Blog

  • Muaji rozë rrit interesimin për kontrollet e gjirit

    Muaji rozë rrit interesimin për kontrollet e gjirit

    Por, sa janë të vetëdijshme gratë për rëndësinë e kontrolleve dhe a po i kushtojnë ato vëmendjen e duhur shëndetit të tyre gjatë gjithë vitit, apo vetëm në tetor? Sa është numri i vizitave gjatë këtij muaji, cili është interesimi i grave dhe çfarë mundësish ofrojnë institucionet shëndetësore për diagnostikimin dhe trajtimin e rasteve? Për këto çështje foli specialistja e radiologjisë, doktoresha Shpresa Luka Gjoçaj.

    “Muaji tetor njihet si muaji rozë, muaji i ndërgjegjësimit për kancerin e gjirit, muaji i luftës kundër kancerit të gjirit dhe muaj i mbështetjes së të gjitha atyre që e kanë përballuar dhe janë ballafaquar me këtë sëmundje dhe janë të mbijetuara dhe jetojnë bëjnë jetë normale. Domethënë, është një muaj i solidarizimit, një muaj i vetëdijësimit dhe natyrisht që e gjithë kjo reflekton edhe në numrin e pacienteve që gjatë këtij muaji shtohet fluksi i grave të cilat kërkojnë kontrolle, domethënë ekzaminimin me ultrazë dhe mamografi”, u shpreh doktoresha Shpresa Luka Gjoçaj.

    Gjatë muajit rozë, interesimi i grave për kontrolle shëndetësore shënon rritje, megjithatë, sipas doktoreshës, ekzaminimet ofrohen gjatë gjithë vitit. Për të ilustruar këtë, ajo ka krahasuar numrin e ekzaminimeve të kryera në muajt gusht dhe tetor të vitit të kaluar.

    “Mirëpo, këtu në kabinetin tonë, jo vetëm gjatë këtij muaji, po gjatë gjithë vitit ofrojmë shërbime, domethënë ofrojmë vizitat në kuptimin e kryerjes së ultrazërit dhe mamografive. Përndryshe, fluksi i pacienteve është në rritje dhe vetëm një paralele krahasuese, domethënë se sa reflekton kjo gjatë muajit tetor: vitin e kaluar, gjatë muajit gusht kemi pasur gjithsej 140 ekzaminime, ultrazë dhe mamografi, ndërsa në tetorin e po të njëjtit vit i kemi pasur 280 ekzaminime. Pra shihet që gjatë muajit tetor disi gratë, të thëm në thonjëza, zgjohen nga gjumi dhe janë të vetëdijshme për vetveten, për shëndetin e tyre. Janë të vetëdijshme që duhet t’i përkushtohen vetvetes” , tha ajo.

    Ndërkaq, rëndësi të veçantë në luftën kundër kancerit të gjirit ka zbulimi i hershëm i sëmundjes, i cili mundëson trajtim më të suksesshëm. Sipas të dhënave statistikore për vitin 2025, më shumë se gjysma e rasteve të raportuara janë diagnostikuar në stadet e para të sëmundjes.

    “Në bazë të të dhënave statistikore të vitit 2025, shënohet që 53.4% e rasteve të raportuara janë të diagostikuara në stadin e parë dhe të dytë të kësaj sëmundjeje, që kjo siguron një trajtim dhe sukses të mëtejmë gjatë kësaj patologjie”, ka thene ajo.

    Burimi: RTKLive

  • Bullgaria thërret ambasadoren ruse pas sulmeve me dronë ndaj dy anijeve në Detin e Zi

    Bullgaria thërret ambasadoren ruse pas sulmeve me dronë ndaj dy anijeve në Detin e Zi

    Kryeministri i Bullgarisë, Rumen Radev, ka thirrur ambasadoren ruse në Sofje, Eleonora Mitrofanova, pas sulmeve me dronë ndaj dy anijeve tregtare pranë bregdetit bullgar në Detin e Zi. Si pasojë e sulmeve, njëra anije është fundosur, 11 anëtarë të ekuipazhit rezultojnë të zhdukur dhe një marinar është shpëtuar.

