Blog

  • Hamza në 27-vjetorin e PDK-së: Jemi forca politike me kontributin më të madh në lirinë, pavarësinë dhe shtetndërtimin e Kosovës

    Hamza në 27-vjetorin e PDK-së: Jemi forca politike me kontributin më të madh në lirinë, pavarësinë dhe shtetndërtimin e Kosovës

    Hamza në 27-vjetorin e PDK-së: Jemi forca politike me kontributin më të madh në lirinë, pavarësinë dhe shtetndërtimin e Kosovës

    Kryetari i Partisë Demokratike të Kosovës (PDK), Bedri Hamza, ka uruar 27-vjetorin e themelimit të kësaj partie, duke theksuar kontributin e saj në lirinë, pavarësinë dhe shtetndërtimin e Kosovës.

    Përmes një mesazhi, Hamza ka thënë se PDK-ja lindi në frymën e rezistencës, në një kohë kur, sipas tij, Kosovës i nevojiteshin forcë, guxim, vizion dhe përkushtim.

    Ai ka përmendur edhe ish-krerët e PDK-së, Hashim Thaçin, Kadri Veselin dhe Jakup Krasniqin, duke thënë se partia është krenare për ta.

    “Sot mbushim 27 vjet dhe përgjegjësia jonë është ta ruajmë trashëgiminë politike dhe ta vazhdojmë angazhimin për një Kosovë me më shumë zhvillim, mundësi dhe perspektivë për qytetarët e saj”, ka shkruar Hamza.

    Ai ka theksuar se PDK-ja është krenare për të kaluarën, e bashkuar në të tashmen dhe e përkushtuar për të ardhmen e brezave që vijnë.

    Në fund, Hamza ka uruar anëtarët, strukturat dhe mbështetësit e PDK-së për 27-vjetorin e themelimit.

    Sinjali – aty ku e vërteta flet para lajmit!

    /GazetaSinjali/

    The post Hamza në 27-vjetorin e PDK-së: Jemi forca politike me kontributin më të madh në lirinë, pavarësinë dhe shtetndërtimin e Kosovës appeared first on Sinjali.

    Burimi: Sinjali

  • Kosova synon të hartojë vizionin e zhvillimit hapësinor përtej vitit 2050

    Kosova synon të hartojë vizionin e zhvillimit hapësinor përtej vitit 2050

    Prishtina do të jetë nikoqire e simpoziumit ndërkombëtar “Kosovo Spatial Vision 2050”, ku ekspertë vendorë dhe ndërkombëtarë do të diskutojnë për të ardhmen e qyteteve, zonave rurale dhe territorit të Kosovës.

    Në këtë ngjarje pritet të marrin pjesë arkitektë, urbanistë, studiues, përfaqësues të institucioneve dhe ekspertë ndërkombëtarë, të cilët do të diskutojnë mënyrat se si mund të planifikohen qytetet, peizazhet dhe territori i vendit për vitin 2050 dhe më tej.

    Sipas njoftimit të ministrisë, diskutimet do të përqendrohen në planifikimin e qëndrueshëm urban dhe rural, mbrojtjen e natyrës, tranzicionin e gjelbër dhe zhvillimin e qyteteve e komuniteteve që janë më të përgatitura për t’u përballur me sfidat e së ardhmes.

    Qëllimi është që përmes planifikimit afatgjatë të krijohen kushte më të mira për zhvillim të qëndrueshëm dhe përmirësim të cilësisë së jetës për qytetarët.

    Simpoziumi organizohet në kuadër të hartimit të Planit të ri Hapësinor të Kosovës dhe avancimit të reformave në fushat e planifikimit hapësinor, ndërtimit, banimit dhe mbrojtjes së natyrës.

    Përmes kësaj nisme synohet të hapet diskutimi për drejtimin që duhet të marrë zhvillimi i territorit të Kosovës në dekadat e ardhshme, duke ndërthurur nevojat e urbanizimit me mbrojtjen e mjedisit dhe përdorimin e qëndrueshëm të hapësirës.

