Zëvendëspresidenti amerikan, JD Vance, i ka dërguar një letër Mohsen Rezaeit, sekretarit të Këshillit të Lartë të Sigurisë Kombëtare të Iranit dhe ish-komandantit të Gardës Revolucionare Islamike, në përpjekje për të rifilluar bisedimet e pezulluara të paqes mes Uashingtonit dhe Teheranit.
Sipas një raportimi ekskluziv të The Wall Street Journal, i cili citon zyrtarë amerikanë dhe persona të njohur me çështjen, iniciativa është ndërmarrë me udhëzimin e presidentit Donald Trump, i cili ishte në dijeni të këtij komunikimi.
Përmes këtij kontakti, Vance synon të vlerësojë nëse ekziston një bazë e përbashkët mes dy vendeve që mund të hapë rrugën për një marrëveshje dhe ta bindë Trumpin të heqë dorë nga planet për një fushatë të shkurtër, por intensive ushtarake kundër Iranit në javët pas zgjedhjeve të mesme në SHBA, të mbajtura më 3 nëntor.
Sipas raportimit, kontaktet mes zyrtarëve amerikanë dhe iranianë janë përqendruar kryesisht në krijimin e një kornize për negociata, dhe jo në diskutimin e hollësive konkrete të një propozimi për paqe.
Sinjali – aty ku e vërteta flet para lajmit!
Burimi: Sinjali