    Sipas autoriteteve lokale, anija e parë u fundos rreth 31 kilometra në lindje të fshatit Krapets. Ndërkohë, anija tjetër, në pronësi ukrainase, u godit nga dronët rreth 33 kilometra larg qytetit të Byalës. Të 15 anëtarët e ekuipazhit të kësaj anijeje u shpëtuan.

    Pas sulmeve, Radev thirri një takim urgjent me drejtuesit e institucioneve të sigurisë, ndërsa bëri të ditur se kishte kërkuar sqarime nga ambasadorja ruse.

    Ai tha se deri më tani nuk ka prova përfundimtare që përcaktojnë përgjegjësinë e ndonjërës palë, por sipas tij, “logjika sugjeron se përfitimi nga kjo situatë i takon Federatës Ruse”.

    Sipas mediave bullgare, Mitrofanova i ka thënë Radevit se nuk kishte informacione nga Ministria ruse e Mbrojtjes lidhur me sulmet e fundit. Ajo ka ngritur gjithashtu mundësinë që sulmet të jenë provokim nga një palë e tretë.

    Kryeministri bullgar i cilësoi sulmet ndaj anijeve tregtare pranë ujërave territoriale të vendit si të papranueshme.

    “Një tjetër sulm ndaj anijeve tregtare në afërsi të menjëhershme të ujërave territoriale bullgare është absolutisht i papranueshëm”, tha Radev.

    Ai bëri të ditur se njëra prej anijeve të goditura ishte Chelsea 3, me flamur të Maltës dhe e regjistruar në Odesa të Ukrainës. Sipas tij, pesë anëtarë të ekuipazhit të kësaj anijeje po trajtohen për lëndime të lehta.

    Sulmet e fundit vijnë vetëm një javë pasi dy anije të tjera tregtare u goditën nga dronë detarë dhe ajrorë brenda zonës ekskluzive ekonomike të Bullgarisë. Njëra prej tyre, Alfa Watan, u fundos, ndërsa të 10 anëtarët e ekuipazhit, përfshirë nëntë shtetas sirianë, konsiderohen të vdekur.

    Pas sulmeve të mëparshme, Radev kishte kërkuar ndihmë teknike nga NATO-ja dhe Bashkimi Evropian për hetimin e rasteve, duke thënë se nuk ishte e qartë se kush qëndronte pas tyre, raporton BBC.

    Bullgaria është anëtare e NATO-s. Radev ka zhvilluar gjithashtu një bisedë me sekretarin e përgjithshëm të aleancës, Mark Rutte, lidhur me situatën e fundit në Detin e Zi.

    Rutte tha se NATO-ja do të vazhdojë bashkëpunimin e ngushtë me aleatët në rajon, duke theksuar se aleanca ka forcuar tashmë praninë e saj përgjatë krahut lindor dhe do të vazhdojë të monitorojë situatën e sigurisë.

    Ndërkohë, Ukraina e ka akuzuar drejtpërdrejt Rusinë për sulmet e fundit. Ministri i Jashtëm ukrainas, Andrii Sybiha, tha se sulmet ndaj anijeve tregtare pranë ujërave territoriale bullgare tregojnë, sipas tij, shpërfilljen e qëllimshme të Moskës ndaj jetëve të civilëve dhe sigurisë detare në Detin e Zi.

    “Deti i Zi është një arterie jetike për sigurinë ushqimore globale. Rusia po e sulmon për ta përdorur urinë si armë dhe për ta mbajtur botën peng. Kjo duhet të përballet me vendosmëri”, deklaroi Sybiha.

    Edhe presidentja e Komisionit Evropian, Ursula von der Leyen, ka paralajmëruar se Deti i Zi po shndërrohet në një tjetër front të përshkallëzimit të luftës së Rusisë në Ukrainë, duke i cilësuar këto zhvillime të papranueshme.

    Nga ana tjetër, ushtria ruse nuk ka komentuar publikisht sulmet e fundit. Moska ka deklaruar më herët se shënjestron anijet që transportojnë armë dhe ngarkesa me përdorim të dyfishtë drejt porteve ukrainase, ndërsa Kievi dhe aleatët e tij evropianë thonë se po sulmohen edhe anije tregtare që transportojnë drithëra dhe mallra të tjera civile.

