Blog

  • Gjini mbledh sot strukturat e Aleancës, shpalos platformën politike të partisë

    Gjini mbledh sot strukturat e Aleancës, shpalos platformën politike të partisë

    Gjini mbledh sot strukturat e Aleancës, shpalos platformën politike të partisë

    Aleanca do të mbajë sot një takim të gjerë me strukturat e saj në Prishtinë, ku kryetari Ardian Gjini do të prezantojë platformën politike të partisë dhe strategjinë për zhvillimin e Kosovës.

    Takimi do të mbahet nga ora 16:00, në Sallën e Kuqe të Pallatit të Rinisë në Prishtinë, në kuadër të përgatitjeve të AAK-së për një fazë të re të mobilizimit politik dhe forcimit të strukturave të saj në të gjitha nivelet organizative.

    Sipas njoftimit të partisë, ky takim synon të shërbejë si pikënisje për intensifikimin e aktivitetit politik dhe koordinimin e strukturave, si dhe për përcaktimin e hapave të ardhshëm të Aleancës në raport me zhvillimet politike në vend.

    “Takimi pritet të shërbejë si pikënisje për intensifikimin e aktivitetit politik, koordinimin e strukturave dhe përcaktimin e hapave të ardhshëm të Aleancës në raport me zhvillimet politike në vend”, thuhet mes tjerash në njoftim.

    Sinjali – aty ku e vërteta flet para lajmit!

    /GazetaSinjali/

    The post Gjini mbledh sot strukturat e Aleancës, shpalos platformën politike të partisë appeared first on Sinjali.

    Burimi: Sinjali

  • Rasti që çoi në suspendimin e tre policëve, çfarë dihet deri më tani?

    Rasti që çoi në suspendimin e tre policëve, çfarë dihet deri më tani?

    Rasti që çoi në suspendimin e tre policëve, çfarë dihet deri më tani?

    Inspektorati Policor i Kosovës (IPK) ka bërë të ditur se tre zyrtarë policorë janë suspenduar nga puna, nën dyshimin për ngacmim seksual dhe kontrollim të kundërligjshëm ndaj një vajze në Prishtinë.

    Sipas njoftimit të IPK-së, rasti ka ndodhur mbrëmjen e 15 tetorit, ndërsa zyrtarët e dyshuar janë nga Stacioni Policor “Jugu” në Prishtinë.

    Ndërkaq, gazetarja e Klan Kosova, Altiana Zogaj, duke u bazuar në burimet e saj, ka raportuar se zyrtarët e dyshuar i përkasin gjeneratave të fundit të Policisë së Kosovës.

     Sipas këtyre burimeve, rasti është raportuar te autoritetet nga një e afërme e vajzës, pasi kjo e fundit dyshohet se ishte përballur me kërkesa për marrëdhënie seksuale në grup nga tre policët.

    Më shumë detaje për rastin ka dhënë edhe gazetari i Klan Kosova, Kastriot Tahiri, i cili ka bërë të ditur se ngjarja dyshohet të ketë ndodhur rreth orës 01:00 pas mesnatës, kur vajza po kthehej në shtëpi pasi kishte dalë nga një klub nate.

    Sipas informacioneve të raportuara nga Tahiri, vajza ishte ndaluar nga një patrullë policore dhe i ishin kërkuar dokumentet e identifikimit. Meqë nuk i kishte të gjitha dokumentet, sipas burimeve, policët i kishin kërkuar edhe emrin në rrjetet sociale.

    Më pas, sipas të njëjtave informacione, zyrtarët e dyshuar i kishin kërkuar vajzës të shkonte në drejtim të Çagllavicës, me qëllim që të kryenin marrëdhënie seksuale në grup në njërin nga motelet e asaj zone.

    Pas pranimit të ankesës, Policia e Kosovës ka njoftuar IPK-në dhe ka bashkëpunuar me këtë institucion për sigurimin dhe dokumentimin e provave relevante.

