Category: Lajme

  • Remi: UÇK-ja arriti ta ruante pastërtinë e saj morale

    Remi: UÇK-ja arriti ta ruante pastërtinë e saj morale

    Remi: UÇK-ja arriti ta ruante pastërtinë e saj morale

    Rrustem Mustafa, i njohur me nofkën “Remi”, ka vlerësuar lart rolin dhe trashëgiminë e Ushtrisë Çlirimtare të Kosovës, duke veçuar edhe figurën e komandantit Zahir Pajaziti si një prej shembujve të guximit dhe vendosmërisë së luftëtarëve të UÇK-së.

    Në një shkrim kushtuar UÇK-së dhe trashëgimisë së saj, ish-komandanti i Zonës Operative të Llapit ka theksuar se, sipas tij, organizata arriti të ruante atë që ai e konsideron si “pastërtinë morale dhe organizative”.

    “UÇK-ja arriti të ruante pastërtinë e saj morale dhe organizative, duke u mbrojtur me kujdes nga çdo infiltrim armiqësor në procesin e vendimmarrjes”, ka shkruar Mustafa transmeton Klankosova.tv.

    Ai ka përmendur edhe vlerësimet që, sipas tij, i janë bërë UÇK-së nga analistë ndërkombëtarë, duke e cilësuar atë si një prej formacioneve kryengritëse më të suksesshme në historinë moderne.

    “Analistët ndërkombëtarë e kanë cilësuar UÇK-në si një nga formacionet më të suksesshme kryengritëse në historinë moderne”, thuhet në shkrimin e tij.

    Mustafa ka vlerësuar gjithashtu vendosmërinë e udhëheqësve të UÇK-së, të cilët, sipas tij, besuan deri në fund në fitoren dhe lirinë e Kosovës.

    “Udhëheqësit e saj besuan deri në fund te fitorja dhe liria”, ka theksuar ai.

    Në veçanti, “Remi” është ndalur te komandanti Zahir Pajaziti, një prej figurave të rëndësishme të fazës së hershme të organizimit të UÇK-së. Pajaziti ra më 31 janar 1997 dhe në literaturën historike është përshkruar si një prej ideatorëve dhe organizatorëve të hershëm të formacionit çlirimtar.

    “Komandanti Zahir Pajaziti qëndron si shembull i heroit që mposhti frikën për t’i dhënë guxim një kombi të tërë”, ka shkruar Rrustem Mustafa.

  • Vdes një grua në Prishtinë, dyshohet se ra nga kati i tretë i një banese

    Vdes një grua në Prishtinë, dyshohet se ra nga kati i tretë i një banese

    Një grua dyshohet se ka rënë nga kati i tretë i një banese të mëkurën rreth orës 12:13, në Prishtinë.

    Sipas raportit 24 orësh të Policisë së Kosovës bëhet e ditur se vdekjen e viktimës e ka konstatuar ekipi mjekësor në vendin e ngjarjes.

    Tutje në raport thuhet se rasti është duke u hetuar.

    “Prishtinë 07.10.2026 – 12:13. Njësitet policore pas pranimit të informatës lidhur me rastin kanë dalë në vendin e ngjarjes, ku kanë hasur viktimën femër kosovare e cila dyshohet të ketë rënë nga kati i tretë i banesës. Vdekjen e viktimës e ka konstatuar ekipi mjekësor në vendin e ngjarjes, ndërsa në konsultim me prokurorin trupi i pa jetë i viktimës pritet të dërgohet në IML për obduksion. Rasti duke u hetuar”, thuhet në raport. /Telegrafi/

  • Sydney Sweeney është e afërmja e Marilyn Monroe-s, zbulohet lidhja e fshehtë familjare

    Sydney Sweeney është e afërmja e Marilyn Monroe-s, zbulohet lidhja e fshehtë familjare

    Sydney Sweeney është krahasuar prej kohësh me një Marilyn Monroe të ditëve moderne dhe tani duket se këto krahasime janë më të sakta nga sa mendohej fillimisht.

    Sipas Entertainment Weekly, ylli i Euphoria, 29 vjeçe, rezulton se ka lidhje familjare me legjendën e ndjerë të Hollywood-it.

    Një studim i ri i kryer nga MyHeritage ka lidhur babain e Sweeney-t, Steven Sweeney, me babain biologjik të Monroe-s, Charles Stanley Gifford.

    Dy burrat lidhen përmes një paraardhësi të përbashkët, Ezra Perry, i cili jetoi në Massachusetts gjatë viteve 1600.

    Edhe pse Sweeney nuk ka folur kurrë publikisht për ndonjë lidhje familjare me Monroe-n, ajo shpesh ka sjellë në tapetin e kuq stilin dhe pamjen e yllit të Some Like It Hot.

