Blog

  • Lorenc Antoni, një jetë kushtuar muzikës dhe trashëgimisë popullore shqiptare

    Lorenc Antoni, një jetë kushtuar muzikës dhe trashëgimisë popullore shqiptare

    Në kujtesën e muzikës shqiptare, emri i Lorenc Antonit zë një vend të veçantë. Krijimtaria e tij, përkushtimi ndaj mbledhjes dhe studimit të këngës popullore, si dhe kontributi në jetën muzikore shqiptare, u rikthyen në vëmendje përmes një tryeze shkencore të organizuar nga Dega e Folklorit e Institutit Albanologjik të Prishtinës.

    I lindur më 23 shtator 1909 në Shkup, Lorenc Antoni u formua në një mjedis familjar ku muzika ishte pjesë e pandashme e jetës së përditshme. Këngët popullore, rrëfimet dhe traditat gojore që dëgjoi që në fëmijëri u bënë më vonë një burim i rëndësishëm frymëzimi për veprimtarinë e tij krijuese dhe studimore.

    Tryeza shkencore u hap me fjalën e Arbnora Dushit, ndërsa studiues të fushës së muzikës dhe folklorit trajtuan aspekte të ndryshme të veprës dhe trashëgimisë së Antonit.

    Ndërkaq, mbesa e tij, Alma Bejtullahu, solli në vëmendje muzikën në jetën familjare të Lorenc Antonit, duke ndriçuar ndikimin e mjedisit ku ai u rrit dhe lidhjen e hershme me traditën muzikore. Një vend të veçantë në kujtimet e tij zinte gjyshja Maria, të cilën Antoni e përshkruante si një njohëse të pasur të këngëve, përrallave, fjalëve të urta dhe traditave popullore. Zëri dhe këngët e saj mbetën të gjalla në kujtesën e tij, duke dëshmuar ndikimin e trashëgimisë familjare në formimin e ndjeshmërisë së tij muzikore.

    Rreze Kryeziu trajtoi figurën e Antonit ndërmjet koleksionimit, institucionalizimit dhe praktikës kompozicionale, ndërsa Visar Munishi u përqendrua në raportin e tij me muzikën tradicionale.

    Përmes këtyre kumtesave, figura e Lorenc Antonit u shqyrtua jo vetëm në dimensionin krijues, por edhe në atë studimor, si një personalitet që kontribuoi në dokumentimin dhe ruajtjen e trashëgimisë muzikore shqiptare.

    Tryeza shkencore, e mbajtur më 13 tetor në Institutin Albanologjik të Prishtinës, shërbeu si një rikthim te vepra dhe kujtesa e një prej figurave të rëndësishme të muzikës shqiptare, trashëgimia e të cilit vazhdon të mbetet burim studimi për brezat e rinj.

    Burimi: RTKLive

  • Abdixhiku takohet me dy senatorët amerikanë, kërkon rikthimin e dialogut strategjik me SHBA-në

    Abdixhiku takohet me dy senatorët amerikanë, kërkon rikthimin e dialogut strategjik me SHBA-në

    Abdixhiku takohet me dy senatorët amerikanë, kërkon rikthimin e dialogut strategjik me SHBA-në

    Kryetari i Lidhjes Demokratike të Kosovës (LDK), Lumir Abdixhiku, ka zhvilluar një takim me dy senatorët amerikanë, Jeanne Shaheen dhe Dick Durbin, me të cilët ka diskutuar për marrëdhëniet ndërmjet Kosovës dhe Shteteve të Bashkuara të Amerikës.

    Përmes një postimi, Abdixhiku ka bërë të ditur se gjatë takimit ka theksuar nevojën për rikthimin e dialogut strategjik me SHBA-në, duke e cilësuar forcimin e marrëdhënieve me aleatin amerikan si domosdoshmëri për Kosovën.

