Blog

  • Këto 5 modele xhaketash po dominojnë vjeshtën: Nga lëkura te stili ushtarak

    Këto 5 modele xhaketash po dominojnë vjeshtën: Nga lëkura te stili ushtarak

    Vera tashmë ka mbetur pas nesh dhe kujtimet për të i zëvendësojmë dalëngadalë me përshtatjen ndaj sezonit të ri të modës

    Mbrëmjet janë të freskëta, mëngjeset edhe më të ftohta, ndaj xhaketat dhe pardesytë janë kthyer në pjesë të domosdoshme të veshjes së përditshme. Te pardesytë nuk ka ndryshime të mëdha, sepse modelet klasike vazhdojnë të jenë ndër më të preferuarat. Por te xhaketat këtë sezon ka shumë më tepër risi.

    Këto janë pesë modelet që pritet të dominojnë gjatë sezonit vjeshtë-dimër.

    Xhaketat prej lëkure

    Vjeshta tradicionalisht konsiderohet sezoni i xhaketave prej lëkure, prandaj rikthimi i tyre nuk përbën surprizë. Megjithatë, këtë herë oferta është shumë më e larmishme, si në prerje, ashtu edhe në forma.

    Profimedia

    Modelet më të gjera vazhdojnë të mbeten në modë, ndërsa xhaketat e frymëzuara nga stili klasik po përshtaten me silueta më moderne. Ato mund të kombinohen lehtë si me xhinse dhe çizme, ashtu edhe me funde apo fustane.

    Xhaketat në nuanca të gjelbra

    Këtë sezon vëmendjen e marrin sidomos nuancat e gjelbra ulliri. Ato janë ndër ngjyrat më të forta të vjeshtës dhe shfaqen në modele sportive, xhaketa të shkurtra dhe variante më elegante.

    Profimedia

    Avantazhi i tyre është se kombinohen lehtë me të zezën, bezhën, të bardhën, ngjyrat e tokës dhe xhinset, duke i bërë shumë praktike për veshjen e përditshme.

    Xhaketat me frymëzim ushtarak

    Në koleksionet e shumë markave tashmë dallohen qartë xhaketat me frymëzim ushtarak. Modelet me kopsa dekorative, prerje të strukturuara dhe detaje që të kujtojnë uniformat po rikthehen fuqishëm.

    Profimedia

    Veçanërisht të pranishme janë të ashtuquajturat xhaketa “napoleonike”, të cilat sjellin një pamje më dramatike dhe elegante. Ato kombinohen mirë me pantallona të thjeshta, çizme ose funde minimaliste, duke e lënë xhaketën të jetë elementi kryesor i veshjes.

    Modelet me motive kafshësh

    Motivet e kafshëve këtë sezon janë zhvendosur edhe te veshjet e jashtme. Leopardi dhe motivi i gjarprit mbeten zgjedhje të sigurta për ata që duan një xhaketë që bie në sy.

    Profimedia

    Për një efekt edhe më të fortë vizual, mund të zgjidhen motive zebre ose printime që imitojnë lëkurën e lopës. Këto modele janë ideale për ata që duan që xhaketa të jetë pika kryesore e gjithë kombinimit.

    Xhaketat me jakë të lartë

    Modelet me jakë të lartë nisën të fitonin popullaritet që sezonin e kaluar dhe këtë vjeshtë po vazhdojnë të jenë ndër zgjedhjet më të kërkuara.

    Përveçse krijojnë një siluetë elegante, ato kanë edhe avantazhin praktik të mbrojtjes nga të ftohtit dhe era. Mund të gjenden si në modele sportive, ashtu edhe në variante më elegante, ndaj përshtaten lehtë me stile të ndryshme.

    Nëse po mendoni të rifreskoni gardërobën këtë sezon, këto pesë modele janë ndër ato që pritet të shihen më shpesh në rrugë dhe në koleksionet e markave të njohura. /Telegrafi/

  • Nëse keni lindur në këto data, besohet se engjëlli kujdestar ju dërgon shenja në momentet vendimtare

    Nëse keni lindur në këto data, besohet se engjëlli kujdestar ju dërgon shenja në momentet vendimtare

    A ju ka ndodhur ndonjëherë ta ndryshoni një vendim në çastin e fundit, t’i besoni një ndjenje të brendshme dhe më pas të kuptoni se keni bërë zgjedhjen e duhur?