    IPK-ja ka rekomanduar suspendimin e tre zyrtarëve policorë, rekomandim të cilin menaxhmenti i Policisë së Kosovës e ka zbatuar.

    Për më shumë, ndiqni raportimin  e plotë:

  • “A u radikalizua lëvizja Flamingo?”, BBC shkruan për protestat e dhunshme në Shqipëri

    “A u radikalizua lëvizja Flamingo?”, BBC shkruan për protestat e dhunshme në Shqipëri

    “A u radikalizua lëvizja Flamingo?”, BBC shkruan për protestat e dhunshme në Shqipëri

    Protestuesit dhe policia janë përleshur në qytetet kryesore të Shqipërisë, në skena që nuk janë parë prej dekadash.

    Janë sulmuar ndërtesat qeveritare dhe disa biznese private gjithashtu.

    Pra, çfarë po ndodh?

    Sa të mëdha dhe të pazakonta janë këto protesta?

    Kryeqyteti i Shqipërisë, Tirana, ka përjetuar prej muajsh protesta kundër qeverisë nga një lëvizje e quajtur “Flamingo”, por ajo që nisi të martën e kësaj jave ishte e një shkalle krejt tjetër.

    Përplasjet janë përhapur edhe përtej Tiranës, duke përfshirë qytetet kryesore të Durrësit, Shkodrës, Lezhës dhe Vlorës në perëndim, Gjirokastrës në jug dhe Korçës në lindje.

    Demonstratat e reja u njoftuan si një lëvizje studentore, që në dukje kërkonte nga qeveria të ndërmerrte masa për të ndihmuar me kostot e larta të tarifave të arsimit dhe të librave, si dhe me rritjen e kostos së jetesës.

    Shkollat e mesme iu bashkuan protestave, duke rritur numrin e pjesëmarrësve.

    Shumë shpejt, protestues të maskuar filluan të hidhnin gurë ndaj policisë, e cila u kundërpërgjigj me topa uji, gaz lotsjellës dhe shkopinj gome.

    Shumë njerëz u zemëruan nga pamjet e një të riu që po transportohej, me këmbën e thyer që i varej, ndërsa ai vuante nga dhimbjet e forta.

    U shpreh keqardhje, por kjo nuk arriti ta qetësonte situatën.

    Një kat i Ministrisë së Arsimit u përfshi nga zjarri, ndërsa flakët përfshinë edhe institucione të tjera qeveritare.

    Çdo mbrëmje, gjatë gjithë verës, për rreth 135 ditë rresht, shqiptarët në qendër të Tiranës mbanin fotografi të një flamingoje rozë, duke i kërkuar kryeministrit Edi Rama, tashmë në mandatin e tij të katërt, të jepte dorëheqjen.

    Protestat nisën për shkak të një projekti gjigant turistik në bregdetin e Adriatikut, të lidhur me Jared Kushnerin, dhëndrin e presidentit amerikan Donald Trump. Demonstruesit thanë se flamingoja do të zhdukej nga një ishull pranë qytetit bregdetar të Vlorës, nëse planet për ndërtimin e një kompleksi luksoz do të realizoheshin.

    Zemërimi i publikut vjen në një kohë kur akuzat për korrupsion ndaj ministrave dhe zyrtarëve të tjerë të lartë po bëhen gjithnjë e më të forta.

    Një zëvendëskryeministër është larguar nga vendi, ndërsa një tjetër është urdhëruar të largohet nga detyra, ndërkohë që hetimet vazhdojnë.

    A është radikalizuar lëvizja Flamingo?

    Protestuesit e lëvizjes Flamingo thonë se nuk kanë lidhje me asnjë parti politike. Një nga sloganet e tyre është: “Rama në burg, Berisha në burg”.

    Rama është kryeministër, ndërsa Sali Berisha është lideri kryesor i opozitës në Shqipëri, si dhe ish-kryeministër dhe ish-president.