    Rusia ka refuzuar vazhdimisht thirrjet e Shteteve të Bashkuara dhe vendeve evropiane për një armëpushim detar në Detin e Zi, duke e akuzuar Ukrainën për sulme ndaj anijeve tregtare ruse.

    Të dyja vendet janë eksportuese të mëdha të drithërave, ndërsa Turqia u ka bërë thirrje Rusisë dhe Ukrainës që të ndalin sulmet në Detin e Zi.

    Burimi: Dukagjini

  • Komisioni për Mjedis miraton ndryshimet në Buxhetin e 2026-ës

    Komisioni për Mjedis miraton ndryshimet në Buxhetin e 2026-ës

    Komisioni për Mjedis miraton ndryshimet në Buxhetin e 2026-ës

    Komisioni për Mjedis, Planifikim Hapësinor, Ushqim, Bujqësi, Pylltari, Zhvillim Rural, Infrastrukturë dhe Transport ka miratuar Projektligjin për ndryshimin dhe plotësimin e Ligjit për Ndarjet Buxhetore të Buxhetit të Republikës së Kosovës për vitin 2026, me tetë vota për dhe një kundër.

    Kryetari i Komisionit, Arsim Ademi, bëri të ditur se Komisioni nuk ka propozuar rekomandime apo amendamente për këtë projektligj, raporton EO, transmeton Klankosova.tv.

    “Nuk ka rekomandime as amendamente për këtë projektligj”, tha Ademi.

    Në mbledhjen e njëjtë, anëtarët e Komisionit kanë diskutuar edhe draft-planin e punës së Komisionit për sesionin vjeshtor të vitit 2026.

  • “Leci më ka prekur në moral dhe në familje” – Edonisa Aliu jep versionin e saj për incidentin (VIDEO)

    “Leci më ka prekur në moral dhe në familje” – Edonisa Aliu jep versionin e saj për incidentin (VIDEO)

    “Leci më ka prekur në moral dhe në familje” – Edonisa Aliu jep versionin e saj për incidentin (VIDEO)

    Ish-futbollistja Edonisa Aliu ka folur për incidentin me analistin sportiv Liridon Leci, që dyshohet se ndodhi pas përfundimit të emisionit në një nga televizionet në Kosovë.

    Në emisionin “Kosova Today”, Aliu ka dhënë versionin e saj për ngjarjen, duke deklaruar se është fyer dhe se incidenti e ka prekur edhe në aspektin personal dhe familjar.

    “Unë i kam nëntë dëshmitarë. I pres pamjet filmike nga momenti kur është mbyllur emisioni deri në fund, që të dalin pamjet dhe të zbardhet e gjithë e vërteta. Pas emisionit, unë jam denigruar si femër, më ka prekur në moral, më ka prekur në familje”, ka deklaruar Aliu.

    Ndërkaq, Prokuroria e Prishtinës ka dhënë detaje lidhur me rastin, duke iu referuar edhe pamjeve të kamerave të sigurisë.

    Sipas Prokurorisë, Aliu është intervistuar në cilësinë e palës së dëmtuar dhe ka deklaruar se pas përfundimit të emisionit është fyer dhe është kapur për fyti nga Liridon Leci. Ajo ka marrë tretman mjekësor në Obiliq, por, sipas raportit mjekësor, nuk janë vërejtur shenja apo gërvishtje të dukshme.

    Megjithatë, sipas përgjigjes së Prokurorisë, më 12 tetor, Njësia e Hetimeve ka siguruar pamjet nga kamerat e sigurisë, në të cilat, sipas saj, shihet se Edonisa Aliu e ka kapur për fyti dhe e ka goditur në fytyrë Liridon Lecin.

    Lidhur me rastin, Prokurori i Shtetit ka iniciuar çështjen për veprat penale lëndim i lehtë trupor dhe deklarim i rremë.

    Prokuroria ka bërë të ditur se po ndërmerren veprimet e nevojshme hetimore për të zbardhur plotësisht rrethanat e incidentit.