    Sipas disa interpretimeve astrologjike dhe shpirtërore, momente të tilla nuk konsiderohen gjithmonë rastësi. Besohet se disa njerëz kanë intuitë më të theksuar dhe se data e lindjes mund të tregojë mënyrën se si i perceptojnë sinjalet e brendshme.

    Sipas këtyre besimeve, paralajmërimet mund të shfaqen përmes parandjenjave, ëndrrave, rastësive të pazakonta ose thjesht një ndjesie të fortë se në një moment të caktuar duhet të ndalemi dhe të mendojmë edhe një herë.

    Veçanërisht përmenden personat e lindur më 14, 16 dhe 24 të çdo muaji, për të cilët thuhet se kanë një lidhje të veçantë simbolike me engjëllin e tyre kujdestar.

    Të lindurit më 14: Intuita ju orienton drejt rrugës së duhur

    Për njerëzit e lindur më 14 të muajit thuhet se kanë intuitë të zhvilluar, e cila mund t’i ndihmojë të gjejnë një rrugëdalje edhe atëherë kur duket se të gjitha mundësitë janë shteruar.

    Zgjidhja shpesh mund t’u vijë papritur, pa analiza të gjata, ndërsa një ndjenjë e brendshme i shtyn drejt një vendimi që më vonë rezulton i dobishëm.

    Sipas interpretimeve shpirtërore, engjëlli kujdestar i këtyre personave nuk dërgon paralajmërime dramatike, por sinjale të vogla që mund të kalojnë lehtësisht pa u vënë re në rrëmujën e përditshme. Mund të jetë një vendim i papritur për të ndryshuar rrugën, për ta shtyrë një plan ose thjesht ndjesia se një situatë e caktuar duhet shmangur.

    Forca e tyre konsiderohet pikërisht aftësia për ta dëgjuar zërin e brendshëm edhe kur nuk i kanë të gjitha përgjigjet.

    Këshillë për të lindurit më 14: Ndani çdo mëngjes disa minuta për qetësi, pa telefon, lajme apo angazhime. Një fillim i qetë i ditës mund t’ju ndihmojë t’i kuptoni më mirë mendimet dhe vendimet tuaja.

    foto: erika8213

    Të lindurit më 16: Shenjat i gjeni në ëndrra dhe rastësi

    Për personat e lindur më 16 thuhet se janë veçanërisht të ndjeshëm ndaj simboleve, ëndrrave dhe përkimeve të pazakonta.

    Në besimet shpirtërore, mendohet se mesazhet mund të shfaqen përmes një ëndrre që mbetet gjatë në kujtesë, një fjalie të dëgjuar rastësisht ose një situate që na shtyn ta shohim ndryshe një çështje të rëndësishme.

    Ndonjëherë përgjigjja ndaj një dileme mund të shfaqet pikërisht kur ndalojmë së kërkuari me ngulm. Një ëndërr mund të na bëjë të mendojmë për diçka që e kemi lënë pas dore, ndërsa një bisedë e papritur mund të na ofrojë një këndvështrim të ri.

    Pikërisht për këtë arsye, besohet se të lindurit më 16 duhet t’u kushtojnë më shumë vëmendje përjetimeve të tyre të brendshme. Megjithatë, ëndrrat, simbolet dhe rastësitë është më mirë të shihen si shtysë për reflektim, jo si parashikime të sigurta të së ardhmes.

    Këshillë për të lindurit më 16: Mbani pranë shtratit një fletore dhe shënoni ëndrrat ose mendimet që ju duken të rëndësishme. Kur t’i lexoni më vonë, mund t’i dalloni më qartë shqetësimet, dëshirat dhe modelet tuaja të të menduarit.

    Të lindurit më 24: Prania juaj sjell qetësi

    Sipas këtij interpretimi shpirtëror, njerëzit e lindur më 24 të muajit kanë një prirje të veçantë për të krijuar ekuilibër mes njerëzve.

