Blog

  • Kuvendi miraton ndryshimet në Ligjin për Pastrimin e Parave

    Kuvendi miraton ndryshimet në Ligjin për Pastrimin e Parave

    Kuvendi miraton ndryshimet në Ligjin për Pastrimin e Parave

    Kuvendi i Kosovës ka miratuar në shqyrtim të dytë Projektligjin për ndryshimin dhe plotësimin e Ligjit për Parandalimin e Pastrimit të Parave dhe Luftimin e Financimit të Terrorizmit.

    Projektligji kaloi me 61 vota për, asnjë kundër dhe asnjë abstenim.

    Para votimit përfundimtar, deputetët miratuan edhe 12 amendamentet e propozuara për këtë projektligj.

    Në votim morën pjesë deputetët e pozitës, ndërsa opozita nuk ishte e pranishme në sallë.

    Sinjali – aty ku e vërteta flet para lajmit!

    /GazetaSinjali/

    The post Kuvendi miraton ndryshimet në Ligjin për Pastrimin e Parave appeared first on Sinjali.

    Burimi: Sinjali

  • KPK-ja përgatit hapat e radhës për rekrutimin e prokurorëve të rinj

    KPK-ja përgatit hapat e radhës për rekrutimin e prokurorëve të rinj

    Sipas njoftimit të Këshillit Prokurorial të Kosovës, komisioni, i udhëhequr nga kryesuesi i KPK-së, Arian Gashi, ka mbajtur takim për të shqyrtuar çështjet që lidhen me vazhdimin e procesit të rekrutimit.

    Gjatë takimit është përgatitur njoftimi për kandidatët që kanë kaluar fazën e përzgjedhjes preliminare dhe i plotësojnë kushtet për t’iu nënshtruar testit kualifikues.

    Në takim kanë marrë pjesë edhe përfaqësues të Sekretariatit të KPK-së dhe zyrtarë përgjegjës për integrime evropiane, analitikë dhe verifikim prokurorial.

    “Komisioni fton përfaqësuesit e shoqërisë civile dhe të organizatave ndërkombëtare, si dhe të gjitha palët e tjera të interesuara, për të monitoruar procesin e rekrutimit, në funksion të transparencës dhe besimit të publikut në këtë proces”, thuhet në njoftim.

    Këshilli Prokurorial ka ritheksuar përkushtimin për një proces rekrutimi të drejtë, transparent dhe të bazuar në kritere të përcaktuara, duke garantuar trajtim të barabartë për të gjithë kandidatët.

    Burimi: RTKLive

  • Konsullata e Kosovës në Stamboll apel qytetarëve: Shmangni zonat e përmbytura

    Konsullata e Kosovës në Stamboll apel qytetarëve: Shmangni zonat e përmbytura

    Konsullata e Përgjithshme e Republikës së Kosovës në Stamboll u ka bërë thirrje qytetarëve që të tregojnë kujdes të shtuar për shkak të reshjeve të dendura të shiut dhe rrezikut nga përmbytjet në qytet.

    Përmes një njoftimi, konsullata ka kërkuar nga qytetarët që të shmangin zonat e përmbytura, nënkalimet dhe rrugët ku është grumbulluar uji, si dhe të kufizojnë lëvizjet e panevojshme gjatë reshjeve të dendura.

    Po ashtu, qytetarëve u është bërë thirrje që të ndjekin udhëzimet e autoriteteve lokale dhe të informohen vazhdimisht përmes burimeve zyrtare, me qëllim të shmangies së rreziqeve gjatë lëvizjes në qytet.

    Për rastet emergjente, Konsullata e Kosovës në Stamboll ka vënë në dispozicion numrin e kontaktit:+90 531 105 63 91

    Burimi: Dukagjini

  • Rritet konsumi i energjisë elektrike në Kosovë për gati 18% në gusht, krahasuar me vitin e kaluar

    Rritet konsumi i energjisë elektrike në Kosovë për gati 18% në gusht, krahasuar me vitin e kaluar

    Agjencia e Statistikave të Kosovës (ASK), ka publikuar statistikat e energjisë për muajin gusht 2026, sipas të cilave konsumi i energjisë elektrike në Kosovë është rritur për 17,95 për qind krahasuar me të njëjtin muaj të vitit paraprak.