    Në protesta merrnin pjesë të rinj e të moshuar, prindër me fëmijë dhe ndonjëherë edhe gjyshërit e tyre. Disa nga pjesëmarrësit krenoheshin me faktin se pas çdo mbrëmjeje pastronin vendin ku ishin mbledhur.

    Por, pas muajsh protestash dhe një vere jashtëzakonisht të nxehtë, numri i pjesëmarrësve u zvogëlua, pa asnjë shenjë se qeveria po i plotësonte kërkesat e tyre.

    Lëvizja aktuale duket shumë më e dhunshme. Dhjetëra policë janë lënduar dhe sytë e Europës tani janë drejtuar nga ajo që do të ndodhë më tej në një vend që konsiderohet si një nga kandidatët kryesorë për anëtarësim në BE.

    Disa protestues të rinj i thanë BBC-së se ajo që po ndodhte tani ishte një fazë e re, e lindur nga lëvizja e mëparshme.

    Pesë muaj protestash paqësore ishin “përballur me poshtërim, tallje dhe përqeshje”, u ankua një e re e quajtur Livia. “Ky ishte një mesazh i qartë nga qeveria se zëri ynë nuk do të lejohej të dëgjohej.”

    Një tjetër e re, e quajtur Brunela, i tha emisionit Ëhat in the Ëorld të BBC-së se ishte e shqetësuar për atë që mund të ndodhte më pas.

    “Jam shumë e frikësuar, sepse mediat dhe qeveria po reagojnë, veçanërisht tani. Nuk ishte vetëm zëri im, është zëri i rinisë shqiptare”, tha ajo.

    Ka shumë mundësi që të ketë pasur një mbivendosje mes dy grupeve të protestuesve, megjithëse drejtuesit e lëvizjes Flamingo nuk e kanë deklaruar publikisht këtë dhe asnjë përfaqësues i lëvizjes studentore nuk ka dalë përpara.

    Në fund të fundit, shqetësimet e tyre kryesore lidhen me korrupsionin, i cili, sipas kryeministrit, duhet të hetohet nga sistemi i drejtësisë.

    Si po e menaxhon qeveria trazirën?

    Rama ka vizituar disa nga ndërtesat e dëmtuara dhe ka fajësuar Sali Berishën për nxitjen e kaosit.

    “E gjithë kjo është vepër e së njëjtës dorë – e dorës që e ka kapur opozitën shqiptare prej fyti, e dorës që e ka djegur dhe shkatërruar Shqipërinë më shumë se një herë dhe që tani është e gatshme ta djegë dhe shkatërrojë sërish, për të penguar çdo përparim. Është një luftë e verbër, e ushqyer nga urrejtja më irracionale”, tha ai të premten.

    Kryeministri ka përjashtuar mundësinë e dorëheqjes, duke premtuar se do të „dëgjojë, do t’u përgjigjet shqetësimeve legjitime dhe do ta mbajë Shqipërinë në rrugën e përparimit”.

    Partia Demokratike e Berishës është përpjekur shpesh t’i nxjerrë njerëzit në rrugë për ta rrëzuar Ramën.

    Por numri i mbështetësve të tij besnikë, të cilët gjithashtu kanë protestuar prej muajsh dhe herë pas here janë përplasur me policinë, ka qenë i vogël në krahasim me pjesëmarrjen e tanishme.

    Prandaj, ekziston njëfarë skepticizmi lidhur me aftësinë e Berishës për të organizuar trazirat, megjithëse ai mund të përpiqet të përfitojë politikisht prej tyre.

    Nga ana tjetër, mediat shqiptare kanë sugjeruar se mund të jenë përfshirë shërbimet sekrete të vendeve të huaja.

    Janë bërë akuza të pabazuara ndaj Serbisë, ndërsa komentues të ndryshëm kanë sugjeruar se Beogradi është ziliqar për faktin që Shqipëria përmendet shpesh si një nga vendet që mund të jetë e radhës për t’u anëtarësuar në BE, shkruan BBC.

