Blog

  • Nxënësit protestojnë dhunshëm në Francë, Trump gjen fajtorin: Islamistët duan ta marrin atë vend të madh

    Nxënësit protestojnë dhunshëm në Francë, Trump gjen fajtorin: Islamistët duan ta marrin atë vend të madh

    Presidenti amerikan, Donald Trump ka reaguar ndaj zhvillimeve të fundit në Francë, duke bërë një deklaratë të ashpër për migrimin dhe rolin e Islamit në shoqërinë franceze.

    “Ajo që po ndodh në Francë nuk është asgjë më pak se migrim masiv, krejtësisht jashtë kontrollit. Kjo nuk ka të bëjë me shkollat, por me Islamin që dëshiron të marrë nën kontroll një shtet që dikur ishte i madh!”, ka shkruar Trump.

    Deklarata e tij vjen në një kohë kur Franca po përballet me protesta dhe tensione të lidhura me sistemin arsimor, ndërsa në disa zona janë raportuar bllokime të shkollave dhe protesta të nxënësve e studentëve.

    Protestuesit kanë ngritur shqetësime për mungesën e mësuesve, mbipopullimin e klasave, gjendjen e objekteve shkollore dhe mungesën e burimeve në sistemin arsimor.

    Trump, megjithatë, e ka lidhur situatën me migrimin dhe Islamin, duke e paraqitur atë si pjesë të një problemi më të gjerë për Francën.

    Ndryshe, sot qeveria franceze ka pezulluar mësimin në shkolla deri ditën e hënë. /Telegrafi/

  • Qeveria miraton disa projektligje e vendime

    Qeveria miraton disa projektligje e vendime

    Qeveria e Republikës së Kosovës ka zhvilluar një mbledhje elektronike, në të cilën ka miratuar një sërë projektligjesh, programesh dhe vendimesh.

    Ndër vendimet kryesore është miratimi i Programit të Projektligjeve të Qeverisë për vitet 2026–2028, si dhe i Projektligjit për Regjistrimin e Bujqësisë.

    Ky projektligj përcakton mënyrën e organizimit dhe zbatimit të Regjistrimit të Bujqësisë, përfshirë procedurat për mbledhjen, përpunimin, ruajtjen, mbrojtjen dhe publikimin e të dhënave statistikore.

    Qeveria ka miratuar edhe vendimin për themelimin e Komisionit Qendror për vlerësimin e dëmeve të shkaktuara në të mirat materiale nga fatkeqësitë natyrore dhe fatkeqësi të tjera, në kuadër të Agjencisë së Menaxhimit Emergjent.

    Po ashtu, është miratuar vendimi për themelimin e Komisionit për përzgjedhjen e tre kandidatëve për anëtarë të jashtëm të Bordit të Pavarur për Masat e Përkohshme për Produktet Themelore në raste të veçanta të destabilizimit të tregut.

    Në mbledhje është miratuar edhe Koncept-dokumenti për Fushën e Akreditimit, i cili synon zhvillimin e infrastrukturës së cilësisë dhe përafrimin me acquis të Bashkimit Evropian në fushën e akreditimit.

    Qeveria ka miratuar edhe rialokimin e mjeteve në Ministrinë e Infrastrukturës dhe Transportit për projekte të bashkëfinancimit me kuvendet komunale, në përputhje me memorandumet e mirëkuptimit për projektet kapitale.

    Ndër vendimet e tjera është miratimi i Programit për Mbrojtjen e Konsumatorëve të Cenueshëm të Energjisë Elektrike në Kosovë 2026–2027, si dhe Programit Vjetor 2026 për Rezervat Shtetërore të Mallrave.

    Po ashtu, është miratuar Projektligji për Efiçiencë të Energjisë, i cili përcakton kornizën ligjore për promovimin dhe përmirësimin e efiçiencës së energjisë, përfshirë objektivat, masat dhe caqet kombëtare.