    Sipas ASK-së, konsumi i energjisë elektrike në gusht arriti në 453,38 gigavat-orë (GWh), ndërsa energjia elektrike bruto në dispozicion ishte 544,61 GWh, apo 8,46 për qind më shumë se në gusht të vitit 2025.

    Gjatë kësaj periudhe, importi i energjisë elektrike ishte 400,82 GWh, ndërsa eksporti arriti në 311,21 GWh. Në shifrën e eksportit përfshihet edhe sasia e energjisë së transmetuar.

    Ndërkohë, prodhimi bruto i energjisë elektrike nga hidrocentralet shënoi rritje prej 33,24 për qind krahasuar me gushtin e vitit të kaluar, duke arritur në 7,47 GWh.

    Në anën tjetër, prodhimi i thëngjillit në gusht të këtij viti ishte 477 mijë e 562 tonë, që paraqet rënie prej 3,65 për qind krahasuar me të njëjtën periudhë të vitit paraprak.

    ASK-ja bën të ditur se pjesëmarrja e energjisë elektrike alternative në konsumin e përgjithshëm ishte 7,42 për qind.

    Burimi: Dukagjini

  • Protesta studentore në Shqipëri, bojkotohet mësimi në disa qytete

    Protesta studentore në Shqipëri, bojkotohet mësimi në disa qytete

    Që në orët e para të së enjtes, nxënës dhe studentë i janë përgjigjur thirrjeve për protestë, ndërsa në Tiranë ka nisur grumbullimi i protestuesve para Parlamentit.

    Protesta vjen pas tensioneve të së mërkurës në kryeqytetin shqiptar, ku pati përplasje, zjarre dhe dëme materiale në rrugë, institucione dhe biznese.

    Bojkotimi i mësimit është shtrirë edhe në disa qytete të tjera të Shqipërisë, ku gjimnazistë dhe studentë janë përfshirë në lëvizjen protestuese, pas thirrjeve të shpërndara në rrjetet sociale.

    Ndërkohë, deputetët kanë anuluar seancën plenare të paraparë për këtë të enjte, në një kohë kur vëmendja publike dhe politike është përqendruar te protestat dhe zhvillimet e fundit në vend.

    Kryeministri i Shqipërisë, Edi Rama, ka reaguar pas protestës së së mërkurës, duke akuzuar opozitën se po përpiqet ta pengojë vendin në rrugën drejt integrimit evropian. Ai ka theksuar se Shqipëria nuk do të kthehet prapa, derisa ka thënë se nuk do të japë dorëheqje për shkak të protestave, pasi siç ka thënë, qeveritë ndryshohen përmes zgjedhjeve.

    Ndërkohë, Policia e Shtetit ka ngritur shqetësimin për pjesëmarrjen e një numri të konsiderueshëm të miturish në protestë, duke pretenduar se në disa raste ata janë vendosur në vijën e parë të përplasjeve. Përmes një deklarate, policia i bën thirrje prindërve që të tregojnë kujdes të shtuar për fëmijët dhe të sigurohen se ata nuk ndodhen në ambiente ku ka përplasje.

    “Policia e Shtetit ka konstatuar me shqetësim pjesëmarrjen e një numri të konsiderueshëm të miturish në protestat e ditëve të fundit. Në disa raste, fëmijët janë gjendur në vijën e parë të përplasjeve, të ekspozuar drejtpërdrejt ndaj akteve të dhunës, sendeve të forta të hedhura dhe mjeteve të përdorura nga Policia për menaxhimin e situatës. Siguria e fëmijëve është një përgjegjësi që nuk mund të negociohet dhe nuk mund të përdoret për asnjë qëllim. Policia e Shtetit ka detyrimin ligjor të garantojë rendin dhe sigurinë publike, duke treguar kujdes të veçantë për mbrojtjen e të miturve. Por kjo përgjegjësi u takon, para së gjithash, prindërve dhe kujdestarëve ligjorë. Prandaj, u drejtohemi përsëri prindërve me një apel të qartë: Dijeni ku janë fëmijët tuaj! Mos lejoni që ata të ekspozohen ndaj dhunës dhe situatave që rrezikojnë jetën dhe shëndetin e tyre. Nëse fëmija juaj mungon në shkollë, interesohuni ku ndodhet. Asnjë fëmijë nuk duhet të gjendet mes gurëve, mjeteve piroteknike dhe gazit lotsjellës”, thotë Policia.