    “Ndërkohë, Liridon Leci ishte ftuar të ishte pjesë e studios në emisionin ‘Kosova Today’, por ai nuk mori pjesë.

  • Ish-presidentja Osmani takon senatorët amerikanë, kërkon mbështetje për mbrojtje të së vërtetës së luftës çlirimtare

    Ish-presidentja Osmani takon senatorët amerikanë, kërkon mbështetje për mbrojtje të së vërtetës së luftës çlirimtare

    Ish-presidentja Osmani takon senatorët amerikanë, kërkon mbështetje për mbrojtje të së vërtetës së luftës çlirimtare

    Ish-presidentja Vjosa Osmani është takuar me senatorët Jeanne Shaheen dhe Dick Durbin, gjatë vizitës së tyre në Kosovës.

    Këtë e ka bërë të ditur vetë Osmani e cila theksoi se senatorja Shaheen ka dëshmuar se është një mbështetëse e palëkundur e Kosovës.

    Mes tjerash, ajo kërkoi mbështetjen e senatorëve për rrugën e Kosovës drejt anëtarësimit në NATO dhe për nisjen e dialogut strategjik me ShBA-të.

    “I falënderova senatorët për një sërë nismash që kanë mbështetur dhe shtyrë përpara në Senatin amerikan, në funksion të paqes, sigurisë dhe stabilitetit në rajonin tonë. Kërkova mbështetjen e tyre për rrugën e Kosovës drejt anëtarësimit në NATO dhe për nisjen e dialogut strategjik me Shtetet e Bashkuara të Amerikës, proces të cilin e patëm iniciuar zyrtarisht gjatë mandatit tim presidencial”, ka shkruar deputetja e LDK-së në Facebook, transmeton Klankosova.tv.

    Osmani po ashtu tha se ka kërkuar mbështetje në mbrojtje të së vërtetës për luftën çlirimtare të Kosovës.

    “Njëkohësisht, duke pasur parasysh përpjekjet e vazhdueshme të Serbisë për të përhapur propagandë dhe për të rishkruar historinë, kërkova mbështetjen e tyre në mbrojtje të së vërtetës për luftën çlirimtare të Kosovës. Nuk duhet të lejojmë kurrë që viktima, populli i Kosovës, dhe agresori, regjimi serb, të barazohen apo të vendosen në të njëjtin rrafsh moral. E vërteta historike nuk mund të relativizohet dhe drejtësia nuk mund të ndërtohet mbi shtrembërimin e saj”.

    “Po ashtu, i kundërshtova me argumente historike, juridike dhe politike pretendimet e rreme të propagandës serbe se në Kosovë ushtrohet represion ndaj të krishterëve. Kjo narrativë e rrezikshme, që po promovohet me këmbëngulje nga qarqe në Serbi, duhet të përballet pa ndërprerje me fakte, të vërteta dhe argumente nga çdo institucion i Republikës së Kosovës. Liria fetare, bashkëjetesa dhe respektimi i të drejtave të të gjithëve janë vlera të Kosovës që nuk mund të njollosen nga propaganda”, ka shkruar Osmani./Klankosova.tv

  • Milot Avdyli në 11-shen e javës në Slloveni, pas golit të fitores për Celjen

    Milot Avdyli në 11-shen e javës në Slloveni, pas golit të fitores për Celjen

    Milot Avdyli në 11-shen e javës në Slloveni, pas golit të fitores për Celjen

    Futbollisti i Kombëtares së Kosovës, Milot Avdyli, është përfshirë në formacionin e javës në kampionatin slloven.

    Avdyli shënoi golin e fitores për Celjen në elitën e futbollit të Sllovenisë, paraqitje që i siguroi vendin në 11-shen e javës.

    Formacioni është publikuar nga faqja zyrtare e ligës sllovene, “PrvaLiga”.

    Sinjali – aty ku e vërteta flet para lajmit!

    /GazetaSinjali/

    The post Milot Avdyli në 11-shen e javës në Slloveni, pas golit të fitores për Celjen appeared first on Sinjali.