    Ai ka falënderuar senatorët për mbështetjen e vazhdueshme dhe kontributin e Shteteve të Bashkuara në lirinë, pavarësinë dhe shtetndërtimin e Kosovës.

    “Në takim theksova nevojën për rikthimin në Dialogun Strategjik me SHBA-në. Kosovës i duhet ta forcojë besimin dhe bashkëpunimin me aleatin e saj më të rëndësishëm. Kjo kërkon përkushtim, përgjegjësi dhe veprime konkrete”, ka shkruar Abdixhiku.

    Kreu i LDK-së ka vënë theksin te rëndësia e ruajtjes së partneritetit me Shtetet e Bashkuara, duke kërkuar angazhim konkret për forcimin e bashkëpunimit ndërmjet dy vendeve.

    Sinjali – aty ku e vërteta flet para lajmit!

    /GazetaSinjali/

    The post Abdixhiku takohet me dy senatorët amerikanë, kërkon rikthimin e dialogut strategjik me SHBA-në appeared first on Sinjali.

    Burimi: Sinjali

  • Ismaili pas konstituimit të Komisionit për Shëndetësi: Shëndetësia duhet të rikthehet në prioritetet e vendit

    Ismaili pas konstituimit të Komisionit për Shëndetësi: Shëndetësia duhet të rikthehet në prioritetet e vendit

    Ismaili pas konstituimit të Komisionit për Shëndetësi: Shëndetësia duhet të rikthehet në prioritetet e vendit

    Uran Ismaili ka bërë të ditur se është konstituuar Komisioni për Shëndetësi në Kuvendin e Kosovës, duke theksuar nevojën për më shumë vëmendje institucionale ndaj sektorit shëndetësor.

    Përmes një postimi në Facebook, Ismaili ka thënë se çdo qytetar meriton kujdes shëndetësor në kohë, të sigurt dhe cilësor, si dhe mbrojtje nga shpenzimet e larta që mbulohen nga xhepi.

    Si ish-ministër i Shëndetësisë, ai ka rikujtuar reformat që kishte nisur me pacientin në qendër, me synimin për të krijuar shërbime publike shëndetësore funksionale dhe të besueshme.

    Ismaili që do të jetë në krye të këtij Komisioni, ka vlerësuar se vëmendja institucionale ndaj shëndetësisë ka rënë, transmeton Klankosova.tv

    “Fatkeqësisht, vëmendja institucionale ndaj shëndetësisë ka rënë, ndërsa nevojat e qytetarëve mbeten të mëdha. Do të kërkoj që ajo të rikthehet ndër prioritetet e vendit, me veprime konkrete, investime të menduara mirë dhe përgjegjësi për rezultatet.

    Do të dëgjojmë pacientët dhe profesionistët shëndetësorë, do të mbikëqyrim punën e institucioneve dhe do të shtyjmë përpara zgjidhje që përmirësojnë kujdesin për qytetarët dhe kushtet e punës për ata që kujdesen për ta”, shkroi ai.

  • Mjekët në Angli bëjnë thirrje për reduktimin e kohës së kaluar para ekraneve në klasa

    Mjekët në Angli bëjnë thirrje për reduktimin e kohës së kaluar para ekraneve në klasa

    Mjekët në Angli bëjnë thirrje për reduktimin e kohës së kaluar para ekraneve në klasa

    Një grup prej më shumë se 150 mjekësh ka paralajmëruar se koha që fëmijët në Angli kalojnë para ekraneve në shkollë mund të jetë duke dëmtuar “shëndetin e tyre fizik dhe atë të zhvillimit”.

    Mjekët e përgjithshëm, pediatrit dhe specialistë të tjerë deklaruan në një letër të hapur drejtuar Sekretares së Arsimit, Lucy Powell, dhe Sekretares së Shëndetësisë, Yvette Cooper, se tabletët dhe laptopët po përdoren pa një kuptim të plotë të ndikimeve të tyre afatgjata në shëndet, përfshirë shëndetin e syve, transmeton Klankosova.tv.