    Në të vërtetë, pa përmendur emra, edhe kryeministri Rama iu referua kësaj akuze të premten.

    “Janë duar të huaja që nuk dëshirojnë që Shqipëria të jetë në paqe… nuk duan që Shqipëria të bëhet pjesë e familjes së bashkuar evropiane”, tha ai, duke shtuar:

    “A mendoni se është rastësi që sa herë Shqipëria merr një dritë tjetër jeshile… ose i afrohet këtij synimi të madh, këtij objektivi historik, papritur shpërthejnë flakët? Nuk është aspak rastësi! Asgjë nga ajo që po ndodh tani nuk është rastësi.”

    A është e sigurt të vizitohet Shqipëria?

    Edhe pse dhuna në rrugë ka ndodhur në shumë qytete, për momentin ajo mbetet e kufizuar.

    Qeveria e Mbretërisë së Bashkuar u ka kërkuar vizitorëve të ndjekin mediat për informacionet më të fundit, të qëndrojnë larg „demonstratave, tubimeve të mëdha ose tubimeve politike” dhe të zbatojnë këshillat e autoriteteve lokale.

    Shqipëria është një destinacion i njohur turistik dhe qeveria në Tiranë ka paralajmëruar se dhuna dëmton imazhin e vendit, duke ndikuar si në turizëm, ashtu edhe në rrugëtimin e tij drejt Europës.

    Sinjali – aty ku e vërteta flet para lajmit!

    /GazetaSinjali/

    The post “A u radikalizua lëvizja Flamingo?”, BBC shkruan për protestat e dhunshme në Shqipëri appeared first on Sinjali.

    Burimi: Sinjali

  • Ndodh edhe kjo: Miu ia ndërpret konferencën trajnerit pas ndeshjes në Ligën e Evropës, pamjet bëjnë xhiron e rrjetit

    Ndodh edhe kjo: Miu ia ndërpret konferencën trajnerit pas ndeshjes në Ligën e Evropës, pamjet bëjnë xhiron e rrjetit

    Ndodh edhe kjo: Miu ia ndërpret konferencën trajnerit pas ndeshjes në Ligën e Evropës, pamjet bëjnë xhiron e rrjetit

    Një mi i papritur ka ndërprerë konferencën për shtyp të trajnerit Dick Schreuder, pas ndeshjes së Ligës së Evropës mes NEC Nijmegenit dhe Levski Sofias, duke shkaktuar momente zbavitëse në sallën ku po zhvillohej takimi me gazetarët.

    Prania e brejtësit shpërqendroi gazetarët, ndërsa pamjet e këtij momenti u përhapën me shpejtësi në rrjetet sociale.

    Trajneri Schreuder e priti situatën me humor, duke iu drejtuar gazetarëve me fjalët: “Është poshtë karriges suaj. A ka edhe të tjerë?”

    Ai vazhdoi të komentonte për praninë e brejtësve në sallë, duke thënë: “Janë vërtet gjithandej tani. Është e pabesueshme. I shoh me cepin e syrit. Shpresoj vetëm të mos më ngjitet në qafë”.

    Ngjarja e pazakontë solli të qeshura dhe u bë një nga momentet më të komentuara pas përballjes evropiane, e cila përfundoi me rezultat 1-1 mes NEC Nijmegenit dhe Levski Sofias.

    Sinjali – aty ku e vërteta flet para lajmit!

    /GazetaSinjali/

    The post Ndodh edhe kjo: Miu ia ndërpret konferencën trajnerit pas ndeshjes në Ligën e Evropës, pamjet bëjnë xhiron e rrjetit appeared first on Sinjali.

