Blog

  • Policia sqaron suspendimin e tre zyrtarëve të dyshuar për ngacmim seksual

    Policia sqaron suspendimin e tre zyrtarëve të dyshuar për ngacmim seksual

    Sipas njoftimit të Policisë së Kosovës, rasti është raportuar më 15 tetor 2026, pas pranimit të informacioneve për përfshirjen e mundshme të zyrtarëve policorë në këto veprime.

    Policia ka bërë të ditur se, pas trajtimit të informacioneve fillestare, e ka njoftuar Inspektoratin Policor të Kosovës (IPK) dhe është koordinuar me këtë institucion për sigurimin dhe dokumentimin e provave relevante.

    “Në kuadër të këtij bashkëpunimi institucional, Policia e Kosovës ka siguruar dhe i ka dorëzuar Inspektoratit Policor të Kosovës provat dhe informacionet e kërkuara për trajtimin e mëtejmë të rastit”, thuhet në njoftim.

    Po ashtu, pala ankuese është udhëzuar që të paraqitet në IPK për të dhënë deklaratën para zyrtarëve të njësisë së hetimeve.

    Pas shqyrtimit të informacioneve dhe provave të siguruara, IPK-ja ka rekomanduar suspendimin e tre zyrtarëve policorë, rekomandim të cilin e ka zbatuar menaxhmenti i Policisë së Kosovës.

    Në të njëjtin njoftim, Policia ka bërë të ditur se edhe në rastin e dy zyrtarëve policorë të Stacionit Policor në Gjilan ka bashkëpunuar me IPK-në, të cilët janë suspenduar nga detyra.

    Policia e Kosovës ka theksuar se mbetet e përkushtuar ndaj transparencës dhe llogaridhënies, duke shtuar se çdo informacion për sjellje të mundshme joprofesionale të zyrtarëve policorë do të trajtohet me seriozitet dhe në përputhje me procedurat ligjore.

     

    Burimi: RTKLive

  • Shuhet avokati Sheremet Ademi – Besnik R. BERISHA: “Sonte do të doja ta takoja edhe një herë, vetëm të ulesha e ta dëgjoja”

    Shuhet avokati Sheremet Ademi – Besnik R. BERISHA: “Sonte do të doja ta takoja edhe një herë, vetëm të ulesha e ta dëgjoja”

    Shuhet avokati Sheremet Ademi – Besnik R. BERISHA: “Sonte do të doja ta takoja edhe një herë, vetëm të ulesha e ta dëgjoja”

    Ka ndërruar jetë avokati nga Mitrovica, Sheremet Ademi, një emër i njohur i avokatisë dhe një njeri që, sipas atyre që e njohën, e mbajti përherë afër vetes dhimbjen e Kosovës.

    Për ndarjen e tij nga jeta ka reaguar kryetari i Odës së Avokatëve të Kosovës, Besnik R. BERISHA, me një mesazh personal dhe emocional, ku ka kujtuar jo vetëm juristin dhe kolegun, por edhe njeriun që e kishte takuar, dëgjuar dhe vlerësuar.

    Berisha ka treguar se lajmi për vdekjen e Ademit ia riktheu menjëherë në kujtesë një takim të tyre gjatë kohës kur ai kandidonte për kryetar të Odës së Avokatëve.

    Ai tregon se kishte shkuar për të folur për avokatinë, por biseda me Sheremet Ademin ishte kthyer shpejt te Kosova.

    “Unë i flisja për avokatinë, ai ma kthente bisedën te Kosova. Më këshillonte të angazhohesha në punët që i duheshin shtetit, të përgatitesha për përgjegjësi më të mëdha. Fliste me aq dashamirësi, sa të bënte ta ndieje se rrugën tënde e kishte edhe brengë të veten”, ka shkruar Berisha.

    Në reagimin e tij, ai ka kujtuar edhe shqetësimin e vazhdueshëm të Ademit për fatin e të pagjeturve, pritjen e familjeve dhe mungesën e drejtësisë për viktimat.

    Sipas Berishës, vitet kalonin, por Sheremet Ademi nuk ishte mësuar kurrë me atë dhimbje dhe nuk ishte pajtuar që familjet të vazhdonin të prisnin, ndërsa krimet të mbeteshin në heshtje.