    Burimi: RTKLive

  • Drejtuesit e KOK-ut marrin pjesë në seminarin e 46-të të EOC-ut në Split

    Drejtuesit e KOK-ut marrin pjesë në seminarin e 46-të të EOC-ut në Split

    Milaim Kelmendi dhe Besim Aliti përfaqësuan Komitetin Olimpik të Kosovës në seminarin ku u diskutuan përgatitjet për ngjarjet e mëdha sportive të vitit 2027 dhe Lojërat Olimpike Los Angeles 2028.

    Nënpresidenti i Komitetit Olimpik të Kosovës (KOK), Milaim Kelmendi, dhe sekretari i përgjithshëm, Besim Aliti, morën pjesë në seminarin e 46-të të Komiteteve Olimpike Evropiane (EOC) dhe Forumin për Solidaritetin Olimpik, të mbajtur në Split të Kroacisë.

    Gjatë këtij seminari u prezantua ecuria e përgatitjeve për ngjarjet e rëndësishme shumësportëshe që do të zhvillohen në vitin 2027, përfshirë Lojërat Evropiane Stamboll 2027, Festivalin Olimpik Dimëror Evropian për të Rinj (EYOF) në Brasov dhe EYOF-in veror në Lignano Sabbiadoro.

    Një nga prezantimet e seminarit iu kushtua përgatitjeve për EYOF Lignano Sabbiadoro 2027, ku Besim Aliti prezantoi progresin e deritanishëm në cilësinë e kryesuesit të Komisionit Koordinues të EOC-ut për organizimin e kësaj ngjarjeje.

    Në kuadër të takimit u diskutuan edhe përgatitjet për Lojërat Olimpike Los Angeles 2028. Përfaqësuesit e Komitetit Organizativ prezantuan informacione lidhur me transportin, akomodimin, Fshatin Olimpik dhe çështje të tjera organizative që lidhen me zhvillimin e garave olimpike.

    Ndërkaq, gjatë ceremonisë gala u nda çmimi për sportistin më të mirë të ri evropian për vitin 2026, i cili iu akordua snowboardistit ukrainas Dmytro Luchkin.

    Pjesëmarrja në këtë seminar u ofroi drejtuesve të KOK-ut mundësinë për të zhvilluar takime me përfaqësues të ndryshëm të Lëvizjes Olimpike, për të shkëmbyer përvoja dhe për të diskutuar mundësi të reja bashkëpunimi.

    Takime të tilla shërbejnë si platformë për koordinimin e përgatitjeve për ngjarjet e ardhshme sportive dhe për forcimin e bashkëpunimit ndërmjet komiteteve olimpike evropiane.

    Burimi: RTKLive

  • Ministria këshillon qytetarët si ta kontrollojnë cilësinë e arit para blerjes

    Ministria këshillon qytetarët si ta kontrollojnë cilësinë e arit para blerjes

    Agjencia e Metrologjisë së Kosovës (AMK), në kuadër të Ministrisë së Industrisë, Ndërmarrësisë, Tregtisë dhe Inovacionit (MINTI), përmes laboratorit për verifikimin e metaleve të çmuara, kontrollon pastërtinë dhe cilësinë e produkteve prej ari, argjendi, platini dhe paladiumi, me qëllim të mbrojtjes së konsumatorëve dhe zbatimit të kërkesave ligjore.

    Sipas MINTI-t, qytetarët duhet të jenë të kujdesshëm gjatë blerjes së produkteve prej ari dhe argjendi, duke kërkuar garancinë dhe dokumentacionin përkatës nga shitësi. Verifikimi i pastërtisë dhe vula e cilësisë janë elemente të rëndësishme për të dëshmuar se produkti i është nënshtruar kontrollit përkatës.

    Procesi i verifikimit kryhet në bazë të Ligjit Nr. 08/L-029 për Punimet nga Metalet e Çmuara, i cili përcakton kushtet dhe kërkesat teknike për përmbajtjen, përbërjen dhe pastërtinë e këtyre metaleve. Operatorët ekonomikë janë të obliguar t’i paraqesin produktet për verifikim në AMK para vendosjes së tyre në treg.

    Procedura nis me pranimin e produkteve, matjen e tyre përmes një peshoreje të kalibruar dhe kontrollin e dokumentacionit përcjellës, përfshirë dëshmitë e prejardhjes dhe faturat përkatëse.