    Burimi: Sinjali

  • Trump heq disa sanksione ndaj Rusisë, demokratët e akuzojnë për “dorëzim” para Putinit

    Trump heq disa sanksione ndaj Rusisë, demokratët e akuzojnë për “dorëzim” para Putinit

    Trump heq disa sanksione ndaj Rusisë, demokratët e akuzojnë për “dorëzim” para Putinit

    Presidenti amerikan, Donald Trump, ka përdorur autoritetin e tij presidencial për të bllokuar zbatimin e një sërë sanksionesh ndaj Rusisë, të miratuara së fundmi nga Kongresi amerikan me qëllim ndëshkimin e Moskës për luftën kundër Ukrainës.

    Në një urdhër ekzekutiv të nënshkruar të premten në mbrëmje, Trump deklaroi se është në “interesin kombëtar” të SHBA-së që disa prej sanksioneve të mos zbatohen. Trump e kishte nënshkruar ligjin për sanksionet në shtator, ndërsa ai pritej të hynte në fuqi të dielën.

    Ky vendim vjen disa ditë pasi Trump deklaroi se SHBA-ja do të importonte naftë dizel nga Rusia, në përpjekje për të ulur çmimet e energjisë në vend para zgjedhjeve të mesmandatit në nëntor, të cilat do të përcaktojnë se cila parti do ta kontrollojë Kongresin, raporton BBC – transmeton Sinjali.

    Plani ka tronditur ligjvënësit amerikanë dhe ka shkaktuar reagime të ashpra nga të dyja partitë politike.

    Ligji amerikan për sanksionet mban emrin e senatorit të ndjerë republikan nga Karolina e Jugut, Lindsey Graham, i cili para vdekjes së tij, më 11 korrik, ishte një nga mbështetësit më të vendosur të Ukrainës në Uashington.

    Ligji synonte ekonominë ruse dhe i jepte Trumpit kompetenca të gjera për të vendosur tarifa deri në 100 për qind ndaj pesë blerësve më të mëdhenj të naftës dhe gazit rus, veçanërisht Kinës dhe Indisë.

    Përveç kësaj, ligji parashihte sanksione ndaj presidentit rus, Vladimir Putin, zyrtarëve të lartë të qeverisë ruse, bankave dhe institucioneve të tjera financiare, si dhe ndaj të ashtuquajturës “flota në hije” të Rusisë, e përbërë nga cisterna që përdoren për t’iu shmangur sanksioneve ekzistuese.

    Të enjten, një grup dypartiak prej 20 ligjvënësish amerikanë i dërgoi një letër Trumpit, duke i kërkuar që të respektojë ligjin e ri, i cili pritej të hynte në fuqi më 18 tetor.

    Ligjvënësit e falënderuan Trumpin për nënshkrimin e ligjit dhe kërkuan “zbatimin e tij të plotë dhe besnik”.

    Sipas tyre, ligji do të ishte “vendimtar për ta detyruar Putinin që t’i marrë seriozisht bisedimet për paqe”. Ata i kërkuan administratës Trump që “t’i zbatojë sanksionet e ligjit Graham në masën më të plotë dhe pa vonesa”.

    Demokratë, përfshirë kongresistin nga Virxhinia, Don Beyer, e kanë kritikuar tashmë vendimin e Trumpit për sanksionet, duke e akuzuar atë se po i nënshtrohet Moskës dhe po ia kthen shpinën Kievit dhe presidentit ukrainas, Volodymyr Zelensky.

    “Dorëzimi i fundit i Trumpit para Putinit i tradhton sërish partnerët tanë ukrainas dhe bie ndesh me vullnetin e qartë të Kongresit, të shprehur në legjislacionin e hartuar për ta ndëshkuar Rusinë për luftën e saj të paligjshme të agresionit”, shkroi Beyer në platformën X.

    Sinjali – aty ku e vërteta flet para lajmit!

    /GazetaSinjali/

    The post Trump heq disa sanksione ndaj Rusisë, demokratët e akuzojnë për “dorëzim” para Putinit appeared first on Sinjali.