    Burimi: Sinjali

  • Komisioni për Mjedis miraton ndryshimet në Buxhetin e vitit 2026

    Komisioni për Mjedis miraton ndryshimet në Buxhetin e vitit 2026

    Komisioni për Mjedis, Planifikim Hapësinor, Ushqim, Bujqësi, Pylltari, Zhvillim Rural, Infrastrukturë dhe Transport ka miratuar Projektligjin për ndryshimin dhe plotësimin e Ligjit për Ndarjet Buxhetore të Buxhetit të Republikës së Kosovës për vitin 2026, me tetë vota për dhe një kundër.

    Kryetari i Komisionit, Arsim Ademi, bëri të ditur se Komisioni nuk ka propozuar rekomandime apo amendamente për këtë projektligj.

    “Nuk ka rekomandime as amendamente për këtë projektligj”, tha Ademi.

    Në mbledhjen e njëjtë, anëtarët e Komisionit kanë diskutuar edhe draft-planin e punës së Komisionit për sesionin vjeshtor të vitit 2026.

    Burimi: Dukagjini

  • Këto janë gjashtë gjëra që nipërit dhe mbesat i kujtojnë për gjithë jetën

    Këto janë gjashtë gjëra që nipërit dhe mbesat i kujtojnë për gjithë jetën

    Këto janë gjashtë gjëra që nipërit dhe mbesat i kujtojnë për gjithë jetën

    Kur janë të vegjël, fëmijët në shtëpinë e gjyshërve të tyre janë më të lumtur me dhuratat, ëmbëlsirat e preferuara dhe faktin se shpesh u lejohet më shumë sesa në shtëpi.

    Vetëm më vonë, kur rriten, fillojnë të kuptojnë se sa shumë do të thoshte dashuria, mbështetja dhe këshillat e tyre jetësore për ta.

    Gjyshërit luajnë një rol të veçantë në rritjen e nipërve dhe mbesave të tyre.

    Ata mund t’u ofrojnë atyre mirëkuptim, siguri dhe momente pa shqetësime, dhe në të njëjtën kohë, zakonisht nuk kanë të njëjtat përgjegjësi të përditshme edukative si prindërit.

    Ata ruajnë kujtimet e fëmijërisë

    Prindërit shpesh janë aq të zënë me përgjegjësitë e tyre të përditshme sa nuk kanë kohë të ruajnë vizatimin e çdo fëmije, të fotografojnë çdo moment të rëndësishëm ose të ruajnë gjërat e vogla që fëmijët e tyre sjellin në shtëpi nga kopshti dhe shkolla.

    Gjyshërit shpesh e marrin përsipër këtë rol. Për ta, edhe vizatimi ose punimi artizanal më i ngathët ka vlerë të veçantë. Ata i ruajnë ato për vite me radhë, ndonjëherë dekada, edhe pse fëmijët nuk i kushtojnë shumë vëmendje në kohën kur i bëjnë.

    Ata dinë të mbajnë sekrete

    Ndërsa rriten, fëmijët hasin situata të shumta që nuk i kuptojnë gjithmonë dhe që nuk janë të lehta për t’u folur me prindërit e tyre. Ndonjëherë ata kanë frikë nga reagimi, gjykimi ose ndëshkimi i tyre. Kjo është kur gjyshërit mund të bëhen njerëz me besim të veçantë. Nipërit dhe mbesat shpesh u hapen atyre më lehtë sepse ndiejnë se do të dëgjohen pa qenë tepër gjykues.

    Gjyshërit e kujdesshëm e dinë sa e rëndësishme është të ruhet besimi i një fëmije.

    Ata i duan nipërit dhe mbesat pa kushte

    Një nga dhuratat më të mëdha që gjyshërit mund t’u japin nipërve dhe mbesave është ndjenja se ata janë të dashur dhe të pranuar pikërisht ashtu siç janë. Dashuria pa kushte nuk do të thotë miratimi i çdo veprimi ose sjelljeje. Do të thotë që fëmija e di se gjyshërit nuk do të ndalojnë së dashuruari atë edhe kur ata bëjnë gabime, i zhgënjejnë ose marrin vendime me të cilat nuk pajtohen.