    “Më dhemb që iku pa e parë drejtësinë që e kërkonte me aq ngulm për të tjerët. Sa shumë do të kishte merituar të përjetonte edhe ndonjë ditë gëzimi me ato familje, brengën e të cilave e mbante aq thellë në shpirt”, ka shkruar ai.

    Berisha ka rikthyer edhe një fjali të Ademit, të botuar më herët në Sinjali:

    “Njeriu varroset një herë, ndërsa e vërteta nuk duhet varrosur kurrë.”

    Dhe pikërisht aty, reagimi i tij merr peshën më personale:

    “Sonte, këtë fjali e lexoj me zërin e tij.”

    Në fund, Berisha i ka shprehur ngushëllimet familjes Ademi, kolegëve dhe të gjithë atyre që e kanë njohur e dashur Sheremet Ademin.

    “I dashur Sheremet, faleminderit për pritjen, për fjalën e mirë dhe për besimin që ma dhe me aq bujari. Sa do të doja të ta thosha edhe një herë, duke të pasur përballë.”

    U prehsh në paqe.

    Sinjali – aty ku e vërteta flet para lajmit!

    /GazetaSinjali/

    The post Shuhet avokati Sheremet Ademi – Besnik R. BERISHA: “Sonte do të doja ta takoja edhe një herë, vetëm të ulesha e ta dëgjoja” appeared first on Sinjali.

    Burimi: Sinjali

  • Bashkia e Shkodrës në flakë, godina sulmohet me molotovë nga disa persona të maskuar

    Bashkia e Shkodrës në flakë, godina sulmohet me molotovë nga disa persona të maskuar

    Bashkia e Shkodrës në flakë, godina sulmohet me molotovë nga disa persona të maskuar

    Ndërtesa e Bashkisë Shkodër është sulmuar pasditen e sotme me gurë dhe bombë molotov nga një grup të rinjsh të maskuar.

    Fillimisht, të rinjtë kanë goditur me gurë godinën e institucionit, ndërsa më pas kanë hedhur një bombë molotov, e cila ka shpërthyer pranë derës së hyrjes.

    Pamjet e sulmit janë publikuar në rrjetet sociale nga Fatjon Mani, kryetar i Forumit Rinor të Partisë Demokratike, dega Shkodër.

    Nga ngjarja nuk raportohet për persona të lënduar. Deri më tani, nuk ka informacion të konfirmuar mbi identifikimin e personave të përfshirë në sulm.

    Sinjali – aty ku e vërteta flet para lajmit!

    /GazetaSinjali/

    The post Bashkia e Shkodrës në flakë, godina sulmohet me molotovë nga disa persona të maskuar appeared first on Sinjali.

    Burimi: Sinjali

  • Endrick beson te Mourinho

    Endrick beson te Mourinho

    Endrick beson te Mourinho

    Endrick ka folur për minutat e tij të lojës, duke shprehur besim të plotë te trajneri Jose Mourinho dhe vendimet e tij për ekipin.

    Ai theksoi se është i gatshëm ta pranojë çdo vendim të trajnerit, pavarësisht nëse përfshihet në formacion apo jo.

    “Jam i bindur se Mourinho bën atë që është më e mira për ekipin”, ka thënë Endricku.

    “Nëse duhet të luaj, do të luaj. Nëse jo, nuk do të luaj”.

  • Protestues të armatosur-Lushaku: Situata po eskalonte, kurse dy partitë bënin lojë me konferenca

    Protestues të armatosur-Lushaku: Situata po eskalonte, kurse dy partitë bënin lojë me konferenca

    Protestues të armatosur-Lushaku: Situata po eskalonte, kurse dy partitë bënin lojë me konferenca

    Shefja e Grupit Parlamentar të LDK-së, Jehona Lushaku-Sadriu, ka deklaruar se situata gjatë protestave jashtë Kuvendit të Kosovës ishte tepër e tensionuar, ndërsa ka kritikuar LVV-në dhe PDK-në për vonesat në arritjen e kompromisit për zgjedhjen e presidentit.