    Më pas, produktet analizohen me pajisje që përdorin teknologjinë me rreze X, përmes së cilës përcaktohet përbërja dhe pastërtia e metalit. Për të siguruar saktësinë e rezultateve, laboratori kryen tri matje të njëpasnjëshme për secilin produkt dhe i krahason rezultatet me kërkesat ligjore dhe standardet përkatëse.

    Në rastin e arit, kontrolli përfshin nivele të ndryshme të pastërtisë, përkatësisht 14, 18, 22 dhe 24 karatë. Çdo produkt verifikohet veçmas, ndërsa numri i punimeve që mund të paraqiten për kontroll nuk ka një kufi të përgjithshëm të përcaktuar, sipas informatave të bëra publike për këtë shërbim.

    Kur rezultatet konfirmojnë se produktet i përmbushin kërkesat teknike për pastërtinë dhe deklarimin e përbërjes, AMK përgatit raportin përkatës dhe produktet vulosen si dëshmi se i janë nënshtruar procesit të verifikimit.

    Rëndësia e këtij shërbimi pasqyrohet edhe në kërkesat e bizneseve. Vetëm gjatë vitit 2025, laboratori i AMK-së ka pranuar 470 kërkesa për verifikimin e metaleve të çmuara.

    Nga institucionet u bëhet thirrje konsumatorëve që të mos mbështeten vetëm te deklarimet e shitësit, por të kërkojnë dokumentacionin përkatës dhe të kontrollojnë shenjat e verifikimit në produkt. Këto masa synojnë të rrisin besimin në treg dhe të mbrojnë blerësit nga deklarimet e pasakta për pastërtinë e metaleve të çmuara.

    Mosrespektimi i detyrimeve ligjore nga operatorët ekonomikë mund të sjellë sanksione në përputhje me legjislacionin në fuqi.

    Burimi: RTKLive

  • AGK-ja dënon fyerjet dhe kërcënimet ndaj Fidan Jupollit

    AGK-ja dënon fyerjet dhe kërcënimet ndaj Fidan Jupollit

    Asociacioni i Gazetarëve të Kosovës ka dënuar fyerjet, etiketimet dhe kërcënimet ndaj Fidan Jupollit, autor i emisionit satiriko-politik “DPT Te Fidani”.

    Sipas AGK-së, sulmet ndaj Jupollit kanë ardhur pas komenteve dhe emisioneve që lidhen me protestën në Prishtinë për ish-krerët e UÇK-së dhe krizën rreth zgjedhjes së presidentit.

    AGK-ja ka shprehur mbështetje për Jupollin që të ndërmarrë veprime ligjore për denoncimin e sulmeve, të cilat, sipas AGK-së cenojnë edhe integritetin fizik të tij dhe të familjes së tij.

    Po ashtu, AGK-ja u ka bërë thirrje akterëve politikë dhe përkrahësve të tyre që mospajtimet rreth çështjeve me interes publik të mos i shndërrojnë në kërcënime dhe dhunë.

    “Liria e shprehjes dhe medias është e drejtë themelore e garantuar me Kushtetutën e Republikës së Kosovës”, thuhet në reagimin e AGK-së.

    Burimi: Dukagjini

  • AGK-ja dënon etiketimin dhe kërcënimet ndaj Fidan Jupollit

    AGK-ja dënon etiketimin dhe kërcënimet ndaj Fidan Jupollit

    AGK-ja dënon etiketimin dhe kërcënimet ndaj Fidan Jupollit

    Asociacioni i Gazetarëve të Kosovës ka dënuar fyerjet, etiketimet dhe kërcënimet ndaj Fidan Jupollit, autorit të emisionit satiriko-politik “DPT te Fidani” në Klan Kosova.

    Përmes një reagimi publik, AGK-ja ka shprehur shqetësimin e thellë për sulmet ndaj gazetarit, të cilat, sipas këtij asociacioni, kanë pasuar komentet dhe emisionet që lidhen me protestën në Prishtinë në mbështetje të ish-krerëve të UÇK-së, si dhe me krizën politike rreth zgjedhjes së presidentit.