    Të dyja përdorën bukurinë, sensualitetin dhe fizikun e tyre për të avancuar në Hollywood, duke u shndërruar në simbole të seksit që përcaktuan brezat e tyre përkatës.

    Sweeney dhe Monroe janë gjithashtu të dyja brune natyrale, pavarësisht se ndryshuan pamjen e tyre për t’u shndërruar në bionde spektakolare.

    Ato janë gjithashtu aktore çuditërisht të talentuara, edhe pse pamja e tyre shpesh ka lënë në hije aftësitë e tyre në ekran.

    Sweeney ka marrë vlerësime nga kritikët për interpretimet e saj në The White Lotus, Euphoria, Christy dhe Reality.

    Monroe, nga ana tjetër, po kalonte drejt roleve më të thella dhe më serioze përpara vdekjes së saj në vitin 1962. Ajo u vlerësua shumë nga kritikët për interpretimin e saj dramatik në filmin The Misfits, të vitit 1961.

  • Bayern gati të “hapë kuletën” për yllin e Barcelonës, përgatit ofertën prej 90 milionë eurosh

    Bayern gati të “hapë kuletën” për yllin e Barcelonës, përgatit ofertën prej 90 milionë eurosh

    Bayern gati të “hapë kuletën” për yllin e Barcelonës, përgatit ofertën prej 90 milionë eurosh

    Bayern Munich po përgatitet të bëjë një lëvizje për Dani Olmon, me klubin gjerman që po shqyrton një ofertë prej rreth 90 milionë eurosh për mesfushorin e Barcelonës, raportojnë mediat gjermane, të përcjella nga “Mundo Deportivo”.

    Gjiganti bavarez e ka identifikuar reprezentuesin spanjoll si një nga opsionet për përforcimin e repartit ofensiv dhe po konsideron mundësinë që të tentojë transferimin e tij që në afatin kalimtar të janarit.

    Bayern kërkon më shumë kreativitet dhe fleksibilitet në fazën e fundit të aksioneve, ndërsa Olmo shihet si futbollist që mund t’i ofrojë të dyja. Ai mund të luajë si mesfushor ofensiv, në të dy krahët, por edhe në rolin e “false nine”. Për gjermanët, një tjetër pikë në favor është përvoja që 28-vjeçari ka në Bundesligë me RB Leipzigun.

    Megjithatë, Bayern Munich nuk ka dorëzuar ende ofertë zyrtare në drejtim të Barcelonës. Klubi gjerman po punon në detajet e një propozimi që mund të jetë rreth 90 milionë euro, para se të vendosë nëse do ta bëjë hapin konkret.

    Nga ana tjetër, nuk ka indikacione se Olmo dëshiron të largohet nga Barcelona. Spanjolli ka kontratë me klubin katalunas deri në vitin 2030 dhe vazhdon të jetë pjesë e planeve të trajnerit Hansi Flick, edhe pse po konkurron me Fermín López për minuta.

    Olmo ka luajtur në të tetë ndeshjet e Barcelonës këtë sezon, por deri tani ka grumbulluar vetëm 342 minuta, duke regjistruar tri asistime.

    Sinjali – aty ku e vërteta flet para lajmit!

    /GazetaSinjali/

    The post Bayern gati të “hapë kuletën” për yllin e Barcelonës, përgatit ofertën prej 90 milionë eurosh appeared first on Sinjali.

    Burimi: Sinjali

  • Në vendkalimet kufitare nuk ka pritje të gjata për hyrje dhe dalje nga Maqedonia

    Në vendkalimet kufitare nuk ka pritje të gjata për hyrje dhe dalje nga Maqedonia

    Lidhja Auto-Moto e Maqedonisë njofton se trafiku në vend po zhvillohet pa pengesa dhe në rrugë të thata.

    Trafiku jashtë mjediseve urbane po zhvillohet me intensitet të moderuar.

    “Në vendkalimet kufitare nuk ka pritje të gjata për hyrje dhe dalje nga vendi”, thonë nga LAMM.

    Nga atje u bëjnë thirrje shoferëve që të kenë kujdes me shpejtësinë e automjeteve, veçanërisht nëpër luginat e vendit ku mund të ketë rrëshqitje të dheut./Telegrafi/

  • Lufta në Detin e Zi është një nga prioritetet e politikës së sigurisë së Turqisë – thotë ministri i Mbrojtjes

    Lufta në Detin e Zi është një nga prioritetet e politikës së sigurisë së Turqisë – thotë ministri i Mbrojtjes

    Turqia e konsideron luftën në Detin e Zi si një nga prioritetet e politikës së saj të sigurisë.

    Vendi po e monitoron nga afër ndikimin e saj në sigurinë rajonale dhe do të vazhdojë të ndjekë një qasje të përgjegjshme dhe të balancuar, që synon ruajtjen e stabilitetit në rajon.