    Burimi: RTKLive

  • Konsullata e Kosovës në Stamboll apel qytetarëve për kujdes nga përmbytjet

    Konsullata e Kosovës në Stamboll apel qytetarëve për kujdes nga përmbytjet

    Përmes një njoftimi, Konsullata ka këshilluar qytetarët që të shmangin zonat e përmbytura, nënkalimet dhe rrugët ku është grumbulluar uji, si dhe të kufizojnë lëvizjet e panevojshme gjatë reshjeve të dendura.

    Po ashtu, qytetarëve u është bërë thirrje që të ndjekin udhëzimet e autoriteteve lokale dhe të informohen përmes burimeve zyrtare, me qëllim të ruajtjes së sigurisë së tyre.

    Për rastet emergjente, qytetarët mund të kontaktojnë Konsullatën në numrin e telefonit +90 531 105 63 91.

    Burimi: RTKLive

  • Sulmohet selia e Partisë Socialiste

    Sulmohet selia e Partisë Socialiste

    Sulmohet selia e Partisë Socialiste

    Tensionet gjatë protestës në kryeqytetin shqiptar janë shtrirë edhe te selia e Partisë Socialiste.

    Top Channel raporton se cak i sulmuesve ka qenë edhe objekti i kësaj partie.

    Ngjarja vjen në një moment kur protesta është shoqëruar me përplasje dhe akte dhune në disa zona të Tiranës.

    Akoma nuk dihen zyrtarisht të gjitha detajet mbi rrethanat e incidentit dhe dëmet e mundshme. /Klankosova.tv

  • Kuvendi miraton ndryshimet në Ligjin për Parandalimin e Pastrimit të Parave

    Kuvendi miraton ndryshimet në Ligjin për Parandalimin e Pastrimit të Parave

    Kuvendi miraton ndryshimet në Ligjin për Parandalimin e Pastrimit të Parave

    Kuvendi i Kosovës ka miratuar në shqyrtim të dytë projektligjin për ndryshimin dhe plotësimin e Ligjit për Parandalimin e Pastrimit të Parave dhe Luftimin e Financimit të Terrorizmit.

    Me 61 vota për, asnjë kundër dhe asnjë abstenim, projektligji kaloi, tranmseton Klankosova.tv

    Parakrakisht, Parlamenti miratoi edhe 12 amandamentet e këtij projektligji.

    Në votim morën pjesë deputetët e pozitës, pasi opozita nuk ishte e pranishme në sallë. /Klankosova.tv

  • Policia e Shtetit reagon për protestat, apel prindërve: Kontrolloni ku ndodhen fëmijët tuaj

    Policia e Shtetit në Shqipëri ka shprehur shqetësimin për pjesëmarrjen e një numri të konsiderueshëm të miturish në protestat e ditëve të fundit, duke theksuar se disa prej tyre janë ekspozuar drejtpërdrejt ndaj dhunës dhe përplasjeve me efektivët.

    Përmes një deklarate, Policia u ka bërë thirrje prindërve dhe kujdestarëve ligjorë të interesohen për vendndodhjen e fëmijëve të tyre dhe të mos lejojnë përfshirjen e tyre në situata që rrezikojnë jetën dhe shëndetin.

    Sipas Policisë, në disa raste të miturit janë gjendur në vijën e parë të përplasjeve, mes sendeve të forta të hedhura, mjeteve piroteknike dhe gazit lotsjellës.

    “Siguria e fëmijëve është një përgjegjësi që nuk mund të negociohet dhe nuk mund të përdoret për asnjë qëllim”, thuhet në deklaratë.