    “Asociacioni i Gazetarëve të Kosovës është thellësisht i shqetësuar me një sërë fyerjesh, sulmesh dhe kërcënimesh ndaj Fidan Jupollit, autor i emisionit satiriko-politik në Klan Kosova, DPT Te Fidani”, thuhet në reagimin e AGK-së.

    “Këto sulme po ndodhin pas komenteve dhe emisioneve që lidhen me protestën për ish-krerët e UÇK-së në Prishtinë dhe krizën rreth zgjedhjes së Presidentit”.

    “AGK-ja i dënon fuqishëm këto etiketime dhe e përkrah kolegun Jupolli në ndërmarrjen e veprimeve ligjore për të denoncuar sulmet në drejtim të tij, të cilat e cenojnë edhe integritetin fizik të tij dhe të familjes së tij”.

    AGK-ja ka ftuar “akterët politikë dhe përkrahësit e tyre që mospajtimet për çështjet e diskutimit të interesit publik të mos i kalojnë në kërcënime dhe dhunë”.

  • Pesë mënyra për t’i larguar fëmijët nga ushqimi i shpejtë dhe për t’i nxitur të ushqehen shëndetshëm

    Pesë mënyra për t’i larguar fëmijët nga ushqimi i shpejtë dhe për t’i nxitur të ushqehen shëndetshëm

    Pesë mënyra për t’i larguar fëmijët nga ushqimi i shpejtë dhe për t’i nxitur të ushqehen shëndetshëm

    Konsumimi i ushqimit të shpejtë dhe produkteve shumë të përpunuara mund të ndikojë negativisht në shëndetin e fëmijëve, duke rritur rrezikun për mbipeshë dhe probleme të tjera shëndetësore që mund të shfaqen që në moshë të hershme, përfshirë diabetin, tensionin e lartë të gjakut dhe kolesterolin e lartë.

    Për t’i ndihmuar fëmijët të krijojnë zakone më të shëndetshme të të ushqyerit, dietologët dhe psikologët këshillojnë disa mënyra që prindërit mund t’i zbatojnë në përditshmëri, raporton India.com.

    1. Prindërit të jenë shembull i të ushqyerit shëndetshëm

    Gjithçka fillon në shtëpi dhe me zakonet që kanë prindërit. Për këtë arsye, këshillohet që ata të zgjedhin ushqime me vlera të mira ushqyese dhe t’i përgatisin ato në shtëpi.

    Po ashtu, prindërit duhet t’ua shpjegojnë fëmijëve përfitimet që sjell ushqimi i shëndetshëm, në mënyrë që ata të kuptojnë rëndësinë e zgjedhjeve të duhura ushqimore.

    1. T’ua kufizojnë qasjen në ushqimin e shpejtë

    Një mënyrë tjetër për të shmangur konsumimin e tepërt të ushqimit të shpejtë është kufizimi i ekspozimit ndaj tij. Psikologët këshillojnë që prindërit të shmangin sa të jetë e mundur frekuentimin e vendeve ku përgatitet ky lloj ushqimi.

    Gjithashtu, në shtëpi duhet të kufizohet blerja e produkteve të pashëndetshme që fëmijët mund t’i marrin lehtësisht nga dollapët ose frigoriferi. Në mesin e tyre përfshihen pijet me sheqer të shtuar, biskotat e paketuara, bonbonet dhe lëpirëset.

    1. Ta bëjnë kohën e vakteve më argëtuese

    Mëngjesi, dreka dhe darka duhet të jenë vakte që ngjallin interesin e fëmijëve. Për ta arritur këtë, prindërit mund t’i përfshijnë ata në përzgjedhjen e ushqimeve, qoftë te pemëshitësi apo gjatë blerjeve në dyqane.

    Në këtë mënyrë, fëmijët mund të mësojnë më shumë për rëndësinë e përbërësve të shëndetshëm dhe të bëhen më të interesuar për ushqimet që përgatisin së bashku me prindërit.

    1. T’i nxisin të merren me aktivitete fizike

    Përfshirja në aktivitete të ndryshme fizike është një tjetër mënyrë për të nxitur një stil të shëndetshëm jetese te fëmijët. Përveç sporteve, aktivitete të dobishme mund të jenë edhe ecja në mal dhe çiklizmi.