    Kjo, sipas mediave të huaja, përcjell Telegrafi, është thënë nga ministri turk i Mbrojtjes Kombëtare, Yaşar Güler, gjatë ceremonisë së hapjes së vitit akademik 2026–2027 në Universitetin e Mbrojtjes Kombëtare.

    “Lufta që po zhvillohet në Detin e Zi, rreziqet për sigurinë, ekuilibrat e rinj që po krijohen në Kaukaz, zhvillimet në Lindjen e Mesme, si dhe të drejtat dhe interesat tona në Qipro dhe në Mesdheun Lindor, janë çështje prioritare për politikën tonë të sigurisë”, citohet të ketë thënë ministri.

    Sipas tij, Turqia po ndjek një qasje të balancuar që synon ruajtjen e stabilitetit.

    “Në Detin e Zi, ne po e monitorojmë nga afër ndikimin e luftës në sigurinë rajonale dhe po vazhdojmë qasjen tonë të përgjegjshme dhe të balancuar, që synon ruajtjen e stabilitetit”, ka thënë më tej Yaşar Güler.

    Lidhur me rajonin e Kaukazit, Güler theksoi se Turqia mbështet vendosjen e paqes së qëndrueshme, forcimin e stabilitetit rajonal dhe zhvillimin e mundësive për bashkëpunim.

    Siç raportojnë më tej mediat, presidenti turk Recep Tayyip Erdoğan zhvilloi së fundmi një bisedë telefonike me Vladimir Putinin lidhur me sigurinë e lundrimit në Detin e Zi. /Telegrafi/

  • Bayern Munich përgatit ofertën prej 90 milionë eurosh për yllin e Barcelonës

    Bayern Munich përgatit ofertën prej 90 milionë eurosh për yllin e Barcelonës

    Bayern Munich po përgatit një ofertë të mundshme prej 90 milionë eurosh për mesfushorin e Barcelonës, Dani Olmo, sipas raportimeve nga Gjermania, të përcjella nga Mundo Deportivo.

    Kampionët e Gjermanisë e kanë identifikuar Olmon si një përforcim të mundshëm për repartin ofensiv dhe po shqyrtojnë mundësinë për të bërë një lëvizje që në afatin kalimtar të janarit.

    Bayern po kërkon më shumë kreativitet dhe fleksibilitet në fazën e fundit të aksioneve, ndërsa aftësia e Olmos për të luajtur si mesfushor ofensiv, në të dy krahët apo edhe si “false nine”, e bën atë një opsion mjaft tërheqës për gjigantin bavarez.

    Një tjetër faktor që e shtyn Bayernin drejt spanjollit është përvoja e tij e mëparshme në Gjermani, ku ai luajti për Leipzigun.

    Megjithatë, Bayerni ende nuk ka dorëzuar një ofertë zyrtare në drejtim të Barcelonës. Klubi gjerman raportohet se po punon në detajet e një propozimi që mund të arrijë rreth 90 milionë euro, përpara se të vendosë nëse do të bëjë ofertë zyrtare.

    Për momentin, nuk ka asnjë sinjal se Olmo dëshiron të largohet nga Barcelona. Reprezentuesi spanjoll ka kontratë me klubin katalunas deri në vitin 2030 dhe vazhdon të jetë pjesë e planeve të trajnerit Hansi Flick, pavarësisht konkurrencës me Fermin Lopez për minuta.

    Olmo ka luajtur në të tetë ndeshjet e Barcelonës këtë sezon, por deri tani ka grumbulluar vetëm 342 minuta, duke regjistruar tri asistime./Telegrafi/

  • 28 vjet nga vrasja e Abedin Rexhës, “Sandokanit”

    28 vjet nga vrasja e Abedin Rexhës, “Sandokanit”

    28 vjet nga vrasja e Abedin Rexhës, “Sandokanit”

    Abedin Rexha ishte luftëtar i radhëve të para të Ushtrisë Çlirimtare të Kosovës, guximtar e sypatrembur deri në vdekje, për çka dhe bashkëluftëtarët e tij e quajtën “Sandokan”.

    Ai u lindi më 8 korrik 1969 në Vajnik, komuna e Skenderajt.

    Në fillim të gushtit 1998, Shtabi i Përgjithshëm i UÇK-së, Abedin Rexhën e kishte caktuar Komandant të Brigadës 112 “Arben Haliti” në Zonën Operative të Drenicës.

    Gjatë muajve gusht-shtator 1998, komandant “Sandokani” luftoi pa iu trembur syri në shumë fushëbeteja. Dhe pikërisht në kulmin e ofensivave me përmasa të gjera shfarosëse nga forcat serbe, në të gjitha zonat Operative të UÇK-së, e veçanërisht në ZO të Drenicës më 8 tetor 1998, komandanti Abedin Rexha – “Sandokani”, vritet në pyjet e fshatit Kllodernicë të Skëndarajt.