    Prania e tyre mund ta qetësojë një situatë të tensionuar, ndërsa aftësia për t’i dëgjuar palët e ndryshme shpesh bën që të tjerët t’u drejtohen për këshillë.

    Nëse keni lindur më 24, mund të ndodhë shpesh të gjendeni në rolin e ndërmjetësuesit në mosmarrëveshje familjare, të jeni mbështetje për miqtë në periudha të vështira ose personi që arrin ta zbusë një konflikt në punë.

    Nuk është e nevojshme gjithmonë të flisni shumë për t’u dhënë të tjerëve ndjesinë e sigurisë. Në simbolikën e engjëllit kujdestar, mbrojtja e personave të lindur më 24 lidhet me harmoninë, durimin dhe aftësinë për të parë anën e mirë te të tjerët.

    Megjithatë, kjo nuk do të thotë se duhet të merrni mbi vete problemet e të gjithëve. Të ndihmosh nuk nënkupton të sakrifikosh vazhdimisht qetësinë personale.

    Këshillë për të lindurit më 24: Kushtojuni aktiviteteve krijuese që ju japin kënaqësi. Gatimi, kujdesi për lulet, piktura apo një hobi tjetër mund t’ju ndihmojnë të çlodheni dhe të ruani ekuilibrin e brendshëm. /Telegrafi/

  • “Jo në emrin tim”, shqiptarët protestojnë sot në Bonn të Gjermanisë kundër aktgjykimit ndaj ish-krerëve të UÇK-së

    “Jo në emrin tim”, shqiptarët protestojnë sot në Bonn të Gjermanisë kundër aktgjykimit ndaj ish-krerëve të UÇK-së

    “Jo në emrin tim”, shqiptarët protestojnë sot në Bonn të Gjermanisë kundër aktgjykimit ndaj ish-krerëve të UÇK-së

    Sot pritet të mbahet një protestë në Bonn të Gjermanisë, në kundërshtim me aktgjykimin e shkallës së parë ndaj ish-krerëve të UÇK-së nga Dhomat e Specializuara të Kosovës në Hagë.

    Protesta siç njoftoi platforma “Liria ka Emër”, do të nisë në orën 19:00, me moton “Jo në emrin tim”.

    “Bonn, Gjermani – bashkë! Drejtësi për çlirimtarët!”, thuhet në njoftim

    Sinjali – aty ku e vërteta flet para lajmit!

    /GazetaSinjali/

    The post “Jo në emrin tim”, shqiptarët protestojnë sot në Bonn të Gjermanisë kundër aktgjykimit ndaj ish-krerëve të UÇK-së appeared first on Sinjali.

    Burimi: Sinjali

  • Lufta në Ukrainë përshkallëzohet, rriten tensionet ushtarake dhe diplomatike

    Lufta në Ukrainë përshkallëzohet, rriten tensionet ushtarake dhe diplomatike

    Kryetari i Bashkisë së Kievit, Vitali Klitschko, u ka këshilluar banorëve që kanë miq ose familjarë jashtë kryeqytetit të shqyrtojnë mundësinë e zhvendosjes së përkohshme, në përgjigje të rritjes së sulmeve ruse.

    “Çdo ditë ka raportime të reja për ndërtesa të shkatërruara, njerëz të plagosur ose të vrarë, ndërsa bombardimet ndaj qytetit tonë po intensifikohen. Sot bëhet fjalë për mbijetesë”, ka deklaruar Klitschko.

    Ai ka theksuar se nuk po kërkon evakuimin e plotë të Kievit, duke argumentuar se një skenar i tillë do të ishte në interes të presidentit rus, Vladimir Putin.

    Autoritetet e kryeqytetit po përgatiten për dimrin, duke siguruar burime alternative të ngrohjes dhe duke krijuar rezerva karburanti, ushqimi dhe uji të pijshëm. Klitschko ka paralajmëruar se dëmtimi i infrastrukturës së furnizimit me ujë mund të shkaktojë një krizë të rëndë humanitare.

    Presidenti i Këshillit Evropian, Antonio Costa, ka bërë të ditur se e ka ftuar presidentin ukrainas, Volodymyr Zelensky, të marrë pjesë personalisht në takimin e ardhshëm të Këshillit Evropian, për të diskutuar situatën në Ukrainë.