    Duke komentuar deklaratën e deputetit të Aleancës, Daut Haradinaj, në emisionin Rubikon, se protestuesit ishin të armatosur, Lushaku-Sadriu ka thënë se situata po rëndohej dhe se kishte shqetësim për mundësinë e eskalimit të saj.

    Ajo ka vlerësuar se marrëveshja për presidentin mund të arrihej më herët, ashtu siç, sipas saj, mund të miratohej më herët edhe ligji për të cilin ishte arritur pajtueshmëri.

     Ishte gabim ky kompromisi i minutave të fundit për president, sepse mund të arrihej më herët, mund të arrihej edhe ligji të kalonte më herët, nëse kishin vendosur ta kalonin, që të mos tensionohej situata dhe vërtet të kalonim në limitet e zgjedhjes së presidentit”, ka deklaruar Lushaku-Sadriu në Rubikon.

     Sipas saj, mënyra se si u arrit marrëveshja mes dy partive tregon për një situatë emergjente të krijuar pa nevojë, e cila, sipas saj, nuk dëshmon për cilësi demokratike.

     Ne ishim të shqetësuar, sepse po shihnim që situata po eskalonte. Por ata që duhej ta merrnin këtë vendim po bënin lojëra me konferenca shtypi”, ka thënë më tej Lushaku-Sadriu. /Klankosova.tv

     

     

     

  • Protestues të armatosur-Lushaku: Situata po eskalonte, kurse dy partitë bënin lojë me konferenca

    Protestues të armatosur-Lushaku: Situata po eskalonte, kurse dy partitë bënin lojë me konferenca

    Protestues të armatosur-Lushaku: Situata po eskalonte, kurse dy partitë bënin lojë me konferenca

    Shefja e Grupit Parlamentar të LDK-së, Jehona Lushaku-Sadriu, ka deklaruar se situata gjatë protestave jashtë Kuvendit të Kosovës ishte tepër e tensionuar, ndërsa ka kritikuar LVV-në dhe PDK-në për vonesat në arritjen e kompromisit për zgjedhjen e presidentit.

    Duke komentuar deklaratën e deputetit të Aleancës, Daut Haradinaj, në emisionin Rubikon, se protestuesit ishin të armatosur, Lushaku-Sadriu ka thënë se situata po rëndohej dhe se kishte shqetësim për mundësinë e eskalimit të saj.

    Ajo ka vlerësuar se marrëveshja për presidentin mund të arrihej më herët, ashtu siç, sipas saj, mund të miratohej më herët edhe ligji për të cilin ishte arritur pajtueshmëri.

    Ishte gabim ky kompromisi i minutave të fundit për president, sepse mund të arrihej më herët, mund të arrihej edhe ligji të kalonte më herët, nëse kishin vendosur ta kalonin, që të mos tensionohej situata dhe vërtet të kalonim në limitet e zgjedhjes së presidentit”, ka deklaruar Lushaku-Sadriu në Rubikon.

    Sipas saj, mënyra se si u arrit marrëveshja mes dy partive tregon për një situatë emergjente të krijuar pa nevojë, e cila, sipas saj, nuk dëshmon për cilësi demokratike.

    Ne ishim të shqetësuar, sepse po shihnim që situata po eskalonte. Por ata që duhej ta merrnin këtë vendim po bënin lojëra me konferenca shtypi”, ka thënë më tej Lushaku-Sadriu. /Klankosova.tv

  • Deputeti i PD-së “detyrohet” të hidhet në Lanë për t’i shpëtuar protestuesve – PAMJE

    Deputeti i PD-së “detyrohet” të hidhet në Lanë për t’i shpëtuar protestuesve – PAMJE

    Deputeti i PD-së “detyrohet” të hidhet në Lanë për t’i shpëtuar protestuesve – PAMJE

    Deputeti i Partisë Demokratike në Shqipëri, Klevis Balliu, është detyruar të hidhet në lumin Lanë dhe të kalojë në anën tjetër të tij, në përpjekje për t’u shpëtuar protestuesve.

    Pamjet që po qarkullojnë në rrjetet sociale tregojnë momentin kur Balliu përballet me protestuesit, të cilët dyshohet se e kanë sulmuar, duke e detyruar të largohet përmes lumit.