    Policia thekson se, përveç detyrimit të saj ligjor për garantimin e rendit dhe sigurisë publike, përgjegjësia për mbrojtjen e fëmijëve u takon para së gjithash prindërve dhe kujdestarëve ligjorë.

    “Dijeni ku janë fëmijët tuaj! Mos lejoni që ata të ekspozohen ndaj dhunës dhe situatave që rrezikojnë jetën dhe shëndetin e tyre.

    Nëse fëmija juaj mungon në shkollë, interesohuni ku ndodhet. Asnjë fëmijë nuk duhet të gjendet mes gurëve, mjeteve piroteknike dhe gazit lotsjellës”, apelon Policia.

    Në deklaratë, uniformat blu shprehin gjithashtu shqetësimin për raste të dyshuara të përdorimit të të miturve në vijën e parë të përplasjeve, me qëllim ekspozimin e tyre ndaj rrezikut për interesa të caktuara.

    “Përdorimi i fëmijëve si mburojë për akte dhune nuk është ushtrim i së drejtës për protestë. Është një veprim i papranueshëm që cenon sigurinë dhe të drejtat e tyre”, thekson Policia.

    Ajo paralajmëron se çdo rast i dyshuar i nxitjes, organizimit apo shfrytëzimit të të miturve për veprime të kundërligjshme do të dokumentohet dhe do t’u referohet institucioneve kompetente, në përputhje me ligjin.

    Policia e Shtetit thotë se respekton dhe garanton të drejtën e protestës paqësore, përfshirë të drejtat e të miturve, por paralajmëron se do të marrë të gjitha masat e nevojshme dhe proporcionale për mbrojtjen e jetës dhe sigurisë së tyre.

    “Fëmijët nuk janë mburojë e askujt dhe nuk mund të kthehen në instrumente të përplasjeve për qëllime të caktuara. Asnjë kauzë nuk vlen më shumë se jeta dhe siguria e një fëmije”, thuhet në reagim.

    Në fund, Policia u bën thirrje të gjithë pjesëmarrësve në tubime që të distancohen menjëherë nga personat e maskuar dhe të dhunshëm, si dhe të mos përfshihen në akte dhune dhe shkatërrimi.

    “Ndaloni dhunën ndaj punonjësve të Policisë, institucioneve dhe pronës publike e private! Çdo akt dhune rrezikon jetën dhe shëndetin e qytetarëve, veçanërisht të fëmijëve dhe të miturve. E drejta për protestë duhet të ushtrohet në mënyrë paqësore dhe nuk mund të përdoret si justifikim për dhunën dhe shkatërrimin”, përfundon deklarata.

    Sinjali – aty ku e vërteta flet para lajmit!

    /GazetaSinjali/

    The post Policia e Shtetit reagon për protestat, apel prindërve: Kontrolloni ku ndodhen fëmijët tuaj appeared first on Sinjali.

    Burimi: Sinjali

  • Ish-aktivisti i SNS-së së Vuçiqit: Banditë të paguar, blerje votash dhe para në dorë për operacione politike në Serbi

    Ish-aktivisti i SNS-së së Vuçiqit: Banditë të paguar, blerje votash dhe para në dorë për operacione politike në Serbi

    Një ish-aktivist i Partisë Progresive Serbe (SNS) në pushtet në Serbi, Momqilo Marjanoviq, ka pretenduar se ka ndihmuar në organizimin dhe pagesën e grupeve të ngarkuara me ruajtjen e zyrave të partisë, duke provokuar përleshje në protesta dhe duke u bërë presion votuesve për të mbështetur partinë në pushtet.

    Në një intervistë me Rrjetin Ballkanik të Gazetarisë Investigative (BIRN), 54-vjeçari nga Novi Sadi përshkroi ato që ai i quajti mekanizma të përdorur për të rekrutuar aktivistë për konfrontime, për të shpërndarë pagesa në para të gatshme dhe për të mbledhur të ashtuquajturat “vota të garantuara”.

    Ai gjithashtu pretendoi se kishte marrë para direkt nga Nenad Barac, drejtor i kompanisë publike të shërbimeve Novi Sad Heating Plant (JKP Novosadska Toplana).