    Costa ka thënë se me Zelenskyn ka diskutuar edhe përparimin e Ukrainës drejt anëtarësimit në Bashkimin Evropian.

    “Ne mezi presim hapjen e dy grupeve negociuese javën e ardhshme dhe të gjitha grupeve të mbetura deri në fund të vitit”, ka deklaruar ai.

    Sipas Costas, intensifikimi i sulmeve ruse ndaj Ukrainës, përfshirë objektivat civile, si dhe aktivitetet hibride kundër vendeve anëtare të BE-së, dëshmojnë se Moska nuk është vërtet e interesuar për negociatat e paqes.

    “BE-ja do të vazhdojë ta mbështesë Ukrainën derisa të arrihet një paqe e drejtë dhe e qëndrueshme. Është koha që Rusia t’i japë fund luftës së saj”, ka theksuar Costa.

    Sulme me viktima dhe dëme infrastrukturore

    Ushtria ruse ka vazhduar sulmet në disa pjesë të Ukrainës. Në Kramatorsk, një sulm në një rrugë ku po kalonin dy autobusë ka shkaktuar 33 viktima dhe 18 të plagosur. Ndërkaq, në Kiev, sulmet ruse kanë lënë të vrarë të paktën tre persona dhe të plagosur 14 të tjerë.

    Forcat ukrainase janë kundërpërgjigjur me sulme në territorin rus. Pas një sulmi me dronë ukrainasë, një zjarr ka shpërthyer në qendrën e të dhënave të kompanisë Yandex, në rajonin e Ryazanit. Kompania ka njoftuar se nuk ka pasur të lënduar, por një pjesë e infrastrukturës është dëmtuar.

    Delegacioni negociator ukrainas ndodhet në Shtetet e Bashkuara, ku pritet të takohet me të dërguarin amerikan Steve Witkoff dhe Jared Kushner. Në agjendë janë përshpejtimi i ndihmës financiare për Ukrainën dhe forcimi i mbrojtjes ajrore.

    Nga ana tjetër, Moska ka deklaruar se aktualisht nuk ka plane për rifillimin e negociatave trepalëshe me Shtetet e Bashkuara dhe Ukrainën për përfundimin e luftës.

    Sekretari amerikan i Shtetit, Marco Rubio, ka vlerësuar se konflikti ndodhet në një ngërç të rrezikshëm, duke paralajmëruar se përshkallëzimi mund të shndërrohet në një konflikt rajonal shumë më të gjerë.

    Ndërkohë, NATO ka riafirmuar mbështetjen për Ukrainën, duke theksuar se aktivitetet hibride të Rusisë po e forcojnë solidaritetin e aleatëve me Kievin.

    Në zhvillimet diplomatike, Koreja e Jugut ka vendosur të tërheqë ambasadorin e saj nga Ukraina, pas një mosmarrëveshjeje me Kievin lidhur me publikimin e informacioneve për të burgosurit e luftës nga Koreja e Veriut.

    Luftimet dhe sulmet ndaj infrastrukturës vazhdojnë, ndërsa Ukraina kërkon mbështetje shtesë ushtarake dhe financiare nga partnerët perëndimorë, në një kohë kur perspektiva e rifillimit të negociatave të paqes mbetet e pasigurt.

    Burimi: RTKLive

  • Shtohen rastet: Çka po gjen policia në fshatrat e thella në veri të vendit? (VIDEO)

    Shtohen rastet: Çka po gjen policia në fshatrat e thella në veri të vendit? (VIDEO)

    Shtohen rastet: Çka po gjen policia në fshatrat e thella në veri të vendit? (VIDEO)

    Gjatë ditës së enjte u bë e ditur se një AK-47, 119 fishekë dhe pajisje ushtarake janë gjetur në një shtëpi të pabanuar në Dren të Leposaviqit.

    Gazetari korrespodent i Klan Kosova, Urall Boshnjaku në emisionin “Ora Shtatë” tha se nuk dihet nëse ky armatim është pas rastit “Banjska” apo para tij, transmeton Klankosova.tv.