    Aktiviteti fizik ndihmon në shpenzimin e energjisë së tepërt dhe, njëkohësisht, krijon zakone që mund t’i shoqërojnë fëmijët edhe në të ardhmen.

    1. T’ua kufizojnë kohën para pajisjeve elektronike

    Qëndrimi për një kohë të gjatë ulur para pajisjeve elektronike dhe përdorimi i tyre gjatë vakteve mund të ndikojnë negativisht në zakonet e të ushqyerit të fëmijëve.

    Sipas këshillave të përmendura, kjo është veçanërisht e rëndësishme për fëmijët mbi pesë vjeç, të cilët janë më të vetëdijshëm dhe mund t’i kuptojnë më lehtë shpjegimet e thjeshta rreth ushqyerjes së shëndetshme.

    Kur shikojnë video në pajisjet elektronike gjatë ngrënies, fëmijët mund të mos përqendrohen te ushqimi dhe të konsumojnë më shumë produkte të pashëndetshme.

    Për këtë arsye, prindërit këshillohen të krijojnë një ambient të qetë gjatë vakteve, ku fëmijët mund të përqendrohen te ushqimi dhe të zhvillojnë zakone më të mira të të ngrënit.

    Sinjali – aty ku e vërteta flet para lajmit!

    /GazetaSinjali/

    The post Pesë mënyra për t’i larguar fëmijët nga ushqimi i shpejtë dhe për t’i nxitur të ushqehen shëndetshëm appeared first on Sinjali.

    Burimi: Sinjali

  • Ekstradohet nga Gjermania kosovari i kërkuar me letër rreshtim ndërkombëtar

    Ekstradohet nga Gjermania kosovari i kërkuar me letër rreshtim ndërkombëtar

    Ekstradohet nga Gjermania kosovari i kërkuar me letër rreshtim ndërkombëtar

    Policia e Kosovës, Drejtoria për Bashkëpunim Ndërkombëtar Policor, të premten ka bërë ekstradimin e shtetasit kosovar Sh.H., nga Gjermania për në Kosovë në koordinim dhe bashkëpunim me njësitet tjera relevante të PK-së dhe institucionet e drejtësisë.

    Sipas njoftimit, ai ka qenë i kërkuar përmes Interpol-it në lidhje veprën penale të shitblerjes së drogës.

    “I dyshuari ishte arrestuar nga autoritetet gjermane pasi që i njëjti kërkohej përmes INTERPOL-it me letër rreshtim ndërkombëtar lëshuar nga institucionet e drejtësisë së Kosovës, për veprën penale ‘Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge…’”, kanë thënë Policia.

    I dyshuari pas ekstradimit u është dorëzuar njësiteve përkatëse të policisë rajoni i Prishtinës për vazhdim me procedurat tjera ligjore. /Klankosova.tv

  • Një nga kroatët më të talentuar që nuk veshi kurrë fanellën e Kroacisë

    Një nga kroatët më të talentuar që nuk veshi kurrë fanellën e Kroacisë

    Një nga kroatët më të talentuar që nuk veshi kurrë fanellën e Kroacisë

    Mark Viduka, i lindur më 9 tetor 1975 në Melbourne të Australisë, është një ish-futbollist profesionist që la gjurmë në futbollin evropian, veçanërisht në Ligën Premier angleze, si dhe në ekipin kombëtar të Australisë.

    Viduka vjen nga një familje me prejardhje kroate. Babai i tij, Joe, emigroi nga Kroacia në Australi gjatë viteve ’60.

    Ai e nisi rrugëtimin në futboll në klubin Melbourne Croatia, i cili më vonë u bë i njohur si Melbourne Knights. Viduka luajti për këtë skuadër që nga mosha gjashtëvjeçare dhe, gjatë karrierës së tij si senior, fitoi dy herë Medaljen Johnny Warren, çmim që i ndahet futbollistit më të mirë të ligës australiane.

    Në moshën 19-vjeçare, ai u transferua te Dinamo Zagreb, e njohur në atë kohë si Croatia Zagreb. Transferimi ndodhi gjatë një periudhe të trazuar politikisht në Kroaci, kur klubi drejtohej nga Zlatko Canjuga dhe Franjo Tuđman.