    Sipas BBC, mjekët thanë se po u përshkruajnë syze, aparate dëgjimi dhe terapi të të folurit fëmijëve “për një problem që, pa dashje, po përkeqësohet në shkollat ​​tona”.

    Qeveria deklaroi se po konsultohet lidhur me udhëzimet për kohën e qëndrimit para ekranit për fëmijët e moshës 5 deri në 18 vjeç, por theksoi se teknologjia mund të jetë një mjet i fuqishëm mësimor nëse përdoret siç duhet.

    Grupi i mjekëve theksoi se pothuajse një milion fëmijë përdorin ekrane në shumicën e orëve mësimore, pavarësisht studimeve që tregojnë një rritje të rasteve të miopisë (shkurtpamësisë).

    Ata iu referuan një analize të 276 studimeve që përfshinin 5,4 milionë pjesëmarrës në mbarë botën.

    Sipas tyre, ajo analizë zbuloi një rritje të miopisë te fëmijët dhe adoleshentët – nga rreth 24% në vitin 1990 në gati 36% deri në vitin 2023 – dhe paralajmëroi se kjo gjendje lidhet me një rrezik në rritje për një sërë problemesh të shëndetit të syve.

    Shumë fëmijë tani kalojnë më shumë kohë para ekraneve në klasë sesa rekomandohet për një periudhë 24-orëshe, thuhej në letër, e cila shtonte: “Si vend, duhet të ndërgjegjësohemi tani për këtë çështje dhe të fillojmë të reduktojmë përdorimin e ekraneve në shkolla, para se dëmi të përkeqësohet më tej.”

  • Ramosaj paralajmëron investime të reja në rrugët e Deçanit (VIDEO)

    Ramosaj paralajmëron investime të reja në rrugët e Deçanit (VIDEO)

    Ramosaj paralajmëron investime të reja në rrugët e Deçanit (VIDEO)

    Kryetari i Komunës së Deçanit, Bashkim Ramosaj, ka folur sot në emisionin “Fol me Arin” për investimet e realizuara në rrugën e Gushavcit, si dhe për projektet e reja infrastrukturore që pritet të realizohen në këtë komunë.

    Ramosaj ka bërë të ditur se do të ketë punime edhe në rrugë të tjera, duke njoftuar për planet e komunës në fushën e infrastrukturës.

    Për më shumë detaje rreth investimeve dhe projekteve të reja në Deçan, ndiqni deklaratën e plotë të Ramosajt në videon e mëposhtme:

  • Policia e Kosovës në veri pajiset me dron profesional

    Policia e Kosovës në veri pajiset me dron profesional

    Policia e Kosovës në veri pajiset me dron profesional

    Sindikata e Policisë së Kosovës ka pranuar një dron profesional nga një donator, të cilin ia ka ndarë për shfrytëzim Drejtorisë Rajonale të Policisë në Mitrovicën e Veriut.

    Sipas njoftimit, donacioni synon të mbështesë aktivitetet policore dhe të rrisë kapacitetet operative, duke ndihmuar në kryerjen më efikase të detyrave zyrtare.

    Sindikata ka shprehur mirënjohje për donatorin, duke theksuar se mbetet e përkushtuar në mbështetjen e të gjitha njësive dhe zyrtarëve policorë në Kosovë.

    Sinjali – aty ku e vërteta flet para lajmit!

    /GazetaSinjali/

    The post Policia e Kosovës në veri pajiset me dron profesional appeared first on Sinjali.

    Burimi: Sinjali

  • Ligji për Specialen ende nuk ka mbërritur te Presidentja – Ja kur pritet t’i dërgohet dhe sa ditë ka për të vepruar

    Ligji për Specialen ende nuk ka mbërritur te Presidentja – Ja kur pritet t’i dërgohet dhe sa ditë ka për të vepruar

    Ligji për Specialen ende nuk ka mbërritur te Presidentja – Ja kur pritet t’i dërgohet dhe sa ditë ka për të vepruar

    Ligji për ndryshimin dhe plotësimin e Ligjit për Dhomat e Specializuara dhe Zyrën e Prokurorit të Specializuar ende nuk ka mbërritur në Presidencën e Kosovës, ndonëse është miratuar nga Kuvendi më 6 tetor.