    Pos tjerash, Boshnjaku shpjegoi se në fshatra të thella të veriut të vendit vazhdimisht po gjendet armatim.

    “Në Republikën e Kosovës dyshohet se është futur pas luftës”, tha ai ndër të tjera.

  • “Kush je ti bre me u konsultu me ty?”, Limaj i ashpër me Dhomat e Specializuara për Ligjin për Specialen

    “Kush je ti bre me u konsultu me ty?”, Limaj i ashpër me Dhomat e Specializuara për Ligjin për Specialen

    “Kush je ti bre me u konsultu me ty?”, Limaj i ashpër me Dhomat e Specializuara për Ligjin për Specialen

    Kryetari i Nismës Socialdemokrate, Fatmir Limaj, ka komentuar miratimin e Projektligjit për ndryshimin e Ligjit për Dhomat e Specializuara, duke thënë se, pavarësisht presioneve dhe tentimeve për kontestim, ai beson se ligji nuk mund të rrëzohet.

    Duke folur mbrëmë në emisionin “Rubikon” në Klan Kosova, Limaj deklaroi se beteja lidhur me këtë çështje ka filluar dhe se, sipas tij, Gjykata e Specializuar nuk ka kompetenca për të ushtruar kontroll mbi Kuvendin e Kosovës, transmeton Klankosova.tv.

    “Kush e rrëzon? Vullnetin tonë, të 90 vetave a? Kush e rrëzon? Ndërro marrëveshjen. Edhe një herë, Gjykata e Hagës ka kompetenca lëndore, pikë. Juridiksion lëndor. Nuk ka kontroll mbi Parlamentin e Kosovës dhe kurrë Parlamenti i Kosovës nuk duhet me ia dhanë”, u shpreh Limaj.

    Ai gjithashtu kritikoi ata që, sipas tij, kanë kërkuar krijimin e Gjykatës Speciale, duke thënë se argumentet politike dhe juridike janë në anën e Kosovës.

    “Sa i përket pjesës politike, asnjë të drejtë më politike, morale, atyre që na kanë kërkuar me bë Gjykatën nuk iu kanë mbetur. Ata e dinë çka ka ndodhë. Nuk kanë gjë që ata nuk kanë thënë, e që kemi rënë në lajthitje. Krejt argumentet politike dhe juridike janë në anën tonë. Kosova duhet të zotohet për ta ruajtur drejtësinë”, deklaroi ai.

    Limaj kritikoi edhe qëndrimet e përfaqësuesve të Dhomave të Specializuara, duke e cilësuar si arrogancë mënyrën se si, sipas tij, është trajtuar çështja e konsultimit për Ligjin me institucionet e Kosovës.

    “Këtu ka arrogancë, për çka me të konsultu, kush je ti me u konsultu me ty? Kush je ti bre? Na të kemi kriju”, tha Limaj.

  • Vaksina e re kundër virusit Ebola hyn në fazën e provave klinike në Afrikë

    Vaksina e re kundër virusit Ebola hyn në fazën e provave klinike në Afrikë

    Vaksina e re kundër virusit Ebola hyn në fazën e provave klinike në Afrikë

    Vaksina kandidate kundër virusit Ebola të llojit Bundibugyo po i nënshtrohet një faze të re të provave klinike në Ugandë, tha të enjten një zyrtar i Qendrave të Afrikës për Kontrollin dhe Parandalimin e Sëmundjeve (Africa CDC), ndërsa vazhdojnë përpjekjet për të frenuar shpërthimin e epidemisë në Republikën Demokratike të Kongos (RDK).

    Provat klinike të fazës Ib për vaksinën ChAdOx1, të zhvilluar nga Universiteti i Oksfordit, nisën në Ugandë më 6 tetor, tha Wessam Mankoula në një konferencë virtuale për media.

    Mankoula, drejtues i ekipit kontinental për mbështetjen e menaxhimit të incidentit në kuadër të reagimit ndaj Ebolës, tha se provat e fazës Ia nisën në Britani në korrik.

    Ai tha se një vaksinë tjetër kandidate, e zhvilluar nga kompania Moderna, ka marrë së fundmi miratimin etik për provat e fazës Ib në Ugandë, pasi provat e fazës Ia nisën në Kanada në gusht.