    Sipas Qeverisë, ky ligj synon të kontribuojë në kursimin e energjisë, sigurinë energjetike, mbrojtjen e mjedisit dhe luftimin e varfërisë energjetike.

    Në fund, Qeveria ka miratuar edhe kërkesën e Komisionit të Pavarur për Miniera dhe Minerale për konfirmimin e interesit të përgjithshëm publik në ushtrimin e aktiviteteve përkatëse nga ndërmarrja publike “Trepça” Sh.A.

  • Në PDK, optimistë për konsensus rreth emrit të Justina Shiroka-Pulës

    Në PDK, optimistë për konsensus rreth emrit të Justina Shiroka-Pulës

    Në PDK, optimistë për konsensus rreth emrit të Justina Shiroka-Pulës

    Burime të Klankosova.tv brenda PDK-së kanë bërë me dije se ka optimizëm për konsensus për emrin e Justina Shiroka-Pulës.

    Sipas burimeve, emri i saj është propozuar në takime me Kurtin.

  • Propozimi për Shiroka Pulën presidente, pas pak pritet konferencë nga PDK-ja

    Propozimi për Shiroka Pulën presidente, pas pak pritet konferencë nga PDK-ja

    Propozimi për Shiroka Pulën presidente, pas pak pritet konferencë nga PDK-ja

    PDK-ja pritet të mbajë konferencë për media pas propozimit të Albin Kurtit për Justina Shiroka Pulën si kandidate për presidente të Kosovës.

    “Nuk dihet nëse do të jetë Hamza siç ka vepruar gjatë ditës ose dikush tjetër nga bashkëpartiakët e tij nga PDK-ja megjithatë, pritet që të ketë edhe një deklarim nga ta, mbase i fundit ose nuk dihet nëse kështu do të vazhdohet edhe në këtë orën e mbetur për të zgjedhur presidentin e Kosovës”, tha gazetarja e Klan Kosovës, Qëndresë Tërshani.

    “Mund të themi tash për tash se ka sinjale disi pozitive nëse mund t’i quajmë kështu për emrin e Shiroka-Pulës”.

  • Propozimi i Justina Shiroka Pulës, sinjale pozitive nga PDK-ja

    Propozimi i Justina Shiroka Pulës, sinjale pozitive nga PDK-ja

    Propozimi i Justina Shiroka Pulës, sinjale pozitive nga PDK-ja

    Kryeministri i vendit, Albin Kurti e ka propozuar kryetaren e Akademisë së Shkencave dhe Artave të Kosovës, Justina Shiroka Pula për presidente.

    Burimet të Klan Kosovës brenda PDK-së kanë bërë të ditur se nga kjo parti ka sinjale pozitive për mbështetjen e saj.

    “Kaq mund të themi për momentin”, ka qenë përgjigja.

    Kanë mbetur edhe më pak se dy orë deri te përfundimi i afatit për zgjedhjen e presidentit në të kundërtën Kosova do të shkojë në zgjedhje të jashtëzakonshme.

    Kurti më herët kishte propozuar edhe Bekim Sejdiun, por i cili më pas ka njoftuar se është tërhequr nga kandidatura.

    Kurse, pas tij, Kurti ka propozuar sërish Glauk Konjufcën dhe Feride Rushitin, por PDK-ja ka refuzuar duke thënë se nuk do të bëjë pazare me UÇK-në. /Klankosova.tv

  • Kylie Jenner merr rolin e saj të parë të madh në aktrim në serialin e ri thriller të Hulu-t, që do të prodhohet nga Kim Kardashian

    Kylie Jenner merr rolin e saj të parë të madh në aktrim në serialin e ri thriller të Hulu-t, që do të prodhohet nga Kim Kardashian

    Kylie Jenner pritet të luajë rolin e saj të parë të madh në aktrim në një serial të ri thriller të Hulu-t, të titulluar “Bachelorette Weekend”.