    Viduka qëndroi tre sezone e gjysmë te Dinamo, ku fitoi tri herë titullin e kampionit dhe tri herë kupën vendase. Gjatë kësaj periudhe, ai shënoi 40 gola në 84 paraqitje.

    Ai kishte debutuar me përfaqësuesen e Australisë një vit para transferimit në Kroaci, prandaj nuk pati mundësi të luante për ekipin kombëtar kroat.

    Suksesi në futbollin evropian

    Pas aventurës në Kroaci, Viduka vazhdoi karrierën te Celtic, Leeds United, Middlesbrough dhe Newcastle United.

    Me Celticun, ai fitoi Kupën e Ligës dhe u shpall lojtari i vitit në ligën skoceze në vitin 2000. Megjithatë, periudhën më të spikatur të karrierës e pati te Leeds United, ku shënoi 59 gola në 130 paraqitje, duke u afirmuar si njëri nga sulmuesit më të njohur të Ligës Premier.

    Në total, gjatë karrierës së tij në kampionatin elitar anglez, Viduka shënoi 92 gola në 240 paraqitje.

    Ai ishte gjithashtu kapiten i përfaqësueses së Australisë dhe e udhëhoqi ekipin në Kupën e Botës 2006 në Gjermani. Australia arriti deri në fazën e 1/8 së finales, një sukses i rëndësishëm për futbollin australian.

    Viduka zhvilloi 43 ndeshje me përfaqësuesen australiane, duke shënuar 21 gola.

    Nga fushat e futbollit te jeta e qetë në Zagreb

    Pas tërheqjes nga futbolli profesionist në vitin 2009, Viduka zgjodhi të jetonte larg vëmendjes së madhe mediatike. Ai u vendos në Zagreb të Kroacisë, ku, sipas raportimeve, drejton një kafene.

    Ish-sulmuesi, i cili dikur ishte pjesë e futbollit elitar evropian dhe një nga emrat kryesorë të përfaqësueses australiane, tashmë bën një jetë më të qetë, ndërsa herë pas here viziton familjen e tij në Australi.

    Sinjali – aty ku e vërteta flet para lajmit!

    /GazetaSinjali/

    The post Një nga kroatët më të talentuar që nuk veshi kurrë fanellën e Kroacisë appeared first on Sinjali.

    Burimi: Sinjali

  • Arrestohet 15-vjeçari në Shkodër, kapet me dhjetëra doza kanabisi pranë një shkolle

    Arrestohet 15-vjeçari në Shkodër, kapet me dhjetëra doza kanabisi pranë një shkolle

    Arrestohet 15-vjeçari në Shkodër, kapet me dhjetëra doza kanabisi pranë një shkolle

    Një 15-vjeçar është arrestuar nga Policia e Shkodrës, pasi është kapur pranë një shkolle në lagjen “Vasil Shanto”, me dhjetëra doza të dyshuara si lëndë narkotike e llojit Cannabis Sativa, të cilat dyshohet se i posedonte me qëllim shitjen.

    Arrestimi u krye nga specialistët e Sektorit për Hetimin e Narkotikëve, në bashkëpunim me shërbimet e Komisariatit të Policisë Shkodër, në kuadër të operacionit të koduar “Shkolla të Pastra”.

    Sipas njoftimit të policisë, i mituri, banues në Shkodër, u kap në flagrancë pranë institucionit arsimor. Gjatë kontrollit fizik dhe më pas në banesën e tij, policia gjeti dhe sekuestroi dhjetëra doza të dyshuara kanabisi.

    Lënda e dyshuar narkotike u sekuestrua në cilësinë e provës materiale, ndërsa 15-vjeçari dyshohet se e posedonte me qëllim shitjen.

    Materialet procedurale për rastin i janë referuar Prokurorisë pranë Gjykatës së Juridiksionit të Përgjithshëm Shkodër, për vijimin e hetimeve dhe veprimeve të mëtejshme procedurale.

    Sinjali – aty ku e vërteta flet para lajmit!

    /GazetaSinjali/

    The post Arrestohet 15-vjeçari në Shkodër, kapet me dhjetëra doza kanabisi pranë një shkolle appeared first on Sinjali.

    Burimi: Sinjali