burimi në dijeni të çështjes.

    CNN ka kontaktuar avokatët e Maduros dhe Flores për një reagim.

    Maduro dhe bashkëshortja e tij u arrestuan gjatë një operacioni ushtarak amerikan në janar, në pallatin presidencial në Karakas. Ata janë deklaruar të pafajshëm ndaj akuzave për komplot për narkoterrorizëm dhe akuzave të tjera, ndërsa po mbahen në Nju Jork pa mundësi lirimi me kusht.

    Flores pritet të paraqitet në një seancë gjyqësore të enjten, ku avokati i saj do të kërkojë që ajo të vendoset në arrest shtëpiak deri në fillimin e gjyqit.

    Avokati i Maduros po kundërshton ligjshmërinë e arrestimit dhe argumenton se ish-presidenti duhet të gëzojë imunitet, pasi veprimet e pretenduara kanë ndodhur gjatë kohës që ai ishte në detyrë.

    Sipas prokurorisë, qeveria venezueliane nuk është bashkuar me pretendimin për imunitet në emër të Maduros.

  • “Desh ika në botën tjetër”, Franceska Murati për pak sa nuk u përfshi në një incident

    “Desh ika në botën tjetër”, Franceska Murati për pak sa nuk u përfshi në një incident

    Ish-banorja e Big Brother VIP Albania 3, Franceska Murati, ka ndarë me ndjekësit një moment të frikshëm që i ka ndodhur së fundmi.

    Përmes një Instastory, ajo ka publikuar një fotografi ku shihet një hapësirë e hapur në trotuar, ndërsa tregon se për pak sa nuk përfundoi aty pasi u shpërqendrua duke parë telefonin.

    “Dy sekonda u hutova në tel dhe desh ika në botën tjet”, ka shkruar ajo.

    Foto: Instagram

    Nga fotografia duket se ka qenë duke ecur në rrugë, kur një moment shpërqendrimi mund ta kishte përfunduar në një situatë shumë më të rrezikshme.

    Me këtë postim, Murati ka ndarë me humor një moment që, megjithëse zgjati vetëm disa sekonda, duket se e ka trembur jo pak.

    Për publikun u bë më e njohur me paraqitjen në edicionin e tretë të Big Brother VIP.

    Ndonëse jetonte në Londër, ajo tashmë është zhvendosur në Shqipëri, ku është përfshirë edhe në disa angazhime profesionale. /Telegrafi/

  • Një i lënduar në aksidentin mes kamionit dhe veturës në Klinë

    Një i lënduar në aksidentin mes kamionit dhe veturës në Klinë

    Një i lënduar në aksidentin mes kamionit dhe veturës në Klinë

    Një person ka pësuar lëndime trupore si pasojë e një aksidenti trafiku që ka ndodhur sot rreth orës 06:10 në rrugën “Sadik Rama” në Klinë.

    Në aksident janë përfshirë një kamion dhe një veturë, ndërsa personi i lënduar është dërguar për trajtim mjekësor.

    Lajmin e ka konfirmuar Toger Sheremet Elezaj, Udhëheqës i Zyrës për Informim dhe Marrëdhënie me Publikun në Drejtorinë Rajonale të Policisë në Pejë.

    Sinjali – aty ku e vërteta flet para lajmit!

    /GazetaSinjali/

    The post Një i lënduar në aksidentin mes kamionit dhe veturës në Klinë appeared first on Sinjali.

    Burimi: Sinjali

  • Kurti pas takimit me presidenten: S’kemi kohë për të humbur, duhet të bëhemi bashkë për shumë sfida shtetërore

    Kurti pas takimit me presidenten: S’kemi kohë për të humbur, duhet të bëhemi bashkë për shumë sfida shtetërore

    Kurti pas takimit me presidenten: S’kemi kohë për të humbur, duhet të bëhemi bashkë për shumë sfida shtetërore

    Kryeministri Albin Kurti ka thënë se Kosova ka shumë punë përpara dhe se institucionet duhet të bashkëpunojnë për përballimin e sfidave shtetërore. Këtë deklaratë ai e bëri pas takimit të parë me presidenten e re të Kosovës, Justina Shiroka-Pula.

    Kurti tha se takimi me presidenten u fokusua në bashkëpunimin institucional dhe sfidat me të cilat përballet vendi.

    “Takimi i parë me presidenten dhe mikpritje e zotim për punë të mëdha e të përditshme për interesin e gjithë qytetarëve, pa dallim. E falënderova shumë, e cila na nderoi me pranimin e saj të kandidaturës”, tha Kurti.

    Ai theksoi se Kosova tashmë ka institucione funksionale, pas një periudhe prej më shumë se një viti, dhe se fokusi duhet të jetë te puna përpara.

    “Tash na presin shumë punë. Kosova, më në fund, pas më shumë se një viti ka institucione funksionale dhe tash nuk kemi kohë për të humbur. Duhet të bëhemi bashkë për shumë sfida shtetërore”, u shpreh Kurti.

    Sinjali – aty ku e vërteta flet para lajmit!

    /GazetaSinjali/

    The post Kurti pas takimit me presidenten: S’kemi kohë për të humbur, duhet të bëhemi bashkë për shumë sfida shtetërore appeared first on Sinjali.