    Burimi: Sinjali

  • Trump pezullon disa sanksione ndaj Rusisë, hyn në fuqi ligji i ri amerikan

    Trump pezullon disa sanksione ndaj Rusisë, hyn në fuqi ligji i ri amerikan

    Trump pezullon disa sanksione ndaj Rusisë, hyn në fuqi ligji i ri amerikan

    Presidenti amerikan, Donald Trump, ka përdorur kompetencat presidenciale për të penguar zbatimin e një pjese të sanksioneve ndaj Rusisë, të miratuara së fundmi nga Kongresi amerikan, me qëllim ndëshkimin e Moskës për luftën në Ukrainë.

    Në një urdhër ekzekutiv të nënshkruar të premten në mbrëmje, Trump ka deklaruar se pezullimi i disa prej masave është në interesin kombëtar të Shteteve të Bashkuara.

    Ai e kishte nënshkruar ligjin për sanksionet në shtator, ndërsa masat pritej të hynin në fuqi të dielën, më 18 tetor.

    Ky vendim vjen disa ditë pasi Trump deklaroi se ShBA-ja do të importonte naftë dizel nga Rusia, në përpjekje për të ulur çmimet e energjisë përpara zgjedhjeve të mesmandatit në nëntor, të cilat do të përcaktojnë se cila parti do të kontrollojë Kongresin amerikan.

    Plani ka shkaktuar reagime të forta në mesin e ligjvënësve amerikanë, duke nxitur kundërshtime si nga republikanët, ashtu edhe nga demokratët, shkruan BBC, transmeton Klankosova.tv

    Ligji për sanksionet mban emrin e senatorit të ndjerë republikan nga Karolina e Jugut, Lindsey Graham, i cili ishte një nga mbështetësit më të zëshëm të Ukrainës në Uashington. Sipas tekstit burimor, Graham ka vdekur më 11 korrik.

    Ligji synon të godasë ekonominë ruse dhe i jep presidentit amerikan kompetenca të gjera për të vendosur tarifa deri në 100 për qind ndaj pesë blerësve më të mëdhenj të naftës dhe gazit rus. Në mesin e vendeve që mund të preken më shumë nga këto masa janë Kina dhe India.

    Përveç kësaj, ligji parasheh sanksione ndaj presidentit rus, Vladimir Putin, zyrtarëve të lartë të qeverisë ruse, bankave dhe institucioneve të tjera financiare, si dhe flotës së cisternave që Rusia përdor për të anashkaluar sanksionet ekzistuese.

    Të enjten, një grup dypartiak prej 20 ligjvënësish amerikanë i dërgoi Trumpit një letër, duke i kërkuar që ta respektojë ligjin e ri dhe të lejojë hyrjen e tij në fuqi më 18 tetor.

  • Aksident në Llozicë të Malishevës, përfshihen dy kombi dhe një veturë – Policia në vendin e ngjarjes

    Aksident në Llozicë të Malishevës, përfshihen dy kombi dhe një veturë – Policia në vendin e ngjarjes

    Aksident në Llozicë të Malishevës, përfshihen dy kombi dhe një veturë – Policia në vendin e ngjarjes

    Mëngjesi ka nisur me aksident trafiku në fshatin Llozicë të Malishevës, ku janë përfshirë dy kombi dhe një veturë.

    Sipas pamjeve nga vendi i ngjarjes, vetura ka përfunduar te mbrojtëset anësore të rrugës.

    Policia ndodhet në vendin e ngjarjes, ndërsa Gazeta Sinjali ka kontaktuar me Policinë për të marrë informacione lidhur me rastin dhe është në pritje të përgjigjes.

    Deri më tani nuk dihet nëse ka persona të lënduar.

    Pamje:

    Sinjali – aty ku e vërteta flet para lajmit!

    /GazetaSinjali/

    The post Aksident në Llozicë të Malishevës, përfshihen dy kombi dhe një veturë – Policia në vendin e ngjarjes appeared first on Sinjali.