    Pamje:

    Sinjali – aty ku e vërteta flet para lajmit!

    /GazetaSinjali/

    The post Deputeti i PD-së “detyrohet” të hidhet në Lanë për t’i shpëtuar protestuesve – PAMJE appeared first on Sinjali.

    Burimi: Sinjali

  • Refuzimi i Bekim Sejdiut-Lushaku: Si rezultat i kësaj, ne s’ishim më faktor përcaktues në zgjedhjen e presidentit (VIDEO)

    Refuzimi i Bekim Sejdiut-Lushaku: Si rezultat i kësaj, ne s’ishim më faktor përcaktues në zgjedhjen e presidentit (VIDEO)

    Refuzimi i Bekim Sejdiut-Lushaku: Si rezultat i kësaj, ne s’ishim më faktor përcaktues në zgjedhjen e presidentit (VIDEO)

    Pas disa takimeve mes Lidhjes Demokratike të Kosovës dhe Lëvizjes Vetëvendosje, Bekim Sejdiu ishte propozuar si kandidat i përbashkët për president, por kandidatura e tij nuk mori mbështetjen e gjashtë deputetëve të LDK-së. Kjo bëri që marrëveshja mes dy partive të dështoj.

    E pyetur në emisionin Rubikon nëse LDK-ja u dorëzua shpejt pas refuzimit të deputetëve të saj për ta votuar Sejdiun, shefja e Grupit Parlamentar të kësaj partie, Jehona Lushaku-Sadriu, tha se kjo ishte mundësia që kishte LDK-ja, duke shtuar se arritja e konsensusit varet nga gatishmëria e të dyja palëve.

    “Kaq ishte mundësia jonë. Edhe konsensusi arrihet e varet edhe nga pala tjetër”, është shprehur ajo.

    Lushaku-Sadriu ka kritikuar gjithashtu tendencën e Vetëvendosjes për t’i imponuar vendimet për shkak të numrave që ka në Kuvend. Sipas saj, kandidatura e Bekim Sejdiut ishte mbajtur nga kryeministri Albin Kurti, pasi nuk kishte konsensus për një kandidat tjetër.

    Pavarësisht dështimit të marrëveshjes me LVV-në, LDK-ja qëndroi në sallë gjatë votimit për presidenten Justina Shiroka Pula, e cila u zgjodh pas marrëveshjes mes LVV-së dhe PDK-së.

    Lushaku-Sadriu e ka përshëndetur zgjedhjen e presidentes, duke theksuar se LDK-ja mbetet e përkushtuar ndaj institucioneve të vendit, edhe kur marrëveshjet politike arrihen pa pjesëmarrjen e saj.

    “Është faktike, ne nuk ishim faktor përcaktues për zgjedhjen e presidentit. Në fund, ne ishim aty në sallë, nuk ishte marrëveshja jonë, e uruam, sepse ne jemi prapëseprapë parti shtetformuese dhe dëshirojmë më të mirën e vendit. Jemi parti institucionaliste që i respekton deri në fund institucionet”, ka deklaruar Lushaku-Sadriu në Rubikon. /Klankosova.tv

  • Policia ndërmerr masa ndaj 3 zyrtarëve policorë në Prishtinë për rastin me vajzën pas mesnate

    Policia ndërmerr masa ndaj 3 zyrtarëve policorë në Prishtinë për rastin me vajzën pas mesnate

    Policia ndërmerr masa ndaj 3 zyrtarëve policorë në Prishtinë për rastin me vajzën pas mesnate

    Policia e Kosovës (PK) ka njoftuar se pas pranimit të informacioneve, ka trajtuar rastin e tre zyrtarëve policorë të Stacionit Policor Jugu në Prishtinë, të cilët dyshohen se më 15 tetor 2026 janë përfshirë në një rast penal të ngacmimit dhe kontrollit të kundërligjshëm.

    Sipas njoftimit zyrtar, PK-ja ka njoftuar menjëherë sipas detyrës zyrtare Inspektoratin Policor të Kosovës (IPK), duke u koordinuar për sigurimin dhe dokumentimin e të gjitha provave relevante, transmeton Klankosova.tv.

