Ekskluzive | Hajnat hyjnë nga dritarja në një shtëpi në Prishtinë, zhdukin 25 mijë euro, ar e ora Rolex – dëmi arrin në 200 mijë euro

Ekskluzive | Hajnat hyjnë nga dritarja në një shtëpi në Prishtinë, zhdukin 25 mijë euro, ar e ora Rolex – dëmi arrin në 200 mijë euro

Written by

in

Ekskluzive | Hajnat hyjnë nga dritarja në një shtëpi në Prishtinë, zhdukin 25 mijë euro, ar e ora Rolex – dëmi arrin në 200 mijë euro

Një vjedhje e rëndë, me dëm të jashtëzakonshëm financiar, ka ndodhur në Prishtinë, ku persona ende të paidentifikuar kanë shfrytëzuar mungesën e familjarëve për të hyrë me forcë në një shtëpi dhe për të marrë para të gatshme, stoli ari dhe ora luksoze. Vlera e përgjithshme e dëmit, sipas denoncimit, arrin në rreth 200 mijë euro, mëson ekskluzivisht Gazeta Sinjali.

Ngjarja ka ndodhur të mërkurën, më 18 nëntor, në rrugën “Sabit Mushica”, ndërsa rasti është raportuar në orët e pasdites.

Burimet e Sinjalit bëjnë të ditur se shtëpia e goditur është në pronësi të F.K, rreth 34 vjeç.

Sipas informacioneve të siguruara, në momentin kur dyshohet se ka ndodhur vjedhja, në shtëpi nuk ndodhej asnjë anëtar i familjes.

Personat e dyshuar kanë shfrytëzuar këtë rrethanë dhe dyshohet se kanë depërtuar në objekt përmes një dritareje, duke hyrë me forcë në hapësirat e brendshme.

Nga shtëpia janë raportuar të vjedhura rreth 25 mijë euro para të gatshme, stoli ari dhe ora të markave Rolex dhe Swiss Watch.

Sipas deklarimit të viktimës, vlera e përgjithshme e pasurisë së marrë arrin në rreth 200 mijë euro.

Pas raportimit të rastit, në vendin e ngjarjes kanë dalë hetuesit policorë dhe njësia rajonale e kriminalistikës, të cilët kanë kryer ekzaminimet dhe kanë mbledhur prova që mund të ndihmojnë në identifikimin e autorëve.

Për rastin është njoftuar Prokurori i Shtetit, me udhëzim të të cilit janë iniciuar hetimet për veprën penale “Vjedhja e rëndë”.

Personi apo personat e dyshuar ende nuk janë identifikuar.

Sinjali – aty ku e vërteta flet para lajmit!

/GazetaSinjali/

Burimi: Sinjali