    Burimi: Sinjali

  • Gjini mbledh sot strukturat e Aleancës, shpalos platformën politike

    Gjini mbledh sot strukturat e Aleancës, shpalos platformën politike

    Gjini mbledh sot strukturat e Aleancës, shpalos platformën politike

    Aleanca do të mbajë sot një takim të gjerë me strukturat e saj, ku kryetari Ardian Gjini do të shpalosë platformën politike të partisë dhe strategjinë për zhvillimin e Kosovës.

    Takimi, siç është thënë në njoftim, do të mbahet nga ora 16:00, në Sallën e Kuqe të Pallatit të Rinisë në Prishtinë, në kuadër të përgatitjeve të Aleancës për një fazë të re të mobilizimit politik dhe fuqizimit të strukturave të saj në të gjitha nivelet organizative.

    “Takimi pritet të shërbejë si pikënisje për intensifikimin e aktivitetit politik, koordinimin e strukturave dhe përcaktimin e hapave të ardhshëm të Aleancës në raport me zhvillimet politike në vend”, thuhet mes tjerash në njoftim./Klankosova.tv

  • Aktgjykimi i Speciales, Lushaku-Sadriu: Niveli i Apelit është beteja e vërtetë, jemi për drejtësi (VIDEO)

    Aktgjykimi i Speciales, Lushaku-Sadriu: Niveli i Apelit është beteja e vërtetë, jemi për drejtësi (VIDEO)

    Aktgjykimi i Speciales, Lushaku-Sadriu: Niveli i Apelit është beteja e vërtetë, jemi për drejtësi (VIDEO)

    Shefja e Grupit Parlamentar të LDK-së, Jehona Lushaku-Sadriu, ka folur për rastin e ish-krerëve të Ushtrisë Çlirimtare të Kosovës, të dënuar nga Dhomat e Specializuara të Kosovës me seli në Hagë, me gjithsej 81 vjet burgim.

    Në një intervistë në emisionin “Rubikon” në Klan Kosova, Lushaku-Sadriu ka deklaruar se mbështetja institucionale për procesin e Apelit është e rëndësishme, duke theksuar se në këtë fazë duhet të paraqiten të gjitha faktet dhe argumentet përkatëse.

    “Absolutisht jemi për ta mbështetur, për t’i dhënë mbështetjen institucionale dhe për të garantuar të drejtat e njeriut. Tek e fundit, këtu jemi duke folur për drejtësi dhe për këtë qëndron edhe shteti i Kosovës”, ka deklaruar ajo.

    Lushaku-Sadriu ka bërë të ditur se LDK-ja mbështet idenë e ndihmës institucionale për këtë proces, përfshirë hartimin e një strategjie kombëtare dhe mbështetjen për fazën e Apelit.

    “Jemi prapa që e mbështesim edhe këtë ide. Gjithsesi, dëshirojmë të themi se jemi edhe për ta ndihmuar këtë proces me strategji kombëtare dhe me mbështetjen për nivelin e Apelit, sepse niveli i Apelit është beteja e vërtetë”, është shprehur Lushaku-Sadriu.

    Ajo ka theksuar se në këtë fazë duhet të bëhen përgatitjet e nevojshme dhe të paraqiten faktet, në mënyrë që, sipas saj, e vërteta të dalë në shesh.

    “Atje duhet të përgatiten dhe t’i japin të gjitha faktet, që e vërteta të dalë në pah”, ka deklaruar Lushaku-Sadriu./Klankosova.tv

  • Alarm në SHBA nga fruthi, regjistrohen mbi 4,400 raste dhe pesë viktima në Pensilvani

    Alarm në SHBA nga fruthi, regjistrohen mbi 4,400 raste dhe pesë viktima në Pensilvani

    Alarm në SHBA nga fruthi, regjistrohen mbi 4,400 raste dhe pesë viktima në Pensilvani

    Shtetet e Bashkuara po përballen me një shpërthim të fruthit, me 4,410 raste të regjistruara që nga fillimi i vitit 2026. Brenda vetëm një jave, numri i infeksioneve është rritur për 330 raste, ndërsa Qendrat për Kontrollin dhe Parandalimin e Sëmundjeve (CDC) kanë dërguar një specialist në Pensilvani për të ndihmuar autoritetet në frenimin e përhapjes së sëmundjes.