    Pjesëmarrja e Jenner në serial u bë e ditur të hënën, ndërsa u konfirmua gjithashtu se motra e saj, Kim Kardashian, do të jetë producente ekzekutive e serialit, së bashku me Jenner.

    Në këtë përshtatje televizive të një romani që ende nuk është publikuar, ylli i industrisë së kozmetikës do të interpretojë rolin e një nuseje, e cila gjendet e vrarë, duke bërë që shoqet e saj të ngushta të jenë të dyshuarat kryesore.

    Kardashian ishte ajo që mendoi për Jenner për këtë rol dhe kontaktoi motrën e saj më të vogël nga e njëjta linjë familjare, e cila është në një lidhje me të nominuarin për Oscar, Timothée Chalamet, për t’i propozuar këtë mundësi në aktrim.

    Sipas “Deadline”, skenari i ishte dërguar fillimisht Kardashian si një projekt të mundshëm për ta prodhuar. Ajo mendoi se ishte një mundësi e shkëlqyer për Jenner që të merrte rolin kryesor dhe ia përcolli asaj skenarin. Të dyja u përfshinë më pas në projekt.

    Seriali është krijuar nga Lauren Oliver, e njohur për romanet e saj për të rinjtë, përfshirë “Panic”, “Before I Fall” dhe trilogjinë “Delirium”.

    “Bachelorette Weekend” bazohet në një roman ende të pabotuar të autores Flora Collins. Përmbledhja e historisë thotë:

    “Një fundjavë beqarie kthehet në një ngjarje tragjike kur nusja gjendet e vrarë në pishinë dhe shoqet e saj më të afërta bëhen të gjitha të dyshuara.”

    Sipas “Deadline”, personazhi i Jenner përshkruhet si pika kryesore e serialit, përmes së cilës do të zbërthehen ngjarjet që çuan deri te vrasja.

  • Spanja përmbys Kroacinë dhe ruan startin perfekt

    Spanja përmbys Kroacinë dhe ruan startin perfekt

    Spanja ka bërë një rikthim të madh ndaj Kroacisë, duke triumfuar 2-1 dhe duke vazhduar me bilanc perfekt në eliminatore. Kampionët iberikë kanë marrë fitoren e katërt në po aq ndeshje dhe tani kanë 12 pikë në krye të grupit.

    Kroacia e nisi më mirë ndeshjen dhe kaloi në epërsi në minutën e 14-të. Ivan Perisic ishte i pari te topi pas një rishqyrtimi në zonë dhe me kokë e dërgoi atë në rrjetë për 1-0.

    Spanja pati mundësi të barazonte në pjesën e parë, por portieri Unai Simon ishte vendimtar në disa raste, duke ndalur tentativat e Igor Matanovicit dhe Josip Stanisicit.

    Luis de la Fuente reagoi në pushim duke futur Mikel Merinon, dhe mesfushori do të bëhej protagonist i madh i rikthimit spanjoll.

    Në minutën e 61-të, Dani Olmo dha një pasim të bukur për Merinon, i cili hyri në zonë dhe me një goditje të matur e dërgoi topin në këndin e poshtëm për 1-1.

    Spanja vazhdoi të kërkonte golin e fitores, ndërsa në minutën e 80-të Kroacia mbeti me një lojtar më pak pas përjashtimit të Ivan Perishiqit, i cili mori kartonin e dytë të verdhë. Vendimi fillimisht u rishikua me VAR dhe më pas kartoni i kuq u konfirmua.

    Vetëm shtatë minuta më vonë, Spanja e kompletoi përmbysjen. Mikel Merino përfitoi nga një top i liruar brenda zonës dhe me një goditje të fuqishme në këndin e sipërm shënoi për 2-1.