    Sipas përditësimit të fundit të Ministrisë së Shëndetësisë, në Kongo janë regjistruar 8.728 raste të konfirmuara me Ebola, përfshirë 4.205 viktima, që nga shpallja e epidemisë në maj.

    Epidemia e fundit ka prekur shtatë provinca: Haut-Uele, Ituri, Kivu Verior, Kivu Jugor, Bas-Uele, Tshopo dhe Sud-Ubangi.

    Kenia raportoi këtë javë rastin e parë të importuar, që përfshinte një pacient i cili vdiq pasi kishte udhëtuar nga Kongoja.

    Epidemia aktuale është shkaktuar nga virusi Ebola i llojit Bundibugyo, për të cilin nuk është miratuar asnjë vaksinë apo trajtim.

    Në gusht, Kongos iu ndanë 70.000 doza të vaksinës Ervebo nga stoku global i vaksinave kundër sëmundjes së virusit Ebola, për t’u përdorur gjatë epidemisë aktuale. Kjo vaksinë është miratuar për përdorim kundër virusit Ebola të llojit Zaire.

    Deri më tani janë vaksinuar më shumë se 7.700 punonjës shëndetësorë dhe punonjës të tjerë në vijën e parë të reagimit, tha Mankoula, shkruan abcnews.al.

    Në gusht, Koalicioni për Inovacione në Gatishmërinë ndaj Epidemive (CEPI) njoftoi një partneritet prej 16,5 milionë dollarësh me kompaninë afrikane biofarmaceutike Minapharm Group për zhvillimin e një vaksine kandidate kundër virusit Bundibugyo.

    Sinjali – aty ku e vërteta flet para lajmit!

    /GazetaSinjali/

    The post Vaksina e re kundër virusit Ebola hyn në fazën e provave klinike në Afrikë appeared first on Sinjali.

    Burimi: Sinjali

  • Miratohet me 85 vota pro ndarja e re territoriale, 46 bashki dhe 71 qytete

    Miratohet me 85 vota pro ndarja e re territoriale, 46 bashki dhe 71 qytete

    Pas një seance maratonë, Kuvendi miratoi me 85 vota pro ndarjen e re territoriale, e cila parashikon reduktimin e numrit të bashkive nga 61 në 46 bashki, ndërsa 12 qarqet ekzistuese do të mbeten të pandryshuara.

    Votimi në parim mori 84 vota pro, 34 kundër dhe asnjë abstenim.

    Para se të kalohej në votim, deputeti demokrat, Tritan Shehu kërkoi me propozim të 7 deputetëve që projektligji të kalonte me votim nominal. Ai argumentoi se kërkesa siguron transparencë.

    Kreu i Kuvendit e kaloi në votim propozimin gjë që u hodh poshtë me 84 vota kundër e 32 vota pro.

    Më pas seanca kaloi në proces votimi mes protestave të deputetëve demokratë. Ata dolën para foltores dhe krijuan zhurma me vuvuzela në shenjë mosdakordësie me miratimin e reformës territoriale. Po ashtu, deputetët e PD-së hodhën edhe sende të forta në drejtim të kreut të Kuvendit.

    Me miratimin e hartës së re territoriale 15 bashki bashkohen me njësi më të mëdha vendore, me synimin për të përmirësuar administrimin e territorit, menaxhimin e financave dhe ofrimin e shërbimeve publike për qytetarët.

    Konkretisht 33 bashki do të mbeten të pandryshuara, ndërsa 28 bashki të tjera do të përfshihen në procesin e riorganizimit territorial.

    Bashkitë që parashikohet të humbasin statusin e tyre janë Fushë-Arrëzi, Klosi, Rrogozhina, Dimali, Poliçani, Patosi, Divjaka, Selenica, Maliqi, Këlcyra, Memaliaj, Libohova, Cërriku, Belshi dhe Prrenjasi.

    Konkretisht Fushë-Arrëzi do t’i bashkohet Pukës, Klosi do t’I bashkohet Matit, ndërsa Rrogozhina I bashkohet Kavajës. Në qarkun e Beratit, bashkitë Dimal dhe Poliçan do të bashkohen me Beratin.

