Një rast i rrallë mjekësor është regjistruar në Indi, ku një adoleshenti i është zhvilluar një dhëmb i qenit pranë syrit të majtë, duke i shkaktuar fillimisht një ënjtje pa dhimbje.
Sipas raportimit, gjithçka nisi me një ënjtje pranë syrit, ndërsa rreth një muaj më vonë, mes qepallës dhe vetullës u shfaqën dy maja të bardha.
Pas ekzaminimeve, mjekët zbuluan se në atë zonë ishte zhvilluar plotësisht një dhëmb i qenit, të cilin më pas e hoqën përmes një ndërhyrjeje kirurgjikale.
Kjo anomali njihet si ektopi dentare dhe ndodh kur një dhëmb zhvillohet ose del jashtë vendit të tij të zakonshëm në gojë.
Shkaqet e mundshme përfshijnë çrregullime gjatë zhvillimit para lindjes, lëndime, ciste ose tumore. Megjithatë, në këtë rast, mjekët nuk arritën të përcaktonin arsyen e saktë pse dhëmbi ishte zhvilluar pranë syrit të adoleshentit.
Gjatë ekzaminimeve nuk u zbuluan anomali të tjera të ngjashme.
Sinjali – aty ku e vërteta flet para lajmit!
The post E pazakontë në Indi: Adoleshentit i rritet një dhëmb pranë syrit appeared first on Sinjali.
Burimi: Sinjali