    Me këtë fitore, Spanja shkon në 12 pikë pas katër ndeshjeve, duke ruajtur bilancin perfekt dhe pozitën e parë në grup. Kroacia, në anën tjetër, pëson një humbje të dhimbshme pasi ishte në epërsi deri në pjesën e dytë. /Telegrafi/

    Standings provided by Sofascore
  • Pas 11 vitesh, Ohri do të bëhet me pishinë të mbyllur

    Pas 11 vitesh, Ohri do të bëhet me pishinë të mbyllur

    Qeveria, në seancën e rregullt të sotme, miratoi pikën që mundëson vazhdimin dhe përfundimin e ndërtimit të pishinës së mbyllur në Ohër, një projekt kapital sportiv, realizimi i të cilit filloi që në vitin 2015. Bëhet fjalë për një nga projektet më të rëndësishme sportive dhe infrastrukturore në Ohër, i cili për gati 11 vjet ka mbetur i papërfunduar.

    Pas marrjes së kompetencave, Ministria e Sportit bëri analizë dhe rishikim të plotë të gjendjes së projektit, me qëllim përcaktimin e të gjitha pengesave teknike, financiare dhe administrative që për vite me radhë e pamundësonin përfundimin e tij. Si rezultat i rishikimit të kryer, Ministria ndërmori hapa konkretë për tejkalimin e problemeve të konstatuara, ndër të cilat edhe ndryshimin e nevojshëm të projektit bazë, duke krijuar kështu kushte që ndërtimi më në fund të vazhdojë.

    Për përfundimin e plotë të pishinës së mbyllur në Ohër janë siguruar 470 milionë denarë.

    Me këtë, pas më shumë se një dekadë pasigurie dhe ngecjeje, një nga projektet më të mëdha sportive dhe infrastrukturore në vend merr një perspektivë të qartë për përfundim.

    Pishina e mbyllur është një investim me rëndësi të jashtëzakonshme jo vetëm për Ohrin, por edhe për zhvillimin e sporteve të notit në të gjithë vendin. Përfundimi i saj do të sigurojë kushte bashkëkohore për stërvitjen e sportistëve, zhvillimin e kategorive të reja, organizimin e garave dhe avancimin e mëtejshëm të infrastrukturës sportive në qytet.

  • Wladimir Klitschko nis hetimin për vdekjen e Hayden Panettiere, pretendon se bizhuteritë e saj janë zhdukur

    Wladimir Klitschko nis hetimin për vdekjen e Hayden Panettiere, pretendon se bizhuteritë e saj janë zhdukur

    Ish-boksieri ukrainas dhe ish-i fejuari i Hayden Panettiere, Wladimir Klitschko, ka bërë thirrje për një hetim mbi pretendimet se bizhuteritë dhe sendet e tjera personale të aktores së ndjerë u lanë peng ose u zhdukën pas vdekjes së saj.

    Klitschko pretendon se një person jo-anëtar i familjes, i lidhur më parë me Panettiere, i ka marrë peng disa nga sendet e saj, përfshirë bizhuteri, sipas dokumenteve të gjykatës të siguruara nga TMZ.

    Ish-boksieri profesionist tha se dyqani i pengjeve nuk donte të jepte detaje rreth sendeve, përveç nëse kontaktoheshin nga forcat e rendit. Ai shtoi se kishte frikë se sendet do t’u shiten palëve të treta pa përfshirjen e autoriteteve.

    Në mocionin e fundit, Klitschko kërkon t’i jepet autoriteti për të kërkuar një hetim nga organet e zbatimit të ligjit mbi rikuperimin e aseteve të Panettiere.

    Kjo ndodhi menjëherë pasi ai kërkoi të emërohej kujdestar i aseteve të vajzës së tij dhe vajzës 11-vjeçare të Panettiere, Kaya. Klitschko paraqiti një peticion në Los Angeles më 24 shtator për t’u emëruar kujdestar i përkohshëm i aseteve të Kaya.

    Ai shkroi se vajza e tij, Kay, e cila jeton me të në Ukrainë, ka të drejtë për të gjitha pasuritë e Hayden Panettiere, duke shtuar se është urgjente dhe e nevojshme që ai të emërohet në mënyrë që të mund të marrë, menaxhojë dhe mbajë pasuritë e Kay në emër të saj.