    Abedin Rexha pas vetes ka lënë bashkëshorten me dy fëmijë: Sokolin dhe Selveten. Heroizmi i tij është përjetësuar në shumë shkrime në shtypin tonë, në këngë e poezi, ndërsa shkolla e Turiçecit mban me krenari emrin e tij.

    Sinjali – aty ku e vërteta flet para lajmit!

    /GazetaSinjali/

    The post 28 vjet nga vrasja e Abedin Rexhës, “Sandokanit” appeared first on Sinjali.

    Burimi: Sinjali

  • Aksident i rëndë në Peshkopi, dy makina përplasen me njëra-tjetrën, transportohen në spital shtatë persona

    Aksident i rëndë në Peshkopi, dy makina përplasen me njëra-tjetrën, transportohen në spital shtatë persona

    Aksident i rëndë në Peshkopi, dy makina përplasen me njëra-tjetrën, transportohen në spital shtatë persona

    Një aksident i rëndë rrugor është regjistruar mbrëmjen e sotme në aksin Peshkopi-Maqellarë, në vendin e quajtur “Shkolla e Dovolanit”.

    Ngjarja ka ndodhur rreth orës 21:30, ku një automjet tip “Mercedes” dhe një “Golf 5” janë përplasur kokë më kokë. Si pasojë e përplasjes, kanë mbetur të plagosur shtatë persona.

    Të plagosurit janë transportuar fillimisht në Spitalin Rajonal të Peshkopisë, ku kanë marrë ndihmën e parë mjekësore. Më pas, për shkak të nevojës për trajtim më të specializuar, të shtatë personat janë transportuar drejt Spitalit të Traumës në Tiranë.

    Sipas të dhënave paraprake, në automjetin “Golf” udhëtonte një familje, ku ndodheshin çifti i bashkëshortëve, nëna e drejtuesit të mjetit dhe dy vajzat e tyre të mitura.

    Gjendja më e rëndë raportohet të jetë e bashkëshortes së drejtuesit të “Golf”-it, shkruan Tch.

    Policia ka nisur hetimet për të zbardhur rrethanat dhe shkaqet e aksidentit.

    Sinjali – aty ku e vërteta flet para lajmit!

    /GazetaSinjali/

    The post Aksident i rëndë në Peshkopi, dy makina përplasen me njëra-tjetrën, transportohen në spital shtatë persona appeared first on Sinjali.

    Burimi: Sinjali

  • Sulme me raketa e dronë ndaj aeroporteve saudite, 3 të vrarë dhe 36 të plagosur

    Sulme me raketa e dronë ndaj aeroporteve saudite, 3 të vrarë dhe 36 të plagosur

    Sulme me raketa e dronë ndaj aeroporteve saudite, 3 të vrarë dhe 36 të plagosur

    Tre persona kanë humbur jetën dhe 36 të tjerë janë plagosur në sulmet ndaj dy aeroporteve në Arabinë Saudite, ndërsa luftimet mes rebelëve Houthi dhe forcave qeveritare të mbështetura nga Riadit janë përshkallëzuar në Jemen.

    Një person u vra dhe tetë të tjerë u plagosën në sulmin ndaj Aeroportit Ndërkombëtar “King Khalid” në Riad, ndërsa në Aeroportin e Abhës humbën jetën dy persona dhe u plagosën 28 të tjerë. Sulmet ndodhën të martën dhe të mërkurën, ndërsa autoritetet saudite nuk specifikuan se cili incident ndodhi në cilën ditë.

    Houthit, të lidhur me Iranin, kanë marrë përgjegjësinë për sulmet, të cilat dyshohet se u kryen me raketa dhe dronë. Në përgjigje, koalicioni i udhëhequr nga Arabia Saudite është zotuar për hakmarrje, duke thënë se sulmet “nuk do të mbeten pa u ndëshkuar”.

    Më vonë, koalicioni njoftoi se kishte goditur më shumë se 80 objektiva ushtarake të Houthive në provincat Saada, Hodeidah, Jawf dhe Marib.

    Ndërkohë, Houthit sulmuan edhe Aeroportin Ndërkombëtar të Adenit me raketa dhe dronë të mbushur me eksploziv. Një raketë ra pranë pistës pak para uljes së një fluturimi nga Kajroja, i cili u devijua drejt Xhedës.

    Përshkallëzimi i luftimeve vjen në një kohë kur forcat Houthi dhe ato qeveritare të mbështetura nga Arabia Saudite po përballen për kontrollin e zonave strategjike në Jemen.

    Sinjali – aty ku e vërteta flet para lajmit!

    /GazetaSinjali/

    The post Sulme me raketa e dronë ndaj aeroporteve saudite, 3 të vrarë dhe 36 të plagosur appeared first on Sinjali.

    Burimi: Sinjali