    Marjanoviq tha se kishte qenë aktivist i SNS-së për më shumë se një dekadë dhe kishte marrë pjesë në tubime politike në Vojvodinë dhe gjetkë në Serbi. Sipas rrëfimit të tij, përgjegjësitë e tij u lidhën gjithnjë e më shumë me konfrontimet pas shembjes së tendës së stacionit hekurudhor të Novi Sadit më 1 nëntor 2024, gjë që shkaktoi protesta të gjera.

    Akuzat për grupe të armatosura në “Çacilend”

    Marjanoviq tha se kaloi më shumë se dy javë në Parkun Pionirski në Beograd para protestës së madhe të udhëhequr nga studentët më 15 mars 2025. Parku, përballë presidencës serbe, u bë i njohur si “Ćacilend” pasi mbështetësit e autoriteteve ngritën një kamp atje.

    Ai pretendoi se grupet e sjella në vendngjarje ishin të përgatitura të përdornin forcën nëse do të ndodhnin përleshje me studentët ose mbështetësit e opozitës.

    «Roli im ishte të udhëhiqja një grup burrash në vendet më të rrezikshme dhe kritike, siç është Ćacilend», tha Marjanoviq për BIRN, duke përshkruar se si ai dhe burrat që ai udhëhiqte ishin pozicionuar në vijën e parë të tubimeve politike.

    Ai gjithashtu pretendoi se kishte parë të paktën 100 njerëz që mbanin revolverë brenda kampit, duke thënë se disa i mbanin ato hapur në rripa ose të futura në brez.

    Sipas Marjanoviqit, anëtarët e grupit të tij kishin sprej me piper, shkopinj gome dhe balaklava, të cilat mbaheshin në një tendë në park. Ai pretendoi se disa njerëz konsumonin alkool ose substanca psikoaktive gjatë kryerjes së detyrave që përfshinin kërcënime dhe dhunë fizike.

    Marjanoviqi tha se paguhej 500 euro në ditë për praninë e tij në Ćacilend, ndërsa burrat që ai drejtonte merrnin nga 200 euro secili.

    Ai më tej pretendoi se përgatitjet për tubimin e 15 marsit përfshinin udhëzime për të mbrojtur kampin me çdo mjet të nevojshëm nëse do të vihej nën presion.

    Pretendime për infiltrim në protestat antiqeveritare

    Ish-aktivisti pretendoi gjithashtu se individë të rekrutuar nga SNS ndonjëherë dërgoheshin në turma studentësh dhe protestuesish të tjerë për të provokuar incidente që më pas mund t’u ngarkoheshin demonstruesve.

    Ai përmendi tubimet në Beograd, Bačka Palanka, Bački Petrovac dhe Novi Sad, duke përfshirë protestat në gusht dhe tetor. Marjanoviq tha se, në disa raste, burra nga qytete të tjera u sollën sepse protestuesit vendas nuk i njihnin.

    Ai pretendoi se këta individë ishin udhëzuar të hidhnin gurë dhe të përdornin piroteknikë kundër policisë, duke krijuar potencialisht përshtypjen se studentët protestues ishin përgjegjës për dhunën.

    Marjanoviq theksoi se nuk po pretendonte se çdo përballje ishte inskenuar, por tha se kishte qenë personalisht dëshmitar i asaj që e përshkroi si përdorim të infiltruesve në disa ngjarje.

    Ai tregoi gjithashtu një incident në të cilin u godit në gojë nga një shishe dhe në këmbë nga një gur, duke thënë se besonte se sulmet mund të kenë ardhur nga njerëz të anës së tij.

    Pagesa të dyshuara në para të gatshme dhe presion mbi votuesit

    Marjanoviq tha se një pjesë tjetër e punës së tij përfshinte kontaktimin e votuesve të identifikuar si mbështetës të mundshëm të SNS-së dhe sigurimin që ata të shkonin në qendrat e votimit. Ai pretendoi se si ai ashtu edhe njerëzit që punonin me të merrnin para për këto aktivitete.