    Ndryshime parashikohen edhe në qarkun e Elbasanit, ku Cërriku dhe Belshi do t’i bashkohen Bashkisë Elbasan, ndërsa Prrenjasi do të bashkohet me Librazhdin. Në qarkun e Fierit, Patosi do të përfshihet në Bashkinë Fier dhe Divjaka në Bashkinë Lushnjë.

    Territori do të organizohet në 46 bashki, 71 qytete përbërëse dhe 387 njësi administrative, ku bashkia do të vijojë të ketë një kryetar, një këshill bashkiak, një administratë dhe një buxhet të vetëm, ndërsa qytetet do të kenë rol në koordinimin administrativ dhe organizimin e shërbimeve.

    Reforma synon gjithashtu forcimin e autonomisë financiare të pushtetit vendor, rritjen e kapaciteteve administrative dhe përshtatjen e organizimit territorial me ndryshimet demografike dhe kërkesat e integrimit.

    Votimi u zhvillua pas një seance të gjatë parlamentare të shoqëruar me debate mes mazhorancës dhe opozitës për hartën e re territoriale, ndërkohë që jashtë godinës së Kuvendit u zhvilluan protesta kundër këtij organizimi territorial.

    Kuvendi po ashtu miratoi edhe pikat e tjera të rendit të ditës ndërsa me propozim te kreu të grupit parlamentar tv PS, Taulant Balla u tërhoqën nga rendi dy projektligje dhe katër  interpelancat e parashikuara të cilat do të shtyhen për seancën e radhës.

    Burimi: RTKLive

  • Mot me shi dhe shtrëngata në Shqipëri

    Mot me shi dhe shtrëngata në Shqipëri

    Shqipëria të premten do të ndikohet nga kushte atmosferike të paqëndrueshme.

    Shërbimi Meteorologjik Ushtarak bën të ditur se moti parashikohet kryesisht vranët e intervale të shkurtra kthjellimesh.

    Reshjet e shiut pritet të jenë prezentë që në orët e para të 24-orëshit me intensitet të ulët në pjesën më të madhe të territorit në veriperëndim reshjet e shiut parashikohen me intensitet mesatar deri të lartë hera – herës në formën shtrëngatave afatshkurtra shoqëruar me shkarkesa elektrike.

    Gjatë ditës reshjet mbeten prezentë me intensitet kryesish të ulët e lokalisht mesatar.

    Era pritet të fryjë me drejtim kryesor juglindje – jugperëndim me shpejtësi mesatare 7m/s, përgjatë vijës bregdetare e zonave luginore era hera-herës pritet të arrijë deri 14m/s,

    Valëzimi në dete i forcës 2-3 ballë. /Telegrafi/

  • Kushtetuesja nuk e njeh ministren “Diella”, por rrëzon kërkesën e PD-së

    Kushtetuesja nuk e njeh ministren “Diella”, por rrëzon kërkesën e PD-së

    Kushtetuesja nuk e njeh ministren “Diella”, por rrëzon kërkesën e PD-së

    Gjykata Kushtetuese ka rrëzuar dje kërkesën e deputetëve të Partisë Demokratike, të cilët kundërshtuan dekretin e Presidentit Bajram Begaj për ngritjen dhe funksionimin e Ministres Virtuale të Inteligjencës Artificiale “Diella”.

    Në arsyetimin e saj Gjykata shprehet se nuk ka kompetencë për të shqyrtuar pasi nuk është as ministër e as Ministri (institucion). Nuk është pjesë e Këshillit të Ministrave, raporton A2 CNN, transmeton Klankosova.tv.

    “Gjykata Kushtetuese evidenton se pavarësisht terminologjisë së përdorur në dekretet e kundërshtuara, nuk rezulton se kemi të bëjmë me një funksionar konkret kushtetues”, thuhet në vendimin e Kushtetueses e cila vendosi me shumicë votash ta rrëzojë kërkesën e opozitës.

    Opozita kërkoi shfuqizimin e dispozitave përkatëse të dekretit, duke i konsideruar në kundërshtim me Kushtetutën.