    Gjyshërit e tillë nuk i krahasojnë nipërit e mbesat e tyre, nuk konkurrojnë me prindërit e tyre për dashurinë e tyre dhe nuk presin që fëmijët e tyre t’ua kthejnë dashurinë me dhurata ose trajtime të veçanta.

    Shtëpia e tyre është gjithmonë një strehë e sigurt

    Për shumë njerëz, shtëpia e gjyshërve të tyre mbetet një nga vendet më të bukura nga fëmijëria e tyre. Atje, ata përshëndeten nga aroma të njohura, ushqime të preferuara, biseda dhe ndjesia se janë gjithmonë të mirëpritur. Por rëndësia e një shtëpie të tillë është shumë më e madhe sesa kujtimet e këndshme. Kur një fëmijë po kalon një kohë të vështirë, duke u përballur me probleme në shkollë ose tensione familjare, gjyshërit mund t’i ofrojnë atij paqe dhe një ndjenjë sigurie.

    Gjyshërit më të mirë nuk nxisin konflikte familjare ose nuk përpiqen t’i kthejnë nipërit dhe mbesat kundër prindërve të tyre.

    Ata e dinë kur t’i përkëdhelin pak nipërit dhe mbesat e tyre

    Prindërit duhet të vendosin kufij, të ruajnë rutinat dhe të kujdesen për disiplinën çdo ditë. Gjyshërit shpesh kanë pak më shumë hapësirë ​​për relaksim dhe përjashtime të vogla nga rregullat.

    Kjo mund të nënkuptojë një copë tortë shtesë, një karamele të preferuar, pak më shumë kohë duke parë televizor ose një dhuratë të vogël pa ndonjë arsye të veçantë.

    Ata përcjellin mençurinë e jetës

    Gjyshërit kanë dekada përvoje, suksese, gabime dhe mësime jete pas tyre. Ky është një nga avantazhet e tyre më të mëdha në marrëdhënien e tyre me nipërit dhe mbesat.

    Ndërsa prindërit shpesh duhet të reagojnë menjëherë, të marrin vendime dhe të zgjidhin problemet e përditshme, gjyshërit mund të ofrojnë një perspektivë të ndryshme. Ata kanë mundësinë ta shohin situatën nga një perspektivë më e shkëputur dhe të ndajnë atë që kanë mësuar gjatë gjithë jetës së tyre.

  • MASh dhe SBAShK konsultohen me mësimdhënësit për Strategjinë e Arsimit 2035+

    MASh dhe SBAShK konsultohen me mësimdhënësit për Strategjinë e Arsimit 2035+

    MASh dhe SBAShK konsultohen me mësimdhënësit për Strategjinë e Arsimit 2035+

    Në Shtime u mbajt takimi rajonal me mësimdhënësit e rajonit të Ferizajt, ku u diskutuan sfidat e sistemit arsimor dhe propozimet për përmirësimin e cilësisë së arsimit në Kosovë.

    Ministria e Arsimit dhe Shkencës, në bashkëpunim me Sindikatën e Bashkuar të Arsimit, Shkencës dhe Kulturës, ka mbajtur në Shtime një takim konsultues me mësimdhënësit e rajonit të Ferizajt, në kuadër të procesit të hartimit të Strategjisë së Arsimit 2035+, transmeton Klankosova.tv.

    Në takim morën pjesë ministri i Arsimit dhe Shkencës, Hajrulla Çeku, kryetari i SBAShK-ut, Rrahman Jasharaj, përfaqësues të institucioneve arsimore, si dhe mësimdhënës e punëtorë të arsimit nga rajoni i Ferizajt.

    Gjatë takimit, sipas njoftimit, Çeku theksoi rëndësinë e përfshirjes së drejtpërdrejtë të mësimdhënësve në hartimin e strategjisë, duke vlerësuar se përvoja dhe propozimet e tyre janë të rëndësishme për përcaktimin e prioriteteve dhe hartimin e reformave që u përgjigjen nevojave reale të shkollave.

    Ai po ashtu nënvizoi se përmirësimi i cilësisë së arsimit duhet të shoqërohet me fuqizimin e pozitës së mësimdhënësve dhe mbështetjen e tyre në punën e përditshme.