    Sipas procedurave ligjore, dokumenti pritet t’i përcillet Presidentes Justina Shiroka-Pula pas përfundimit të afatit tetëditor për kontestimin e tij në Gjykatën Kushtetuese, i cili përfundon më 15 tetor.

    Bekim Kupina, këshilltar për media në Presidencë, ka konfirmuar se institucioni ende nuk e ka pranuar ligjin.

    “Presidenca nuk e ka pranuar ende Ligjin për Dhomat e Specializuara. Sipas procedurës, Kuvendi e dërgon te Presidentja vetëm pas mbylljes së afatit 8-ditor për kontestim në Gjykatën Kushtetuese, deri më 15 tetor. Pastaj Presidentja Justina Shiroka Pula i ka në dispozicion 8 ditë për të ndërmarrë veprime”, ka deklaruar Kupina.

    Ndryshimet ligjore janë miratuar më 6 tetor në lexim të dytë, vetëm një ditë pas miratimit në lexim të parë. Nisma është propozuar nga Partia Demokratike e Kosovës (PDK), në kohën kur proceset gjyqësore në Dhomat e Specializuara në Hagë kanë nxitur diskutime të shumta në vend.

    Ligji nuk synon shfuqizimin e Gjykatës Speciale, por ndryshimin e disa aspekteve të funksionimit të saj, duke përfshirë juridiksionin, periudhën kohore që mbulon, dënimet, vendin e ekzekutimit të tyre dhe trajtimin e rasteve që mund të mbeten jashtë kompetencës së saj.

    Kjo nismë erdhi pas aktgjykimit të 16 shtatorit ndaj ish-krerëve të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi dhe Rexhep Selimi.

    Sipas aktgjykimit të shkallës së parë, Thaçi dhe Krasniqi u dënuan me nga 25 vjet burgim, Veseli me 18 vjet, ndërsa Selimi me 13 vjet burgim për krime lufte. Të katërt u shpallën të pafajshëm për akuzat për krime kundër njerëzimit.

    Aktgjykimi nuk është i formës së prerë, ndërsa mbrojtja ka paralajmëruar ushtrimin e ankesës.

    Tashmë, hapi i radhës është përfundimi i afatit për kontestimin e ligjit në Gjykatën Kushtetuese dhe përcjellja e tij në Presidencë.

    Pas pranimit të ligjit, Presidentja do të ketë në dispozicion tetë ditë për të ndërmarrë veprimet e parapara me Kushtetutë.

    Mbetet të shihet nëse ligji do të kontestohet brenda afatit dhe kur do t’i përcillet Presidentes për veprimet e mëtejshme.

    Sinjali – aty ku e vërteta flet para lajmit!

    /GazetaSinjali/

    The post Ligji për Specialen ende nuk ka mbërritur te Presidentja – Ja kur pritet t’i dërgohet dhe sa ditë ka për të vepruar appeared first on Sinjali.

    Burimi: Sinjali

  • Haxhiu: Kuvendi do të kërkojë llogari për zbatimin e rekomandimeve të auditimit

    Haxhiu: Kuvendi do të kërkojë llogari për zbatimin e rekomandimeve të auditimit

    Përmes Facebook-ut, Haxhiu ka theksuar rëndësinë e raporteve të Zyrës Kombëtare të Auditimit në funksion të mbikëqyrjes parlamentare dhe rritjes së llogaridhënies së institucioneve publike.