    Sipas të dhënave të CDC-së, gjatë këtij viti në nivel vendi janë raportuar edhe 451 shtrime në spital të lidhura me fruthin. Fëmijët dhe adoleshentët e moshës 5 deri në 19 vjeç përbëjnë 42 për qind të rasteve, ndërsa 41 për qind janë regjistruar te personat e moshës 20 vjeç e lart. Rreth 17 për qind e të infektuarve janë fëmijë nën moshën pesëvjeçare.

    Situata më shqetësuese paraqitet në Pensilvani, ku, sipas Departamentit të Shëndetësisë së këtij shteti, deri të mërkurën janë raportuar 1,222 raste në 42 qarqe. Prej tyre, 86 infeksione të reja janë regjistruar që nga 9 tetori.

    Shpërthimi në këtë shtet ka shkaktuar 225 shtrime në spital dhe pesë vdekje të konfirmuara të lidhura me fruthin.

    Për të ndihmuar në menaxhimin e situatës, CDC ka dërguar një specialist të Shërbimit të Inteligjencës Epidemiologjike, i njohur si “detektiv i sëmundjeve”. Ai do të bashkëpunojë me autoritetet lokale shëndetësore për të hetuar rastet dhe për të ndihmuar në kufizimin e përhapjes së infeksionit.

    Ky angazhim erdhi pas kërkesës së autoriteteve të Pensilvanisë për ndihmë federale, përmes mekanizmit të njohur si Epi-Aid.

    Paralelisht, autoritetet kanë zgjeruar fushatën e vaksinimit në komunitetet më të prekura. Që nga fillimi i shpërthimit, në fund të prillit, personeli i qendrave shëndetësore shtetërore ka administruar më shumë se 5,900 doza të vaksinës MMR, e cila mbron nga fruthi, shytat dhe rubeola. Vaksinimet janë kryer në 202 klinika të përkohshme të ngritura për këtë qëllim.

    Masat parandaluese janë shtuar edhe në shtetin fqinj, Nju-Jork, pas përhapjes së infeksionit në Pensilvani. Guvernatorja Kathy Hochul shpalli gjendjen e jashtëzakonshme në të gjithë shtetin më 5 tetor, vendim që është në fuqi deri më 4 nëntor.

    Masa synon të lehtësojë administrimin e vaksinave duke zgjeruar numrin e mjekëve dhe infermierëve që mund t’i japin ato, si dhe duke u mundësuar infermierëve më shumë fleksibilitet për të kërkuar testime për fruthin.

    Një tjetër shqetësim për autoritetet amerikane mbetet rënia e nivelit të vaksinimit te fëmijët që ndjekin kopshtin. Të dhënat e CDC-së tregojnë se mbulimi me vaksinën kundër fruthit ka rënë nga 95.2 për qind në vitin shkollor 2019–2020, në 92.4 për qind në vitin shkollor 2025–2026.

    Sipas vlerësimeve të agjencisë, rreth 280 mijë fëmijë në kopsht janë të rrezikuar për shkak të boshllëqeve në mbulimin me vaksinim.

    Rritja e numrit të rasteve, shtrimet në spital dhe rënia e nivelit të vaksinimit kanë shtyrë autoritetet federale dhe shtetërore të intensifikojnë përpjekjet për vaksinim, monitorim dhe kontroll të përhapjes së fruthit.

    Sinjali – aty ku e vërteta flet para lajmit!

    /GazetaSinjali/

    The post Alarm në SHBA nga fruthi, regjistrohen mbi 4,400 raste dhe pesë viktima në Pensilvani appeared first on Sinjali.

    Burimi: Sinjali