    Burimi: Sinjali

  • Haziri: LDK-ja e ruan atributin e partisë institucionaliste, nuk është dobësi

    Haziri: LDK-ja e ruan atributin e partisë institucionaliste, nuk është dobësi

    Haziri: LDK-ja e ruan atributin e partisë institucionaliste, nuk është dobësi

    Nënkryetari i Lidhjes Demokratike të Kosovës (LDK), Lutfi Haziri, ka thënë se qëndrimi i kësaj partie lidhur me zhvillimet e fundit politike nuk përbën diçka të re, duke theksuar se LDK-ja edhe në raste të mëparshme ka mbështetur rezoluta si shprehje të vullnetit të përbashkët politik.

    Haziri ka deklaruar se mospjesëmarrja në veprime të caktuara, pa kundërshtim, është pjesë e rolit politik që LDK-ja ka pasur në këtë proces.

    “Nuk ka asgjë të re në këtë rrethanë. LDK-ja nuk e ka kundërshtuar, sikur edhe në një rast vitin e kaluar. Ka mbështetur rezolutën si vullnet i përbashkët. Në rezolutë shprehet vullneti politik. Por kur vijnë këto veprimet e tjera, natyrisht, mospjesëmarrja me kundërshtim është e mjaftueshme për rolin politik që në këtë proces LDK-ja ka pasur dhe duhet me kuptuar. Ajo që sot po pohojmë, në shtëpinë e të varurit mos e përmend litarin, është diçka në të cilën ne duhet me vazhdu gjithmonë e me ndërtu edhe me gjetë mundësi me ndërtu bashkëpunim për të gjitha çështjet që janë në interes të Republikës. Kemi kërkuar drejtësi për të gjithë, kemi thënë që drejtësia duhet me u vendos për të gjithë në Kosovë, edhe jo vetëm ne, më vonë edhe ndërkohë edhe tash janë bashkangjitur edhe parti të tjera. Dhe kjo është e mirë, tash po punohet që me u vendos drejtësi për të gjithë”, ka thënë Haziri.

    Ai ka folur edhe për vendimin e Kuvendit lidhur me Dhomat e Specializuara, duke thënë se bëhet fjalë për një institucion që përfaqëson vullnetin e qytetarëve të Kosovës.

    “Në këtë frymë pak a shumë është e pritshme për LDK-në. Por është vendim i Kuvendit të Republikës, është institucion i cili përfaqëson vullnetin e popullit të Kosovës. Dhomat e Specializuara kanë dalë si prodhim edhe votim i Kuvendit të Republikës së Kosovës. Ka ndarje të sovranitetit dhe drejtësisë, por kjo me koordinim, me bashkëpunim mund të rregullohet dhe mund të gjenden mënyra me u zbatu ligjin… ligjin. Me këtë rast unë dëshiroj me përgëzuar edhe me u uruar Justina Shiroka Pulën. Zgjedhja e saj për presidente është shpresë. Përballim i një situate dhe krize politike për dy vjet gati që Kosovën e çojnë në vitet e humbura. Ajo tani bart këtë shpresë të pjesës dërmuese të Kosovës, që Kosova ka potencial, ka mundësi me përballuar proceset politike dhe që jo vetëm opozita, po edhe shoqëria civile edhe të tjerët e kanë një derë ku mund të komunikojnë dhe uroj të mos jetë një shpirt ku mund të vajtojnë”, ka deklaruar ai.

    Haziri ka komentuar edhe procesin e zgjedhjes së presidentes, duke folur për marrëveshjen e mëparshme të LDK-së me kryeministrin Albin Kurti dhe kandidaturën e Bekim Sejdiut.

    “LDK-ja e ka pasur një proces të ndërtuar me zotin Kurti dhe ka dalë një emër, Bekim Sejdiu. Nuk doli i mjaftueshëm dhe zoti Kurti ka vendosur që me PDK-në me ndërtuar një rrugë tjetër dhe mënyra se si është ndërtuar, mënyra si u negociua u pa këtë të diel. Fillojmë me Bekim Sejdiun e përfundojmë me Justina Shiroka Pulën, kemi edhe katër emra në mes. Dhe kjo është çështje e një modeli që kanë zgjedhur ata, ka zgjedhur ai, zoti Kurti apo zoti Hamza në këtë rast. Në fund prodhojnë një shumicë politike. LDK-ja dhe me LDK-në në këtë proces politik është një standard i ri. Ju e dini, kur janë zgjedhur presidentët, sa herë janë zgjedhur presidentët, partia që nuk ka qenë pjesë e marrëveshjes nuk ka marrë pjesë në seancë. Ne kemi marrë pjesë në seancë, kemi qëndruar në seancë. Votimi është akt politik. Votimi është akt politik. Voton, nuk voton, abstenon, është akt politik. Ne kemi qëndrim politik, kemi bërë akt politik. Pjesëmarrja jonë është akt politik, mosvotimi është akt politik dhe duhet ta kuptoni. Kemi uruar me njëra pas tjetrës, bile e para që ka uruar e dini kush ka qenë? Për befasi, për të mirë sigurisht. Dhe tani ne vazhdojmë me jetuar me institucionet. Ne e ruajmë atributin e partisë institucionaliste deri në fund, kjo është vlerë politike, nuk është dobësi”, tha Haziri./EO/

    The post Haziri: LDK-ja e ruan atributin e partisë institucionaliste, nuk është dobësi appeared first on Insajderi.