    Po ashtu, pala ankuese është udhëzuar që të paraqitet në IPK për të dhënë deklaratën e saj para njësisë së hetimeve.

    Kujtojmë që Inspektoriati i Policiës së Kosovës, sot gjatë ditës ka lëshuar komunikatë për media në lidhje me dy rastet, ndërsa gazetarja e Klan Kosovës, Altiana Zogaj, përmes burimeve të saja ka kuptuar se rasti është raportuar te autoritetet nga një e afërme e vajzës, viktimë e këtij rasti, pasi, gjithnjë sipas burimeve, të tre policët e dyshuar i kishin kërkuar asaj marrëdhënie seksuale në grup.

    Pas shqyrtimit të informacioneve dhe provave të siguruara, IPK-ja ka rekomanduar suspendimin e tre zyrtarëve policorë, rekomandim i cili është zbatuar menjëherë nga menaxhmenti i Policisë së Kosovës.

    Kurse në njoftimin e Policisë së Kosovës theksohet gjithashtu se bashkëpunimi i ngushtë me IPK-në ka çuar në suspendim edhe për dy zyrtarë të tjerë policorë në Stacionin Policor në Gjilan.

    Policia e Kosovës ka riafirmuar përkushtimin e saj për transparencë, llogaridhënie të plotë dhe bashkëpunim të ngushtë me IPK-në, duke garantuar se çdo sjellje joprofesionale e zyrtarëve do të trajtohet me seriozitetin më të lartë ligjor.

  • Policia sqaron rolin e saj në suspendimin e pesë zyrtarëve policorë në Prishtinë dhe Gjilan

    Policia sqaron rolin e saj në suspendimin e pesë zyrtarëve policorë në Prishtinë dhe Gjilan

    Policia sqaron rolin e saj në suspendimin e pesë zyrtarëve policorë në Prishtinë dhe Gjilan

    Policia e Kosovës është deklaruar lidhur me suspendimin e pesë zyrtarëve policorë në Prishtinë dhe Gjilan, duke bërë të ditur se ka bashkëpunuar me Inspektoratin Policor të Kosovës (IPK) në trajtimin e të dy rasteve.

    Tre policë të Stacionit Policor Jugu në Prishtinë dyshohen për ngacmim dhe kontroll të kundërligjshëm, ndërsa dy të tjerë në Gjilan për keqpërdorim të pozitës apo autoritetit zyrtar.

    Në njoftimin e Policisë së Kosovës thuhet se, pas pranimit dhe trajtimit të informacioneve, janë njoftuar zyrtarët kompetentë të IPK-së, me të cilët është bashkëpunuar për sigurimin dhe dokumentimin e provave relevante.

    “Policia e Kosovës, menjëherë pas pranimit dhe trajtimit të informacioneve, ka njoftuar zyrtarët kompetentë të Inspektoratit Policor të Kosovës, me të cilët janë koordinuar për sigurimin dhe dokumentimin e të gjitha provave relevante lidhur me rastin”, thuhet në njoftim.

    Pas shqyrtimit të informacioneve dhe provave të siguruara, IPK-ja ka rekomanduar suspendimin e tre zyrtarëve policorë në Prishtinë, rekomandim që është zbatuar nga menaxhmenti i Policisë së Kosovës.

    “Pas shqyrtimit të informacioneve dhe provave të siguruara, Inspektorati Policor i Kosovës ka rekomanduar suspendimin e tre zyrtarëve policorë, në përputhje me kompetencat e tyre ligjore, të cilët menaxhmenti i Policisë së Kosovës i ka suspenduar”, thuhet në njoftim.

    Ndërkohë, dy zyrtarët policorë në Gjilan janë suspenduar nën dyshimin për keqpërdorim të pozitës apo autoritetit zyrtar. Hetimet për të dy rastet po vazhdojnë në koordinim me organet kompetente.

    Sinjali – aty ku e vërteta flet para lajmit!

    /GazetaSinjali/

    The post Policia sqaron rolin e saj në suspendimin e pesë zyrtarëve policorë në Prishtinë dhe Gjilan appeared first on Sinjali.

    Burimi: Sinjali