    Ndërkaq, kryetari i SBAShK-ut, theksoi rëndësinë e pjesëmarrjes aktive të punëtorëve të arsimit në këtë proces, si dhe të vazhdimit të dialogut me Ministrinë për adresimin e sfidave me të cilat përballen mësimdhënësit.

    Në kuadër të diskutimeve u trajtuan një sërë çështjesh që lidhen me të ardhmen e arsimit në Kosovë, përfshirë cilësinë e mësimdhënies, kushtet e punës, zhvillimin profesional, mirëqenien e punëtorëve të arsimit, autonominë dhe zhvillimin e shkollave, mësimin tërëditor, kurrikulën, digjitalizimin dhe financimin e arsimit.

    Mësimdhënësit e pranishëm paraqitën shqetësimet dhe sfidat e tyre, duke ofruar edhe propozime konkrete për përmirësimin e sistemit arsimor.

    Sipas njoftimit, MASh dhe SBAShK po vazhdojnë ciklin e konsultimeve me mësimdhënësit, ndërsa takimi i radhës është planifikuar me përfaqësues të rajonit të Prishtinës.

    Procesi i konsultimeve synon që Strategjia e Arsimit 2035+ të hartohet duke marrë parasysh përvojat, nevojat dhe rekomandimet e mësimdhënësve dhe të komunitetit arsimor.

  • Nga dashuria te rivaliteti, Mourinho rikthehet në “Olimpico”

    Nga dashuria te rivaliteti, Mourinho rikthehet në “Olimpico”

    Për Mourinhon, kjo do të jetë një rikthim i veçantë në Romë, ku do të përballet për herë të parë me ish-skuadrën e tij që nga largimi nga kryeqyteti italian. Portugezi e ka drejtuar Romën në 138 ndeshje dhe ka krijuar një lidhje të veçantë me tifozët, të cilët vazhdojnë ta vlerësojnë për periudhën e kaluar në klub.

    “Kanë qenë të jashtëzakonshëm me mua. Kur zbrita për herë të parë nga avioni, mijëra njerëz më prisnin. Nuk kisha bërë ende asgjë për ta, asnjë ndeshje dhe asnjë pikë. Më pas e kuptova se kështu është Roma. Ata panë se për mua ekzistonte vetëm një gjë: Roma dhe tifozët e saj. Kam luftuar dhe kam dhënë gjithçka”, ka deklaruar trajneri i Real Madridit.

    Megjithatë, Mourinho nuk pret një pritje të jashtëzakonshme, por respekt për atë që ka përfaqësuar gjatë kohës së tij në krye të skuadrës italiane.

    Në stolin që dikur ishte i Mourinhos, tashmë është Gian Piero Gasperini, një trajner për të cilin portugezi ka pasur vlerësime të mëdha.

    Pas një përballjeje mes Interit dhe Genoas në vitin 2008, Mourinho e kishte përshkruar Gasperinin si një nga kundërshtarët më të vështirë që kishte hasur ndonjëherë.

    “Është trajneri më i vështirë kundër të cilit kam luajtur. E ndryshova skemën pesë herë dhe ai m’u përgjigj po aq herë. Ishte vërtet një betejë”, kishte thënë portugezi.

    Vlerësime për Gasperinin ka dhënë edhe Pep Guardiola. Trajneri i Manchester Cityt kishte përshkruar përballjet me Atalantën e drejtuar nga italiani si të pakëndshme, duke i krahasuar me një vizitë te dentisti.

    Rivaliteti mes Mourinhos dhe Gasperinit ka vazhduar edhe në përballjet e mëvonshme, duke krijuar një histori të veçantë mes dy trajnerëve me filozofi të ndryshme futbolli.

    Tashmë, vëmendja është te dueli i radhës, ku Mourinho do të kërkojë të konfirmojë epërsinë ndaj kolegut të tij, ndërsa Roma shpreson që Gasperini të vazhdojë serinë pozitive në përballjet e fundit mes tyre.

    Përtej rëndësisë së rezultatit, rikthimi i Mourinhos në “Olimpico” pritet të jetë një nga momentet më interesante të kësaj përballjeje në Ligën e Kampionëve.

    Burimi: RTKLive