    Ai tha se pagesat zakonisht kishin qenë rreth 100 euro, duke shtuar se kishte dëgjuar pretendime për shuma dukshëm më të larta – midis 400 dhe 500 euro për votë – që ofroheshin kohët e fundit. Raporti i BIRN nuk i përcaktoi në mënyrë të pavarur ato pagesa të supozuara më të reja.

    Sipas Marjanoviqit, Nenad Barac miratoi drejtpërdrejt numrin e personave të caktuar për ngjarjet dhe siguroi paratë e përdorura për t’i paguar ata. Ai pretendoi se paratë dorëzoheshin në zyrën e Baracit në selinë administrative të termocentralit të Novi Sadit, ose liheshin te sekretarja e drejtorit kur Barac mungonte.

    Marjanoviqi vlerësoi se, që nga shembja e tendës së Novi Sadit, ai personalisht kishte mbledhur midis 350,000 dhe 400,000 eurove nga kompania për këto aktivitete. Ai tha se kishte paraqitur shkëmbime mesazhesh me Baracin si prova mbështetëse.

    Barac refuzoi t’u përgjigjej pyetjeve të BIRN-it në lidhje me pagesat e supozuara, duke pyetur se si e kishte siguruar media informacionin përpara se ta përfundonte bisedën.

    Marjanoviqi tha gjithashtu se kishte marrë një pagë përmes një tjetër ndërmarrjeje publike të Novi Sadit, Lisje, pavarësisht se nuk ishte paraqitur kurrë në punë. Ai e përshkroi marrëveshjen si një punë fiktive përmes së cilës kompensohej për shërbimet e tij politike.

    Kërcënime të dyshuara pas largimit nga aktivitetet e partisë

    Marjanoviq tha se marrëdhënia e tij me SNS-në u përkeqësua pasi ndihmoi dy studentë që kishin hyrë në Ćacilend, një veprim për të cilin ai tha se u qortua. Më vonë ai refuzoi të udhëtonte për në Kula përpara zgjedhjeve lokale të mbajtura më 29 mars 2026.

    Ai tha se në fund vendosi të mos merrte më pjesë, pjesërisht për shkak të shqetësimeve për të ardhmen e vajzës së tij dhe të familjes. Ai pranoi se përfshirja e tij politike i kishte sjellë privilegje financiare dhe të tjera, duke përfshirë edhe pagesën pavarësisht se nuk shkonte në punë.

    Pasi u tërhoq nga aktivitetet, Marjanoviq pretendoi se mori kërcënime nga Bojan Mihajlović, një ish-luftëtar i MMA-së dhe aktivist i SNS-së, dhe bashkëpunëtori i Mihajlović-it, Vladimir Zukić.

    Ai pretendoi se dy burrat e përballën në një makinë në maj dhe se Zukiç goditi xhamin e automjetit të tij. Marjanoviq tha se e raportoi incidentin në polici dhe pretendoi se Zukiç e kishte kërcënuar se do të dëmtonte fëmijën e tij.

    Sipas raportit, Mihajlović dhe Zukić refuzuan t’u përgjigjeshin pyetjeve të BIRN dhe mohuan se e njihnin Marjanoviqin.

    Mihajlović ishte gjithashtu midis një grupi mbështetësish të SNS-së të deportuar nga autoritetet malazeze në Aeroportin e Tivatit në qershor, pas një vlerësimi sigurie se ata mund të përbënin një kërcënim për sigurinë kombëtare, raportoi BIRN.

    Marjanoviqi tha se ishte i vetëdijshëm se kishte përfituar nga marrëveshjet që përshkroi dhe shprehu shpresën se aktivistët e tjerë të partisë do ta rishqyrtonin përfshirjen e tyre.

    «Shpresoj se do të ketë ndryshime dhe se kjo nuk do të ndodhë më», tha ai, sipas BIRN.

    Sipas materialit të ofruar, akuzat në intervistë nuk janë vërtetuar me anë të një vendimi gjyqësor. Barac nuk iu përgjigj pyetjeve të BIRN në mënyrë thelbësore, ndërsa Mihajlović dhe Zukić mohuan se e njihnin Marjanoviqit.

    Burimi: Dukagjini