    Ajo ka bërë të ditur se Kuvendi, në legjislaturën e njëmbëdhjetë, do t’i shqyrtojë me seriozitet raportet e auditimit dhe do t’u kërkojë institucioneve përgjegjëse llogari për zbatimin e rekomandimeve të dhëna.

    Haxhiu ka nënvizuar se menaxhimi i parasë publike duhet të jetë transparent dhe në shërbim të qytetarëve, të cilët kanë të drejtë të informohen se si shpenzohen të hyrat e mbledhura nga taksat.

    Sipas saj, llogaridhënia nuk është çështje vullneti, por detyrim institucional dhe një parim themelor i sundimit të ligjit.

    Burimi: RTKLive

  • Haxhiu takon Spancën, paralajmëron mbikëqyrje të raporteve të auditimit

    Haxhiu takon Spancën, paralajmëron mbikëqyrje të raporteve të auditimit

    Haxhiu takon Spancën, paralajmëron mbikëqyrje të raporteve të auditimit

    Kryetarja e Kuvendit të Kosovës, Albulena Haxhiu, ka pritur në takim auditoren e përgjithshme, Vlora Spanca, të cilën e ka përgëzuar për punën e saj dhe rizgjedhjen për një mandat të ri pesëvjeçar.

    Përmes një postimi, Haxhiu ka theksuar rëndësinë e raporteve të Zyrës Kombëtare të Auditimit për mbikëqyrjen parlamentare.

    “Raportet e Zyrës Kombëtare të Auditimit përbëjnë një bazë të rëndësishme për mbikëqyrjen parlamentare. Në legjislaturën e njëmbëdhjetë, Kuvendi do t’i shqyrtojë me seriozitet këto raporte dhe do t’u kërkojë institucioneve llogari për zbatimin e rekomandimeve të auditimit. Paraja publike u përket qytetarëve, të cilët kanë të drejtë të dinë se si shpenzohet çdo euro e mbledhur nga taksat e tyre. Llogaridhënia nuk është zgjedhje, por detyrim institucional dhe parim themelor i sundimit të ligjit”, shkroi Haxhiu./Klankosova.tv

     

  • Shqipëria drejt BE-së, Marta Kos flet për mbylljen e kapitullit të 20-të

    Shqipëria drejt BE-së, Marta Kos flet për mbylljen e kapitullit të 20-të

    Shqipëria drejt BE-së, Marta Kos flet për mbylljen e kapitullit të 20-të

    Komisionerja e Bashkimit Evropian për Zgjerim, Marta Kos, ka bërë të ditur se procesi i zgjerimit të BE-së po shënon hapa të rinj përpara, me përparime në negociatat me Malin e Zi, Shqipërinë, Ukrainën dhe Moldavinë.

    Përmes një deklarate në X, Kos njoftoi se Mali i Zi ka mbyllur edhe tre kapituj negociues, ndërsa gjatë ditës së sotme pritet të mbyllet kapitulli i 20-të me Shqipërinë dhe të hapen nga dy grupkapituj negociues me Ukrainën dhe Moldavinë, transmeton Klankosova.tv.

    Ajo theksoi se, krahas zgjerimit të Unionit, është e rëndësishme të sigurohet që BE-ja të bëhet më e fortë dhe më efektive me rritjen e numrit të anëtarëve.

    Për këtë qëllim, sipas Kos, Komisioni Evropian ka propozuar mekanizma më të fuqishëm mbrojtës për sundimin e ligjit dhe reformat që synojnë funksionimin më efektiv të Unionit.

    Kos bëri të ditur gjithashtu se vendet kandidate do të mirëpriten në Qendrën Evropiane për Reziliencën Demokratike. Ajo vlerësoi se shumë prej këtyre vendeve kanë vite që përballen me kërcënime hibride dhe se përvoja e tyre mund të ndihmojë në mbrojtjen e demokracisë në mbarë Evropën.

    “Përvoja e tyre mund të na ndihmojë ta mbrojmë demokracinë në të gjithë Evropën”, theksoi Kos.