    Klitschko tha gjithashtu se është njoftuar dhe beson se agjentët federalë kanë hyrë në rezidencën e Panettiere në Los Angeles dhe kanë marrë pronën që i përket pasurisë së Hayden.

    “Para vdekjes së saj, Hayden dhe Klitschko punësuan roje sigurie për të mbrojtur shtëpinë e Hayden dhe përmbajtjen e saj, që rrjedh nga një shqetësim i dokumentuar se një individ kishte fituar akses të paautorizuar në pronën e Hayden. Bravat në shtëpinë e Hayden u ndryshuan nga rojet e sigurisë pas vdekjes së Hayden, dhe ambientet e magazinimit që përmbanin veshje dhe aksesorë firmato të veshur në paraqitjet publike u zhvendosën si masë paraprake”, thuhet në dokumentet e gjykatës.

    Klitschko pohoi gjithashtu se disa sende personale, përfshirë bizhuteri, mungonin ose ende nuk ishin gjetur.

    Burime pranë familjes së Panettiere i thanë TMZ se ata e mbështesin paraqitjen e kërkesës, duke thënë: “Vladimir është një baba i shkëlqyer dhe ne jemi mirënjohës”.

    Prindërit e Panettiere, Lesley Vogel dhe Skip Panettiere, gjithashtu nuk ishin dakord se çfarë duhet të ndodhte me bizhuteritë që ajo mbante veshur kur vdiq.

    Sipas një raporti të mjekut ligjor të siguruar nga Page Six, aktorja e ndjerë mbante vathë kur vdiq, të cilët u hoqën nga trupi i saj gjatë një autopsie dhe u vendosën në një dollap për ruajtje. Ndërsa një prind kërkoi që ato të dërgoheshin në Karolinën e Veriut, tjetri donte që ato të dërgoheshin në një adresë në Kaliforni.

    “Të dyja palët janë informuar se nuk do të lirohen derisa të arrijnë një marrëveshje në lidhje me sendet personale të të ndjerit”, thuhet në raport.

    Panettiere ndërroi jetë më 16 gusht në moshën 36 vjeç, ndërsa jetonte në një rezidencë në Greenville, Karolina e Jugut.

    Zyra e Mjekut Ligjor të Qarkut Greenville përcaktoi si shkak të vdekjes efektet toksike të fentanilit, 4-ANPP, alprazolamit, metokarbamolit dhe kvetiapinës.

    Pas vdekjes së saj, Klitschko ndau një foto të vjetër të tij, Panettiere dhe vajzës së tyre në Facebook, duke shkruar ndër të tjera se familja po kalon një periudhë tronditjeje dhe pikëllimi dhe se aktorja u nda nga kjo botë shumë herët. /Telegrafi/

  • Lushtaku për Shiroka-Pulën: Le të vendosin deputetët e PDK-së, për mua të kaloj ligji i Speciales

    Lushtaku për Shiroka-Pulën: Le të vendosin deputetët e PDK-së, për mua të kaloj ligji i Speciales

    Kryetari i Skenderajt, Sami Lushtaku, ka deklaruar se vendimi për kandidaturën e Justina Shiroka-Pulës për presidente të Kosovës është në dorën e deputetëve të Partisë Demokratike të Kosovës (PDK).

    Lushtaku ka thënë se ai nuk është kryetar i PDK-së dhe as deputet, prandaj vendimin për këtë çështje duhet ta marrin deputetët e kësaj partie.

    “Unë nuk jam kryetar i partisë. Për mua duhet të kalojë ligji për Gjykatën Speciale. Qytetarët janë duke protestuar prej 18 ditësh. Unë nuk jam kryetar i partisë dhe as deputet. Le të vendosin ata për këtë kandidaturë”, ka deklaruar Lushtaku në Debat Plus.